لاہور میں ناکے پر نہ رکنے والی گاڑی پر پولیس نے فائرنگ کردی جس سے کار سوار نوجوان زخمی ہوگیا۔
باغی ٹی وی : تفصیلات کے مطابق شاہدرہ میں ناکے پر نہ رکنے والے 22 سالہ نوجوان کو پولیس اہلکاروں نے گولی مار دی، نوجوان گولی لگنے سے معمولی زخمی ہوا۔
ڈی آئی جی آپریشنز نے ایس ایچ او شیخ وسیم اختر انچارج چوکی سگیاں اور ناکے کے 4 اہلکار معطل کر دیئے اور کارروائی کا آغاز کردیا۔
گزشتہ رات ناکے پر اہلکاروں نے ایک گاڑی کو رکنے کا اشارہ کیا تھا، گاڑی نہ رکنے پر پولیس نے فائرنگ کردی، گولی گاڑی کی ڈگی سے ہوتی ہوئی ایک آدمی کی ٹانگ میں لگی۔
اعلی حکام نے واقعے کا نوٹس لیتے ہوئے رپورٹ طلب کر لی ہے حکام کا کہنا تھا کہ فائرنگ کرنے والے اے ایس آئی کے خلاف محکمانہ کارروائی بھی عمل میں لائی جائے۔ جاں بحق خاتون کے لواحقین کو ہر صورت انصاف فراہم کیا جائےگا-
قبل ازیں رکشہ نہ روکنے پر پولیس اہلکار کی فائرنگ سے خاتون جاں بحق ہو گئی تھی پنجاب کے شہر ڈسکہ میں پٹرولنگ پولیس اہلکار کی جانب سے رکشہ نہ روکنے پر خاتون پر فائرنگ کی گئی، خاتون کی موقع پر ہی موت ہو گئی تھی گجرانوالہ کی رہائشی خاتون 33 سالہ تنزیلہ شادی کی تقریب میں شرکت کیلئے رکشہ پر جا رہی تھی کہ پولیس نے رکشہ روکا، رکشہ ڈرائیور نے ناکے پر پولیس کے اشارے کے باوجود رکشہ نہ روکا، جس پر پولیس اہلکار نے فائرنگ کر دی، پولیس اہلکار کی فائرنگ سے رکشہ میں سوار خاتون جاں بحق ہو گئی تھی-
دوسری جانب وزیراعلیٰ پنجاب سردار عثمان بزدار نے سیالکوٹ میں پٹرولنگ ہائی وے پولیس کے اے ایس آئی کی فائرنگ سے خاتون کے جاں بحق ہونے کے واقعہ کا نوٹس لے لیا ہے اور انسپکٹر جنرل پولیس سے رپورٹ طلب کر لی ہے، وزیراعلیٰ پنجاب عثمان بزدار کا کہنا تھا کہ گرفتار اے ایس آئی کے خلاف سخت قانونی کارروائی کی جائے۔ فائرنگ کرنے والے اے ایس آئی کے خلاف محکمانہ کارروائی بھی عمل میں لائی جائے۔ جاں بحق خاتون کے لواحقین کو ہر صورت انصاف فراہم کیا جائے۔اے ایس آئی کی فائرنگ سے خاتون کے جاں بحق ہونے کا واقعہ انتہائی افسوسناک ہے۔فائرنگ کرنے والا پولیس اہلکار سخت سزا کا مستحق ہے۔
