Baaghi TV

Tag: نائلہ کیانی

  • وزیرِ اعظم سے عالمی شہرت یافتہ پاکستانی کوہ پیما نائلہ کیانی کی ملاقات

    وزیرِ اعظم سے عالمی شہرت یافتہ پاکستانی کوہ پیما نائلہ کیانی کی ملاقات

    وزیرِ اعظم محمد شہباز شریف سے عالمی شہرت یافتہ پاکستانی کوہ پیما نائلہ کیانی کی ملاقات ہوئی ہے

    وزیرِاعظم نے نائلہ کیانی کو حال ہی میں دنیا کی پانچویں بڑی چوٹی، مکالو سر کرنے پر مبارکباد پیش کی،وزیرِاعظم نے نائلہ کیانی کے بطور اعزازی سفیر برائے تعلیم پاکستان میں تعلیم، کوہ پیمائی کے شعبے کی ترقی اور اس حوالے سے پیشہ ورانہ تربیت کی ترویج کیلئے کام کو بھی سراہا .وزیراعظم شہباز شریف کا کہنا تھا کہ پاکستان میں خواتین ہر شعبے میں گراں قدر خدمات سر انجام دے رہی ہیں۔نائلہ کیانی کا بطور پہلی پاکستانی خاتون کوہ پیماء، 8 ہزار میٹر سے بلند11 چوٹیاں سر کرنا پاکستان کیلئے اعزاز کی بات ہے۔حکومت ملک میں باصلاحیت خواتین کو یکساں ترقی کے مواقع فراہم کرنے کیلئے پر عزم ہے۔انفارمیشن ٹیکنالوجی، تعلیم، پیشہ ورانہ تربیت، کھیل اور دیگر شعبوں میں خواتین کو سہولیات فراہم کرنا حکومت کی اولین ترجیحات میں شامل ہے۔

    نائلہ کیانی نے وزیرِاعظم کا ملک میں خواتین کی ترقی پر خصوصی توجہ دینے پر شکریہ ادا کیا۔نائلہ کیانی نے وزیرِاعظم کو پاکستان میں کوہ پیمائی کے شعبے میں خصوصی تربیت اور ہنر و پیشہ ورانہ تعلیم کے حوالے سے تجاویز پیش کیں۔وزیرِاعظم نے متعلقہ حکام کو ان تجاویز پر عملدرآمد کیلئے ایک جامع لائحہ عمل بنا کر پیش کرنے کا حکم دے دیا۔ملاقات میں وفاقی وزیرِ اطلاعات و نشریات عطاء اللّٰہ تارڑ، وزیرِاعظم کی کوارڈینیٹر برائے موسمیاتی تبدیلی رومینہ خورشید عالم، چیئرمین پرائم منسٹر یوتھ پروگرام رانا مشہود احمد خان اور متعلقہ اعلیٰ حکام نے شرکت کی۔

    بنوں واقعہ،تحقیقات کر کے ذمہ داران کو سز ا دی جائیگی،بیرسٹر سیف

    بنوں حملہ،ایک اور دہشت گرد کی شناخت،افغان شہری نکلا

    دہشت گرد عثمان اللہ عرف کامران کا تعلق افغانستان کے صوبہ لوگر سے تھا۔

     بنوں میں دہشت گردی کی گھناؤنی کارروائی حافظ گل بہادر گروپ نے کی ہے،

    بونیر،سیکورٹی فورسز کا آپریشن،دہشتگردوں کا سرغنہ جہنم واصل،دو جوان شہید

    ڈی آئی خان، سیکورٹی فورسز کا آپریشن، 8 دہشتگرد جہنم واصل

    ڈی آئی خان ،دھماکے میں دو جوان شہید،پنجگور،ایک دہشتگرد جہنم واصل

    شمالی وزیرستان، دہشتگردوں کیخلاف آپریشن،کمانڈر سمیت 8 جہنم واصل

    شمالی وزیرستان ، چوکی پر حملہ، لیفٹیننٹ کرنل اور کیپٹن سمیت 7 جوان شہید

    بنوں،امن مارچ کو انتشاری ٹولے نے پرتشدد بنایا،عوام شرپسندوں سے رہیں ہوشیار

    بنوں واقعہ پر وزیراعلیٰ خیبر پختونخوا کا تحقیقاتی کمیشن بنانے کا اعلان

  • نائلہ کیانی نے ایک اور اعزاز اپنے نام کرلیا

    نائلہ کیانی نے ایک اور اعزاز اپنے نام کرلیا

    پاکستان کی خاتون کوہ پیما نائلہ کیانی نے ایک اور اعزاز اپنے نام کرلیا۔

    باغی ٹی وی: نائلہ کیانی چین میں ماؤنٹ چو ایو کو سر کرنے والی پہلی پاکستانی خاتون بن گئیں نائلہ کیانی نے اب سے کچھ دیر قبل 8188 میٹر بلند چوٹی کو سر کیا، 8188 میٹر بلند ماؤنٹ چو ایو دنیا کی چھٹی بلند چوٹی ہے،پاکستان کی خاتون کوہ پیما نائلہ کیانی نے ایک اور اعزاز اپنے نام کرلیا نائلہ کیانی چین میں ماؤنٹ چو ایو کو سر کرنے والی پہلی پاکستانی خاتون بن گئیں۔

    نائلہ کیانی نے اب سے کچھ دیر قبل 8188 میٹر بلند چوٹی کو سر کیا، 8188 میٹر بلند ماؤنٹ چو ایو دنیا کی چھٹی بلند چوٹی ہے،نائلہ کیانی اور کوہ پیما سرباز آج چو ایو سر کرنے والی ٹیم میں ساتھ شامل تھے نائلہ کیانی اس سے قبل ایوریسٹ، کے ٹی، گیشربرم ون ، گیشر برم ٹو اور براڈ پیک سر چکی ہیں پاکستانی خاتون نے نانگا پربت ، اناپورنا ، لوٹسے اور مناسلو کو بھی سر کیا ہے۔

    میکسیکو میں چرچ کی چھت گرنے سے 10 افراد ہلاک

    دوسری جانب پاکستان کے کوہ پیما سرباز خان 8 ہزار میٹر سے بلند 13 چوٹیاں سر کرنے والے پہلے پاکستانی بن گئے ہیں سرباز خان نے اب سے کچھ دیر قبل دنیا کی چھٹی بلند چوٹی چو ایو کو سر کیا اور تاریخ رقم کردی چین میں واقع چو ایو کی اونچائی 8,188 میٹر ہے، سرباز نے بغیر مصنوعی آکسیجن کے چو ایو کو سر کیا، کوہ پیما سرباز خان 10 "ایٹ تھاوزنڈرز” کو بغیر آکسیجن سر کرنے والے واحد پاکستانی ہیں۔

    سرباز نے گزشتہ شب کیمپ ون سے پیش قدمی شروع کی تھی، پاکستانی کوہ پیما اب سے کچھ دیر قبل چو ایو کے ٹاپ پر پہنچے تھےسرباز کو ‘مشن 14’ مکمل کرنے کے لیے اب صرف ایک چوٹی سر کرنا باقی ہے، سرباز خان رواں سیزن میں ہی شیشاپنگما سر کرلیں گے۔

    50 ملین سے زائد امریکی ڈالرز گھروں میں چھپائے جانے کا انکشاف

  • ہمیشہ آگے بڑھنا چاہئے،کبھی نہیں رکنا چاہئے،کوہ پیما نائلہ کیانی

    ہمیشہ آگے بڑھنا چاہئے،کبھی نہیں رکنا چاہئے،کوہ پیما نائلہ کیانی

    نائلہ کیانی، جو کبھی دبئی میں بینکر تھیں، نے پاکستان کی کوہ پیمائی کی تاریخ میں اپنا نام نقش کر لیا ہے، جس نے ملک کی پہلی خاتون کوہ پیما بن کر تمام پانچ 8-ہزار 8,000 میٹر سے زیادہ کی چوٹیوں کو سر کیا ہے۔مجموعی طور پر، اس نے 8,000 میٹر سے زیادہ کی آٹھ چڑھائیاں کی ہیں اور یہ ریکارڈ اپنے نام کروانے والی پہلی اور واحد پاکستانی خاتون ہیں۔ نائلہ نے حال ہی میں نانگا پربت اور براڈ چوٹی کو سر کر کے پاکستانی سرزمین کی پانچوں بلند ترین چوٹیوں کو سر کرنے کا اپنا کارنامہ مکمل کیا۔
    دو بچوں کی ماں نائلہ کیانی نے اپنے سفر کا آغاز صرف دو سال قبل کیا تھا جب وہ 8,035 میٹر اونچے گاشربرم II – دنیا کے 13 ویں بلند ترین پہاڑ پر چڑھنے والی پہلی پاکستانی خاتون بن گئیں۔اور جس چیز کو اس نے تجربہ کے طور پر آزمایا وہ اس کا جنون بن گیا اور اس کے بعد اس نے کبھی پیچھے مڑ کر نہیں دیکھا۔
    نائلہ نے اپنے خیالات کا اظہار کچھ اس طرح کیا کہ "اگرچہ میں ہمیشہ سے کھیلوں میں تھی، لیکن میں نے کبھی بھی کوہ پیما بننے کا ارادہ نہیں کیا۔”

    "پہلا خیال تب آیا جب میں ٹریکنگ کے لیے K2 بیس کیمپ گئی جہاں میں نے کچھ کوہ پیماؤں کو دیکھا، میں یہ محسوس کرنا چاہتی تھی کہ پہاڑ پر چڑھنا کیسا ہوتا ہے اور چوٹی پر جانے کے لیے کیا کرنا پڑتا ہے۔”نائلہ نے کہا، ’’میں نے گاشربرم II کو اپنی پہلی چوٹی کے طور پر منتخب کیا، مجھے یہ بھی یقین نہیں تھا کہ میں اسے چوٹی پر پہنچ سکوں گی یا نہیں، لیکن میں کامیاب رہی اور میں ایک کے بعد ایک چوٹی کو سر کرنے کی کوشش کرتی رہی،‘‘ نائلہ نے مزید کہا کہ 2021 میں G-II کو چڑھنے کے بعد سے، نائلہ نے K2، گاشربرم I، اناپورنا، ماؤنٹ ایورسٹ، لوٹسے، نانگا پربت، اور براڈ چوٹی کو سر کیا ہے۔
    وہ پہلی پاکستانی خاتون تھیں جو اپنے آٹھ میں سے چھ کوہ پیمائی میں سب سے اوپر رہیں۔ ثمینہ بیگ – جن کا تعلق ہنزہ سے ہے – K2 پر نائلہ سے چند گھنٹے آگے تھی۔ ثمینہ نے 2013 میں ایورسٹ بھی سر کی تھی۔تاہم، اب نائلہ بلاشبہ ملک کی سب سے کامیاب خاتون کوہ پیما ہیں۔نائلہ نے مزید کہا کہ "یہ میرے لیے اعزاز کی بات ہے کہ میں پہلی پاکستانی خاتون ہوں جس نے اتنے پہاڑ سر کیے ہیں۔”
    نائلہ کیانی نے کہا کہ یہ سفر آسان نہیں تھا اور انہیں بہت سے چیلنجز سے نمٹنا پڑا لیکن وہ ہمیشہ یقین رکھتی تھیں کہ ایسی کوئی چیز نہیں جو حاصل نہیں کی جا سکتی۔اس نے مزید کہا کہ دو اور چار سال کی اپنی بیٹیوں کو پیچھے چھوڑنا ہمیشہ مشکل ہوتا ہے۔
    "یہ مشکل ہے، خاص طور پر جب میں اپنی مہم کی منصوبہ بندی کرتی ہوں اور یہ سوچنا کہ میں انہیں پیچھے چھوڑ کر پہاڑوں پر جا رہی ہوں، لیکن جب میں پہاڑوں پر ہوتی ہوں، جب بھی میں کسی مشکل راستے پر ہوتی ہوں، میری بیٹیوں کے بارے میں خیالات ایک بہت بڑا ذریعہ بن جاتے ہیں۔ میرے لئے توانائی، "انہوں نے کہا.نائلہ نے مزید روشنی ڈالی کہ پاکستان میں کوہ پیماؤں کو پبلک سیکٹر سے خاطر خواہ تعاون نہیں ملتا اور اگر حکام پاکستان میں کوہ پیمائی کے لیے سنجیدہ ہیں تو انفراسٹرکچر کو بہتر کرنے کی ضرورت ہے۔ انہوں نے پاکستانی پہاڑوں میں ریسکیو سہولیات کو بہتر بنانے پر بھی زور دیا۔

  • قومی خاتون کوہ پیما نائلہ کیا نی کا ایک اور کارنامہ

    قومی خاتون کوہ پیما نائلہ کیا نی کا ایک اور کارنامہ

    قومی خاتون کوہ پیماء نائلہ کیانی نے پاکستان میں موجود تمام 5 ‘ایٹ تھاوزنڈرز( 8 ہزار میٹر سے بلند چوٹیاں)’ سر کرنے کا کارنامہ انجام دے دیا
    نائلہ کیانی نے پاکستان میں موجود تمام 5 ‘ایٹ تھاوزنڈرز( 8 ہزار میٹر سے بلند چوٹیاں)’ سر کرلیں، اس اعزاز کے ساتھ وہ پہلی پاکستانی خاتون کوہ پیما بن گئی ہیں ،نائلہ کیانی نے دنیا کی بارہویں بلند چوٹی براڈ پیک جو کہ 8051 میٹر بلند تک پہنچ کر یہ سنگ میل عبور کیا ۔ براڈ پیک دنیا کی بارہویں بلند چوٹی ہے، قومی کوہ پیما اس سے قبل پاکستان میں کے ٹو، نانگا پربت ، گیشربرم ون اور گیشربرم ٹو سر کی تھی،،، صرف اتنا ہی نہیں بلکہ نائلہ کیانی نے نیپال میں ماؤنٹ ایوریسٹ، لوٹسے اور اناپورنا کو بھی سر کیا ہے۔ وہ نانگا پربت ، لوٹسے، اناپورنا اور گیشربرم سر کرنے والی پہلی پاکستانی خاتون بھی ہیں

  • نانگا پربت بیس کیمپ 5 پرسپینش کوہ پیماہ کی موت

    نانگا پربت بیس کیمپ 5 پرسپینش کوہ پیماہ کی موت

    نانگاپربت بیس کیمپ 5 پر کلائمبرز کو حادثہ پیش آیا ہے

    سپین سے تعلق رکھنے والے کلائمبرز کو حادثہ پیش آیا ہے، اطلاعات کے مطابق سپینش کلائمبر جان کی بازی ہار گئے ہیں۔ مبینہ اطلاعات کے مطابق سپینش کوہ پیماہ کیمپ 5 میں مردہ حالت میں پایا گیا۔ وجوہات آکسیجن کی کمی یا ہارٹ اٹیک ہوسکتا ہے ابھی تک واقعہ کی تفصیلات سامنے نہیں آ سکیں،

    دوسری جانب نائلہ کیانی نانگا پربت سر کرنے والی پہلی پاکستانی خاتون کوہ پیما بن گئیں دس پاکستانیوں سمیت 40 سے زائد غیرملکی کوہ پیماؤں نے نانگا پربت کو سر کرنے کی مہم میں حصہ لیا، جن میں ثمینہ بیگ، نائلہ کیانی، واجد اللہ نگری کے علاوہ رضوان داد، عید محمد، احمد بیگ، وقار علی، سعید کریم، لیاقت کریم، سوزین اور شاہ دولت اپنی مہم میں کامیاب رہے۔

    نائلہ دنیا کی سات بلند ترین چوٹیوں کو سر کرنے والی پاکستانی خاتون بھی ہیں۔کوہ پیما نائلہ کیانی کا کہنا ہے کہ اس مہم کے حوالے سے وہ تھوڑی خوفزدہ تھیں، تاہم پھر بھی اپنے اس مشن کو مکمل کرنے کیلئے پرعزم تھی۔نائلہ کیانی کی اس مہم میں بارڈ فاؤنڈیشن نے مکمل طور پر معاونت فراہم کی ہے۔

    جلال الدین نے کل 2 جولائی کو 4 بجے کامیابی کے ساتھ نانگا پربت بغیر اضافی آکسیجن کے سر کی۔ اس وقت جلال کیمپ 2 سے نیچے بیس کیمپ وآپس آ رہے ہیں ۔جلال KE کے روپ فکسنگ ٹیم ممبرز میں سے ہیں جنہوں نے کیمپ 3 تک نانگا پربت کے ٹیکنیکل حصے میں اس سیزن روپ فکسنگ کی جلال الدین اس سے پہلے 8000 میٹر سے بلند براڈ پیک سر کر چکے ہیں ۔ 7000 میٹر سے بلند سپنٹیک کے علاوہ پانچ اور چھ ہزار میٹر سے بلند چوٹیاں بھی سر کر چکے ہیں

    محمد علی سدپارہ اور بیٹے کوکون سے اعزاز دیئے جائیں گے؟ حکومت نے اعلان کر دیا

    دنیا کے سب سے خوبصورت سٹیڈیم میں پہلا کرکٹ میچ علی سدپاہ کے نام

    پاکستانی کوہ پیماؤں نے ایک بار پھر تاریخ رقم کر دی

    یوم پاکستان پریڈ،کوہ پیما سدپارہ کو خراج تحسین،پاک فضائیہ، بحریہ کے طیاروں کا فلائی پاسٹ

    پاکستانی نوجوان نے کم عمر ترین کوہ پیما کا اعزاز حاصل کر لیا

    کیا علی سدپارہ واقعی زندہ ہیں؟ ریسکیوٹیم نے ہار کیوں نہیں‌مانی ؟تہلکہ خیز انکشافات

    محمد علی سدپارہ سے کہاں غلطی ہوئی؟ تاریخی سرچ آپریشن میں کیا چل رہا ہے؟ اہم معلومات

    کے ٹو پر لاپتا پاکستانی کوہ پیماعلی سدپارہ کی موت کی تصدیق

    کے ٹو نے والد کو ہمیشہ کیلئے اپنی آغوش میں لے لیا،ساجد سدپارہ

  • پاکستانی خاتون کوہ پیما نائلہ کیانی نےایک اور چوٹی سرکر لی

    پاکستانی خاتون کوہ پیما نائلہ کیانی نےایک اور چوٹی سرکر لی

    ماؤنٹ ایورسٹ سر کرنے کے دو دن بعد ہی پاکستانی خاتون کوہ پیما نائلہ کیانی نے چوتھی بلند ترین چوٹی لوٹسے بھی سر کر لی۔

    باغی ٹی وی : پاکستانی کوہ پیما نے 8516 میٹر بلند لوٹسے چوٹی کو نیپالی وقت کے مطابق 8:13 منٹ پر سر کیا نائلہ کیانی نے 8 ہزار میٹر سے بلند 6 چوٹیاں سر کرنے والی پہلی پاکستانی خاتون کوہ پیما کا اعزاز حاصل کر لیا-

    انہوں نے 2 دن قبل بلند ترین چوٹی ماؤنٹ ایوریسٹ کو سر کیا تھا اور وہ اس سے قبل کے ٹو، اناپورنا، گیشر برم ون اور گیشر برم ٹو بھی سر کر چکی ہیں۔

    پاکستان پر کتنا قرض؟ تفصیلات جاری

    نائلہ کیانی کا تعلق راولپنڈی سے ہے اور وہ اپنے خاندان کے ساتھ دبئی میں مقیم ہیں۔2017 میں نائلہ کیانی نے اپنی شادی کا فوٹو شوٹ کے ٹو کے بیس کیمپ منعقد کیا تھا یہ فوٹو بعد میں سوشل میڈیا پر کافی وائرل ہوئی تھیں۔2021 میں اپنی بیٹی کی پیدائش کے چند ماہ بعد ہی انہوں نے 8035 میٹر بلند کاشربروم ٹو سر کرنے کے بعد لوگوں کو حیرت میں مبتلا کر دیا تھا۔

    پاکستان میں احتجاج اور گرفتاریوں پرامریکا کا بیان جاری

    الپائن کلب آف پاکستان کے سیکریٹری کرار حیدری نے امریکی نشریاتی ادارے کو بتایا کہ نائلہ بہت ہی با ہمت خاتون ہیں اور ایسا لگتا ہے کہ وہ دنیا کی تمام آٹھ ہزار میٹر سے بلند 14 چوٹیوں کوجلد از جلد سر کرنا چاہتی ہیں انہوں نے 2021 میں 8035 میٹر بلند گاشر برم ٹو، جولائی 2022 میں 8068 میٹر بلند گاشربرم ون اور اس کے فوری بعد کے ٹو اور 8091 میٹر بلند اناپورنا کو سر کیا۔

    پی ٹی آئی رہنما شہریار آفریدی گرفتار

    دریں اثنا 2021 میں گاشربرم ٹو سر کرنے کے بعد نائلہ کیانی کا کہنا تھا کہ انہیں بچپن سے ہی کوہ پیمائی کا شوق تھا۔ تاہم میدانی علاقے سے تعلق یہ شوق ان کی راہ میں حائل رہا لیکن کے ٹو کے بیس کیمپ پر شادی کے فوٹو شوٹ نے انہیں ہمت دی جس کے بعد انہوں نے باضابطہ طور پر اس فیلڈ میں آنے کا فیصلہ کیا۔

    کندھ کوٹ : پولیس چیک پوسٹ پر ڈاکوؤں کی فائرنگ سے ہیڈ کانسٹیبل شہید ،چوکیدار …

  • پاکستانی کوہ پیما نائلہ کیانی نے نئی تاریخ رقم کر دی

    پاکستانی کوہ پیما نائلہ کیانی نے نئی تاریخ رقم کر دی

    دبئی میں رہائش پذیر پاکستان کی خاتون کوہ پیما نائلہ کیانی نے 8 ہزار میٹر سے بلند 3 چوٹیاں سرکر کے نئی تاریخ رقم کردی۔

    باغی ٹی وی : نائلہ کیانی نے گیارہویں بلند ترین چوٹی گیشربرم ون کو سرکرلیا جس کے بعد وہ 8 ہزار میٹر سے بلند 3 چوٹیاں سر کرنے والی پہلی پاکستانی خاتون بن گئی ہیں۔

    پہلی پاکستانی کوہ پیما خاتون نائلہ کیانی کے ٹو کے کیمپ ون پر پہنچ گئیں،مزید سفر شروع

    نائلہ کیانی گیشربرم ون سے قبل گیشربرم ٹو اور کے ٹو کو بھی سر کرچکی ہیں جب کہ وہ گیشربرم ون اور گیشربرم ٹو سر کرنے والی پہلی پاکستانی خاتون بھی ہیں نائلہ نے گزشتہ دنوں دنیا کی دوسری بلند ترین چوٹی کے ٹو کو بھی سرکیا تھا۔

    اس کے علاوہ ثمینہ بیگ نے 8 ہزار میٹر سے بلند 2 چوٹیا ایوریسٹ اور کے ٹو سر کی ہیں وہ ایوریسٹ اور کے ٹو سر کرنے والی پہلی پاکستانی خاتون ہونےکا اعزاز رکھتی ہیں۔

    نائلہ کیانی کا تعلق صوبہ پنجاب میں راولپنڈی شہرکےعلاقے گجر خان کے ایک قدامت پسند خاندان سے ہےانھوں نے ایرو سپیس انجینیئرنگ کی تعلیم برطانیہ سے حاصل کر کے اپنے اس شعبے میں بھی کام کیا تاہم اب اس وقت وہ خاوند کے ہمراہ دبئی میں مقیم ہیں جہاں اس وقت وہ بیکنگ کے شعبے سے وابستہ ہیں۔

    شہروز کاشف 10 بلند ترین چوٹیاں سر کرنے والے دنیا کے کم عمر ترین کوہ پیما

    نائلہ کیانی کے مطابق انھیں بچپن سے مہم جوئی کا شوق تھا زمانہ طالب علمی اور اب بھی باکسنگ کرتی ہیں دبئی میں قیام کے دوران راک کلائمبنگ اور آئس سکیٹنگ شروع کی قدامت پسند ہونے کے باوجود میرے خاندان والے کبھی میرے شوق کی راہ میں حائل نہیں ہوئے۔

    شادی کے بعد بھی یہ سلسلہ جاری رہا ہماری پسند کی شادی تھی۔ میرے خاوند خالد راجہ کو میرے سارے شوق پتا تھے وہ ہنستے ہوئے کہتی ہیں کہ انھیں یہ بھی پتا تھا میرے شوق اور دلچسپیاں تبدیل ہوتی رہی ہیں شادی کی بڑی تقریبات کی مخالف نائلہ نےاپنی شادی کو یادگار بنانے کے لیے کے ٹو بیس کیمپ پر تقریب منعقد کی اور ان کی تصاویر وائرل بھی ہوئی تھیں۔

    تھانوں میں لیڈی انچارج انویسٹی گیشن کی تعیناتی، نوٹیفیکیشن جاری

  • پہلی پاکستانی کوہ پیما خاتون نائلہ کیانی کے ٹو کے کیمپ ون پر پہنچ گئیں،مزید سفر شروع

    پہلی پاکستانی کوہ پیما خاتون نائلہ کیانی کے ٹو کے کیمپ ون پر پہنچ گئیں،مزید سفر شروع

    کے ٹو سر کرنے والی پہلی پاکستانی خاتون کا اعزاز حاصل کرنے کے لیے نائلہ کیانی نے اپنے سفر کا آغاز کر دیا ہے۔

    باغی ٹی وی : دنیا کی دوسری بلند ترین چوٹی کے ٹو سر کرنے والی پہلی پاکستانی خاتون کوہ پیما بننے کا عزم لیے نائلہ کیانی نے اپنی پیش قدمی کا آغاز کردیا ہے اور وہ چوٹی کے کیمپ ون پر پہنچ چکی ہیں دبئی میں رہائش پذیر پاکستانی خاتون کوہ پیما نائلہ کیانی نے اتوار کے روز کے ٹو بیس کیمپ سے سمٹ کیلئے سفر شروع کیا تھا ۔ پیر کی شام وہ کیمپ ون پر پہنچی گئیں۔

    ملک کے بیشترعلاقوں میں موسم خشک اور مرطوب رہے گا

    ذرائع کا کہنا ہے کہ اگر موسم ٹھیک رہا تو وہ 22 جولائی تک کے ٹو سر کرنےمیں کامیاب ہو جائیں گی نائلہ کیانی ایڈوانس بیس کیمپ کو کراس کرنے کے بعد 6900 میٹر بلندی پر اس کے کیمپ ون تک پہنچیں نائلہ کیانی دنیا کی 13 ویں بلند ترین چوٹی گاشر برم دوم سر کرنے والی پہلی پاکستانی خاتون کوہ پیما بھی ہیں۔

    حب ڈیم سے حب ندی میں مزید ڈیڑھ لاکھ کیوسک پانی آنے کا خدشہ

    دنیا کی دوسری بلند ترین چوٹی کے ٹو کی اونچائی 8 ہزار 611 میٹر ہےاسے پہلی بار 31 جولائی 1954ء کو دو اطالوی کوہ پیماؤں لیساڈلی اور کمپانونی نے سر کیا۔

    اسے ماؤنٹ گڈون آسٹن اور چوگو ری(چھوغو ری) یعنی بڑا پہاڑ بھی کہتے ہیں، کے ٹو یا گاڈون آسٹن کی چوٹی قراقرم کے پہاڑی سلسلے کی وہ بلند ترین چوٹی ہے جو پاکستان اور چین کی سرحد کے قریب گلگت بلتستان میں واقع ہے۔

    الیکشن کمیشن نے عمران خان کے الزامات مسترد کر دیئے

  • گیشربرم2سرکرنےوالی پہلی پاکستانی خاتون کوہ پیما:کے2کوسرکرنے کےلیےمنزل کی طرف چل پڑیں

    گیشربرم2سرکرنےوالی پہلی پاکستانی خاتون کوہ پیما:کے2کوسرکرنے کےلیےمنزل کی طرف چل پڑیں

    اسکردو:گیشربرم2سرکرنےوالی پہلی پاکستانی خاتون کوہ پیما:کے2کوسرکرنے کےلیےمنزل کی طرف چل پڑیں،اس وقت یہ اطلاعات گردش کررہی ییں کہ گزشتہ سال پاکستان میں گیشر برم 2 سر کر کے 8 ہزار میٹر سے بلند کسی چوٹی کو سر کرنے والی پہلی پاکستانی خاتون ہونے کا اعزاز حاصل کرنے والی نائلہ کیانی نے اب کے ٹو مہم کا آغاز کردیا ہے۔

    نائلہ کیانی کی اس کامیابی کو اس امر نے مزید دلچسپ بنا دیا کہ انہوں نے گزشتہ سال زندگی میں پہلی بار کوئی پہاڑ سر کرنے کی ٹھانی تھی اور بیٹی کی پیدائش کے محض 7 ماہ بعد 8ہزار 35 میٹر بلند گیشر برم پہاڑ سر کرلیا۔

    دبئی میں مقیم، بیکنگ کے شعبے سے وابستہ نائلہ کیانی نے بتایا کہ ’میری بیٹی محض ساڑھے 7 ماہ کی تھی جب میں نے گیشر برم 2 سر کیا‘۔

    پہلی پاکستانی خاتون کوہ پیما اگلے ماہ "کے ٹو” سرکرنے کی مہم پر نکلیں گی

    ٹیم بریفنگ کے بعد سکردو کے لیے روانہ ہونے والی نائلہ کیانی کے ہمراہ پاکستانی کوہ پیما سرباز خان اور سہیل سخی بھی ہوں گے جو مرحوم علی رضا سدپارہ کے ساتھ گیشر برم 2 سر کیے جانے کے وقت بھی ان کے ساتھ تھے۔

    نائلہ کیانی نے کہا کہ ’گیشر برم 2 سر کرنے والی ٹیم ہی اب کے ٹو سر کرنے جارہی ہے، ہم نے یہ مہم چچا علی رضا سدپارہ کے نام کرنے کا فیصلہ کیا ہے‘۔

    ساجد سدپارہ کی صحت کے متعلق تشویشناک خبرسامنے آ گئی:افسوسناک ویڈیو وائرل

    نائلہ کیانی نے علی رضا سدپارہ کو یاد کرتے ہوئے بتایا کہ ’جب میں گیشر برم 2 سر کرنے کے بعد بیس کیمپ پہنچی تو یہ علی رضا چاچا ہی تھے جنہوں نے مجھے کہا کہ آپ کے ٹو بھی سر کرسکتی ہیں، مجھے یہ اعتماد انہوں نے ہی دیا‘۔

    انہوں نے کہا کہ ’ان کے بارے میں جو چیز مجھے سب سے زیادہ پسند تھی وہ شاندار حس مزاح تھی، ان کے چہرے پر ہر وقت مسکراہٹ رہتی تھی، مہم کے دوران جب کوئی کٹھن لمحہ آتا تو وہ کوئی لطیفہ سناتے اور ہم سب ہنس پڑتے‘۔

    8 ہزار میٹر سے بلند چوٹیوں میں سے مشکل ترین چوٹی کے ٹو کو سر کرنے کے لیے اپنی تیاری کے حوالے سے انہوں نے بتایا کہ میرے لیے یہ ناقابل یقین حد تک مشکل رہا ہے، میں زچگی کی چھٹیوں کے دوران گیشر برم-2 سر کرنے نکل گئی تھی اور مہم سے واپس آنے کے بعد فوراً کام پر چلی گئی تھی‘۔

    پنجاب حکومت کاطلحہ طالب، ارشد ندیم اور کوہ پیماؤں ساجد علی سدپارہ اور شہروز کاشف…

    اپنی کم عمر بیٹی کے علاوہ نائلہ کیانی ایک 3 سالہ بیٹے کی بھی ماں ہیں اور اس مہم میں ایک ماہ سے زیادہ کا وقت لگ سکتا ہے، اس مشکل فیصلے کے حوالے سے سوال پر نائلہ کیانی نے جواب دیا کہ ’ہم یہ سوال مردوں سے نہیں پوچھتے، حتیٰ کہ بیرون ملک بھی لوگوں نے مجھ سے یہ سوال پوچھا کیونکہ ماؤں سے توقع کی جاتی ہے کہ وہ اپنے بچوں کی دیکھ بھال کریں نہ کہ اس قسم کے سرگرمیوں پر توجہ دیں‌

    انہوں نے بتایا کہ گیشر برم 2 کی مہم پر سرباز خان میرے ہمراہ تھے جبکہ میری بیٹی کی پیدائش کے ایک دن بعد ان کی بھی بیٹی پیدا ہوئی لیکن کسی نے ان سے یہ سوال نہیں پوچھا کہ آپ 14 چوٹیوں کے مشن پر کیسے گئے اور سال کے بیش تر وقت گھر سے دور کیسے رہ لیتے ہیں؟

    انٹرنیشنل کوہ پیما ساجد علی سدپارہ کا ریسکیو ہیڈکوارٹر کا دور:ڈی جی ریسکیونے کے…

    دنیا کی دوسری بلند ترین چوٹی کے ٹو غیرمعمولی شرح اموات کے باوجود خصوصاً پاکستانی کوہ پیماؤں کے لیے کشش رکھتی ہے، اس حوالے سے بات کرتے ہوئے نائلہ کیانی نے کہا کہ ’یہاں جو سکون ملتا ہے وہ آپ کو ان پہاڑوں میں واپس لاتا رہتا ہے، جب میں نے اپنی پہلی مہم کا منصوبہ بنایا تھا اس وقت میں صرف اپنی جسمانی اور ذہنی طاقت کو جانچنا چاہتی تھی، صرف یہ دیکھنے کے لیے کہ میں کتنی بلندی پر جا سکتی ہوں‘۔

    کے ٹو نے والد کو ہمیشہ کیلئے اپنی آغوش میں لے لیا،ساجد سدپارہ

  • پہلی پاکستانی خاتون کوہ پیما اگلے ماہ "کے ٹو” سرکرنے کی مہم پر نکلیں گی

    پہلی پاکستانی خاتون کوہ پیما اگلے ماہ "کے ٹو” سرکرنے کی مہم پر نکلیں گی

    کراچی: پہلی پاکستانی خاتون کوہ پیما نائلہ کیانی نے دنیا کی دوسری بلند ترین چوٹی ’کے ٹو‘ سر کرنے کےلئے پُرعزم ہیں-

    باغی ٹی وی : تفصیلات کے مطابق آٹھ ہزار میٹر بلند چوٹی سر کرنے والی پہلی پاکستانی پہلی کوہ پیما خاتون نے کی دوسری بلند ترین چوٹی ماؤنٹ گوڈون آسٹن(کے ٹو) کو اگلے ماہ جون میں سر کرنے کی مہم پر نکلیں گی۔

    شہروز کاشف نے دنیا کی تیسری بلند ترین چوٹی سر کرنے کا اعزاز پاک فوج شہدا کے نام کر…

    نائلہ کیانی دنیا کی 13 ویں بلند ترین چوٹی گاشربرم ٹو کو سر کر چکی ہیں، جس کی بلندی8 ہزار 35 میٹر ہے اور اب وہ قراقرم ریجن میں واقع 8 ہزار 611 میٹر بلند چوٹی کو سر کرنے والی پہلی پاکستانی کوہ پیما بننے کی خواہاں ہیں-

    افواج پاکستان کے ریٹائرڈ افسران کے جعلی اکاونٹس بنانے والا شخص گرفتار،اعترافی بیان…

    کے ٹو کی مہم جوئی کے لیے دنیا بھر میں کھیلوں کے فروغ اور مقامی کھلاڑیوں کی صلاحیتوں کو اجاگر کرنے کے لیے سہولیات فراہم بارڈ فاؤنڈیشن نےصدارتی ایوارڈ یافتہ نائلہ کیانی کو اسپانسر کرنے کا اعلان کیا ہے جبکہ نائلہ کیانی نے بھی اسپانسرشپ پر خوشی کا اظہار کرتے ہوئے اپنے بلند عزائم کا اظہار کیا ہے۔

    29 مئی کو نظام شمسی کے دو بڑے سیارے ایک ساتھ آسمان پر نمودار ہوں گے


    دبئی میں مقیم پاکستانی بینکر نائلہ کیانی نے پہاڑی علاقوں سے اپنی محبت کے اظہار کے طور پر 2018 میں کے ٹو بیس کیمپ پر اپنی شادی کی تقریب منعقد کی تھی اور اپنے بچے کی پیدائش کے فوری بعد گاشربرم ٹوکو سر کرکے ایک مثال قائم کی تھی-

    پاکستان میں پانی کی کمی ،سخت گرمی ،درجہ حرارت میں اضافہ خشک سالی کے خطرات منڈلانے…