Tag: نکاسی آب

قصور
دو روزہ برسات سے سارا قصور شہر دریا کا منظر پیش کرتا رہا،پانی لوگوں کے گھروں،دفتروں،دکانوں میں داخل ہونے سے کروڑوں روپیہ کا نقصان

تفصیلات کے مطابق جمعرات سے جمعہ تک ہونے والی دو روزہ برسات کے باعث سارا قصور شہر دریا کا منظر پیش کرتا رہا
کئی گھنٹے سڑکیں پانی کے باعث دریا میں تبدیل ہوئی رہیں
برسات کا پانی لوگوں کے گھروں،دفتروں اور دکانوں میں داخل ہونے سے شہریوں کی کروڑوں روپیہ کی اشیاء خراب ہو گئیں
برسات ختم ہونے کے باوجود شہر کی بیشتر گلیاں تالاب کا منظر پیش کر رہی ہیں
شہریوں کو گلیوں بازاروں سے گزرنے میں مشکلات کا سامنا ہے جبکہ مون سون بارشوں کا سلسلہ تیز ہونے کا امکان بھی موجود ہے

قصور
قصور کے نواحی علاقہ اوراڑہ میں غیر قانونی بننے والی سوسائٹی سفاری گارڈن نے اہل علاقہ کا پانی بند کر دیا
تفصیلات کے مطابق قصور کے نواحی علاقے اوراڑہ میں بننے والی غیر قانونی سوسائٹی سفاری گارڈن نے اہل علاقہ کی سیوریج لائن بند کر دی جس سے پورے گاوں کا گندا پانی گلیوں میں جمع ہونا شروع ہو گیا
پانی جمع ہونے سے سکول جانے والے بچے، نمازی، اور عام عوام شدید پریشانی کے عالم میں ہیں۔
اہل علاقہ کا کہنا ہے کہ گندگی کی وجہ سے ہمارے بچے ہیضہ، ملریا، ڈینگی جیسی خطرناک بیماریوں میں مبتلا ہو رہے ہیں۔
اہل علاقہ نے ڈی سی قصور اور وزیر اعلی پنجاب سے فوری نوٹس لینے کی اپیل کی ہے

قصور
دیپال قصور روڈ پر واقع مشہور قصبے الہ آباد ٹھینک موڑ کی حالت نا سنور سکی،سیوریج سسٹم خراب ہونے سے مین شاہراہ پر ہر وقت پانی کھڑا رہنا معمول شہریوں کے ساتھ ٹرانسپورٹرز بھی پریشان

تفصیلات کے مطابق دیپال پور قصور روڈ پر واقع تحصیل چونیاں کے قصبے الہ آباد ٹھینک موڑ کی حالت نا سنور سکی سارے قصبے کا سیوریج سسٹم ناکارہ ہے جس سے شہریوں کے گھروں و شاہراہوں پر پانی کھڑا رہتا ہے قصور دیپالپور روڈ پر خاص طور پر پانی ہر وقت کھڑا رہتا ہے جس کے باعث مقامی شہریوں کے ساتھ ٹرانسپورٹرز بھی سچت پریشان ہیں کیونکہ پانی کھڑا رہنے سے گاڑیوں کے گزرنے میں مشکلات کا سامنا کرنا پڑتا ہے اور آئے روز گاڑیاں خراب ہو جاتی ہے
شہریوں نے نئے تعینات ہونے والے اسسٹنٹ کمشنر سے نکاسی آب الہ آباد کی بہتری کیلئے استدعا کی ہے

قصور
20 سال پرانی 100 گھروں پر مشتمل پل جبومیل سٹاپ نالیوں اور سیوریج کے نظام سے محروم لوگ سڑک پر گھروں کا پانی چھوڑنے پر مجبور
تفصیلات کے مطابق 20 سال قبل سردار شریف ڈوگر نے پل جبومیل سٹاپ پر رہائش کی پھر رفتہ رفتہ آس پاس گھروں کی تعداد بڑھتی گئی اور اب تقریبا 100 کے قریب گھر اور 50 کے نزدیک دکانیں بن چکی ہیں جن کی نکاسی آب کیلئے آج دن تک کسی گورنمنٹ نے کوئی کام نہیں کیا مقامی رہائشیوں ،عبدالستار، عبدالغفار گجر،نزیر رحمانی اور بھولا گجر نے نمائندہ باغی ٹی وی سے گفتگو کرتے ہوئے بتایا کہ ہماری رہائشوں کے پیچھے کھیت ہیں جن کے مالکان ہمیں نکاسی کا پانی اپنے کھیتوں میں نہیں ڈالنے دیتے مجبور ہو کر ہم اپنے گھروں کا پانی سڑک پر چھوڑ رہے ہیں حالانکہ ہم سے گورنمنٹ نے رجسٹری کی مد میں لاکھوں روپیہ وصول کئے ہیں مگر پھر بھی ہمیں بنیادی سہولیات سے محروم رکھا گیا ہے ہر ایم پی اے ،ایم این اے ہم سے نکاسی آب کا وعدہ تو کرتا ہے مگر عملدرآمد نہیں حالانکہ آبادی سے صرف ڈیڑھ کلومیٹر کے فاصلے پر راءو خان والا ڈرین ہے لہذہ ہماری نکاسی آب کا مسئلہ حل کیا جائے کیونکہ ہم بھی پاکستانی شہری ہیں لہذہ ڈی سی قصور نوٹس لے کر ہمارہ مسئلہ حل کروائیں