Baaghi TV

Tag: نگران حکومت

  • پی ٹی آئی کولاہور میں ریلی نکالنے کی مشروط اجازت مل گئی

    پی ٹی آئی کولاہور میں ریلی نکالنے کی مشروط اجازت مل گئی

    لاہور: ضلعی انتظامیہ نے پاکستان تحریک انصاف کو لاہور میں ریلی نکالنے کی مشروط اجازت دے دی۔

    باغی ٹی وی : ذرائع کے مطابق نگراں وزیراعلیٰ پنجاب سید محسن نقوی کی ہدایت پر ضلعی انتظامیہ کے افسران نے پی ٹی آئی رہنماؤں سے ملاقات کی اور یقین دہانی کے بعد پی ٹی آئی رہنماؤں کو ریلی کی اجازت دے۔

    ظل شاہ کے کیس میں عمران خان اور یاسمین راشد بھی گرفتار ہوں گے،وزیر اطلاعات …

    ذرائع کے مطابق ضلعی انتظامیہ نے پی ٹی قیادت کو واضح کیا ہے کہ ریلی میں عدلیہ اور اداروں یا اُن کے سربراہان کیخلاف تقاریر، نعرے بازی کی اجازت نہیں ہوگی، بصورت دیگر منتظمین کے خلاف کارروائی عمل میں لائی جاسکتی ہے۔

    بعد ازاں ڈپٹی کمشنر لاہور رافع حیدر نے اجازت نامے کا نوٹیفکیشن جاری کیا جس کے مطابق پی ٹی آئی کی جانب سے حلف لینے کے بعد اجازت دی گئی ہے۔ شرط کے مطابق ریلی میں عدلیہ اور اداروں کی خلاف تقاریر کی اجازت نہیں ہوگی-

    کہا گیا کہ سیکیورٹی کو بہتر بنانے کےلئے فوکل پرسن اور پی ٹی آئی زمہ داران متعلقہ سیکیورٹی اور ضلعی انتظامیہ کیساتھ تعاون کریں گے، ٹریفک میں خلل نہ ڈالنے اور رواں دواں رکھنے کےلئے پی ٹی آئی زمہ داران ضلعی انتظامیہ اور ٹریفک پولیس کیساتھ مکمل تعاون کریں گے۔

    کراچی کنگز نے لاہور قلندرز کو شکست دے دی

    اجازت نامے میں لکھا گیا ہے کہ ریلی کی صورت میں پبلک پراپرٹی کو نقصان پہنچنے کی صورت میں پی ٹی آئی کی متعلقہ انتظامیہ زمہ دار ہوگی، ساؤنڈ سسٹم کے استعمال سے متعلق متعلقہ قانون کی پاسداری کی جائے گی۔ پی ٹی آئی رضا کار ضلعی انتظامیہ کے ساتھ مکمل تعاون کریں گے۔ ریلی کے باعث کسی بھی جگہ کارروباری مراکز کو بند کرنے اور نقصان پہنچانے کی اجازت ہر گز نہیں ہوگی۔

    اجازت نامے میں واضح کیا گیا ہے کہ ریلی میں کارکنوں اور تمام متعلقہ افراد ڈنڈے، یا اس سے متعلقہ کوئی چیز ساتھ نہیں لاسکیں گے۔ ریلی کے دوران کسی کے بھی جزبات احساسات مجروح نہیں ہوں گے۔ ریلی کےلئے کسی بھی جگہ کوئی استقبالیہ کیمپ نہیں لگائے جائیں گے۔ ریلی روٹ پر کسی بھی طرح وال چاکنگ نہیں ہوگی اور نہ ہی کسی شہری کو زبردستی جلوس میں شامل کیا جائے گا جبکہ ریلی کو شام ساڑھے پانچ بجے ختم کیا جائے گا۔

    ظل شاہ کی والدہ نے پی ٹی آئی کو بیٹے کا قاتل قرار دے دیا

    قبل ازیں لاہورمیں پریس کانفرنس کرتے ہوئے پی ٹی آئی کے رہنما حماد اظہر کا کہنا تھا کہ ان کی ابھی عمران خان کے ساتھ بات ہوئی ہے، پی ٹی آئی نے ریلی ملتوی کردی ہے، ریلی کل یا بعد میں بھی ہوسکتی ہے، ہم پرامن انتخابات اورپرامن انتقال اقتدارچاہتے ہیں۔

    یاد رہے کہ تحریک انصاف کے چیئرمین عمران خان نے آج اتوار کو انتخابی مہم کے سلسلے میں ریلی نکالنے کا اعلان کیا تھا جس کے بعد لاہور کی انتظامیہ حرکت میں آئی اور شہر میں دفعہ 144 لگا کر پولیس کی بھاری نفری تعینات کرنے ساتھ ساتھ رینجرز کو بھی طلب کر لیا تھا۔

  • سب کو فکر ہے عمران خان کو کیسے مائنس کرنا ہے؟ پرویز الہٰی

    سب کو فکر ہے عمران خان کو کیسے مائنس کرنا ہے؟ پرویز الہٰی

    سابق وزیراعلیٰ پنچاب پرویز الہٰی سے سابق اراکین صوبائی اسمبلی کی ملاقات ہوئی ہے

    ملاقات کرنے والوں میں چودھری احسان الحق،وسیم خان بادوزئی،عمر عباس ڈھلوں شامل تھے ،اس موقع پرعمر آفتاب اورعلی عباس آغا بھی ملاقات میں شریک تھے ،اس موقع پر وزیراعلیٰ پنجاب پرویز الہیٰ کا کہا تھا کہ دہشتگرد آزادانہ حملے کر رہے ہیں جبکہ سیاسی مخالفین کو قید کیا جارہا ہے،حکومت کی ترجیح امن و امان کا قیام نہیں بلکہ صرف سیاسی انتقام ہے، حکمرانوں کو ملک کی فکر ہے نہ ہی عوام کی،وفاقی حکومت ہو یا نگران سیٹ اپ،سب کو فکر ہے عمران خان کو کیسے مائنس کرنا ہے؟  پی ڈی ایم کی13جماعتیں بھی ملکر عمران خان کا مقابلہ نہیں کر سکتیں، پی ڈی ایم جماعتیں بلدیاتی انتخابات سے لیکر عام انتخابات کے ہر محاذ سے بھاگ رہی ہیں نگران سیٹ اپ فائلیں ڈھونڈ کرہمارے دورکے اقدامات منسوخ کرنے میں مصروف ہے، نگران ڈھائی ماہ کے مہمان،تمام غیر آئینی اقدامات ریکارڈ ہو رہے ہیں، جو جو قانون سے تجاوز کر رہا ہے وہ قانون کے شکنجےمیں آ کرہی رہے گا،

    دوسری جانب تحریک انصاف کے رہنما عمر سرفراز چیمہ کا کہنا ہے کہ دہشتگرد ایسے واقعات کے ذریعے دہشت پھیلا نا چاہتے ہیں،سیاسی اور معاشی عدم استحکام ختم کرنے کیلئے ان کے پاس کوئی فارمولا نہیں حکومت کے پاس عوام کو ریلیف دینے کیلئے کچھ نہیں، 9ماہ میں اگر کسی کو ریلیف ملا تو ان ڈاکووں اور کرپٹ لیڈرشپ کو ملا ،انہوں نے کرپشن کیلئے ہر طرح کے دروازے کھلے چھوڑے ہیں، انہوں نے اپنی کرپشن چھپانے کیلئے قوانین بدل ڈالے وزیرداخلہ نیشنل ایکشن پلان پر عمل کرنے کے بجائے عمران خان پر تنقید کرتے رہے،90روز میں انتخابات کرانا الیکشن کمیشن کی ذمہ داری ہے، آئین میں لکھا ہے کہ اگر اسمبلیاں تحلیل ہو جائیں تو الیکشن 90دن میں کرائے جائیں اگر کوئی آئین شکنی کرے گا تو اس کی سزا آئین میں موجود ہے، عدالت کسی آئین شکن کو تحفظ نہیں دے گی، فواد چودھری کو جھوٹے مقدمے میں گرفتار کیا گیا آج پی ڈی ایم کی تمام توجہ عمران خان کیخلاف انتقامی کارروائیوں پر ہے،مخالفین کیخلا ف جھوٹے پرچے درج کئے گئے،

    عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

     پرویز الہیٰ کے بیٹے مونس الہیٰ کی آڈیو لیک

     پرویز الہیٰ عمران خان سمیت تحریک انصاف پر برس پڑے

    ودھری پرویز الہی کیلئے لڑکیوں کی سپلائی، شراب کی بوتلیں، اہم ثبوت مل گئے،ا

    ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

    عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

  • اداروں کے ساتھ ہوں، ان کو پاکستان کی ریڑھ کی ہڈی سمجھتا ہوں،شیخ رشید

    اداروں کے ساتھ ہوں، ان کو پاکستان کی ریڑھ کی ہڈی سمجھتا ہوں،شیخ رشید

    اداروں کے ساتھ ہوں، ان کو پاکستان کی ریڑھ کی ہڈی سمجھتا ہوں،شیخ رشید
    باغی ٹی وی کی رپورٹ کے مطابق سابق وفاقی وزیر داخلہ ،عوامی مسلم لیگ کے سربراہ شیخ رشید احمد کا کہنا ہے کہ آج اور کل کا دن سیاست کے لیے بہت اہم ہیں

    شیخ رشید احمد کا کہنا تھا کہ اسلام آباد ،راولپنڈی اورہرجگہ فیصلے ہو رہے ہیں،31 مئی تک اہم فیصلے ہوجائیں گے ، ڈالر 200 روپے تک جا رہا ہے،48 گھنٹے میں فیصلے ہوجائیں گے ،20مئی کو عمران خان ملتان میں مارچ کی کال دیں گے، عمران خان کے خلاف جس جس نے ماسٹر پلان بنایا وہ عقل کا اندھا تھا،ایم کیو ایم بھی کہتی ہے الیکشن کراؤ،آصف زرداری نے نواز شریف سے جو بدلہ لینا تھا وہ لے لیا ہے ایف آئی اے میں ایک ہی کام ہورہا ہے، حمزہ شہباز،فریال تالپور اور آصف زرداری کےکیسز کسی طرح سے ختم کرنے کا پلان چل رہاہے،جس جہاز پر نواز شریف آئے گا اس میں چور اور غدار کے نعرے لگیں گے، اب نوازشریف کوپاکستان آنے سے کون روک رہا ہے؟

    سابق وفاقی وزیر داخلہ شیخ رشید احمد کا مزید کہنا تھا کہ اداروں کے ساتھ ہوں، ان کو پاکستان کی ریڑھ کی ہڈی سمجھتا ہوں، فرد جرم والے کو پاکستان کا چیف ایگزیکٹو لگا دیا جائے یہ کہاں کا قانون ہے، کیا جن پر کیسز ہوں ان سے ملک کے بڑے فیصلے کروائے جا سکتے ہیں ایف آئی اے مقصود چپڑاسی کا کیس ختم کرنے جارہی ہے،افسران کو ہٹا کر کرائے کے لوگ لگائے جا رہے ہیں ،نگران حکومت بنے گی، انہوں نے آئی ایم ایف کے پاس جانا ہے،ایم کیو ایم نے کہہ دیا اپوزیشن میں بیٹھ سکتے ہیں

    آپ اتنا مت گھبرائیں،فارن فنڈنگ کیس میں عدالت کا پی ٹی آئی وکیل سے مکالمہ

    فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

    فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

    فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

    فارن فنڈنگ کیس میں بھی عمران خان کو اب سازش نظر آ گئی، اکبر ایس بابر