Tag: میچ

آئی سی سی چیمپئنز ٹرافی کھیلنے کے لیے بھارتی ٹیم نے پاکستان آنے سے انکار کردیا ہے

بھارتی میڈیا نے دعویٰ کیا ہے کہ بھارتی ٹیم پاکستان نہیں آئے گی،بھارتی کرکٹ بورڈ کے ذرائع کا کہنا ہے کہ کرکٹ بورڈ آئی سی سی سے بھارت کے میچز سری لنکا یا دبئی میں کرانے کا کہے گا،آئی سی سی چیمپئنز ٹرافی اگلے برس ماہ فروری سے مارچ کے درمیان پاکستان میں شیڈول ہے،پاکستان اور بھارت کے میچ لاہور کے قذافی سٹیڈیم میں کروانے کا پی سی بی نے کہا تھا، پی سی بی نے آئی سی سی کو اس ضمن میں شیڈول بھی بھیجا تھا تاہم بھارتی کھلاڑی پاکستان نہ آنے پر بضد ہیں،

بھارتی میڈیا کے مطابق 2008 ایشیا کپ کے بعد سے سیاسی تعلقات میں تلخی کی وجہ سے بھارتی ٹیم نے کبھی بھی پاکستان میں کوئی میچ نہیں کھیلا ،بھارتی کرکٹ بورڈ کے نائب صدر راجیو شکلا نے مئی میں کہا تھا کہ حکومت کی اجازت کے بعد ہی بھارتی ٹیم کو ٹورنامنٹ کے لیے پاکستان بھیجا جائے گا تاہم اب بھارتی میڈیا دعویٰ کر رہا ہے کہ بھارتی ٹیم پاکستان نہیں آئے گی.

بھارتی میڈیا کے مطابق بھارتی ٹیم کا کوئی بھی کھلاڑی پاکستان جانے کے لئے تیار نہیں ہے، تا ہم بات چیت جاری ہے، پاکستان کی کرکٹ ٹیم نے گزشتہ برس ون ڈے ورلڈ کپ کے لیے بھارت کا دورہ کیا تھا،اس وجہ سے ابھی مزید بات چیت ہو سکتی ہے

پاکستان نے چیمپئنز ٹرافی کی تیاریاں شروع کر رکھی ہیں،پاکستان نے کروڑوں روپے خرچ کر کے گراؤنڈ کی مرمت کا منصوبہ بنایا تھا،پی سی بی نے بھی اس کے لیے کام شروع کر دیا ہے

چیمپئنز ٹرافی میں ٹیم انڈیا اور پاکستان گروپ اے میں ہیں۔ اس کے ساتھ نیوزی لینڈ اور بنگلہ دیش بھی اس گروپ میں شامل ہیں۔ گروپ بی میں انگلینڈ، جنوبی افریقہ، آسٹریلیا اور افغانستان کو رکھا گیا ہے

آخری مرتبہ چیمپئنز ٹرافی 2017 میں کھیلی گئی تھی جو پاکستان نے بھارت کو شکست دیکر جیتی تھی،بھارتی میڈیا رپورٹ کے مطابق اس بات کے قوی امکانات ہیں کہ بھارتی ٹیم پاکستان نہیں جائے گی تاہم اس بارے میں حتمی فیصلہ بھارتی حکومت کرے گی، چیمپئنز ٹرافی کے لیے ہائبرڈ ماڈل پر کام ہو رہا ہے اور ہو سکتا ہے کہ ایشیا کپ کی طرح بھارت اپنے میچز سری لنکا یا پھر متحدہ عرب امارات میں کھیلے۔

دوسری جانب چیئرمین پی سی بی محسن نقوی واضح طور پر کہہ چکے ہیں کہ چیمپئنز ٹرافی کی میزبانی پاکستان کو ملی ہے اور پورا ٹورنامنٹ پاکستان میں ہی کھیلا جائے گا، سری لنکا میں جولائی کے آخر میں ہونے والی آئی سی سی کی میٹنگ میں بھی اس معاملے کو اٹھایا جائے گا

پی سی بی کی جانب سے آئی سی سی کو بھجوائے گئے شیڈول کے مطابق آئی سی سی چیمپئنز ٹرافی 19 فروری سے 9 مارچ تک پاکستان کے تین شہروں کراچی ،لاہور اور راولپنڈی میں ہو گی، بھارت کی ٹیم تمام میچ لاہور کے قذافی اسٹیڈیم میں کھیلے گی،لاہور میں فائنل سمیت کل سات میچز ہوں گے.شہر قائد کراچی میں افتتاحی میچ ہو گا جبکہ ایک سیمی فائنل بھی کراچی میں ہو گا، کراچی کے نیشنل سٹیڈیم میں مجموعی طور پر تین میچ ہوں گے، راولپنڈی میں ایک سیمی فائنل سمیت پانچ میچ ہوں گے. مجموعی طور پر ٹورنامنٹ میں 15میچز ہوں گے جو لاہور کراچی اور راولپنڈی میں کھیلے جائیں گے

آئی سی سی چیمپئنز ٹرافی کے موقع پر لاہور، کراچی اور راولپنڈی اسٹیڈیم میں نئی ڈیجیٹل اسکرینز نصب کی جائیں گی، کراچی کے نیشنل اسٹیڈیم کی بلڈنگ کی حالت کو بہتر بنایا جائے گا اور اسکور بورڈ کے ساتھ یونیورسٹی اینڈ پر نیا میڈیا سینٹر بھی تعمیر کیا جائے گا.شائقین کرکٹ کو بھی سہولیات میسر کی جائیں گے، میچز کے موقع پر سیکورٹی کے فول پروف انتظامات کئے جائیں گے.

چیئرمین پی سی بی محسن نقوی کا کہنا تھا کہ پوری آٹھ کی آٹھ ٹیمیں پاکستان آئیں گی، نیشنل اسٹیڈیم میں کام چیمپئنز ٹرافی سے قبل مکمل کرنا ہے، دن رات یہیں بیٹھ جائیں گے، اسٹیڈیم کے ترقیاتی کام کے لیے انٹرنیشنل کنسلٹنٹ رکھے ہیں،

محسن نقوی سے سابق کرکٹر کی ملاقات، ٹی ٹوئنٹی ورلڈ کپ میں مایوس کن کارکردگی پر گفتگو

شاہد خاقان عباسی کچھ بڑا کریں گے؟ن لیگ کی آخری حکومت

پی ٹی آئی کی ڈیجیٹل دہشت گردی کا سیاہ جال،بیرون ملک سے مالی معاونت

جسٹس ملک شہزاد نے چیف جسٹس سے چھٹیاں مانگ لیں

اگر کارروائی نہیں ہو رہی تو ایک شخص داد رسی کیلئے کیا کرے؟چیف جسٹس اسلام آباد ہائیکورٹ

عمران خان کیخلاف درخواست دینے پر جی ٹی وی نے رپورٹر کو معطل کردیا

سوال کرنا جرم بن گیا، صحافی محسن بلال کو نوکری سے "فارغ” کروا دیا گیا

ٹی ٹوئنٹی ورلڈ کپ جنوبی افریقا نے نیپال کو 1 رن سے شکست دی ہے تو وہیں نیوزی لینڈ نے یوگنڈا کو 9 وکٹ سے شکست دی دے

ٹی ٹوئنٹی ورلڈ کپ کے 31 ویں میچ میں نیپال نے جنوبی افریقا کیخلاف ٹاس جیت کر پہلے فیلڈنگ کا فیصلہ کیا،جنوبی افریقا نے7 وکٹوں کے نقصان پر115 رنز بنائے،جنوبی افریقا کے ریزا ہینڈریکس نے 43 رنز کی ذمہ دارانہ اننگز کھیلی، ان کے علاوہ ٹرسٹن اسٹبز نے 27، مارکرم 15 اور ڈی کوک 10 رنز بناسکے، ٹیم کا باقی کوئی کھلاڑی ڈبل فگر میں داخل نہ ہوسکا،نیپال کی جانب سے کوشل بھڑتل نے 4، ڈیپندرا سنگھ نے 3 وکٹیں حاصل کیں۔

جنوبی افریقا کے 116 رنز کے تعاقب میں اوپنر آصف شیخ نے 49 گیندوں پر 1 چھکے اور چار چوکوں کی مدد سے 42 رنز بنائے،نیپال کے انیل شاہ 27، کوشل بھڑتل 13 اور سومپل کامی 8 رنز بنا سکے،جنوبی افریقا کے تبریز شمسی نے 19 رنز دیکر 4 کھلاڑیوں کو پویلین روانہ کیا، اینرخ نوکیا اور ایڈن مارکرم نے ایک ایک وکٹ حاصل کی

تین میچز میں کامیابی کے بعد جنوبی افریقا کی ٹیم سپر 8 مرحلے کیلئے کوالیفائی کر چکی ہے جبکہ نیپال کا ورلڈ کپ میں آگے کا سفر جنوبی افریقا سے شکست سے قبل ہی اختتام پذیر ہو چکا تھا

ٹی ٹوئنٹی ورلڈ کپ کے 32 ویں میچ میں نیوزی لینڈ نے یوگنڈا کو یکطرفہ مقابلے کے بعد 9 وکٹ سے شکست دے دی، نیوزی لینڈ نے یوگنڈا کے خلاف ٹاس جیت کر پہلے فیلڈنگ کا فیصلہ کیا تھا،نیوزی لینڈ کے خلاف یوگنڈا کی پوری ٹیم 18.2 اوورز میں 40 رنز بنا کر آل آؤٹ ہو گئی تھی،یوگنڈا کے 40 رنز کے تعاقب میں نیوزی لینڈ نے 1 وکٹ کے نقصان پر 5.2 اوورز میں 41 رنز کا ہدف حاصل کر لیا

پاکستانی ٹیم واپسی کیلیے تیار،پی سی بی کے اندر کرپشن عروج پر

ورلڈ کپ ٹی 20:بارش نے پاکستان کی امیدوں پرپانی پھیر دیا

ٹی 20 ورلڈ کپ:پاکستان نے کینیڈا کو ہرا کر ایونٹ میں پہلی کامیابی حاصل کرلی

بہت ہو گیا،طوائفوں کی ٹیم، محسن نقوی ایک اور عہدے کے‌خواہشمند

پاکستانی ٹیم میں قوم جلد بڑی سر جری ہوتی ہوئے دیکھے گی.محسن نقوی

ٹی ٹوئنٹی ورلڈکپ :وزیراعظم کا بھارت کےخلاف بہترین بولنگ پر پاکستان ٹیم کو خراج تحسین

ٹی ٹوئنٹی ورلڈ کپ:بھارت نے پاکستان کو 6 رنز سے شکست دیدی

ٹی ٹوئنٹی ورلڈ کپ، پاکستان اور بھارت کا میچ 9 جون کو ہو گا،پاک بھارت میچ کے دوران اضافی سیکورٹی کی تعیناتی کی تصدیق کی گئی ہے

پاک بھارت میچ کے دوران دیگر میچز کے مقابلے میں سیکورٹی زیادہ ہو گی، امریکا میں کھیلوں کی تاریخ کی سب سے بڑی سیکوٹی پاک بھارت میچ کی ہو گئی، سنائپرز بھی تعینات ہوں گے، سڑکیں بند کی جائیں گے، پولیس کے دستے تعینات ہوں گے،ڈرون سے بھی نگرانی کی جائے گی، خصوصی ہتھیاروں اور ٹریننگ کی حامل سواٹ فورس سے بھی معاونت حاصل کی جائے گی،نساؤ کاؤنٹی کے ایگزیکٹو بروس بلیکمین کا کہنا ہے کہ "پاک بھارت میچ کے لیے اضافی سیکورٹی تعینات کی جائے گی، نساؤ کاؤنٹی ہر لحاظ سے تیار ہو گی، پُراعتماد ہیں کچھ بھی نہیں ہو گا، یہ دنیا کا سب سے بڑا میچ ہے ہمارا اپنا نساؤ کاؤنٹی پولیس ڈپارٹمنٹ ہے جو بڑے ایونٹس کا انتظام کرتا ہے ہماری نیویارک، اسٹیٹ پارک پولیس ایف بی آئی، پورٹ اتھارٹی پولیس اور ایم ٹی اے پولیس ہے، رضا کار فائر فائٹرز نے ذمہ داری سنبھال لی ہے”۔

واضح رہے کہ پاک بھارت مقابلہ 9 جون کو نساؤ کاؤنٹی انٹرنیشنل اسٹیڈیم نیو یارک میں ہوگا، ایجبسٹن اسٹیڈیم میں پاکستان اور بھارت کے میچ کے لیے فین پارک بنایا جا رہا ہے،ایجبسٹن کے فین پارک میں 8 ہزار تک تماشائیوں کے آنے کی توقع ہے اور آئی سی سی نے بھی فین پارک کے لیے وینیو کی تصدیق کی ہے،پاک بھارت میچ کے موقع پر ایجبسٹن میں فیملی فیسٹیول کا ماحول ہو گا، فینز بڑی اسکرین پر میچ دیکھیں گے جس میں سابق پاک بھارت کرکٹرز بھی موجود ہوں گے،چیف ایگزیکٹو ایجبسٹن اسٹیورٹ کین کے مطابق انگلینڈ کے اس واحد وینیو کو فین زون کے لیے آئی سی سی نے چنا ، مقامی کمیونٹی کا ورلڈکپ کا حصہ بننے کا یہ موقع ہے۔

ملتان: سوات سے تعلق رکھنے والے فاسٹ بالر فواد علی ایچ بی ایل پی ایل 9 کے لئے کراچی کنگز اسکواڈ کا حصہ بن گئے.
فواد علی ٹیلنٹ ہنٹ پروگرام کراچی کنگز کھلاڑی کی کھوج میں منتخب ہونے والے 3 فاسٹ باؤلرز میں سے ایک ہیں. فواد علی کراچی اکیڈمی میں گزشتہ کئی ماہ سے کراچی کنگز کے کوچز اور اسٹاف کی نگرانی میں ٹریننگ کر رہے ہیں.فواد علی کو ٹیم میں ٹِم سائفرٹ کی اپنی قومی ٹیم کے ساتھ مصروفیت کے باعث شامل کیا گیا ہے. سائفرٹ ایچ بی ایل پی ایل کے لیے جزوی طور پر عدم دستیاب ہیں. وہ قومی ڈیوٹی کے بعد کنگز اسکواڈ کو جوائن کریں گے.فواد کا کہنا ہے کہ میں سلمان اقبال صاحب کا بہت شکریہ ادا کرنا چاہتا ہوں کہ جنہوں نے مجھے ایک بہت بڑا پلیٹ فارم اور موقع فراہم کیا،

کراچی کنگز نے جیمی اورٹن کی جگہ زمبابوے کے فاسٹ بالر بلیسنگ مزاربانی کو پک کیا جو مکمل دستیاب ہونگے۔لاہور قلندرز نے بھانوکا رجاپکسا کی جگہ سلمان فیاض کو پک کیا جو کچھ میچز کے لیے دستیاب ہونگے۔ملتان سلطانز نے ریسی ٹاپلی کی جگہ انگلینڈ کے فاسٹ بالر اولی سٹون کو پک جو مکمل دستیاب ہونگے۔کوٸٹہ گلیڈی ایٹرز نے ونندو ہاسارنگا کی جگہ عمر امین کو پک کیا جو کچھ میچز کے لیے دستیاب ہونگے۔

پی ایس ایل 9 کیلئے ٹرافی کی رونمائی کردی گئی

ایچ بی ایل پی ایس ایل سیزن 9“ ٹکٹوں کی پری بکنگ کا اعلان

ایچ بی ایل پی ایس ایل کا نواں ایڈیشن کل سے شروع ہونے والا ہے

انتظار ختم پی ایس ایل 9 کا میلہ آج سے سجے گا

آئی سی سی کرکٹ ورلڈ کپ، آج 34 واں میچ نیدر لینڈ اور افغانستان کے مابین کھیلا جا رہا ہے

نیدر لینڈ نے میچ میں افغانستان کو جیت کیلئے 180 رنز کا ہدف دیا ہے، بھارتی شہر لکھنو میں کھیلے جانے والے میچ میں نیدر لینڈز کے کپتان اسکاٹ ایڈورڈز نے ٹاس جیت کر پہلے بیٹنگ کا فیصلہ کیا،افغان باؤلرز کے سامنے نیدر لینڈ کی ٹیم نہ جم سکی اور 47 ویں اوور میں 179 رنز پر مکمل ٹیم آؤٹ ہو گئی،

نیدرلینڈز کی جانب سے اننگز کا آغاز اوپننگ بیٹر ویسلے بیریسی اور میکس ڈوڈ نے کیا تاہم ویسلے بیریسی میچ کے پہلے اوورز میں ہی مجیب الرحمان کی پانچویں گیند پر ایک رن بناکر آؤٹ ہوگئے. رحمت اللہ عمر زئی نے میکس اوڈاؤڈ کو 42 رنز بنانے کے بعد رن آؤٹ کردیا، نیدرلینڈز کے کولن ایکرمین 29 رنز، اسکاٹ ایڈورڈز صفر ، بیسڈی لیڈی 3 ، بناکر رن آؤٹ ہوگئے، وین ڈر مروے11، وین میکرین 4 ، باسڈیلیڈا اور ثاقب ذوالفقار نے 3، 3 رنز اسکورکیے

پاکستان اور جنوبی افریقہ کے میچ کے دوران امپائر کے غلط فیصلے پر بھارتی اداکار ایوشمان کھرانہ بھی خاموش نہ رہ سکے

ورلڈ کپ کا 26 واں میچ کل پاکستان اور جنوبی افریقہ کے مابین کھیلا گیا جس میں جنوبی افریقہ نے پاکستان کو شکست دی، پاکستان نے 271 رنز بنائے ، جنوبی افریقہ نے نو وکٹوں کے نقصان پر اپنا ہدف پورا کر لیا،میچ کے دوران جب جنوبی افریقہ کو جیت کے لئے آٹھ رنز اور پاکستان کو کامیابی کے لئے ایک وکٹ چاہئے تھی، حارث رؤف نے جنوبی افریقہ کے ٹیل اینڈر بیٹر شمسی کو گیند کروائی جو بیٹ پر لگی، پاکستان کی جانب سے اپیل کی گئی لیکن امپائر نے ناٹ آؤٹ قرار دیا،پاکستانی ٹیم نے اس پر ریویو لینے کا فیصلہ کیا، ریویو میں دیکھا گیا کہ گیند وکٹ کو معمولی چھو رہی ہے لیکن آن فیلڈ امپائر کی جانب سے ناٹ آؤٹ دیا گیا تھا اس لیے وہ امپائرز کال کی وجہ سے ری ویو کے بعد بھی ناٹ آؤٹ ہی رہا،اگر امپائر حارث کی گیند پر جنوبی افریقہ کے کھلاڑی کو آؤٹ قرار دے دیتے تو پاکستان میچ جاتا،

حارث کی گیند اور امپائر کے فیصلے کو لے کر سوشل میڈیا پر بحث جاری ہے، بھارتی اداکار ایوشمان بھی اس پر خاموش نہ رہ سکتے، سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ،یہ شمسی آؤٹ تھا

آئی سی سی نے پاکستان اور جنوبی افریقا کے درمیان کھیلے گئے میچ میں ڈی آر ایس کی غلطی تسلیم کر لی ہے،امپائر کے فیصلے کو لے کرسابق بھارتی کرکٹرز ہربھجن سنگھ نے بھی آئی سی سی پر کڑی تنقیدکی اور کہا کہ بُری امپائرنگ اور قوانین پاکستان کی شکست کی وجہ بنے آئی سی سی کو یہ قانون تبدیل کرنا چاہیے اگر گیند اسٹمپ پر لگ رہی ہے بھلے آن فیلڈ امپائر نے آؤٹ دیا ہو یا ناٹ آؤٹ اس سے کوئی فرق نہیں پڑنا چاہیے اور وہ آؤٹ قرار دیا جانا چاہیے

ورلڈ کپ کا بڑا ٹاکرا، قومی ٹیم سٹیڈیم پہنچ گئی

کرکٹ ورلڈ کپ کا سب سے بڑا ٹاکر، پاکستان کی قومی ٹیم بھارت کے ساتھ کھیلنے کے لئے ہوٹل سے احمد آباد کے مودی سٹیڈیم میں پہنچ گئی ہے،پاکستان کی قومی کرکٹ ٹیم کو سخت سیکورٹی میں سٹیڈیم پہنچایا گیا، میچ کا آغاز 1 بج کر 30 منٹ پر ہوگا،شائقین کرکٹ بھی سٹیڈیم آنا شروع ہو گئے ہیں، بھارتی ٹیم بھی سٹیڈیم پہنچ چکی ہے

ورلڈ کپ کا بڑا ٹاکرا، قومی ٹیم سٹیڈیم پہنچ گئی#baaghitv #pakistan #ICCCricketWorldCup #PakistanCricketTeam #pakvsind pic.twitter.com/EAk1tjRPch

— Baaghi TV باغی ٹی وی (@BaaghiTV) October 14, 2023

پاک بھارت ہائی وولٹیج ٹاکرے سے قبل نریندرا مودی اسٹیڈیم میں رنگا رنگ تقریب ہو رہی ہے،بالی ووڈ کی کئی معروف شخصیات بھی اسٹیڈیم میں موجود ہیں،تقریب کسی بھی ٹی وی چینل پر نشر نہیں کی جا رہی ،

انتظار کی گھڑیاں ختم، بڑا ٹاکر اآج ،وقت آن پہنچا،آئی سی سی ورلڈ کپ،پاکستان اور بھارت کے مابین میچ آج ہو گا،پاکستانی شائقین کرکٹ کا جوش و ولولہ عروج پر پہنچ چکاہے،ورلڈکپ کے سب سے بڑے ٹاکرے کیلئے شائقین سمیت کرکٹرز نے بھی قومی ٹیم سے امیدیں باندھ لی ہیں

پاک بھارت میچ، مودی سٹیڈیم کے باہر کےمناظر#baaghitv #pakistan #ICCCricketWorldCup #PakistanCricketTeam #pakvsind pic.twitter.com/d3kvygYAzQ

— Baaghi TV باغی ٹی وی (@BaaghiTV) October 14, 2023

پاکستان کی ٹیم بھارت سے جیت کے لئے پرعزم ہے، پاکستانی ٹیم ورلڈ کپ میں اب تک کھیلے گئے دونوں میچ جیت چکی ہے، پاکستان ٹیم کا بھارت کے ساتھ آج تیسرا میچ ہو گا، میچ احمد آباد کے نریندر مودی سٹیڈیم میں کھیلا جائے گا، میچ کی سیکورٹی کے سخت انتظامات کئے گئے ہیں

پاک بھارت میچ کے حوالہ سے ملنے والی دھمکیوں پر پولیس کی تیاریاں سامنے آئی ہیں، پولیس متحرک ہو چکی ہے، پولیس کا کہنا ہے کہ پاک بھارت میچ کے دوران مقابلے کے لئے سات ہزار سے زائد پولیس اہلکار تعینات کئے جائیں گے،میچ کی سیکورٹی کے لئے بم ڈسپوزل اسکواڈ کے ساتھ اینٹی ڈرون ٹیم کی خدمات بھی حاصل کی گئی ہے،پاکستانی وقت کے مطابق پاک بھارت میچ دوپہر ڈیڑھ بجے شروع ہو گا، 1 لاکھ 30 ہزار کی گنجائش والے سٹیڈیم میں شائقین کرکٹ کو اعصاب شکن مقابلے کی امید ہے۔

ورلڈ‌کپ میں بھارت اپنے دونوں میچ جیتا ہے تو پاکستان بھی کسی سے کم نہیں، پاکستان بھی اپنے دونوں میچ جیت چکا ہے،

تاہم ورلڈ کپ میں ابھی تک ریکارڈ کے مطابق پاکستان بھارت سے کبھی کوئی میچ نہیں جیت سکا، دونوں ٹیموں کے درمیان 7 میچز ہوئے جن میں بھارت فاتح رہا .

شاہین شاہ آفریدی کا آئی ایل کے ساتھ تین سالہ معاہدہ

گلگت کی غیر سرشدہ پہاڑی پر دو جاپانی کوہ پیما حادثے کا شکار،ایک لاپتہ

پاکستان آل رآؤنڈر آغا سلمان نے کس کھلاڑی کو پسندیدہ بیٹنگ پارٹنر قرار دیا؟

ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے