Baaghi TV

Tag: نائجیریا

  • وزیر اعلیٰ کے گھر پر حملہ :حملہ کرنے والے کون؟جان کرہرکوئی حیران

    وزیر اعلیٰ کے گھر پر حملہ :حملہ کرنے والے کون؟جان کرہرکوئی حیران

    نئی دہلی : وزیر اعلیٰ کے گھر پر حملہ :حملہ کرنے والے کون؟جان کرہرکوئی حیران،اطلاعات کے مطابق بھارت میں مودی سرکار کے غنڈوں نے وزیراعلیٰ نئی دہلی کے گھرپر حملہ کردیا۔

    بھارتی میڈیا کی رپورٹ کے مطابق بھارتی شہر نئی دہلی میں مودی کی جماعت بھارتیہ جنتا پارٹی (بی جے پی) کے کارکنوں نے نئی دہلی کے وزیراعلیٰ اروند کیجریوال کے گھر پر حملہ کردیا ۔

    عام آدمی پارٹی (اے اے پی) نے اروند کیجریوال کے گھر پر حملے کو قاتلانہ حملہ قرار دیا ہے۔

    میڈیا رپورٹ کے مطابق نئی دہلی کے وزیراعلیٰ اروند کیجریوال کے فلم ’ کشمیر فائلز ‘کے خلاف تبصرے پر بی جے پی کے کارکنان نے ان کے گھر کے باہر احتجاجی مظاہرہ کیا۔

    وزیراعلیٰ کے گھر پر تعینات پولیس اہلکاروں کے روکنے پر لوہے کی سلاخیں، ڈنڈے اور لاٹھیاں اُٹھائے بی جے پی کے مشتعل کارکنان نے سیکیورٹی اہلکاروں پر حملہ کردیا۔

    ادھر نائجیریا میں ایک مسافر ریل گاڑی پر کیے جانے والے مسلح حملے میں کم از کم آٹھ افراد ہلاک اور بائیس زخمی ہو گئے۔ زخمیوں کو طبی امداد کے لیے کادونا کے فوجی ہسپتال منتقل کر دیا گیا۔

    نائیجیرین حکام نے بتایا ہے کہ یہ حملہ پیر اور منگل کی درمیانی رات کیا گیا۔ جس مسافر ریل گاڑی کو نشانہ بنایا گیا وہ دارالحکومت ابوجا اور شمال مغربی شہر کادونا کے درمیان چلتی ہے۔

     

    نائیجیرین فوج کے مطابق یہ حملہ بھاری ہتھیاروں سے مسلح مقامی پیشہ ور مجرموں کے منظم گروہوں میں سے ایک نے کیا ہے۔ واقعے کے وقت ریل گاڑی میں تقریباً ایک ہزار مسافر سوار تھے۔

    حملہ آوروں نے پہلے ریلوے لائن پر بم دھماکا کرکے اسے نقصان پہنچایا تاکہ ریل گاڑی کو روکا جا سکے۔ ریل گاڑی رکتے ہی حملہ آوروں نے اسے گھیر کر اندھا دھند فائرنگ شروع کر دی۔

    مسافروں نے ریل گاڑی کے فرش پر لیٹ کر جانیں بچائیں۔ حملے میں کم از کم آٹھ افراد کے ہلاک ہونے کی اطلاعات ہیں جبکہ حملہ آور متعدد مسافروں کو اغوا بھی کرکے لے گئے۔ بتایا گیا ہے کہ ریل گاڑی بلٹ پروف تھی جس کے باعث زیادہ اموات نہیں ہوئیں۔

    عسکری حکام کا کہنا ہے کہ فوجی اہلکاروں کے بروقت موقع پر پہنچنے کی وجہ سے حملہ آور فائرنگ کرتے ہوئے فرار ہو گئے۔

  • دوران ڈیوٹی شادی کی پیشکش قبول کرنے پر خاتون فوجی افسر گرفتار

    دوران ڈیوٹی شادی کی پیشکش قبول کرنے پر خاتون فوجی افسر گرفتار

    نائجیریا میں ایک خاتون فوجی افسر کو دوارن ڈیوٹی ایک نوجوان سپاہی کی جانب سے شادی کی آفرقبول کرنے پر گرفتار کرلیا گیا ہے-

    باغی ٹی وی : عالمی میڈیا کے مطابق نائجیریا کی ملٹری ٹریننگ اکیڈمی میں تعینات خاتون افسر سوفیات اکنلابی کو وہاں زیرِ تربیت ایک نوجوان سپاہی نے شادی کی پیشکش کرتے ہوئے انگوٹھی دی جو انہوں نے خوشی خوشی پہن لی۔

    ان خوبصورت اور یادگار لمحات کی مختصر ویڈیو سوشل میڈیا پر وائرل ہوگئی، جس میں وہ اپنے فوجی یونیفارم میں دیکھی جاسکتی ہیں جبکہ ارد گرد دوسرے فوجی بھی موجود ہیں اور ان دونوں کو مبارکباد دے رہے ہیں جلد ہی یہ خبر نائجیرین فوج کے اعلیٰ حکام تک بھی پہنچ گئی، جس کے چند روز بعد سوفیات کو فوجی نظم و ضبط (ڈسپلن) کی خلاف ورزی پر گرفتار کرلیا گیا۔

    بھارتی ایئر فورس کا لڑاکا طیارہ گر کر تباہ، پائلٹ ہلاک

    ان پر الزام ہے کہ جب انہوں نے شادی کی یہ پیشکش قبول کی، اس وقت وہ ڈیوٹی پر تھیں اور فوجی یونیفارم میں بھی تھیں، جبکہ نوجوان سپاہی ان کا زیرِتربیت شاگرد تھا۔


    نائجیرین آرمی کے ایک جنرل نے بی بی سی کو بتایا کہ ’’ٹرینر کا مقصد نوجوان سپاہیوں کو تربیت دینا ہوتا ہے نہ کہ ان کے ساتھ عشق و محبت کی پینگیں بڑھانا، یہ ادارہ جاتی نظم و ضبط، بالخصوص ملٹری ڈسپلن کی کھلی خلاف ورزی ہے۔‘‘


    سوفیات کے گرفتار ہونے کی خبریں بھی سوشل میڈیا پر تیزی سے پھیل گئیں اور نائجیریا کی مختلف مشہور شخصیات نے سوفیات کو رہا کرنے کا مطالبہ شروع کردیا ہے۔

    جیکولین فرنینڈس سے کروڑوں کے تحائف ضبط کرنے کا فیصلہ

    یہی نہیں بلکہ سوفیات کا کورٹ مارشل رکوانے کے لیے سوشل میڈیا پر ایک پٹیشن بھی دائر کردی گئی ہے جس میں نائجیرین فوج کے سربراہ فاروق یحیٰی سے درخواست کی گئی ہے کہ سوفیات کو رہا کیا جائے اور کسی کی بے ضرر ذاتی خوشی کو فوجی نظم و ضبط کا مسئلہ نہ بنایا جائے۔

    پٹیشن میں یہ مؤقف بھی اختیار کیا گیا ہے کہ نائجیریا کے اپنے قانون کے مطابق، کوئی بھی بالغ عورت اپنی پسند کے کسی بھی بالغ مرد سے شادی کرنے کی مکمل آزادی رکھتی ہے۔

    اس پٹیشن پر اب تک ہزاروں افراد دستخط کرچکے ہیں لیکن سوفیات اب بھی قید میں ہیں نائجیرین میڈیا اس بارے میں بھی مکمل خاموش ہے کہ سوفیات کے کورٹ مارشل کی کارروائی کہاں تک پہنچی ہے۔

    قرآن مجید کا کورین زبان میں بھی ترجمہ مکمل:اسلام کی روشنی کی کرنیں مزید پھلینے…

  • منشیات سمگل کرنے کا سلسلہ نہ تھم سکا!

    منشیات سمگل کرنے کا سلسلہ نہ تھم سکا!

    اینٹی نارکوٹکس فورس پنجاب کی مختلف علاقوں میں کاروائیاں

    علامہ اقبال انٹرنیشنل لاہور ایئرپورٹ پر کارروائی کرتے ہوئے مسافر سے منشیات برآمد کرلی گئیں- ملزم بنام Chike Chinwuba جو نائجیریا سے بذریعہ قطرایئرویز لاہور ایئرپورٹ پر آ رہا تھا کوکین سے بھرے ہوئے کیپسول پیٹ میں چھپا رکھے تھے۔ برآمد ہونے والی کو کین کی مالیت کروڑوں روپے ہے۔

    دوسری کاروائی فیصل آباد کے علاقے سائیاں والا موٹروے ٹول پلازہ کے قریب ہوئی۔ جہاں پر دوران نے تلاشی کار میں سےبھاری مقدار میں منشیات برآمد کرلی گئی- برآمد ہونے والی منشیات میں تقریبا 42 کلوگرام چرس اور 9 کلو گرام افیون شامل ہے۔ دو ملزمان بنام غضنفر گلستان اور شکیل احمدجو بالترتیب راولپنڈی اورننکانہ کے رہائشی ہیں۔ ملزمان کو کو گرفتار کرکے مزید تفتیش جاری ہے۔