Tag: نول پلاٹ

اوکاڑہ(نامہ نگار) اوکاڑہ کے گرد و نواح میں تیز آندھی اور شدید بارش ہوئی۔ نواحی علاقے نول پلاٹ میں تیز آندھی کیوجہ سے بجلی کے مین پول ٹوٹ گئے جسکے باعث غوث فیڈر کی بجلی معطل ہوگئی۔ بجلی کے مین پول دربار بالا پیر کے قریب گرے ہیں۔ واپڈہ حکام کے مطابق مرمت کا کام شروع کردیا گیا ہے۔ علاوہ ازیں بعض علاقوں میں موسم خوشگوار رہا اور گرمی کا زور ٹوٹ گیا ہے۔

اوکاڑہ(علی حسین مرزا) اوکاڑہ کے مضافاتی علاقے نول پلاٹ میں عطائی عوام میں بیماریاں بانٹنے لگے۔ نول پلاٹ کے نواحی علاقے موضع لشاریاں میں عطائیوں کی بھرمار، عطائی دونوں ہاتھوں سے عوام میں ناتجربہ کاری اور غلط طریقہ علاج اپنانے کی وجہ سے بیماریاں پھیلانے کے ساتھ ساتھ عوام کو دن رات لوٹنے میں مصروف ہیں۔ باغی ٹی وی کے سروے کے مطابق نول پلاٹ موضع لشاریاں میں عطائیوں نے اپنے مختلف جگہ پر اڈے قائم کررکھے ہیں اور کئی ایک مقامات پر چھوٹے پیمانے پر نام نہاد سرجیکل سنٹرز بنا رکھے ہیں جہاں وہ چھوٹے چھوٹے آپریشن کے ساتھ ساتھ ختنے اور ٹانکے لگانا روزمرہ کا معمول بنا چکے ہیں۔ نان کوالیفائیڈ ڈسپنسرز کلینک کے ساتھ ساتھ میڈیکل سٹورز بغیر لائسنس کے چلا رہے ہیں۔ ادویات جن پر فروخت ممنوع لکھا ہوتا ہے وہ سرعام فروخت کررہے ہیں بلکہ بعض عطائیوں نے رورل ہیلتھ سنٹرز کے ڈاکٹرز سے ساز باز کر رکھی ہے اور سرکاری ادویات لاکر میڈیکل سٹورز پر مہنگے داموں فروخت کررہے ہیں۔ مختلف عطائی تو سرجن بنے بیٹھے ہیں اور ہر مریض کو ڈرپ لگا کر پیسے لوٹنا ان کا معمول کا وطیرہ بن چکا ہے۔ ہرگلی میں دو سے تین نان کوالیفائیڈ ڈاکٹرز موجود ہیں۔ اگر کوئی محکمہ صحت کی ٹیم انکے خلاف ایکشن کرنے کے لیے جائے تو ایک دوسرے کو آگاہ کردیتے ہیں۔ عوام اس دھندے، چور بازاری، حفظان صحت کے اصولوں کی مخالفت اور لوگوں کی قیمتی جانوں سے کھیلنے والے مافیا سے تنگ آچکی ہے اور۔حکام سے ایکشن لینے کا مطالبہ کیا ہے۔

اوکاڑہ(علی حسین مرزا) نول پلاٹ تھانہ راوی کی حدود اراضی بہارشاہ میں ضیاء الحق نامی شخص کے گھر نام معلوم مسلح ڈاکو گھس آئے اور گن پوائنٹ پر گھر کے تمام افراد کو یرغمال بنا لیا۔ ڈاکووں نے طلائی زیورات اور نقدی لوٹ لی اور فرار ہوگئے۔ علاقہ بھر میں خوف و ہراس پھیل گیا۔ مقامی پولیس نے موقع پر پہنچ کر کاروائی کا آغاز کردیا۔ نامعلوم ملزمان کے خلاف مقدمہ درج کرلیا گیا۔

اوکاڑہ(نامہ نگار) نول پلاٹ تھانہ ستگھرہ پولیس نے کاروائی کرتے ہوئے بدنام زمانہ منشیات فروش انجم ضیاء کو گرفتار کرلیا۔ ملزم سے 1250 گرام چرس برآمد ہوئی ہے۔ پولیس نے مقدمہ درج کرلیا ہے۔