لاہور کی احتساب عدالت نے تحریک انصاف کے صدر پرویز الہیٰ کا مزید 8 روزہ جسمانی ریمانڈ منظور کر لیا۔

باغی ٹی وی : تفصیلات کے مطابق سابق وزیراعلیٰ پنجاب پرویز الہیٰ کے خلاف سرکاری ٹھیکوں میں گھپلوں اور کک بیکس کے کیس کی سماعت زبیر شہزاد کیانی نے کی۔ ملزم پرویز الہیٰ کو 6 روزہ جسمانی ریمانڈ پر عدالت پیش کیا گیا-

پرویز الہی کے وکیل نے مؤقف اختیار کیا کہ سپریم کورٹ نے لاہور ہائیکورٹ کو حکم دیا تھا کہ 21 اگست تک فیصلہ کریں مگر ابھی تک ہائیکورٹ میں کیس نہیں سنا گیا عدالت اگر مناسب وقت کیلئے پرویز الہٰی کا ریمانڈ منظور کر لیتی ہے تو ہمیں کوئی اعتراض نہیں۔

شاہ محمود قریشی کے جسمانی ریمانڈ کی استدعا پر فیصلہ محفوظ

پرویز الہٰی نے دوران سماعت عدالت کو بتایا کہ میری کمر میں شدید تکلیف ہے، پاؤں بھی سوجے ہوئے ہیں، ذاتی معالج سے ملاقات کی اجازت دی جائے جس پر عدالت نے کہا کہ اس معاملے کو دیکھ لیتے ہیں اورنیب کی جانب سے 14 روزہ جسمانی ریمانڈ کی استدعا مسترد کرتے ہوئے 8 روزہ جسمانی ریمانڈ منظور کر لیا۔

آئی جی پنجاب کا مینٹل ہیلتھ کا دورہ ،کانسٹیبل شاہد عباس کی جلد صحت …

میڈیا سے گفتگو کرتے ہوئے پرویز الہیٰ نے کہا ہے کہ میں اور پی ٹی آئی فوج کو خراج تحسین پیش کرتے ہیں فوج کی اس ملک کے لیے بڑی قربانیاں ہیں، میں دل کی گہرائیوں سے عدلیہ اور قانون کی حکمرانی کیلئے کردار ادا کرنے پرمیڈیا کو بھی خراج تحسین پیش کرتا ہوں اسمبلیوں کی عدم موجودگی میں ان کا ظلم میڈیا دکھا رہا ہے،شاہ محمود قریشی کا نام سائفر میں ڈالنا انتہائی افسوس کی بات ہے ،میرا پیغام ہے پی ٹی آئی کے ساتھ کھڑے رہیں، الیکشن وقت پر نہیں ہو رہے ، اس حوالے سے عدالت سے رجوع کریں گے-

نیب نے پرویز الہی کے خلاف انکوائری رپورٹ تیار کرلی

واضح رہے کہ پرویز الہٰی کیخلاف سرکاری ٹھیکوں میں مبینہ گھپلوں اور کک بیکس کی نیب انکوائری رپورٹ منظر عام پر آ گئیرپورٹ میں کہا گیا ہے کہ پرویز الہٰی کرپشن میں ملوث پائے گئے، پرویز الہٰی نے بطور وزیر اعلیٰ خاص مقاصد کے لیے شریک ملزمان سے ملکر گجرات کیلئے 116 سکیمیں منظور کروائیں، اوراپنے عہدے کا ناجائز استعمال بھی کیا پرویز الہٰی نے اثرو رسوخ استعمال کر کے سکیموں کے ٹھیکے من پسند کٹریکٹرز کو دے کر اپنے فرنٹ مین کے ذریعے رشوت، کک بیکس لئے، اس کے علاوہ گجرات میں غیر ضروری طور پر درجنوں سکیمیں شروع کروائیں۔

نئی مردم شماری پرالیکشن کمیشن کیجانب سے حلقہ بندیوں کا آغاز آج سے ہوگا

رپورٹ میں مزید کہا گیا ہے کہ سکیموں کیلئے ایڈوانس فنڈز جاری کرنا پرویز الہٰی کی بدنیتی تھی، انہوں نے دوسری سکیموں کے فنڈز بھی گجرات کی سکیموں کیلئے مختص کئے، سابق وزیراعلیٰ پنجاب نے صوبے کا سربراہ ہونے کے ناطے اپنے عہدے کا غلط استعمال کیا اور کک بیکس لئے۔

قومی احتساب بیورو(نیب)نے سابق وزیراعلیٰ پنجاب اور تحریک انصاف کے صدر چودھری پرویز الٰہی کے خلاف ٹھیکوں میں گھپلوں اور کک بیکس کی انکوائری رپورٹ تیار کرلی۔

باغی ٹی وی : نیب رپورٹ کے مطابق پرویز الٰہی کرپشن میں ملوث پائے گئے،پرویز الٰہی نے گجرات کیلئے 116سکیمیں منظور کرائیں، پر ویز الٰہی نے بطور وزیراعلیٰ عہدے کا ناجائز استعمال کیا،سابق وزیراعلیٰ پنجاب نےسکیموں کے ٹھیکے من پسند کنٹریکٹرز کو دیئے، پرو یز الٰہی نے ٹھیکے دے کر اپنے فرنٹ مین کے ذریعے کک بیکس لئے،پرویز الٰہی کرپٹ پریکٹسز میں ملوث پائے گئے ہیں۔

واضح رہے کہ گجرات میں ترقیاتی کاموں میں ایک ارب 25 کروڑ کرپشن کیس میں سابق وزیراعلیٰ پنجاب سابق وزیراعلیٰ پرویزالہی کو آج احتساب عدالت میں پیش کیاجائےگاپیشی سے قبل لاہور کی احتساب عدالت میں پولیس کی بھاری نفری تعینات کردی گئی،پولیس نے صحافیوں کو احتساب عدالت داخلے سے روک دیا ہے پولیس افسران کا کہنا ہے کہ عدالت میں صحافیوں کے داخلے پر پابندی ہے-

قرض واپس نہ کرنے پربھارتی بینک کاسنی دیول کا گھر نیلام کرنے کا فیصلہ

واضح رہے کہ پرویز الہی 6 روز سے جسمانی ریمانڈ پر نیب کی حراست میں ہیں۔

بجلی مزید مہنگی کرنے کا منصوبہ تیار

ٹک ٹاک اور ٹیلی گرام پر پابندی لگانے کا فیصلہ

پی ٹی آئی کے سابق ایم پی اے گرفتار

ایمان مزاری اور علی وزیر کے جسمانی ریمانڈ پر فیصلہ محفوظ

سابق وزیر اعلیٰ عثمان بزدار کے خلاف نیب میں تحقیقات جاری ہیں،

نیب لاہور نے عثمان بزدار کو پھر طلبی کا نوٹس جاری کردیا۔نیب نے عثمان بزدار کو 30 اگست کو طلب کر لیا۔ نیب نے عثمان بزادر کو ایک درجن سے زائد نوٹسز جاری کر چکا ہے لیکن وہ پیش نہیں ہوئے ہیں۔ نیب نے عثمان بزدار تفتشی ٹیم کے سامنے مطلوبہ ریکاڑد کے ہمراہ پیش ہونے کی ہدایت کر دی ،نیب عثمان بزدار کیخلاف آمدن سے زائد اثاثہ جات کیس میں تحقیقات کر رہا ہے۔ نیب عثمان بزدار کیخلاف پنجاب میں مبینہ غیرقانونی ٹرانسفر و پوسٹنگ کی بھی چھان بین کر رہا ہے۔نیب عثمان بزدار کیخلاف کرپشن اور کرپٹ پریکٹس کیس کی بھی چھان بین کر رہا ہے۔

تحریک انصاف کے دور حکومت میں پنجاب کے وزیراعلیٰ رہنے والے عثمان بزدار پر پیسے لے کر تقرریوں کا بھی الزام ہے جب کہ وہ مختلف کیسز میں نیب کے سامنے پیش ہوتے رہے ہیں

عثمان بزدار پی ٹی آئی کے دور حکومت میں تین سال سے زائد عرصے تک وزیراعلیٰ رہے اور پی ٹی آئی میں اکثر ان کی کارکردگی سے متعلق اختلافات کی خبریں سامنے آتی رہیںتاہم عمران خان نے اپنی حکومت کے آخری ایام میں عثمان بزدار کو وزارت اعلیٰ سے ہٹاکر پرویز الٰہی کو پنجاب کا وزیراعلیٰ مقرر کیا تھا۔

9 مئی کو عمران خان کی گرفتاری کے بعد پیدا ہونے والی صورتحال کے بعد گزشتہ ماہ 2 جون کو عثمان بزدار نے تحریک انصاف کو چھوڑ کر سیاست سے دستبرداری کا اعلان کیا انہوں نے 9 مئی کے واقعات کی مذمت کی اور کہا کہ وہ فوج کے ساتھ کھڑے ہیں اور آئندہ بھی کھڑے رہیں گے

عثمان بزدار کے آبائی علاقے کے لوگ پانی کی بوند بوند کو ترس گئے

عمران خان نے 258 کنال اپنی اہلیہ بشری بی بی کے نام کروائی جبکہ 240 کنال اپنی اہلیہ کی دوست فرح گوگی کے نام کروائی

بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

بشریٰ بی بی کی قریبی دوست فرح نے خاموشی توڑ دی

وزیراعلیٰ پنجاب کی نیب میں طلبی،ترجمان پنجاب حکومت کا موقف آ گیا

حمزہ شہباز کو جیل میں کیوں رکھا ہوا ہے؟ مریم اورنگزیب نے کیا بڑا انکشاف

نیب قانون میں اپوزیشن کی جانب سے ترامیم کا مسودہ، قریشی نے کھری کھری سنا دیں، کہا تحریک انصاف کیلئے یہ ممکن نہیں

عثمان بزدار کے گرد گھیرا تنگ،مبشر لقمان نے بطور وزیر بیورو کریسی کیلئے کیسے سٹینڈ لیا تھا؟ بتا دیا

واضح رہے کہ اس سے قبل سابق وزیراعلیٰ پنجاب عثمان بزدار کے خلاف نیب کی جانب سے شراب لائسنس کے خلاف قانون اجرا کے معاملے پر بھی چھان بین کی جارہی ہے۔ نیب نے وزیراعلیٰ پنجاب کو طلب بھی کیا تھا اور وہ نیب میں پیش بھی ہوئے تھے

سابق وزیر اعلی پنجاب کی مقامی عدالت میں پیشی کا معاملہ,ڈیوٹی جج نے پرویز الہٰی کا ایک روزہ راہداری ریمانڈ منظور کر لیا

پرویز الہٰی کو کل لاہور کی متعلقہ عدالت میں پیش کرنے کا حکم دے دیا گیا،ڈیوٹی مجسٹریٹ خالد حیات نے پرویز الہی کا راہداری ریمانڈ منظور کیا

قبل ازیں نیب لاہور کی ٹیم نے سابق وزیراعلیٰ پنجاب ، تحریک انصاف کے صدر چودھری پرویز الٰہی کو جوڈیشل کمپلیکس راولپنڈی میں پیش کردیا،چودھری پرویز الٰہی کو ڈیو ٹی مجسٹریٹ خالد حیات کی عدالت میں پیش کیا گیا،نیب نے عدالت سے چودھری پرویز الٰہی کے راہداری ریمانڈ کی استدعا کی، دلائل سننے کے بعد ڈیوٹی مجسٹریٹ نے فیصلہ محفوظ کرلیا عدالت نے کہا کہ پرویز الٰہی بزرگ ہیں اوپر لانے کی بجائے گاڑی میں وکالت نامہ پر دستخط کروائیں

سابق وزیر اعلی پرویز الہی کو اڈیالہ سے رہا کرنے کے بعد نيب کیس میں گرفتاری ڈال دی گئی،پرویز الٰہی کے خلاف آمدن سے زائد اثاثہ جات کیس میں گرفتاری ڈالی گئی ،نیب نے سابق وزیر اعلی چوہدری پرویز الٰہی کی نیب کیس میں گرفتاری ڈال دی ،نیب لاہور کی ٹیم اڈیالہ جیل سے پرویز الٰہی کو لے کر سیشن کورٹ پنڈی پہنچ گئی ،

جیل انتظامیہ کا کہنا ہے کہ پی ٹی آئی کے صدر چوہدری پرویز الہی کو اڈیالہ جیل سے رہا کر دیا گیا،پرویز الہی کو نظر بندی آرڈر کی مدت مکمل ہونے کے بعد رہا کیا گیا،نیب راولپنڈی نے پرویز الہی کو جیل سے رہا ہوتے ہی حراست میں لے لیا

صدر پی ٹی آئی چودھری پرویز الہیٰ کو کل احتساب عدالت لاہور میں پیش کیا جائیگا ،چودھری پرویز الہیٰ کیخلاف نیب میں مختلف ترقیاتی منصوبوں میں ککس بیکس لینے سمیت دیگر الزامات عائد ہیں ،نیب لاہور کی ٹیم راہداری ریمانڈ ملنے کے فوری بعد چودھری پرویز الہیٰ کو فوری لاہور منتقل کردے گی

پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز

خدشہ ہے کہ پرویز الٰہی کو گرفتار کر لیا جائیگا

پرویز الہیٰ کے خلاف ایک اور مقدمہ درج کر لیا گیا ،

پرویزالہٰی کی حفاظتی ضمانت پر تحریری فیصلہ 

زمان پارک سے اسلحہ ملنے کی ویڈیو

واضح رہے کہ پرویز الہیٰ کو سیکورٹی خدشات کی وجہ سے لاہور سے اڈیالہ جیل منتقل کیا گیا تھا ، پرویز الہیٰ کو عدالت نے رہا کرنے کا حکم دیا تھا تا ہم ڈی سی لاہور کے حکم پر پرویز الہیٰ کو نظر بند کر دیا گیا، پرویز الٰہی کو ہائی پروفائل کیس کی وجہ سے حکومت کی منظوری سے اڈیالہ جیل منتقل کیا گیا ہے، آج پرویز الہیٰ کو اڈیالہ سے رہائی ملنی تھی تا ہم ساتھ ہی نیب حکام پرویز الہیٰ کو گرفتار کرنے پہنچ گئے

لاہور:نیب لاہور کی کاروائی، مونس الہی کے لیے مشکلات مزید بڑھنے لگیں

نیب نے مونس الہی کے سیکٹری سہیل اصغر اعوان کو گرفتار کرلیا ،سہیل اصغر اعوان پر سرکاری ٹھیکوں میں مبینہ کک بیکس وصول کرنے کا الزام ہے احتساب عدالت نے سہیل اعوان کا 16 اگست تک جسمانی ریمانڈ منظور کرلیا عدالت نے آئندہ سماعت پر تفتیشی سے تحقیقات کی رپورٹ طلب کرلی نیب لاہور نے احتساب عدالت کے جج زبیر شہزاد کیانی کی عدالت میں سہیل کو پیش کیا

دوسری جانب نیب لاہور کی پرویز الہی، مونس الٰہی کے خلاف انکوئری ،بڑے انکشافات سامنے آ گئے ،مونس الہی اور پرویز الہی نے لاہور ماسٹر پلان پراجیکٹ سے اربوں کے فوائد حاصل کیے،میڈیا رپورٹس کے مطابق مونس الٰہی، پرویز الہی کی ذاتی اور قریبی اعزاء کی ملکیتی اراضی بھی ماسٹر پلان میں شامل کیے جانے کا انکشاف سامنے آیا ہے،ماسٹر پلان 2050 لاہور میں ذاتی ملکیتی اراضی شامل کرکے اربوں روپے کا فائدہ حاصل کیا گیا، لاہور کے ماسٹرپلان کی مبینہ طور پر غیرقانونی منظوری میں سرکاری خزانے کو 300 ارب کا نقصان پہنچایا گیا، نیب ذرائع کے مطابق ماسٹر پلان لاہور،قصور ،شیخوپورہ اور ننکانہ کے لئے بنایا گیا اور اس پر 2020 میں کام کا آغاز کیا گیا

ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں

عمران خان کی محبت بھری شاموں کا احوال، سب پھڑے جان گے، گالی بریگیڈ پریشان

عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ

پرویز الہی اور مونس الہی کے دباو پر ماسٹر پلان میں لاہور کے مضافات میں لاکھوں ایکڑ زرعی رقبہ کو براؤن کرنے کا الزام ہے، پچانوے مربع کلومیٹر زمین تعمیرات کے لئے اور نئی ہاوسنگ سوسائٹیز کے لئے مختص کرکے ڈویلپرز کو نوازا گیا،سابق وزرائے اعلیٰ عثمان بزدار اور پرویز الہٰی پر بڑے رئیل اسٹیٹ ڈویلیپرز سے ملی بھگت کرکے گرین ایریاز کو براون میں تبدیل کروانے کا الزام ہے پرویز الٰہی نے موجودہ سکیمز سے بیٹرمنٹ فیس معاف کر کے بھی قومی خزانے کو تین سو ارب کا نقصان پہنچایا،

لاہور: نیب لاہور نے شہریوں کو دھوکہ دینے والے جعلی نیب افسران بلاول ہارون اور اکمل کو گرفتار کر لیا-

باغی ٹی وی: نیب ترجمان کے مطابق ملزمان کے قبضہ سے حساس اداروں کے جعلی کاغذات، جعلی اسٹمپ، لیٹر پیڈ، سرکاری افسران کے جعلی وزیٹنگ کارڈز،سروس کارڈ، شناختی کارڈز ، جعلی تصاویراور متاثرین سے لوٹا گیا کیش برآمد ہوا ہے گرفتار ہونے والے ملزمان سادہ لوح افراد کو کام نکلوانے کا جھانسہ دے کر خطیر رقوم بھی بٹورتے رہے اور بعد ازاں جان سے مارنے کی دھمکیاں بھی دیتے رہے۔

دریائے سندھ کی نایاب ڈولفن کو نامعلوم دیہاتیوں نے گولی مار دی

ترجمان کے مطابق ڈی جی نیب لاہورامجد مجید اولکھ نےحالیہ کھلی کچہری میں ملزمان کیخلاف شکایت موصول ہونے پر فوری گرفتاری کا ٹاسک دیا، ملزمان ایک گروہ کی مانند عوام کے سامنے خود کو حساس ادارے کا افسر ظاہر کرکے لاکھوں روپے وصول کرچکے تھے-

ترجمان کے مطابق چیئرمین نیب لیفٹینٹ جنرل (ر) نزیر احمد کی جانب سے واضع ہدایات ہیں کہ کرپشن کیسز کی تحقیقات میں صرف کال اپ نوٹسز کے ذریعے ہی ملزمان و متاثرین سے رابطہ کیا جائےعوام کو آگاہ کیا جاتا ہے کہ کسی بھی شکایت کی صورت میں نیب لاہور انٹیلی جنس ونگ یا ترجمان آفس و ہیلپ لائن نمبر پر رابطہ کیا جاسکتا ہے، نیب کیجانب سے تاحال 13 ایسے ملزمان کی گرفتاری عمل میں لائی جا چکی ہے جنہیں ضروری تحقیقات کے بعد پولیس کے حوالہ کردیا گیا-

لون ایپ کے ذریعے فراڈ کرنیوالا غیرملکی باشندہ گرفتار

لاہور: نیب نے پی ٹی آئی کے صدر چوہدری پرویز الٰہی اور ان کے بیٹے مونس الٰہی کے خلاف گھیرا تنگ کرنے کا فیصلہ کرلیا ہے۔

باغی ٹی وی: نیب نے پرویز الٰہی اور مونس الٰہی کے کی جائیدادوں، گاڑیوں سمیت تمام اثاثوں کی تفصیلات طلب کرلیں نیب نے پرویز الٰہی، ان کی اہلیہ، مونس اور راسخ الہیٰ کی پراپرٹیز کا ریکارڈ بھی طلب کرلیا،پرویز الٰہی کی بیٹی اور بہوؤں کے اثاثوں کا ریکارڈ بھی طلب کر لیا۔

نیب مونس الٰہی کے خلاف آمدن سے زائد اثاثوں کی انکوائری بھی شروع کرے گا نیب حکام نے اثاثوں کے ریکارڈ کیلئے ڈپٹی کمشنرز اور ایکسائز آفیسرز کو خط لکھ دیا۔

قبل ازیں لاہور کی اسپیشل کورٹ سینٹرل نے پاکستان تحریک انصاف (پی ٹی آئی) کے صدر پرویزالٰہی کو پیش نہ کرنے پر ہوم سیکرٹری، انسپکٹر جنرل (آئی جی) پولیس پنجاب اور آئی جی جیل خانہ جات کی تنخواہیں روکنے کا حکم دے دیا۔

سعودی رائل ائیر فورس کا تربیتی طیارہ گر کر تباہ

لاہور میں اسپیشل کورٹ سینٹرل کےجج بخت فخر بہزاد نے ایف آئی اے کے منی لانڈرنگ کیس کی سماعت کی اور چوہدری پرویز الٰہی کو پیش نہ کرنے پر تحریری حکم جاری کیا۔

حکم میں کہا گیا ہے کہ جوڈیشل کسٹڈی والےملزم کو عدالت کی مرضی کے بغیر منتقل کرنے کی ہمت کیسے ہوئی؟ آج ایک شخص کی آزادی پولیس کےہاتھ میں ہے توکل یہ آزادی کسی اورکےہاتھ میں جاسکتی ہے، ایک قیدی کو تین افسران نے مغوی بنایا ہے، یہ اقدام ریاست کی بےحسی بےنقاب کرتاہےجو ایک قیدی کو اس کے آئینی حقوق سے محروم کرنے پربھی اپنی جگہ سے نہیں ہلتی۔

توشہ خانہ فوجداری کیس،سپریم کورٹ کے آرڈر آنے تک سماعت ملتوی

فیصلے میں کہا گیا ہے کہ یہ بات سمجھ سےباہر ہے کہ ریاست کیسے ایک شخص کو عدالت میں پیش کیے بغیر مسلسل قید میں رکھنے پرغافل ہے، یہ صورتحال ذمہ داروں کے خلاف سخت کارروائی کا تقاضہ کرتی ہے لیکن ابھی تک اس پکار نے کسی کو نہیں جگایا سماعت شروع ہوئی تو عدالتی حکم کے باوجود پرویز الٰہی کو پیش نہ کیا گیا تو ڈی آئی جی علی ناصر رضوی نے بتایا کہ پولیس کی ٹیم صبح سے جیل کے باہر کھڑی ہے لیکن ملزم کو حوالے نہیں کیا جا رہا، عدالت نے پوچھا کہ کس کی اجازت سے ملزم کو راولپنڈی بھیجا گیا؟ تو ڈی آئی جی نے بتایا کہ ہوم ڈیپارٹمنٹ نے منتقل کیا۔

عدالت نے آئی جی پنجاب، آئی جی جیل اورہوم سیکرٹری کی تنخواہ روکنے کا حکم دیا اور تینوں افسران پر 50، 50 ہزار روپے جرمانے بھی عائد کیا عدالت نے تینوں افسران کو 5 اگست کے لیے اظہار وجوہ کا نوٹس بھی جاری کردیا اوریہ بھی حکم دیا کہ پرویز الٰہی کو 5اگست کو پیش کیا جائے۔

ایف بی آر نے قومی ائیرلائن کے تمام بینک اکاؤنٹس منجمد کردیئے