Tag: ننکانہ

بابا گورو نانک کے 555ویں جنم دن کی تقریبات میں شرکت کے لیے3ہزار کے قریب بھارتی سکھ یاتری پاکستان پہنچ گئے پاکستان آمد پر سیکرٹری متروکہ وقف املاک بورڈ فرید اقبال ،ایڈیشنل سیکرٹری شرائنز سیف اللہ کھوکھر ،پردھان پاکستان سکھ گورو دوارہ پر بندھک کمیٹی سردار رمیش سنگھ اروڑ صوبائی وزیر ٹرانسپورٹ و دیگر نے یاتریوں کا پر تپاک استقبال کیا ۔

واہگہ بارڈر پر میڈیا سے گفتگو کرتے ہوئےدہلی گورودارہ مینیجمینٹ کمیٹی کے پارٹی لیڈر سردار ہرجیت سنگھ پپا نے کہا جس جوش و جذبے سے ہمارا استقبال کیا گیا ہم اس پر حکومت پاکستان اور چیئرمین متروکہ وقف املاک بورڈ اور پاکستان سکھ گورو دوارہ پر بندھک کمیٹی کے شکر گزار ہیں۔ ہمیں یہاں پر آکر بے حد خوشی محسوس ہوتی ہے۔پاکستان ہمارا دوسرا گھر ہے ۔ شرمنی گردوارہ پربندھک کمیٹی کے پارٹی لیڈر گرنام سنگھ جسل نے کہا کہ پاکستان میں ہمیں بہت عزت اور پیار ملتا ہے۔جس پر ہم حکومت پاکستان کے شکر گزار ہیں۔پردھان پاکستان سکھ گورو دوارہ پر بندھک کمیٹی و صوبائی وزیر اقلیتی امور سردار رمیش سنگھ اروڑا نے کہاکہ یاتریوں کا استقبال دنیا کو یہ پیغام دیتا ہے کہ پاکستانی اقلیتوں سے بے انتہا پیار اور انکا احترام کرتے ہیں ۔بھارت سے آئے سکھ یاتری پاکستان آمد پر خوشی کا اظہار کرتے ہیں اور واپسی پر حسین یادیں لیے روانہ ہوتے ہیں۔

ایڈیشنل سیکرٹری شرائن سیف اللہ کھوکھر کا کہنا ہے کہ ،مہما نو ں کو بہترین ٹرانسپور ٹ کے سا تھ دیگر سہولیات فراہم کی جا رہی ہیں ۔یا ترقیوں کو واہگہ بارڈر پر لنگر پیش کیا گیا اور واہگہ بارڈر سے اسپیشل بسوں کے ذریعے ننکانہ صاحب روانہ کیا گیا ۔

بابا گورو نانک جنم دن کی مرکزی تقریب آج 15 نومبر گورو دوارہ جنم استھان ننکانہ صاحب میں منعقد ہوگی۔جس میں وفاقی و صوبائی وزرا مہمان خصوصی ہوں کے جبکہ مذہبی و اقلیتی رہنماؤ شرکت کریں گے۔ بھارت سمیت دنیا بھر ےسے ا ٓئے سکھ یاتری اپنی مذہبی رسومات ادا کریں گے ۔جبکہ بعد ازاں سکھ مذہبی رسومات کے مطابق پالکی کا خصوصی جلوس بھی نکالا جائے گا جو اپنے مقررہ راستوں سے ہوتا ہوا اختتام پذیر ہو گا۔اس موقع پر سیکورٹی کے غیر معمولی انتظامات کیے گئے ہیں۔ جنم دن کی مرکزی تقریب کے بعد سکھ یاتری 16 نومبر کو گورو دوارہ سچا سودا فاروق آباد کی یاترا کرتے ہوئے گورو دوارہ پنجہ صاحب حسن ابدال روانہ ہوں گے جہاں ایک دن قیام کریں گے ۔یاتری 18نومبر کو حسن ابدال سے کرتارپور ناروال میں گورودوارہ دربار صاحب پہنچیں گے جہاں ایک دن قیام کے دوران اپنی مذہبی رسومات ادا کریں گے ۔یاتری 20 نومبر کو براستہ گوجرانوالہ گورو دوارہ روہڑی صاحب ایمن آباد کی یاترا کرنے کے بعد گورو دوارہ ڈیرہ صاحب لاہور پہنچیں گے ۔ بھارتی سکھ یاتری 10 روزہ دورہ مکمل ہونے پر 23 نومبر کو واہگہ بارڈر کے راستے واپس بھارت روانہ ہوں گے

ننکانہ،مسلم لیگ ن کے قائد میاں نواز شریف اور مریم نواز شریف جلسہ گاہ پہنچ گئے

نواز شریف نے جلسے سے خطاب کرتے ہوئے کہا کہ میں آج پہلی بار لاہور سے ننکانہ صاحب آیا ہوں،نواز شریف کی ہمت اج بھی جوان ہے، نواز شریف سے دشمنی اس بات کی تھی کہ اس نے 18-18گھنٹے کی لوڈ شیڈنگ ختم کردی،ملک میں دہشت گردی کس نے ختم کی، اسلام آباد ،پشاور، مانسہرہ ،ملتان کس نے موٹر وے بنائیں، نتیجہ جیل میں ڈال دیا گیا، جو ملک کو ترقی دے اس کو ہتھکڑیاں لگائی جاتی ہیں،کیا آج کا پاکستان نواز شریف کے دور سے بہتر ہے، یہ سب کیوں ہو؟ مجھ آپ کی تکلیف برداشت نہیں ہوتی، میرے دل کو سکون تب ملے گا جب آپ کو نوکریاں ملیں گی، کاروبار ترقی کرے گا،نواز شریف کو پانچ ججوں نے مل کر بیٹے سے تنخواہ نہ لینے پر برطرف کیا،آج بھی چینی پچاس روپے ہوتی، آج بھی بجلی کے بل کم ہوتے، آج لوگ بلوں کی وجہ سے کتنے پریشان ہیں، یہ سب نواز شریف کے جانے کے بعد ہوا ہے،

نواز شریف کا مزید کہنا تھا کہ آج جو منظر ننکانہ پیش کررہا ہے ایسا منظر اس سے قبل ننکانہ نے نہیں دیکھا،اتنی سردی میں آپ جلسے میں آئے، مجھے آپ پر آج بڑا پیار آ رہا تھا، میرا دل کہتا تھا کہ آپ کا ماتھا چوم لوں ،میں امپورٹڈ وزیراعظم نہیں تھا، مقامی وزیراعظم تھا، یہ ناکامی وزیراعظم تھے،اٹھارہ گھنٹے کی لوڈشیڈنگ کس نے ختم کی،سستی بجلی کس نے دی،کراچی کا امن کس نے بحال کیا،پچاس روپے کلو چینی کب تھی،آٹا، سبزیاں دالیں کب سستی تھیں،نوکریاں کب ملتی تھیں،لیکن نتیجہ نواز شریف گرفتار، ہتھکڑیاں اور ملک بدری،میں وہ وزیراعظم نہیں تھا جو وعدہ کرکے یوٹرن لے لیتا تھا جب میں کوئی وعدہ کرتا ہوں تو اللہ کے فضل سے پورا کرتا ہوں

نواز شریف نے ننکانہ صاحب میں سٹیٹ آف دی آرٹ کرکٹ اسٹیڈیم بنانے کا اعلان کیا،

ننکانہ صاحب میں سکھوں کی جانب سے نواز شریف کو روائتی تلوار اور سروپا دیا گیا جبکہ مریم نواز کو مقامی امیدوار نے سونے کا ہار پہنا کر جلسے میں ویلکم کیا۔ نواز شریف کی آمد پر عوام نے بھرپور نعرے بازی کی۔جلسہ گاہ میں نون لیگ کے پرچموں کی بہارنظر آئی

دختر ننکانہ نے دختر پاکستان اور دختر کشمیر محترمہ مریم نواز شریف صاحبہ کو سونے کا ہار پہنایا@MaryamNSharif pic.twitter.com/5dkCOMRrLT

— Hussnain Fahad (@Hussnain_Tweets) January 24, 2024

آپ انتقام جبر سے جیسے نہیں ڈرے آج سردی سے بھی نہیں ڈرے،مریم نواز
ننکانہ صاحب :مسلم لیگ ن کی چیف آرگنائزر مریم نواز نےجلسہ سے خطاب کرتے ہوئے کہا کہ سردی میں آپ تشریف لائے شکریہ،آج سردی کا سخت ترین دن ہے لیکن آپ انتقام جبر سے جیسے نہیں ڈرے آج سردی سے بھی نہیں ڈرے ہیں،میری دل سے دعا ہے شیر کو کامیابی ملے،نواز شریف کو باہر کرکے خود کو مقبول سمجھنے لگے تھے،نواز شریف کو باہر کو باہر کرکے کون سی مقبولیت تھی،ہم نو مئی والے نہیں ہیں بلکہ اٹھائیس مئی والے ہیں،ہمارا مقابلہ بے روزگاری سے ہے،ہمارا مقابلہ بیس روپے کی روٹی اور گیس کی کمی سے ہے،نکالنے والوں نے نواز شریف کو بار بار نکالا لیکن عوام پھر نواز شریف کو لائی،خدمت کرنیوالے لیڈر کا نام نواز شریف ہے،ملک و قوم کا سچا بیٹا ہے تو اس کا نام نواز شریف ہے،اگر آپ کی خدمت نواز شریف نے کرنی ہے تو شیر پر ٹھپے لگائیں ،مقابلے میں کوئی ہو یا نہ ہو آپ نے نکلنا ہے شیر پر مہر لگانی ہے،نوازشریف میڈ ان پاکستان ہے کوئی امپورٹڈ یا فارن ایجنٹ نہیں،نواز شریف واپس آگیا اب پتہ چلا مقبولیت کس کو کہتے ہیں