اسلام آباد (محمد اویس) قومی اسمبلی کی قائمہ کمیٹی برائے داخلہ میں انکشاف ہوا ہے کہ گذشتہ پانچ سالوں میں پنچاب میں بچوں سے جنسی زیادتی کے کل 5623کیس رجسٹرڈ ہوئے اور ان میں سے 70فیصد کیس عدالتوں نے خارج کردیئے ہیں ۔نادرا سے 27لاکھ شہریوں کا ڈیٹا چوری ہونے کے معاملے پر انکوائری کمیٹی کی سفارشات پر افسران کو برطرف کردیا گیا ہے ۔رجسٹریشن کے لیے 90 موبائل وین نادرا خرید رہاہے اور ان پر سروس کی کنیکٹیوٹی بہتر بنانے کے لیے سٹیلائٹ کنکشن مہیاکررہے ہیں ۔4ہزار بھکاری سعودی عرب نے 2021سے اب تک ڈی پورٹ کئے ہیں ۔بھکاریوں کو روکنا مشکل ہوتا ہے ان کے پاس تمام قانونی تقاضے پورے ہوتے ہیں
قومی اسمبلی کی قائمہ کمیٹی برائے داخلہ کا اجلاس راجہ خرم شہزاد نواز کی زیر صدارت ہوا۔عبدالقادر پٹیل ،ملک شاکر بشیر،محمد ارشد ساہی،ڈاکٹر طارق فضل چوہدری، محمد جمال احسن، زرتاج گل، صاحبزادہ صبغت اللہ،حامد رضا،حنیف عباسی،آغا رفیع اللہ،حامد رضا نے شرکت کی ،
چئیرمین نادرا نے کمیٹی کو بتایا کہ ہم نادرا کے دفاتر کو نہیں بڑھا سکتے نادرا کے دفاتر کو بڑھانے سے شناختی کارڈ کی فیس بڑھانا ہو گی 61تحصلیں ایسی ہیں جن میں نادرا کے دفاتر نہیں ہیں یہ ایسی تحصلیں ہیں جہاں حکومت نے اعلان تو کردیں لیکن ان کی حلقہ بندی نہیں کی نادرا کا اپنا فنڈ ہےہم نے فیس تبدیل نہیں کی، ہم نے کارڈز کو ری نیو نہیں کیاجب تک پراناکارڈ چل رہا ہے فرد نیا کارڈ نہیں بنواتا لوگ شناختی کارڈ نہیں بںواتے تو ہمارا فنڈ بھی جنریٹ نہیں ہوتا زیادہ تحصیلیں کے پی کے ، بلوچستان سے ہیں جہاں ہمارے دفاتر نہیں، پنجاب میں مری اور تلہ گنگ ڈسٹرکٹس بنیں لیکن ان کی حلقہ بندیاں ہمارے پاس نہیں پہنچیں۔ زرتاج گل نے کہاکہ نگران حکومت نے کس طرح نادرا میں تعیناتی کردی ہیں،موبائل وین کی تعداد میں اضافہ کیا جائے ،جن لوگوں کی ڈگریں جعلی تھیں ان کو باعزت ایگزیٹ کیوں دیا گیا ہے؟ چیئرمین نادرا نے کہا کہ نادرا میں حکومت کا کوئی عمل دخل نہیں ہے صرف چیئرمین کی تعیناتی حکومت کرتی ہے نادرا کی اتھارٹی خود بھرتی کرتی، 2.7ملین شہریوں کا ریکارڈ پچھلے سال لیک ہوا۔ سائبر سیکیورٹی کی بریچ ہوئی ۔ جے آئی ٹی کی سفارش کی وجہ سے افسران کو نکالا۔
لوگوں کی تعلیم نہیں تھی مگر وہ بھرتی ہوگئے بعد میں انہوں نے اپنے ڈگریاں مکمل کیں جس پر ان کو کہا کہ آپ ریٹائرمنٹ لے لیں یا نچلے گریٍڈ میں چلے جائیں ۔انہوں نے ریٹائرمنٹ لے لی ہیں۔ 57ارب روپے کا بجٹ ہے ۔ موبائل وین کی تشہری فیس بک اور وٹس ایپ چینل پر بتاتے ہیں۔ 90نئے موبائل وین خریدیں گے جبکہ موجودہ 75موبائل وین پر سٹیلائٹ ڈیشنز لگارہے ہیں ۔ بلوچستان اور صوبہ خیبرپختونخوا میں 35موبائل وین پر سیٹلائٹ ڈیشیز لگی ہوئی ہیں۔رکن خواجہ اظہار الحسن نے کہاکہ ہمارے پاس سارا ڈیٹا ہے کہ کتنے لوگ 18سال کے ہورہے ہیں اس حساب سے انتظامات کیوں نہیں کئے جارہے ہیں؟چیئرمین نادرا نے کہاکہ کمیٹی نادرا ہیڈکوارٹر میں آئیں اس حوالے سے تمام تفصیلات دے دیں گے۔ہمارا ڈیٹا زیادہ مستند ہے ہم گنتے ہی نہیں پہچان بھی کرتے ہیں۔لوگ فوتگی کااندراج نہیں کرتے ہیں ۔ شناختی کارڈ 18سال کے بعد 3ماہ میں نہ بننےپر جرمانہ اور ایک سال قید کی سزا ہےمگر آج تک کسی کو سزا نہیں ہوئی ہے ۔لوگ شناختی کارڈ ایکسپائر ہونے کے بعد نہیں بناتے ہیں۔
ڈاکٹر طارق فضل چوہدری نے کہاکہ بہت سے افغانیوں نے پاکستانی شناختی کارڈ بنائے ہوئے ہیں ۔چیئرمین نادرا نے کہا کہ نادرا میں افغان کے حوالے سے مسائل ہیں ۔ افغانیوں نے شناختی کارڈ حاصل کئے ہیں ۔ 1لاکھ 50ہزار افغانوں کا جاری کارڈ بلاک کیا گیا ہے ۔ روزانہ 30سے زیادہ کارڈ بلاک کررہے ہیں۔چیئرمین نادرا نے کہاکہ میں ایم این ایز سے ملتا ہوں ابھی 90تک مل گیا ہوں ،نبیل گبول نے کہاکہ ہم بھی ملاقات کے لیے ملنے آئیں گے ،عبدالقادر پٹیل نے کہاکہ ڈالا بھیج دیں یہ بھی مل لیں گے ۔اس پر کمیٹی میں قہقہے لگ گئے جس پر چیئرمین نادرا نے کہاکہ اس چیز کو کاروائی سے حذف کیا جائے ۔
حنیف عباسی نے کہاکہ افغانوں کو نادرا نے شناختی کارڈ جاری کر کے ملک کا بیڑا غرق کیا ہے یہ لوگ ہمیں گالی دیتے ہیں ہندوستان سے زیادہ وہ پاکستان سے نفرت کرتے ہیں پاکستانی پرچم کو پاؤں سے روندتے ہیں ۔رکن آغا رفیع اللہ نے کہاکہ یہاں پر کمیٹی کو سیکرٹری داخلہ ڈکٹیٹ کرتے ہیں یہ قبول نہیں ہے یہاں فیصلہ ہوا تھا کہ اس وقت تک بل پاس نہیں کرسکیں گے جب تک بہاریوں کے شناختی کارڈ کا مسئلہ حل نہیں ہوگا ۔ مگر اس کے باوجود بل پاس کرلیا گیا ۔ محسن نقوی کمیٹی میں نہیں آتے تو کم ازکم کام تو کریں ۔ بہاری پاکستان کے لیے کلمہ کی وجہ سے آئے تھے وہ ذلیل وخور ہورہے ہیں ۔ڈاکٹر طارق فضل چوہدری نے کہاکہ بہاریوں کے مسائل کی حل کی حمایت کرتا ہوں ۔
صاحبزادہ صبغت اللہ نے ویسٹ پاکستان منٹیننس آف پبلک آڈر ریپیل بل 2024 کمیٹی میں بحث ہوئی انہوں نے کہا کہ اس قانون کا غلط استعمال ہوتا ہے آمریت میں یہ قانون بنایا گیا ۔اس قانون کے تحت سیاسی انتقام لیا جاتا ہے ۔ انگریز نے رولر ایکٹ بنایا تھا جبکہ یہ قانون اس قانون کی کاپی ہے اس قانون کے خلاف قائداعظم نے احتجاج کیا تھا ۔وزارت قانون کے حکام نے بتایا کہ 1960میں یہ قانون بنا۔یہ قانون تمام صوبوں میں عمل ہورہاہے۔ یہ قانون نہ ہو تو امن وامان لانے میں مشکلات ہوگی ہم بل کی مخالفت کرتے ہیں۔وزارت داخلہ نے کہاکہ قانون خراب نہیں ہوتا اس پر عمل درآمد خراب ہوتا ہے سیاسی انتقام نہیں ہونی چاہیے ۔ ہم بل کی مخالفت کرتے ہیں۔زرتاج گل نے کہاکہ ملک میں ایف سی آر نافذ کردیا گیا ہے پنجاب اسلام آباد میں ایف سی آر نافذ کی گئی ہے ۔ عبدالقادر پٹیل نے کہاکہ جمہوری لوگ اس قانون کی حمایت نہیں کرسکتے ہیں ہم نے 2008میں ہماری حکومت کے دوران استعمال نہیں کیا اس قانون کو ختم ہونا چاہیے ،کمیٹی نے بل پر صوبوں سے رائے طلب کرلی ۔
رکن قومی اسمبلی سہیل سلطان نے کریمنل لاء ترمیمی بل 2024 سیکشن 489F میں ترمیم پر بحث کی گئی ۔ چیک بونس ہونے پر 10 لاکھ تک تین سال جیل، ایک ملین سے زیادہ ہو تو 5 سال جیل 50لاکھ سے زائد ہوتو 7 سال قید ا،یک کروڑ سے زائد ہو تو دس سال قید ہو۔ اور اصل رقم بھی واپس کی جائے گی ۔وزارت داخلہ نے کہاکہ اس معاملے پر صوبوں سے جواب آنا ہے ،چیئرمین کمیٹی نے کہاکہ صوبوں سے رائے آجائے تو اس بل پر دوبارہ بحث ہوگی ۔
انسانی سمگلنگ پر ایف آئی اے نے کمیٹی کو بریفنگ دی ۔ڈی جی ایف آئی اے نے کمیٹی کو بتایا کہ اس معاملے پر انکوائری ہو رہی ہے ایک انکوائری لاہور اور کراچی میں ہورہی ہے جیسے ہی اس معاملے پر پیش رفت ہوگی کمیٹی کے سامنے پیش کردیں گے ۔پاکستانیوں کو بیرون ملک غیر قانونی طریقہ سے لے کر جایاجاتا ہے ۔ ایک منظم گروہ ہے جو یہ کام کررہاہے ۔اورسیز وزارت کے ساتھ مل کر کام کررہے ہیں۔4ہزار بھکاریوں کو سعودی عرب نے 2021سے اب تک ڈی پورٹ کیا ۔بھکاریوں کو روکنا مشکل ہوتا ہے ان کے پاس تمام قانونی تقاضے پورے کرتے ہیں دو بھکاریوں کے گروہ پکڑے ہیں۔ ایم این اے نثار احمد جٹ اور ایم این اے حامد رضا کا بیرون ملک جانے والوں کی پابندی والے لسٹ سے نکل چکا ہے ،چوہدری نصیر احمد نے کہاکہ ایف آئی اے والے پیسے کے لیے لوگوں کو گرفتار کرتے ہیں دس لاکھ سے ڈیل شروع کرتے ہیں پولیس سے زیادہ کرپشن ایف آئی اے والے کرتے ہیں۔
پنجاب میں گذشتہ پانچ سال میں بچوں سے جنسی زیادتی کے واقعات پر بریفنگ کے حوالے سے ایجنڈا زیر بحث آیا۔ پولیس حکام نے بتایا کہ گذشتہ پانچ سال میں 5623 کیس رجسٹرڈ ہوئے ہیں ۔70فیصد کیس عدالتوں نے خارج کردیئے ہیں ۔84فیصد ملزمان گرفتار ہوئے ہیں
گن پوائنٹ پر خواجہ سرا ڈولفن ایان سے برہنہ رقص کروا کر ویڈیو کر دی گئی وائرل
اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب
ٹک ٹاکر امشا رحمان کی بھی انتہائی نازیبا،برہنہ،جنسی تعلق کی ویڈیو لیک
نازیبا ویڈیو لیک ہونے کے بعد مناہل ملک نے دیا مداحوں کو پیغام
سماٹی وی میں گروپ بندی،سما کے نام پر اکرم چوہدری اپنا بزنس چلانے لگے
سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں
انتہائی نازیبا ویڈیو لیک ہونے کے بعد ٹک ٹاکرمناہل نے مانگی معافی
