Baaghi TV

Tag: نیب

  • نیب کیسز ثابت نہ ہونے پر ملزمان عدالتوں سے بری ہو جاتے ہیں،سپریم کورٹ

    نیب کیسز ثابت نہ ہونے پر ملزمان عدالتوں سے بری ہو جاتے ہیں،سپریم کورٹ

    نیب کیسز ثابت نہ ہونے پر ملزمان عدالتوں سے بری ہو جاتے ہیں،سپریم کورٹ

    سپریم کورٹ میں چیف جسٹس پاکستان جسٹس عمر عطا بندیال کی سربراہی میں 3 رکنی بینچ نے نیب کے مختلف مقدمات میں ملزمان کی ضمانت منسوخی کی درخواستوں پر سماعت کی

    نیب پراسیکیوٹرعدالت میں پیش ہوئے ،دورانِ سماعت نیب پراسیکیوٹر نے کہا کہ ملزمان کی ٹرائل کورٹ سے بریت سے ضمانت منسوخی کی اپیلیں غیر موثر ہوچکی ہیں نیب پراسیکیوٹر کے موقف پر چیف جسٹس عمر عطا بندیال نے استفسار کیا کہ ملزمان عدالت سے کب بری ہوئے؟ کیا احتساب عدالتوں سے ملزمان کی بریت کا نیب کے پاس حساب کتاب ہے؟

    چیف جسٹس عمرعطا بندیال نے ریمارکس دیتے ہوئے کہا کہ نیب ملزمان کو پکڑ کر جیلوں میں ڈال دیتا ہے اور نیب کیسز ثابت نہ ہونے پر ملزمان عدالتوں سے بری ہو جاتے ہیں ، نیب پراسیکیوٹر نے کہا کہ نیب بیورو آفسز میں ملزمان کا تمام ریکارڈ رکھا جاتا ہے عدالت نے نیب سے احتساب عدالتوں سے ملزمان کی بریت کی رپورٹ طلب کرتے ہوئے سماعت ملتوی کردی

    نیب نے ظہیر الدین،ناصر قادر،مسود اختر،سلیم اختر، خالد نعیم کی صمانت منسوخی کیلئے اپیلیں دائر کی تھی

    خواتین کو تعلیم سے روکنا جہالت،گزشتہ 7ماہ سے انتشار کا کوئی واقعہ نہیں ہوا،طاہر اشرفی

    کسی بھی مکتبہ فکر کو کافر نہیں قرار دیا جا سکتا ،علامہ طاہر اشرفی

    امریکا اپنی ہزیمت کا ملبہ ڈالنا چاہتا ہے تو پاکستان اس کا مقابلہ کرے،علامہ طاہر اشرفی

    وزیراعظم  نے مکہ میں دوران طواف 3 مرتبہ مجھے کیا کہا؟ طاہر اشرفی کا اہم انکشاف

  • سینیٹ اجلاس، حکومت کا شہزاد اکبر کیخلاف انکوائری کا اعلان

    سینیٹ اجلاس، حکومت کا شہزاد اکبر کیخلاف انکوائری کا اعلان

    سینیٹ اجلاس، حکومت کا شہزاد اکبر کیخلاف انکوائری کا اعلان

    چیئرمین سینیٹ صادق سنجرانی کی زیر صدارت سینیٹ اجلاس ہوا

    سینیٹ اجلاس میں وقفہ سوالات کے دوران وزیر مملکت قانون و انصاف شہادت اعوان نے اظہار خیال کرتے ہوئے کہا کہ جن افراد سے وصولی کی فہرست میں کوئی سیاستدان نہیں جس نے پلی بارگین کی ہو،فہرست میں زیادہ ریئل اسٹیٹ افراد شامل ہیں،نیب میں تمام کیسز آئیں گے، جو آدمی چیئرمین نیب آئے گا وہ غیر جانبدار ہوگا،نیب کے 300 ملازمین کے خلاف مس کنڈکٹ اور دیگر محکمانہ انکوائری ہوئی ہے، نیب ملازمین کے خلاف کریمنل کیسز چل رہے ہیں ، کچھ کو سزا ہوئی ہے، نیب ملازمین نے خود پلی بارگین کی ،بعض کی اپیلیں چل رہی ہیں،جام مہتاب نے کہا کہ شہزاد اکبر سے متعلق خبر آئی ہے کہ انہوں نے ہنڈی کے ذریعے رقم باہر بھیجی، شہادت اعوان نے کہا کہ نیب حکام کو کہوں گا کہ شہزاد اکبر کے حوالے سے انکو ائری شروع کریں،

    سینیٹر سلیم مانڈوی والا نے نیب افسران کے اثاثوں کی تفصیلات منظر عام پرلانے کا مطالبہ کر دیا ،سلیم مانڈوی والا کا کہنا تھا کہ جیسے سیاستدانوں کے اثاثے چلاجاتے ہیں ویسے ہی نیب افسران کے بھی دکھائیں ،چیئرمین سینیٹ صادق سنجرانی نے کہا کہ میڈیا میں تو سیاستدانوں کے بچوں کے اثاثے بھی چلائے جاتے ہیں، وزیر مملکت شہادت اعوان نے کہا کہ نیب کو کرپشن فری ہونا چاہیے، افسران کی تقرری سے متعلق طریقہ کار فالو کیا جاتا ہے، شہزاد اکبر کے اثاثوں کے متعلق ممبر کے سوال پر نیب سے رابطہ کروں گا،چیئرمین سینیٹ صادق سنجرانی نے معاملہ قائمہ کمیٹی قانون و انصاف کو بھجوا دیا

    سینیٹ اجلاس میں تحریک انصاف کے سینیٹر سینیٹر اعجاز چودھری نے این آر او نامنظور کے نعرے لگائے،شہزاد وسیم کا کہنا تھا کہ امپورٹڈ حکومت کی ترجیح نیب کا ادارہ ختم کرنا ہے ،حکومت این آراو لینا چاہتی ہے،سینیٹ میں قانون سازی نہیں ہوئی،قانون بلڈوزکیا گیا،

    سینیٹ اجلاس میں اپوزیشن ارکان نے ایوان سے واک آؤٹ کر دیا،فیصل سبزواری اپوزیشن اراکین کو مناکر ایوان میں لے آئے، اپوزیشن اراکین نے سینیٹ اجلاس میں کہا کہ مقصود چپڑاسی کا انتقال ہوگیا،فاتحہ خوانی کرادیں ،جس پر چیئرمین سینیٹ صادق سنجرانی نے کہا کہ ایجنڈا کے مطابق اجلاس کی کارروائی چلنے دیں،

    ساتویں این ایف سی ایوارڈ عمل درآمد پر دوسری بائی اینول مانیٹرنگ رپورٹ سینیٹ میں پیش کر دی گئی،وزیر مملکت خزانہ عائشہ غوث پاشا نےرپورٹ پیش کی، چیئرمین سینیٹ صادق سنجرانی نے کہا کہ مفتاح اسماعیل کو کہیں وہ خود بھی آیا کریں،مفتاح اسماعیل وفاقی وزیر ہیں انہیں بھی کبھی کبھی آنا چاہیے، مفتاح اسماعیل آپ کو بھیج دیتے ہیں،

    وزیرمملکت برائے پیٹرولیم مصدق ملک نے ایوان میں اظہار خیال کرتے ہوئے کہا کہ آنے والا وقت ایل این جی کا ہوگا،ملک میں 26 فیصد گیس ڈومیسٹک کنزیومرزکوجارہی ہے،ہماری ضروریات مقامی گیس سے پوری نہیں ہوسکتیں،ہرسال 10 فیصد اضافی گیس کے ذخائرکم ہوتے جا رہے ہیں،ابھی تک 1400 ارب روپے کی سبسڈی سرکلر ڈیٹ میں ہوچکی ہے،ہم غیر مستحکم صورتحال سے دوچار ہیں گیس تقریباً800 سے سوا 800 ایم ایم سی ایف ڈی ہے ،سردیوں میں گھریلو صارفین کی گیس کی ضرورت ساڑھے 900 ایم ایم سی ایف ہوتی ہے،پچیس سے 26 فیصد گیس گھریلو صارفین کودی جارہی ہے 17فیصد گیس صنعتوں کو دی جا رہی ہے ایل این جی کی قیمت مقامی گیس سے 4گنا زائد ہے،2030تک ملک میں 76 فیصد ایل این جی، 24 فیصد مقامی گیس استعمال ہو گی،99 فیصد صارفین کو سبسڈی دی جاتی ہے ایل این جی گھریلو صارفین کو فراہم کرنے پر 92 سے 97 فیصد سبسڈی دی جاتی ہے،

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف

    سیاسی مفادات کے لئے ملک کونقصان نہیں پہنچانا چاہئے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

  • انصاف کا تقاضہ تھا چیئرمین نیب اپنے اثاثوں کاحساب دیتے، شاہد خاقان عباسی

    انصاف کا تقاضہ تھا چیئرمین نیب اپنے اثاثوں کاحساب دیتے، شاہد خاقان عباسی

    ن لیگی رہنما شاہد خاقان عباسی کا کہنا ہے کہ نیب کو ختم کرکے معاملات آگے چلائیں-

    باغی ٹی وی : ن لیگی رہنما اور سابق وزیراعظم شاہد خاقان عباسی نے کہا کہ کل سابق چیئرمین نیب کا بھی حساب ہوگا،انصاف کا تقاضہ تھا چیئرمین نیب اپنے اثاثوں کاحساب دیتے،4سال کرپشن اور نااہلی کی وجہ سے ملک کونقصان پہنچا نیب کی حقیقت اس سےعیاں ہوتی ہےکہ ان کیسزمیں کچھ نہیں 4سال کی نااہلی او رملک کو پہنچے نقصان کا ایک روز میں ازالہ نہیں کیاجاسکتا-

    نیب ملازمین اور انکے اہلخانہ کے اثاثوں کی تفصیلات طلب

    قبل ازیں پبلک اکاؤنٹس کمیٹی کا اجلاس چیئرمین نور عالم خان کی زیر صدارت منعقد ہوا۔ اجلاس میں سلیم مانڈوی والا نے کہا تھا کہ نیب کے سابق چیئرمین کہتے رہے اب تک 820 ارب روپے ریکور کر چکے ہیں لیکن سیکرٹری خزانہ نے قومی خزانے میں 15 ارب روپے جمع کرائے جانے کی تصدیق کی ہے.

    قائم مقام چیئرمین نیب ظاہر شاہ نے بریفنگ میں بتایا تھا کہ وزیر اعظم سیکرٹریٹ میں ایک اکاؤنٹ میں ریکوری کا پیسہ ہوتا ہے، کسی فریق کا کیس فائنل ہونےتک پیسے آفس فنڈ میں رکھے جاتے ہیں، اب بھی بینک میں کچھ ارب روپے موجود ہیں، آڈٹ کرانے کو تیار ہیں جو پیسے نیب سے آئے ان کا آڈٹ ہونا چاہیے۔ چیئرمین کمیٹی نے کہا کہ جو بھی ریکوری ہو جائیں، اس کا آڈٹ ہو گا۔

    ایمان مزاری کی عبوری ضمانت میں 20 جون تک توسیع

    آڈیٹر جنرل نے بتایا تھا کہ قومی خزانے میں نیب کی ریکورکردہ رقم کا 2، 3 فیصد ہی جاتاہے۔ سینیٹر شبلی فراز کا کہنا تھا ملک میں اتنی کرپشن ہوئی ہے کسی نے تو کی ہے، اوپرسے تو نہیں آئی؟ ، پبلک اکاؤنٹس کمیٹی نے نیب کے تما م موجودہ اور سابق ڈائریکٹرز ، ملازمین اور ان کے اہل خانہ کے اثاثوں کی تفصیلات ایک ماہ میں طلب کرلیں۔

    چیئرمین کمیٹی نور عالم خان نے کہا تھا کہ اب احتساب کا بھی احتساب ہوگا، نیب حکام کے زیر استعمال گاڑیوں اور مراعات کی تفصیلات بھی دی جائیں، نیب حکام کا تحفہ قبول کرنا بھی کرپشن ہے، کوئی افسر اخلاقی طور پر اچھا نہیں ہے تو اس کا بھی احتساب ہونا چاہیے۔ان کا کہنا تھاکہ نیب کیس ثابت نہ کرنے پر کسی سے معافی نہیں مانگتا۔

    مہنگائی کی اوسط شرح 8فیصد کے ہدف کی نسبت 13.3 فیصد تک پہنچ گئی

  • نارووال اسپورٹس سٹی ریفرنس میں احسن اقبال بریت کی درخواست پر سماعت ملتوی

    نارووال اسپورٹس سٹی ریفرنس میں احسن اقبال بریت کی درخواست پر سماعت ملتوی

    نارووال اسپورٹس سٹی ریفرنس میں احسن اقبال بریت کی درخواست پر سماعت ملتوی

    وفاقی وزیر احسن اقبال کی نارووال اسپورٹس سٹی ریفرنس میں بریت کی درخواست پر سماعت ہوئی

    اسلام آباد ہائیکورٹ کے جسٹس عامر فاروق اور جسٹس ثمن رفعت امتیاز نے سماعت کی نیب نے احسن اقبال کی بریت کی درخواست پر دلائل کیلئے عدالت سے وقت مانگ لیا، جسٹس عامر فاروق نے استفسار کیا کہ احسن اقبال پر ریفرنس میں الزامات کیا ہیں؟ احسن اقبال پر کرپشن کا کوئی الزام نہیں تو پھر کیس کیا ہے؟ وکیل ذوالفقار عباس نقوی نے کہا کہ احسن اقبال پر اختیارات کے غلط استعمال کا کیس ہے،نارووال اسپورٹس سٹی منصوبے کی منظوری سی ٹی ڈبلیو پی سے لی گئی، جسٹس عامر فاروق نے استفسار کیا کہ سی ٹی ڈبلیو پی کیا ہے اور اس ادارے کا کیا کردار ہے؟ نیب پراسیکیوٹر نے کہا کہ سینٹرل ڈویلپمنٹ ورکنگ پارٹی وزارت منصوبہ بندی کے ماتحت کام کرتی ہے،جسٹس عامر فاروق نے استفسار کیا کہ اس ادارے کا کردار اور قانونی حیثیت کیا ہے؟ کیا سی ٹی ڈبلیو پی کے چیئرمین کے علاوہ دیگر ممبرز بھی ریفرنس میں ملزمان ہیں؟ نیب نے منظوری دینے والے بورڈ میں سے محض ایک شخص کو ملزم کیسے بنا دیا؟ نیب نے پک اینڈ چوز کیسے کیا؟ منظوری تو پورے بورڈ نے دی تھی، احسن اقبال کی نارووال اسپورٹس سٹی ریفرنس میں بریت کی درخواست پر سماعت 29 جون تک ملتوی کر دی گئی

    نیب کی غفلت سے میرا بازو مستقل ٹیڑھا ہو گیا، احسن اقبال نیب اور حکومت پر برس پڑے

    ناروال اسپورٹس کمپلیکس کیس،ریفرنس دائر ہونے کے بعد احسن اقبال نے کیا مطالبہ کر دیا؟

    احتساب عدالت نے احسن اقبال کی بریت کی درخواست پر فیصلہ محفوظ کر لیا

     

  • نیب ملازمین اور انکے اہلخانہ کے اثاثوں کی تفصیلات طلب

    نیب ملازمین اور انکے اہلخانہ کے اثاثوں کی تفصیلات طلب

    پارلیمنٹ کی پبلک اکاؤنٹس کمیٹی (پی اے سی) نے قومی احتساب بیورو کے تمام سابق اور موجودہ ڈائریکٹرز، ملازمین اور ان کے اہل خانہ کے اثاثوں کی تفصیلات طلب کر لیں۔

    پبلک اکاؤنٹس کمیٹی کا اجلاس چیئرمین نور عالم خان کی زیر صدارت منعقد ہوا۔ اجلاس میں سلیم مانڈوی والا نے کہا کہ نیب کے سابق چیئرمین کہتے رہے اب تک 820 ارب روپے ریکور کر چکے ہیں لیکن سیکرٹری خزانہ نے قومی خزانے میں 15 ارب روپے جمع کرائے جانے کی تصدیق کی ہے.

    قائم مقام چیئرمین نیب ظاہر شاہ نے بریفنگ میں بتایا کہ وزیر اعظم سیکرٹریٹ میں ایک اکاؤنٹ میں ریکوری کا پیسہ ہوتا ہے، کسی فریق کا کیس فائنل ہونے تک پیسے آفس فنڈ میں رکھے جاتے ہیں، اب بھی بینک میں کچھ ارب روپے موجود ہیں، آڈٹ کرانے کو تیار ہیں جو پیسے نیب سے آئے ان کا آڈٹ ہونا چاہیے۔ چیئرمین کمیٹی نے کہا کہ جو بھی ریکوری ہو جائیں، اس کا آڈٹ ہو گا۔

    آڈیٹر جنرل نے بتایا کہ قومی خزانے میں نیب کی ریکورکردہ رقم کا 2، 3 فیصد ہی جاتاہے۔ سینیٹر شبلی فراز کا کہنا تھا ملک میں اتنی کرپشن ہوئی ہے کسی نے تو کی ہے، اوپرسے تو نہیں آئی؟ ، پبلک اکاؤنٹس کمیٹی نے نیب کے تما م موجودہ اور سابق ڈائریکٹرز ، ملازمین اور ان کے اہل خانہ کے اثاثوں کی تفصیلات ایک ماہ میں طلب کرلیں۔

    چیئرمین کمیٹی نور عالم خان نے کہاکہ اب احتساب کا بھی احتساب ہوگا، نیب حکام کے زیر استعمال گاڑیوں اور مراعات کی تفصیلات بھی دی جائیں، نیب حکام کا تحفہ قبول کرنا بھی کرپشن ہے، کوئی افسر اخلاقی طور پر اچھا نہیں ہے تو اس کا بھی احتساب ہونا چاہیے۔ان کا کہنا تھاکہ نیب کیس ثابت نہ کرنے پر کسی سے معافی نہیں مانگتا۔

    کمیٹی کی جانب سے نیب ملازمین کو پرفارما بھر کر دینے کے معاملے پر ڈی جی نیب کراچی کی نور عالم خان سے بحث ہوئی ہے۔ ڈی جی نیب کراچی نے کہا کہ آپ جو پرفارما بھیجنے کا کہہ رہے ہیں وہ ملزمان سے تحقیقات کیلئے ہوتا ہے، افسران کی ذلت ہوگی اور ساکھ بھی متاثر ہوگی۔ نور عالم نے کہاکہ نیب یہ پرفارما سیاست دان کو بھرنے کیلئے بھی کہتا ہے، کیا اس کی عزت نہیں؟

    پی اے سی کی نیب بننے سے اب تک نیب کے تمام ملازمین،ان کے ماں باپ اوربہن بھائیوں کے تمام اثاثہ جات کا آڈٹ کرنے کی ہدایت کی اور ایک ماہ میں نیب ملازمین کی تنخواہوں اور مراعات سمیت تمام تفصیلات پی اے سی کوجمع کروانے اور میڈیا کے ذریعے پبلک کرانے کی بھی ہدایت کی۔ پبلک اکاؤنٹس کمیٹی کا اجلاس 7 اب جولائی کو دوبارہ ہو گا۔

  • سابق وزیراعظم عمران خان کی اہلیہ بشریٰ بی بی کے کرپشن اسکینڈلز نیب کو بھیجنے کی قرار داد جمع

    سابق وزیراعظم عمران خان کی اہلیہ بشریٰ بی بی کے کرپشن اسکینڈلز نیب کو بھیجنے کی قرار داد جمع

    پی ٹی آئی چئیرمین اور سابق وزیر اعظم عمران خان کی اہلیہ بشریٰ بی بی کے کرپشن اسکینڈلزنیب بھیجنے کی قرار داد پنجاب اسمبلی میں جمع کرادی گئی ہے،قراداد حنا پرویز بٹ کی جانب سے جمع کرائی گئی-

    باغی ٹی وی : مسلم لیگ (ن) کی رکن پنجاب اسمبلی حنا پرویز بٹ کی جانب سے جمع کرائی گئی قرارداد میں وفاق سے بشریٰ بی بی کے کرپشن کیسز نیب کو بھیجنے کا مطالبہ کیا گیا۔

    ‏عمران خان کے ایٹمی پروگرام اور اسٹیبلشمنٹ سے متعلق بیان پر قرارداد پیش

    قرار داد میں کہا گیا کہ بشریٰ بی بی نے خاتون اوّل ہونے کا ناجائز استعمال کیا ہے، اُن کے کرپشن اسکینڈلز کا کیس فوری طور پر نیب کو بھیجا جائے نیب کیسز کی انکوائری تیز کرے اور بشریٰ بی بی اور عمران خان کو انکوائری کے لیے طلب کرے۔

    قبل ازیں ‏عمران خان کے ایٹمی پروگرام اور اسٹیبلشمنٹ سے متعلق بیان پر قرارداد جمع کرائی گئی ایاز صادق نے عمران خان کے بیان کےخلاف قرارداد پیش کی وفاقی وزیر سردار ایاز صادق نےسابق وزیراعظم عمران خان کے خلاف مذمتی قرارداد پیش کرتے ہوئے کہا کہ ایوان عمران خان کے بیانات کی شدید مذمت کرتا ہےعمران خان نے کہا اسٹیبلشمنٹ نے درست فیصلے نہ کیے تو ملک کے 3ٹکڑے ہوجائیں گے پاک فوج تباہ ہوجائیگی پاک فوج کی دفاع کے لئے ناقابل تسخیر خدمات ہیں، پاک فوج نے دہشتگردی کے خلاف عظیم قربانیاں دیں جسے ایوان خراج تحسین پیش کرتا ہے-

    سابق صدر آصف علی زرداری لاہور پہنچ گئے،حمزہ شہباز کو ظہرانے پر دعوت

    ایاز صادق نےکہا کہ عمران خان کو اقتدارکی ہوس اتنی زیادہ ہے کہ اتنی بڑی باتیں کرگئے کہ نقصان پاکستان کوپہنچے گاریاست سابق وزیراعظم کےخلاف سپریم کورٹ سے رجوع کرےمعلوم نہیں سابق وزیراعظم عمران نیازی نے دنیا میں کس کس سیکریٹس دے دیئے ہوں گے، جو یہ کہتے ہیں کہ پاکستان کے تین ٹکڑے ہوں گے ایٹمی پروگرام کی بنیاد ذوالفقار علی بھٹو اور تکمیل تک نواز شریف نے پہنچایا، لگتا ہے جو پاکستان کے خلاف نقشے بنائے گئے اس میں بھی یہ شامل تھے، عمران خان نے پاکستان تین ٹکڑوں کی بات کرکے اس کی تائید کی ہے اور ان کا اقتدار کیا گیا ہر روز نئی نئی بات کرتے ہیں۔

  • نیب تاریخ کی سب سے بڑی پلی بارگین کی درخواست منظور

    نیب تاریخ کی سب سے بڑی پلی بارگین کی درخواست منظور

    لاہور: نیب تاریخ کی سب سے بڑی پلی بارگین کی درخواست منظور کر لی گئی ہے-

    باغی ٹی وی : تفصیلات کے مطابق پلی بارگین کی درخواست احتساب عدالت کے جج شیخ سجاد احمد نے منظور کی ہے احتساب عدالت نے اسی ضمن میں متاثرہ خاتون کوتین سالوں میں رقم واپس کرنےکاحکم بھی دیاہےمتاثرہ خاتون نےاحتساب عدالت میں پلی بارگین کی درخواست دے رکھی تھی۔

    غیرملکی کرنسی اکاؤنٹس منجمد کرنےکی خبروں پر وزیر خزانہ کا ردعمل آ گیا

    نیب کی جانب سے دائر ریفرنس میں مؤقف اختیار کیا گیا تھا کہ ملزمان نےنجی ہاؤسنگ سوسائٹی میں 11 ہزارافراد سے 25 ارب روپے سے زائد کا فراڈ کیا نیب ریفرنس میں کہا گیاتھا کہ ملزمان مبینہ طور پر 25 ارب 10 کروڑ روپے لے کر ملک سے فرار ہوئے ہیں۔ ملزمان کے خلاف دائر ریفرنس 10 ہزار سے زائد صفحات اور 12 فولڈرز پر مشتمل ہے۔

    قبل ازیں کراچی نیب کورٹ میں پی ایس او میں 23 ارب روپےکی کرپشن کےخلاف ریفرنس کی تحقیقات ہوئیں تھیں جس میں پی ایس اواور نجی آئل کمپنی بائیکوکے عہدیدار ان نامزد تھے۔

    پمز میں ڈاکٹرز مسیحائی کی بجائے انتظامی امور سر انجام دینے میں مصروف

    کامران لاری اور دیگر ملزم عدالت پیش ہوئے تھے اور کامران لاری نے پلی بارگین کی درخواست دی تھی درخواست میں ملزم نے موقف اپنایا تھا کہ وہ ایک ارب 29لاکھ روپے واپس کرنا چاہتا ہےعدالت کو بتایا گیا تھا کہ چیئرمین نیب نے بھی ملزم کی پلی بارگین کی درخواست پر دستخط کردیئے ہیں۔ جس پر درخواست کو منظور کرتے ہوئے کیس کی سماعت منظور کر لی تھی-

    پمز میں ڈاکٹرز مسیحائی کی بجائے انتظامی امور سر انجام دینے میں مصروف

  • صدر مملکت اور وفاقی حکومت کے درمیان سرد جنگ برقرار،نیب اور الیکشن ترمیمی بلزواپس بھجوا دیئے

    صدر مملکت اور وفاقی حکومت کے درمیان سرد جنگ برقرار،نیب اور الیکشن ترمیمی بلزواپس بھجوا دیئے

    صدر مملکت ڈاکٹر عارف علوی نے قومی اسمبلی اور سینیٹ سے منظور ہونے والے نیب اور الیکشن ترمیمی بلز منظوری کے بجائے واپس بھیجتے ہوئے ان پر نظرثانی کی ہدایت کردی۔

    باغی ٹی وی کی رپورت کے مطابق صدر مملکت اور وفاقی حکومت کے درمیان سرد جنگ برقرار ہے، صدر مملکت نے نیب اور الیکشن ترمیمی بلز بغیر منظوری کے واپس وزارت پالیمانی امور کو بھجوا دئیے اور ان دونوں بلز پر نظرثانی کی ہدایت کردی۔ صدرعارف علوی نے دونوں بل آئین کے آرٹیکل 75 کی شق کے تحت واپس وزیر اعظم کو بھجوائے اور کہا ہے کہہ پارلیمنٹ اور اس کی کمیٹی/ کمیٹیاں دونوں بلوں پر نظر ثانی اور تفصیلی غور کریں، صدر مملکت کو قانون سازی کی تجاویز کے متعلق مطلع نہ کرکے آئین کے آرٹیکل 46 کی خلاف ورزی کی گئی۔

    صدر مملکت نے کہا کہ دونوں بل جلد بازی میں 26 مئی کو قومی اسمبلی اور 27 مئی کو سینیٹ سے منظور ہوئے، معاشرے کے لیے دور رس اثرات والی قانون سازی پر قانونی برادری اور سول سوسائٹی کے ساتھ مشاورت کی جانی چاہیے۔انہوں نے مزید کہا کہ سمندر پار پاکستانی اپنی محنت سے کمائی دولت کے ذریعے ملکی ترقی و خوشحالی میں اپنا کردار کرتے ہیں، سپریم کورٹ نے بھی 2018ء اور 2014ء میں سمندرپار پاکستانیوں کے ووٹ کے حق کی توثیق کی، ٹیکنالوجی میں بہتری لا کر بیرون ملک سے پاکستانیوں کو ووٹ کا حق دیا جاسکتا ہے۔

    صدر مملکت عارف علوی نے کہا کہ عدالت نے فیصلے میں قرار دیا کہ آئی ووٹنگ کو تھرڈ پارٹیز کی جانب سے محفوظ ، معتبر اور قابل بھروسہ قرار دیا جا چکا ہے، آئین کے آرٹیکل 17 میں بیرون ملک مقیم پاکستانیوں کو ووٹ کا حق دیا گیا ہے، دنیا بھر میں انٹرنیٹ کے ذریعے روزانہ 8.5 ارب ڈالر کے محفوظ لین دین کیے جاتے ہیں۔

    عارف علوی کا کہنا تھا کہ پاکستان کی ووٹنگ مشین میں پیپر ٹریل کا پورا سسٹم موجود ہے، الیکٹرانک ووٹنگ مشین بیلٹ پیپر کی چھپائی اور گنتی میں مدد دیتی ہے ، پاکستان میں ہر الیکشن کے نتائج کو چیلنج کیا جاتا ہے اور ہر حکومت پر الزامات لگتے ہیں، نئی ترامیم ایک قدم آگے جانے اور گھبرا کر دو قدم واپس پلٹ جانے کے مترادف ہیں۔ صدر مملکت نے کہا کہ ترامیم الیکشن میں شفافیت اور بہتری لانے کے تکنیکی عمل میں غیر ضروری تاخیر لانے کے مترادف ہیں، پارلیمنٹ ان قوانین پر پیچھے کی جانب مت جائے ، مزید بہتری لا کر نفاذ یقینی بنایا جائے۔

    صدر مملکت نے کہا کہ نیب قوانین میں ترمیم سے بارِ ثبوت استغاثہ پر ڈال کر اسے 1898ء کے فوجداری قوانین جیسا بنا دیا گیا ہے، نیب قانون میں ترامیم سے استغاثہ کے لیے کرپشن اور سرکاری اختیارات کے غلط استعمال کے الزامات ثابت کرنا ناممکن بنا دیا گیا ہے، نیب قانون میں ترامیم سے پاکستان میں احتساب کا عمل دفن ہو جائے گا۔ صدر مملکت نے کہا کہ نیب ترامیم اسلامی فقہ کی روح کے بھی خلاف ہیں، نیب ترامیم سے غیر قانونی اثاثوں کی منی ٹریل حاصل کرنا ناممکن ہو جائے گا، ترامیم منظور کرنے سے عدالتوں میں میگا کرپشن کے کیسز بے نتیجہ ہوجائیں گے، کرپشن کے خاتمے کے لیے احتساب کے عمل کو مزید مضبوط ہونا چاہیے تھا۔

    قبل ازیں وزارت پارلیمانی امور نے دونوں بلز منظوری کے لیے صدر مملکت کو بھجوائے تھے جب کہ یہ بلز قومی اسمبلی اور سینیٹ سے منظور ہوچکے ہیں۔

  • چیئرمین نیب جسٹس ر جاوید اقبال نے چارج چھوڑ دیا

    چیئرمین نیب جسٹس ر جاوید اقبال نے چارج چھوڑ دیا

    چیئرمین نیب جسٹس ریٹائرڈ جاوید اقبال نے اپنے عہدے کا چارج چھوڑ دیا

    جسٹس ریٹائرڈ جاوید اقبال کی مدت ملازمت ختم ہو گئی تھی جس کے بعد انہوں نے چارج چھوڑ دیا ہے،چارج چھوڑنے سے قبل چئیرمین نیب نے الوداعی ملاقاتیں بھی کی ہیں، نئے چیئرمین نیب کی تقرری کے لئے حکومت اور اپوزیشن کے مابین مشاورت جاری ہے، جلد وزیراعظم اپوزیشن لیڈر راجہ ریاض سے حتمی مشاورت کے بعد چیئرمین نیب کا نام فائنل کر دیں گے،چیئرمین نیب جسٹس ر جاوید اقبال نے 8 اکتوبر 2018 کو منصب سنبھالا تھا

    دوسری جانب اطلاعات ہیں کہ سپریم کورٹ کے سابق جج جسٹس ر مقبول باقر کے نام پر حکومتی اتحادی جماعتوں میں آپس میں اتفاق کیا گیا ہے،مسلم لیگ ن ، پیپلز پارٹی اور دیگر اتحادی جماعتوں کے مابین نئے چیئرمین نیب کے نام پر مشاورت ہوئی،مشاورت میں جسٹس ر مقبول باقر کے نام پر اتفاق کیا گیا ہے ،سابق صدر آصف زرداری اور وزیراعظم نواز شریف نے بھی اس نام پر اتفاق کیا ہے،

    قومی اسمبلی میں اپوزیشن لیڈر، پی ٹی آئی کے منحرف رکن راجہ ریاض بھی جسٹس ر مقبول باقر کے نام پر اتفاق کریں گے، قوی امکان ہے کہ وہی نئے چیئرمین نیب ہوں گے، جسٹس (ر) مقبول باقر سندھ ہائیکورٹ سے سپریم کورٹ میں پروموٹ ہوئے تھے اور ان کے جج کے طور پر کردار پر کبھی کوئی اعتراض نہیں ہوا

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    منحرف اراکین نااہلی کیس، پی ٹی آئی وکیل نے الیکشن کمیشن سے وقت مانگ لیا

    آج تک کے قانون کے مطابق چیئرمین کے بغیر نیب کچھ بھی نہیں،نیب پراسیکیوٹر

  • آج تک کے قانون کے مطابق چیئرمین کے بغیر نیب کچھ بھی نہیں،نیب پراسیکیوٹر

    آج تک کے قانون کے مطابق چیئرمین کے بغیر نیب کچھ بھی نہیں،نیب پراسیکیوٹر

    آج تک کے قانون کے مطابق چیئرمین کے بغیر نیب کچھ بھی نہیں،نیب پراسیکیوٹر

    اسلام آباد ہائیکورٹ میں ایون فیلڈ ریفرنس میں بریت کی درخواستوں پر سماعت ہوئی

    ن لیگی نائب صدر مریم نواز اسلام آباد ہائیکورٹ پہنچ گئیں ،نیب پراسیکیوٹر نے عدالت میں کہا کہ نئی حکومت نے آنے کے بعد نیب قانون تبدیل کردیا،جسٹس عامر فاروق نے استفسار کیا کہ نیب بتائے آپ کو کیا ہدایات ہیں آج دلائل دینا چاہتے ہیں یا نہیں؟ کیا سپریم کورٹ نے ہائیکورٹ کو کام سے روکا ؟کیا آپ کا کہنا ہے کہ رجیم میں تبدیلی سے نیب کا موقف بھی تبدیلی ہوا ہے، جسٹس محسن اختر کیانی نے ریمارکس دیتے ہوئے کہا کہ چار سال سے اپیلیں زیرالتوا ہیں، آج 27 ویں سماعت ہے، جسٹس عامر فاروق نے کہا کہ چیئرمین نیب نے چلے جانا ہے تو پھر بھی ڈپٹی چیئرمین چارج سنبھالیں گے،جسٹس عامر فاروق نے استفسار کیا کہ تو کیا نیب آج سے ختم ہے؟ نیب چیئرمین نہیں ہیں تو کیا نیب ختم ہوگیا ؟ نیب پراسیکیوٹر نے کہا کہ آج تک کے قانون کے مطابق چیئرمین کے بغیر نیب کچھ بھی نہیں

    جسٹس عامر فاروق نے کہا کہ امجد پرویز کو سن لیتے ہیں اگلے ہفتے تک نیب کے معاملات واضح ہوجائیں گے ،نیب آج نوٹس لے،امجد پرویز ایڈوکیٹ نے کہا کہ سپریم کورٹ نے جی آئی ٹی تشکیل دی تھی دس جولائی 2017 کو جے آئی ٹی رپورٹ سپریم کورٹ میں جمع ہوئی،28جولائی 2017کو سپریم کورٹ نے نیب کو ریفرنس دائر کرنے کا حکم دیا،ڈی جی نیب نے تین اگست 2017کو تفتیش کی منظوری دی، مریم نواز اور صفدر نے وکیل کے ذریعے 22 اگست 2017 کو نوٹس کا جواب دیا،تفتیشی افسر نے عبوری تفتیشی رپورٹ تیار کرتے ہوئے ریفرنس دائر کرنے کی سفارش کی

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    عمران خان نے کل اداروں کے خلاف زہر اگلا ہے،وزیراعظم

    عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

    سیاسی مفادات کے لئے ملک کونقصان نہیں پہنچانا چاہئے

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ