Baaghi TV

Tag: نیشنل

  • قومی ٹی 20 ٹورنامنٹ کے اسکواڈز اور شیڈول کا اعلان:48 شاندارمقابلے ہوں گے

    قومی ٹی 20 ٹورنامنٹ کے اسکواڈز اور شیڈول کا اعلان:48 شاندارمقابلے ہوں گے

    لاہور:قومی ٹی 20 ٹورنامنٹ کے اسکواڈز اور شیڈول کا اعلان:48 شاندارمقابلے ہوں گے،اطلاعات کے مطابق پاکستان کرکٹ بورڈ (پی سی بی) نے قومی ٹی 20 کے آئندہ ایڈیشن کیلئے اسکواڈز اور شیڈول کا اعلان کردیا۔ ایونٹ میں 6 ٹیمیں حصہ لیں گی جبکہ 30 گروپ میچز سمیت مجموعی طور پر 18 مقابلے ہوں گے۔

     

     

    نیشنل ٹی 20 کپ 30 اگست سے 19 ستمبر تک جاری رہے گا، ایونٹ میں خیبرپختونخوا اپنے ٹائٹل کا دفاع کرے گا۔

    نیشنل ٹی 20 دو لیگز میں کھیلا جائے گا، جس میں راولپنڈی کرکٹ اسٹیڈیم 30 اگست سے 7 ستمبر تک 33 میں سے پہلے 16 میچوں کی میزبانی کرے گا۔

     

     

    پی سی بی نے جاری اعلامیے میں بتایا ہے کہ ملتان کرکٹ اسٹیڈیم میں دوسرا مرحلہ 10 سے 19 ستمبر تک کھیلا جائے گا، قومی ٹی 20 ٹیمیں ٹورنامنٹ کی تیاریوں کیلئے جمعرات (26 اگست) کو راولپنڈی پہنچیں گی۔

    ٹورنامنٹ میں شرکت کرنیوالے کھلاڑیوں کی سہولت اور شائقین کے ایکشن سے بھرپور میچوں سے لطف اندوز ہونے کیلئے ایونٹ کو 30 اگست سے 11 ستمبر تک اس طرح ترتیب دیا گیا ہے کہ اس کا ایشیا کپ ٹی 20 کے میچز سے ٹکراؤ نہ ہو۔

    ایونٹ میں 30 ستمبر سے 11 ستمبر تک دن کا پہلا میچ صبح ساڑھے 9 بجے اور دوسرا دوپہر 2 بجے جبکہ 12 ستمبر سے پہلا میچ سہ پہر 3 بجے اور دوسرا میچ رات ساڑھے 7 بجے شروع ہوگا۔

     

    ڈومیسٹک سیزن 23-2022ء کیلئے فرسٹ الیون ٹیموں کے ہیڈ کوچز یہ ہیں۔ مشتاق احمد (بلوچستان)، عبدالرزاق (سینٹرل پنجاب)، عبدالرحمان (خیبر پختونخوا)، اعجاز احمد سینئر (ناردرن)، غلام علی (سندھ) اور شاہد انور (جنوبی پنجاب)۔

    سیزن میں ٹیموں کی قیادت یہ کھلاڑی کریں گے۔ یاسر شاہ (بلوچستان)، فہیم اشرف (سینٹرل پنجاب)، خالد عثمان (خیبر پختونخوا)، عمر امین (ناردرن)، سعود شکیل (سندھ) اور حسن علی (جنوبی پنجاب)۔

  • نیشنل سکیورٹی کا اہم اجلاس، طاقت کا استعمال صرف ریاست کا اختیار ہے،اعلامیہ

    پارلیمانی کمیٹی برائے نیشنل سکیورٹی کا اہم اجلاس پارلیمنٹ ہاﺅس میں وزیراعظم شہبازشریف کی صدارت میں منعقد ہوا جس میں قومی پارلیمانی وسیاسی قیادت، چئیرمین سینٹ، پارلیمانی کمیٹی برائے قومی سلامتی ، دفاع سے متعلق قومی اسمبلی وسینٹ کی مجالس قائمہ کے اراکین، وفاقی وزرا، صوبائی وزرا اعلی کے علاوہ گلگت بلتستان کے وزیراعلی ، وزیراعظم آزاد ریاست جموں وکشمیر اور عسکری قیادت نے شرکت کی۔

    اجلاس کو قومی سلامتی کے امور اور کالعدم ٹی ٹی پی کے ساتھ ہونے والی حالیہ بات چیت سے متعلق آگاہ کیاگیا۔ شرکاءنے اعادہ کیا کہ دہشت گردی اور انتہاءپسندی کے خلاف پاکستان نے غیرمعمولی کامیابیاں حاصل کی ہیں جن کا عالمی سطح پر اعتراف کیاگیا ہے۔ اجلاس نے قوم اور سکیورٹی فورسز کی قربانیوں کو خراج تحسین پیش کیا جن کی وجہ سے ملک کے تمام حصوں میں ریاستی عمل داری یقینی ہوئی۔

    اجلاس نے اعادہ کیا کہ دستور پاکستان کے تحت طاقت کا استعمال صرف ریاست کا اختیار ہے۔ اجلاس نے سانحہ ’اے۔ پی۔ ایس‘ سمیت دہشت گردی کا نشانہ بننے اور اِس کے خلاف کارروائی کے دوران شہید ہونے والوں کی قربانیوں کا اعتراف کرتے ہوئے واضح کیا کہ ریاست پاکستان اپنے شہداءکی قربانیوں اور متاثرہ خاندانوں کی امین ومحافظ تھی، ہے اور رہے گی۔

    اجلاس نے بہادر قبائلی عوام کو بھی زبردست خراج تحسین پیش کرتے ہوئے اعتراف کیا کہ اُن کی قربانیوں اورکلیدی حمایت سے شدید مشکلات اور مصائب کے بعد امن واستحکام کی منزل حاصل ہوئی ۔ اجلاس کو بتایاگیا کہ سکیورٹی فورسز کی موثراور عملی کارروائیاں کلیر ،ھولڈ، تعمیر اور اختیارات کی سول انتظامیہ کو منتقلی*‘ کی حکمت عملی کا حصہ ہیں۔ اجلاس نے زور دے کر کہاکہ پاکستان کے عوام کی خواہشات کے مطابق ریاست ان علاقوں کو بااختیار بنانے اور اِن کی خوش حالی کے لئے پختہ عزم پر کاربند ہے۔

    افغان حکومت کی معاونت اور سول و فوجی حکام کی قیادت میں حکومت پاکستان کی کمیٹی کالعدم ٹی ٹی پی کے ساتھ آئین پاکستان کے دائرہ کار کے اندر رہتے ہوئے بات چیت کررہی ہے تاکہ علاقائی اور داخلی امن کو استحکام مل سکے۔ اجلاس نے قرار دیا کہ حتمی نتائج پر عمل درآمددستور پاکستان کی حدود قیود کے اندر ضابطے کی کارروائی کی تکمیل اور حکومت پاکستان کی منظوری کے بعد ہوگا۔ پارلیمانی کمیٹی برائے قومی سلامتی نے بات چیت کے اس عمل کو آگے بڑھانے کی باضابطہ منظوری دے دی جبکہ ایک ’پارلیمانی اوورسائیٹ کمیٹی‘ تشکیل دینے کی بھی منظوری دی جوآئینی حدود میں اس عمل کی نگرانی کی ذمہ دار ہوگی۔اجلاس نے ’نیشنل ۔گرینڈ ۔ری کنسی لی۔ ایشن۔ ڈائیلاگ‘ کی اہمیت کی تائید کرتے ہوئے قرار دیا کہ آج کی نشست اس سمت میں پہلا قدم ہے۔

    سابقہ حکومت نے بجلی کی پیداوار نہ بڑھا کر مجرمانہ غفلت کی،وفاقی وزراء

    100 یونٹ استعمال کرنے والےگھریلو صارفین کی بجلی مفت،حمزہ شہباز کا بڑا اعلان

     

    قومی سلامتی کمیٹی کے اجلاس کے موقع پر پارلیمنٹ کے اندر اور باہر سکیورٹی کے خصوصی انتظامات کئے گئے ہیں۔ واضح رہے کہ قومی سلامتی کمیٹی کے اراکین کے ساتھ ساتھ دونوں ایوانوں کے 140 اراکین کو اجلاس میں شرکت کی دعوت دی گئی ہے۔ قومی اسمبلی گذشتہ ماہ ایک قرارداد کے ذریعے قومی اسمبلی ہال کو قومی سلامتی کمیٹی کے اجلاس کے سلسلہ میں استعمال کرنے کی منظوری دے چکی ہے۔

  • نیشنل ڈیزاسٹر مینجمنٹ اتھارٹی کا آفات سے نمٹنے کے حوالہ سے اجلاس

    نیشنل ڈیزاسٹر مینجمنٹ اتھارٹی کا آفات سے نمٹنے کے حوالہ سے اجلاس

    اسلام آباد:نیشنل ڈیزاسٹر مینجمنٹ اتھارٹی (این ڈی ایم اے )کی جانب سے اسلام آباد میں آفات سے نمٹنے کی تیاریوں کے حوالے سے اہم اجلاس چیئرمین این ڈی ایم اے لیفٹیننٹ جنرل اختر نواز کی زیر صدارت منعقد ہوا۔

    جمعرات کو اجلاس میں این ڈی ایم اے کے افسران کے علاوہ تمام صوبائی ڈیزاسٹر مینجمنٹ اتھارٹیز کے ڈائریکٹر جنرلز بشمول گلگت بلتستان اور آزاد کشمیر ڈیزاسٹر مینجمنٹ اتھارٹیز، محکمہ موسمیات پاکستان، ریسکیو 1122، چیئرمین فیڈرل فلڈ کمیشن، ڈی سی اسلام آباد کے علاوہ نمائندہ ایم او ڈائریکٹوریٹ نے شرکت کی۔

    چیئرمین این ڈی ایم اے نے اس موقع پر شرکاء سے اظہار خیال کرتے ہوئے پاکستان کو درپیش مختلف آفات اور ان کے خطرات اور ہنگامی صورتحال سے نمٹنے کے لئے مؤ ثر منصوبوں کی تشکیل کی ضرورت پر زور دیا۔ اجلاس کے دوران باہمی ہم آہنگی عوامی آگاہی مہم ، مختلف مراحل/درجوں پر مشتمل فرضی مشقوں اور میڈیا کے اہم کردار کے حوالے سے بھی بات چیت کی گئی۔

    اجلاس کے دوران زلزلہ اور سیلاب جیسی قدرتی آفات اور ان کے خطرات سے نمٹنے کے حوالے سے بھی تفصیلی بات چیت کی گئی۔ شرکاء نے قدرتی آفات اور ان کے خطرات کو سامنے رکھتے ہوئے اس عزم کا اعادہ کیا کہ ان سے نمٹنے کیلئے ہر ممکن اقدامات اٹھائے جائیں گے۔

    چیئرمین این ڈی ایم اے نے اجلاس کا اختتام کرتے ہوئے کہا کہ وفاق نے ہمیشہ صوبائی و ضلعی اداروں کو ہر قسم کی مدد فراہم کی اور مستقبل میں بھی کرتا رہے گا۔ اس حوالے سے فالو اپ /اگلی جائزہ میٹنگ مارچ2022 کے آخری ہفتے میں منعقد کی جائے گی۔

  • سنٹرل اور ناردرن پنجاب نیشنل ون ڈے ٹورنامنٹ فائنل کس دن کھیلا جائے گا؟

    سنٹرل اور ناردرن پنجاب نیشنل ون ڈے ٹورنامنٹ فائنل کس دن کھیلا جائے گا؟

    سنٹرل پنجاب اور ناردرن کے مابین نیشنل انڈر 16 ون ڈے ٹورنامنٹ کا فائنل منگل کو کھیلا جائے گا
    گزشتہ سال کی جوائنٹ ونر سنٹرل پنجاب کی ٹیم پی سی بی انڈر 16 نیشنل ون ڈے ٹورنامنٹ میں ناردرن کے مدمقابل آئے گی۔ 45 اوورز پر مشتمل ایونٹ کا فائنل 23 فروری بروز منگل کو پنڈی کرکٹ اسٹیڈیم راولپنڈی میں کھیلا جائے گا۔گزشتہ سال سنٹرل پنجاب اور خیبرپختونخوا کے مابین ایونٹ کا فائنل بارش کے باعث منسوخ ہوگیا تھا۔ دونوں ٹیموں کو ایونٹ کا جوائنٹ ونر قرار دیا گیا۔ کے پی کی ٹیم رواں سال 6 پوائنٹس کے ساتھ تیسرے نمبر پر رہی۔فائنل کی فاتح چیمپئن قرار پانے والی ٹیم کوٹرافی کے ساتھ ساتھ 350،000 روپے کی انعامی رقم دی جائے گی۔رنرزاپ کو اڑھائی لاکھ روپے کی رقم دی جائے گی۔دونوں ٹیمیں اس سے قبل گروپ مرحلے میں مدمقابل آئیں تو ناردرن کی ٹیم فاتح قرار پائی تھی۔سنٹرل پنجاب کی ٹیم کے سب سے اہم کھلاڑی عبید شاہد ہوں گے۔ نوجوان بیٹسمین نے ایونٹ کے 5 گروپ میچوں میں 2 سنچریاں اور 1 نصف سنچری کی بدولت 297 رنز بنائے۔ دائیں ہاتھ کے بیٹسمین نے 148.50 کی اوسط سے رنز بنائے۔ سنٹرل پنجاب کے کپتان آذان اویس بھی اچھی بیٹنگ فارم میں ہیں۔ وہ ایونٹ میں اب تک 296 رنز بناچکے ہیں۔کپتان سنٹرل پنجاب انڈر 16 آذان اویس کا کہناہے کہ وہ اور عبید شاہد اچھی بیٹنگ فارم میں ہیں اور پرامید ہیں کہ عمدہ کارکردگی کا یہ تسلسل فائنل میں بھی برقرار رہے گا۔انہوں نے کہا کہ اگر پہلے بیٹنگ کا موقع ملا تو اسکور بورڈپر بڑا مجموعہ سجانے کی کوشش کریں گے تاکہ باؤلرز کامیابی سے دفاع کرسکیں۔
    سنٹرل پنجاب کے فاسٹ باؤلرز ابتسام الرحمٰن اور اویس علی اب تک ٹورنامنٹ میں مشترکہ طور پر 23 وکٹیں حاصل کرچکے ہیں۔ کپتان سنٹرل پنجاب پرامید ہیں کہ دونوں فاسٹ باؤلرزفائنل میں بھی نپی تلی باؤلنگ کاسلسلہ جاری رکھیں گے۔

    ناردرن کے شمائل حسین اب تک ایونٹ کے پانچ میچوں میں 256 رنز بناکر بناچکے ہیں۔ اس دوران ان کی ایک میچ میں 103 رنز کی بھی اننگز بھی شامل ہے۔ناردرن کے عامر حسن 12 اور کپتان سعد مسعود اب تک ٹورنامنٹ میں 10 وکٹیں حاصل کرچکے ہیں۔ آلراؤنڈر سعد مسعود ایونٹ میں 101 رنز بھی بناچکے ہیں۔
    کپتان سعد مسعود کا کہنا ہے کہ ہماری باؤلنگ لائن اپ مضبوط ہیں، وہ اور عامر حسن فائنل میں بہتر کھیل کا مظاہرہ کریں گے۔ انہوں نے کہا کہ پنڈی کرکٹ اسٹیڈیم کی آؤٹ فیلڈ تیز ہوگی، وہ کنڈیشنز دیکھ کر ہی فائنل کے لیے اپنی حکمت عملی بنائیں گے۔

  • اوکاڑہ: ڈی ایس پی سرکل ضیاء الحق ٹریفک حادثے میں زخمی

    اوکاڑہ: ڈی ایس پی سرکل ضیاء الحق ٹریفک حادثے میں زخمی

    اوکاڑہ(علی حسین) رینالہ خورد کے قریب نیشنل ہائی وے پر ٹرک نے ڈی ایس پی سرکل کی سرکاری گاڑی کو ٹکرماردی، جس کے نتیجے میں ڈی ایس پی اپنے ڈرائیور سمیت شدید زخمی ہوگئے جبکہ گاڑی مکمل طور پر تباہ ہوگئی۔ ڈی ایس پی سرکل چوہدری ضیاالحق اپنی معمول کی گشت پر تھے۔ نیشنل ہائی وے رینالہ خورد کے قریب پیچھے سے آنیوالے مزدا ٹرک نے ڈی ایس پی کی سرکاری گاڑی کو ٹکر ماردی۔ ڈی ایس پی چوہدری ضیاء الحق اپنے ڈرائیور سمیت زخمی ہوگئے۔ ریسکیو کے عملے نے بروقت کاروائی کرتے ہوئے زخمیوں کو تحصیل ہیڈ کوارٹر ریفر کردیا ہے۔ حادثہ ٹرک ڈرائیور کی غفلت کیوجہ سے پیش آیا۔ ٹرک ڈرائیور جائے حادثہ سے فرار ہوگیا ہے۔ پولیس نے ٹرک قبضہ میں لے لیا ہے۔