Tag: میہڑ

میہڑ ،باغی ٹی وی (نامہ نگار منظور علی جوئیہ)منشیات کے خلاف سول سوسائٹی کا احتجاج اوردھرنا، پولیس کے خلاف نعرے بازی
تفصیل کے مطابق میہڑ کے نواحی علاقے فریدآباد میں منشیات کی روک تھام کے لئے سول سوسائٹی کی جانب سے احتجاجی مظاہرہ دھرنا اورپولیس کے خلاف نعرے بازی کی گئی ، سٹی گیٹ فریدآباکے آگے دھرنا دیا گیا مظاہرین نے کہاتھاکہ فریدآباد میں لوٹ مار اور منشیات کا کاروبار پولیس کی سرپرستی میں سرعام چل رہاہے، نشے کے عادی افراد لوٹ مار اور چوریوں میں مصروف ہیں پولیس سرعام منشیات فروشوں سے رشوت لینے میں مصروف ہے جس کے باعث نوجوان نسل تباہی کےدہانے پہنچ گئی ہے.
مظاہرین نے ایس ایس پی دادو اور دیگر اعلیٰ حکام سے مطالبہ کیاہے کیاکہ راشی پولیس آفیسران کےخلاف کارروائی کرکےفریدآباد میں نشے کاکاروباربند کرواکر نوجوان نسل کو تباہی سے بچایا جائے.دوسری صورت میں پرامن احتجاج کا سلسلہ جاری رہیگا.

میہڑ،باغی ٹی وی (نامہ نگارمنظورعلی جوئیہ) بڑھتی ہوئی بدامنی کے خلاف شہریوں کا احتجاج ،پولیس کیخلاف نعرے بازی
تفصیل کے مطابق میہڑ کے نواحی کاروباری علاقے فریدآباد میں دن بہ دن بڑھتی ہوئی بدامنی کے خلاف شہری روڈوں پرنکل آئے مہرعلی ڈیرو اور علی حیدر کھوسہ کی قیادت میں فریدآباد سے میہڑ جانے والے روڈ کو بلاک کرکے انتظامیہ کے خلاف سخت نعرے بازی کی گئی، مظاہرین نے کہاکہ فریدآباد میں دن دہاڑے لوٹ مار کا سلسلہ جاری ہے مگر پولیس انتظامیہ کہ کان پر جوں تک نہیں رنگتی ہے کوئی بھی کاروباری، شریف شہری اپنے گھروں میں بھی محفوظ نہیں ہے بدامنی کہ باعث شہری سخت پریشانی کا شکار ہیں ،مظاہرین نے آئی جی سندھ ڈی آئی جی حیدرآباد ایس ایس پی دادو ڈی ایس پی میہڑ سے مطالبہ کیا ہےکہ بڑھتی ہوئی بدامنی کا نوٹس لیکر شہریوں کو تحفظ فراھم کیا جائےاور ڈکیتیوں، چوریوں اور لوٹ مار میں ملوث افراد کو گرفتار کیاجائے.

میہڑ،باغی ٹی وی(منظور جوئیہ کی رپورٹ) تعلیمی بورڈ ،فیس بڑھانے کے خلاف طلبہ کااحتجاجی مظاہرہ
تفصیل کے مطابق تعلیمی بورڈ لاڑکانہ کی جانب سے فیس میں اضافہ کرنے کے خلاف فریدآباد کے طلبہ نےسٹی گیٹ کے سامنے احتجاجی مظاہرہ کرکے سخت نعرے بازی کی طلبہ نے کہاکہ ایک تو ہمیں سیلاب نے مکمل تباہ کردیا ہے دوسری جانب حکومت کی جانب سے تعلیم دشمن فیصلے کرکے غریب طلبہ کی تعلیم چھیننے جارہی ہے ،طلبہ نے کہاکہ حکومت کوچاہئے کہ تعلیم مفت کرکے غریب طلبہ کی مالی مدد کی جائے تاکہ وہ اپنی تعلیم مکمل کر سکیں،طلباء نے اعلیٰ حکام سے مطالبہ کیا ہے کہ فیس ختم کرکےغریب طلبہ کی تعلیم کو بچایا جائے.