پاکستان شوبز انڈسٹری کی نامور اداکارہ نیلم منیر نے بانی پاکستان قائد اعظم محمدعلی جناح کو اپنا آئیڈیل قرار دے دیا ہے۔
باغی ٹی وی : پاکستان شوبز انڈسٹری کی خوبرو اور باصلاحیت اداکارہ نیلم منیر نے سماجی رابطے کی ویب سائٹ انسٹاگرام پر بانی پاکستان قائداعظم محمد علی جناح کے ایک خطاب کی ویڈیو پوسٹ کرتے ہوئے قائد اعظم کو اپنا آئیڈیل قرار دیا-
جیو انٹرٹینمنٹ کے مقبول ترین ڈرامے ’کہیں دیپ جلے‘ میں ردا کا مرکزی کردار ادا کرنے والی نیلم منیر کی جانب سے پوسٹ کی جانے والی ویڈیو میں قائداعظم محمد علی جناح اعلان کر رہے ہیں کہ پاکستان کی قومی زبان اُردو ہے۔
بانئ پاکستان نے فرمایا کہ جو بھی آپ کو گمراہ کرنے کی کوشش کرتا ہے وہ واقعتاً پاکستان کا دشمن ہے۔
قائد اعظم نے فرمایا کہ ایک زبان کے بغیر کوئی قوم متحد نہیں رہ سکتی۔
نیلم منیر نے اپنی پوسٹ کے کیپشن میں لکھا کہ قائد اعظم محمد علی جناح میری سب سے پسندیدہ شخصیت اور میرے آئیڈیل ہیں۔
اداکارہ نیلم منیر کی اس خصوصی پوسٹ کو سوشل میڈیا صارفین کی جانب سے خوب سراہا جارہا ہے –