چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے اسلام آباد میں واقع نیول ہیڈکوارٹرز کا الوداعی دورہ کیا۔
آئی ایس پی آر کے مطابق دورے کے موقع پر جنرل ساحر شمشاد مرزا کی چیف آف دی نیول اسٹاف ایڈمرل نوید اشرف سے ملاقات ہوئی، جس میں پیشہ ورانہ امور اور باہمی تعاون پر تبادلہ خیال کیا گیا۔جنرل ساحر شمشاد مرزا نے پاک بحریہ کی جنگی تیاریوں کو سراہتے ہوئے کہا کہ قومی بحری سرحدوں کے دفاع کے لیے پاکستان نیوی کا عزم قابل تعریف ہے۔
ترجمان کے مطابق ایڈمرل نوید اشرف نے بھی جنرل ساحر شمشاد مرزا کی خدمات کا اعتراف کرتے ہوئے کہا کہ انہوں نے تینوں مسلح افواج کے درمیان مشترکہ ورکنگ کو مضبوط بنانے میں اہم کردار ادا کیا۔نیول ہیڈکوارٹرز پہنچنے پر جنرل ساحر شمشاد مرزا کو گارڈ آف آنر پیش کیا گیا
روسی جاسوس جہاز کا برطانوی پائلٹس پر لیزر حملہ، لندن کا سخت ردعمل
امریکی کانگریس ارکان کا مریم نواز کے نام خط
اسحٰق ڈار کی نیٹو سیکریٹری جنرل سے ملاقات، پاکستان کے کردار کو سراہا گیا