Tag: نیویارک

امریکا کے شہر نیویارک سٹی کے نو منتخب میئر ظہران ممدانی کی حلف برداری کی تقریب یکم جنوری کو منعقد ہوگی-

ظہران ممدانی نے صحافیوں سے گفتگو کرتے ہوئے کہاکہ نیویارک کے شہریوں کی جانب سے ملنے والے ردعمل نے انہیں حوصلہ دیا ہےیہ ان کی ذاتی کامیابی نہیں بلکہ سب کی مشترکہ کامیابی ہے، یہ ان کی انتظامیہ نہیں بلکہ عوام کی انتظامیہ ہوگی اور اسی طرح یہ ان کی نہیں بلکہ سب کی حلف برداری ہے۔

رپورٹس کے مطابق نیویارک سٹی ہال میں ہونے والی حلف برداری کی تقریب میں قریباً 4 ہزار ٹکٹ یافتہ مہمان شریک ہوں گےحلف برداری کی اس تقریب کے ساتھ براڈوے پر ’بلاک پارٹی آن براڈوے‘ کے نام سے عوامی تقریب بھی منعقد کی جائے گی، جو کینین آف ہیروز کے مقام پر ہوگی۔

فری لانسنگ میں پاکستان دنیا میں تیسرے نمبرپر ہے، وزیر خزانہ

واضح رہے کہ ظہران ممدانی امریکی صدر ڈونلڈ ٹرمپ کی مخالفت کے باوجود نیویارک کے میئر کا الیکشن جیتنے میں کامیاب رہے ہیں، امر یکی صدر ڈونلڈ ٹرمپ نے الیکشن سے قبل کہا تھا کہ اگر عوام نے ظہران ممدانی کو جتوایا تو وہ ان کے ساتھ مالی تعاون نہیں کریں گے، لیکن ظہران ممدانی کی جیت کے بعد انہوں نے یوٹرن لیتے ہوئے کہا تھا کہ نیویارک کی ترقی کے لیے نومنتخب میئر سے تعاون کیا جا ئے گا۔

پی ٹی آئی پنجاب چیف آرگنائزر کا سخت فیصلوں کا اعلان

دفترِ خارجہ کے مطابق وزیرِاعظم شہباز شریف آئندہ ہفتے نیویارک میں ہونے والے اقوام متحدہ کی جنرل اسمبلی کے 80 ویں اجلاس کے موقع پر امریکی صدر ڈونلڈ ٹرمپ اور منتخب مسلم رہنماؤں کی ملاقات میں شریک ہوں گے۔

دفترِ خارجہ کے مطابق وزیرِاعظم منتخب اسلامی رہنماؤں کی اس ملاقات میں صدر ٹرمپ کے ساتھ علاقائی اور عالمی امن و سلامتی سے متعلق امور پر تبادلۂ خیال کریں گے،نیویارک کے اس دورے کے دوران وزیرِاعظم پاکستان کے وفد کی قیادت کریں گے جو 22 ستمبر 2025 سے شروع ہونے والے اقوام متحدہ کی جنرل اسمبلی کے ’اعلیٰ سطح اجلاس‘ میں شریک ہوگا، ان کے ہمراہ وزیرِخارجہ اسحٰق ڈار، دیگر وزرا اور اعلیٰ حکام بھی ہوں گے۔

دفترِ خارجہ کے بیان کے مطابق،اجلاس میں وزیرِاعظم شہباز شریف عالمی برادری پر زور دیں گے کہ وہ بالخصوص بھارت کے زیرِقبضہ کشمیر اور فلسطین میں طویل قبضوں اور حقِ خودارادیت کی مسلسل محرومی جیسے مسائل کا حل تلاش کرے وہ غزہ کے سنگین بحران کی جانب بھی عالمی توجہ مبذول کرائیں گے اور فلسطینی عوام کی مشکلات ختم کرنے کے لیے فیصلہ کن اقدام کا مطالبہ کریں گےاجلاس کے دوران وہ پاکستان کے نقطۂ نظر کو علاقائی سلامتی کی صورتحال اور دیگر عالمی مسائل جیسے ماحولیاتی تبدیلی، دہشت گردی، اسلاموفوبیا اور پائیدار ترقی پر اجاگر کریں گے۔

بیان میں مزید کہا گیا کہ وزیرِاعظم یو این جی اے کے موقع پر سلامتی کونسل کے اہم اجلاس، گلوبل ڈیولپمنٹ انیشی ایٹو (جی ڈی آئی) کے اعلیٰ سطح اجلاس اور کلائمیٹ ایکشن کے خصوصی اجلاس سمیت کئی دیگر سرگرمیوں میں بھی شریک ہوں گےاس دوران ان کی متعدد عالمی رہنماؤں اور اقوام متحدہ کے اعلیٰ حکام سے ملاقاتیں بھی ہوں گی جن میں باہمی دلچسپی کے امور پر تبادلۂ خیال کیا جائے گا۔

دفترِ خارجہ کے مطابق وزیرِاعظم اس موقع پر اس عزم کو بھی اجاگر کریں گے کہ پاکستان بطور سلامتی کونسل کے رکن تمام ممالک کے ساتھ مل کر یو این چارٹر پر عملدرآمد، تنازعات کی روک تھام، امن کے فروغ اور عالمی خوشحالی کے لیے کام کرتا رہے گا،وزیرِاعظم کی یہ شمولیت پاکستان کے کثیرالجہتی نظام اور اقوام متحدہ کے ساتھ مضبوط عزم کی عکاسی کرے گی اور امن و ترقی کے مشترکہ اہداف کے لیے پاکستان کی دیرینہ خدمات کو بھی اجاگر کرے گی۔

نیویارک: امریکا کے شہر نیویارک کے علاقے کوئنز میں ایک نائٹ کلب کے باہر اجتماعی فائرنگ کے واقعے میں 11 افراد زخمی ہو گئے۔

باغی ٹی وی: مذکورہ واقعہ امریکا کے شہر نیو اولینز میں ہونے والے خونی حملے کے چند گھنٹے بعد ہوا ہے،نیویارک پولیس کے مطابق زخمیوں میں کسی کی حالت تشویش ناک نہیں ہے امریکی اخبار نیویارک پوسٹ نے پولیس کے حوالے سے بتایا ہے کہ زخمیوں کو لانگ آئلینڈ اور کوہین میڈیکل سینٹر منتقل کر دیا گیا۔

پولیس اور دیگر ذرائع نے بتایا کہ مقامی وقت کے مطابق بدھ کی شب 11:20 پر چار مسلح افراد نے نائٹ کلب کے باہر منتظر افراد پر فائرنگ کر دی، اس موقع پر تقریبا 80 افراد میوزک پارٹی میں شرکت کے لیے کلب کے باہر کھڑے تھے۔

مذاکرات کا دوسرا دور، پی ٹی آئی نے حکومت کے سامنے 2 مطالبات رکھ دئیے

اس سے قبل نیو اولینز کے علاقے فرنچ کوارٹر میں امریکی فوج کے 42 سالہ سابق اہل کار شمس الدین جبار نے سال نو کے جشن میں شریک لوگوں کو اپنے ٹرک سے رونڈ ڈالا تھا، واقعے میں 15 افراد ہلاک اور درجنوں زخمی ہو گئے تھے۔

امریکی صدر جو بائیڈن نے اعلان کیا ہے کہ حکام اس بات کی تحقیقات کر رہے ہیں کہ آیا لاس ویگاس میں ٹرمپ ہوٹل کے سامنے ٹیسلا سائبر ٹرک دھماکے اور نیو اولینز میں مجمع پر گاڑی چڑھانے کے واقعات میں کوئی تعلق تو نہیں ہے۔

ہزاروں اسرائیلی فوجیوں کا غزہ میں لڑنے سے انکار

صحافیوں سے گفتگو کرتے ہوئے بائیڈن نے کہا کہ ابھی تک اس حوالے سے بتانے کے لیے کچھ نہیں ہےنیو اولینز میں مشتبہ حملہ آور داعش تنظیم کی سوچ کا حامل تھا ایف بی آئی نے بتایا کہ حملہ آور شمس الدین جبار نے حملے سے چند گھنٹے قبل سوشل میڈیا پر چند وڈیو کلپ پوسٹ کیے تھے جن سے واضح ہوتا ہے کہ اس نے الدولہ الاسلامیہ تنظیم (داعش) کے خیالات اپنا لیے تھےشمس الدین کو پولیس نے موقع پر ہی فائرنگ کر کے ہلاک کر دیا تھا۔

امریکی صدر نے مقامی پولیس اہل کاروں کی فوری کارروائی کو سراہا جس نے بائیڈن کے مطابق مزید لوگوں کو ہلاک اور زخمی ہونے سے بچا لیا بائیڈن نے واقعے میں ہلاک ہونے والوں اور ان کے اہل خانہ کے ساتھ یکجہتی کا اظہار کیا جو اس روز سال نو کا جشن منا رہے تھے۔

جیسے ہی ہم نے رجسٹر یشن شروع کی تو مدارس نے انکار کر دیا،ڈائریکٹر مذہبی تعلیم

امریکی ایف بی آئی کے اعلان کے مطابق نیو اولینز میں بدھ کے روز نئے سال کے جشن کے موقع پر مسلح شخص نے اپنے ٹرک کے ذریعے لوگوں کو کچل ڈالا اس کے بعد اس نے سواری سے اتر کر مجمع پر فائرنگ کر دی۔ اس واقعے میں 15 افراد ہلاک ہوئے یہ واقعہ شہر کے مشہور سیاحتی اور تاریخی علاقے میں پیش آیاحملہ آور امریکی فوج کا سابق اہل کار تھا وہ ٹیکساس سے تعلق رکھتا ہے، اس کا نام شمس الدین جبار اور عمر 42 سال ہے۔

پوری کرم ایجنسی میں فوجی آپریشن کیا جائے،سربراہ اہل سنت والجماعت

ادھر لاس ویگاس کی پولیس کے اعلان کے مطابق بدھ کی صبح ٹرمپ ہوٹل کے سامنے ٹیسلا کمپنی کا تیار کردہ "سائبر ٹرک” دھماکے سے تباہ ہو گیا اس کے نتیجے میں ایک شخص ہلاک اور سات زخمی ہو گئے دھماکے کے بعد فوری طور پر ہوٹل کو خالی کرا لیا گیا تھا۔

خالصتانی رہنما گرپتوات سنگھ نے ہندوستانی حکومت کے اپنے خلاف قاتلانہ حملہ کے خلاف مقدمہ دائر کردیا ، انڈین نیشنل سیکیورٹی ایڈوائزر اجیت ڈول کے خلاف بھی مقدمہ کی پیروی ہوگی ۔ ہندوستان کی مودی سرکار بین الاقوامی دہشت گرد بن کر ابھر رہی ہے

نیو یارک کی ایک عدالت میں گرپتوات سنگھ نے مودی حکومت کے خلاف ایک مقدمہ دائر کیا ہے جس میں الزام لگایا گیا ہے کہ سکھ علیحدگی پسندوں، خاص طور پر ‘ سکھ فار جسٹس’ سے وابستہ افراد کو قتل کرنے کی منصوبہ بندی کی گئی ہے،یہ مقدمہ امریکی سرزمین پر سکھس فار جسٹس کے جنرل کونسلر اور امریکی شہری، گرپتونت سنگھ پنن کو قتل کرنے کی ناکام سازش سے بھی منسلک ہے،مبینہ سازش میں ایک بھارتی سرکاری ملازم اور دیگر شامل ہیں ،امریکی عدالت نے خالصتانی علیحدگی پسند گرپتوات سنگھ کو قتل کرنے کی مبینہ سازش پر بھارتی قومی سلامتی کے مشیر (این ایس اے) اجیت ڈوول، را کے سابق سربراہ کو طلب کر رکھا ہے،واشنگٹن ڈی سی میں ہندوستانی سفارت خانے نے تبصرہ کی درخواست کا جواب نہیں دیا ہے۔

نجار کو سکھ گوردوارے کے باہر گولی مار کر ہلاک کر دیا گیا تھا ،چار بھارتی شہریوں پر قتل میں فرسٹ ڈگری قتل اور سازش کا الزام عائد کیا گیا ہے۔امریکی حکام نے اس کے بعد گزشتہ نومبر میں اعلان کیا کہ بھارتی شہری نکھل گپتا پر نیویارک میں پنن کے خلاف مبینہ طور پر کرایہ کے لیے قتل کی سازش کو ناکام بنانے کے بعد الزام عائد کیا گیا تھا۔

پنون اور نجار بیرون ملک مقیم سکھوں کی آزادی کی تحریک میں نمایاں شخصیات ہیں جو ہندوستان کے اندر خالصتان کے نام سے ایک علیحدہ ریاست کے خواہاں ہیں۔اس تحریک نے بیرون ملک مقیم سکھ برادریوں میں متعدد غیر پابند ریفرنڈم کا انعقاد کیا ہے، جن میں بھارت میں سکھوں کے ایک آزاد وطن کے قیام کا مطالبہ کیا گیا ہے۔

نجار کے قتل نے کینیڈا اور بھارت کے درمیان اس وقت سفارتی تنازع کھڑا کر دیا جب کینیڈا کے وزیر اعظم جسٹن ٹروڈو نے 2023 میں پارلیمنٹ کو بتایا کہ قابل اعتماد انٹیلی جنس نے اس قتل کو بھارت کی حکومت سے جوڑا ہے۔ہندوستان، جو خالصتانی تحریک میں ملوث بہت سے لوگوں کو دہشت گرد، انتہا پسند اور عسکریت پسند علیحدگی پسند سمجھتا ہے، نے نجار اور پنن کے کیسوں میں ملوث ہونے سے انکار کیا ہے۔ہندوستان کا کہنا ہے کہ امریکی حکام کی طرف سے مطلع کیے جانے کے بعد اس نے پنون کیس کی اعلیٰ سطحی انکوائری شروع کر دی ہے۔

واضح رہے کہ کینیڈین حکام اور فائیو آئیز انٹیلیجنس ایجنسی نے مودی سرکار کو ذمہ دار ٹھہرایا تھا، امریکہ میں بھی سکھ رہنما گرپتونت سنگھ پنوں کو قتل کرنے کی کوشش کی گئی 9 نومبر 2023 کو ہرپریت سنگھ اوپل کا کینیڈا میں قتل کر دیا گیا، واردات کے دوران 11 سالہ بیٹا بھی ہلاک ہوا کینیڈا میں گرفتار تینوں بھارتی شہریوں کا تعلق پنجاب اور ہریانہ سے ہےعلاوہ ازیں امریکی تحقیقاتی رپورٹ میں کہا گیا مودی سرکار نے گرپتونت سنگھ پنوں کو قتل کرنے کی کوشش کی-

مقبوضہ کشمیر،مجاہدین کے پاس جدید اسلحہ،ڈرون،گوریلا وار،بھارتی فوج کی نیندیں حرام

جموں کشمیر،آئی ایس آئی کیلئے کام کرنے کا الزام لگاکر5 سرکاری اہلکار برطرف

جموں حملے،بھارت نے نااہلی تسلیم کر لی،دو افسران کو عہدے سے ہٹا دیا

پاک فوج کیخلاف پروپیگنڈہ،من گھڑت کہانی،ریان گرم اور مرتضیٰ کیخلاف ہو گی قانونی کاروائی

بھارتی میڈیا کا پاک فوج کے خلاف مذموم پروپیگنڈہ بے نقاب

جموں ،بڑھتے حملوں کے بعد بھارتی فوج کے خصوصی دستے تعینات

سکھ یاتریوں کی بھارت میں ہی مودی کے خلاف نعرے بازی

بھارتی ہٹ دھرمی، ایک بار پھرپاکستان آنیوالے سکھ یاتریوں کوروک دیا گیا

خالصتانی ہوں،حکومت مودی کے دباؤ کا شکارہے، گوپال سنگھ چاولہ کی باغی ٹی وی سے گفتگو

سکھ برادی کا خالصتان بارے ریفرنڈم 2020، وینا ملک نے بڑا اعلان کر دیا

آسٹریلوی حکومت نے میلبرن میں خالصتان ریفرنڈم رکوانے سے انکار کردیا۔

الصتان کے حامی علیحدگی پسند گروپ سکھس فار جسٹس (SFJ) نے میلبورن آسٹریلیا میں خالصتان ریفرنڈم مہم کا آغاز کیا ج

انٹرپول نے خالصتان کے رہنما کے ریڈ وارنٹ جاری کرنے کی بھارت کی درخواست مسترد کردی

ٹورنٹو:کینیڈا میں خالصتان ریفرنڈم کے حوالے سے تاریخ رقم ، خالصتان ریفرنڈم میں ایک لاکھ 10 ہزار سکھوں نے ووٹ کاسٹ کی

نیویارک شہر میں میں 11 ستمبر 2001 کے دہشت گرد حملوں کے 1,103 متاثرین کی باقیات کی شناخت ابھی تک نہیں ہو سکی ہے۔

باغی ٹی وی کو موصول اطلاعات کے مطابق نیویارک کے میڈیکل ایگزامینر کا دفتر اب بھی ڈی این اے کے نئے پروفائلز بنا رہا ہے، لیکن اس وقت تک کوئی نیا متاثرہ شخص شناخت نہیں ہو سکا۔ پچھلے سال میں دفتر نے 37 نئے ڈی این اے پروفائلز بنائے، مگر اب تک ان میں سے کسی کی بھی شناخت نہیں ہو سکی۔جنوری 2024 میں نئے ڈی این اے سیکوینسنگ ٹیکنالوجی کی مدد سے جان بالانٹائن نیون کی شناخت کی گئی، جو حملے کے وقت ساؤتھ ٹاور کی 105 ویں منزل پر موجود تھے۔تقریباً 7,000 انسانی باقیات جن میں سے کچھ ناخن کی نوک جتنی چھوٹی ہیں، گزشتہ دو دہائیوں سے میڈیکل ایگزامینر کے دفتر میں پڑی ہیں، لیکن ٹیکنالوجی کی سست رفتاری کی وجہ سے زیادہ تر کیسز حل نہیں ہو سکے۔

11 ستمبر کے متاثرین کے معاوضے کیلئے قائم فنڈ (وی سی ایف) کی سربراہی کرنے والے چارلس جی وولف کا کہنا ہے کہ انہیں یقین نہیں ہے کہ ان کی اہلیہ کیتھرین کی باقیات کبھی شناخت کی جائیں گی۔ وولف کا کہنا ہے کہ وہ جانتے تھے کہ کیتھرین، جو اس دن ورلڈ ٹریڈ سینٹر کے نارتھ ٹاور کی 97ویں منزل پر تھیں، ہلاک ہو چکی ہیں۔چارلس وولف کا کہنا ہے کہ انہیں یقین ہے ان کی اہلیہ کی باقیات کبھی شناخت نہیں ہو سکیں گی۔ وولف نے اپنی اہلیہ کی ذاتی اشیاء، بشمول ان کا ہیئر برش چیف میڈیکل ایگزامینر کے دفتر (او سی ایم ای) کو سونپ دی تھیں، لیکن وہ امید کھو چکے ہیں۔وولف کا کہنا ہے کہ ان کی اہلیہ کے جانے کا احساس انہیں سکون دیتا ہے کہ وہ کسی تکلیف میں مبتلا نہیں ہوئیں۔

امریکی میڈیا کا کہنا ہے کہ11 ستمبر کے متاثرین کی شناخت کا عمل جاری ہے اور یہ ایک طویل اور پیچیدہ عمل ہے، لیکن امید ہے کہ مزید متاثرین کی شناخت مستقبل میں کی جا سکے گی۔

یاد رہے کہ امریکا میں نیو یارک کے ورلڈ ٹریڈ سینٹر پر 2001 کے نائن الیون دہشتگرد حملوں کو 23 برس ہو گئے۔11 ستمبر کے روز نیویارک کے ورلڈ ٹریڈ سینٹر کے علاوہ پینٹاگون اور پنسلوینیا میں بھی طیاروں سے حملے کیے گئے تھے جس میں تقریباً 3 ہزار افراد ہلاک ہوئے تھے۔اس دن امریکی ایئرلائن کے 2 مسافر طیارے 18 منٹ کے وقفے سے ورلڈ ٹریڈ سینٹر کی دونوں عمارتوں سے ٹکرائے، ان واقعات میں 3 ہزار کے قریب افراد جان سے گئے۔اس حملے کے چند گھنٹوں بعد ہی اُس وقت کے امریکی صدر جارج بش نے دہشتگردی کے خلاف جنگ کا عندیہ دیا تھا۔امریکا نے اُسی سال القاعدہ کو ذمہ دار قرار دے کر افغانستان پر حملہ کردیا تھا، جس کا آغاز 7 اکتوبر کو افغانستان میں ‘آپریشن اینڈیورنگ فریڈم’ کے نام سے کیا گیا۔

نیویارک: بھارت نے پاکستان کو جیت کیلئے 120 رنز کا ہدف دے دیا، پاکستان کیخلاف بھارت کی پوری ٹیم 19 اوورز ہی کھیل سکی اور 119 رنز بناکر آؤٹ ہوگئی،120 رنز ہدف کے تعاقب میں پاکستان کی بھارت کیخلاف بیٹنگ جاری ہے،پاکستان کی طرف سے محمد رضوان اور بابراعظم کریز پر موجود ہیں۔

باغی ٹی وی :پاک بھارت میچ سے قبل نیو یارک میں بارش شروع ہوگئی، بارش کی وجہ سے پچ کورز سے ڈھانپ دیا، نیویارک کے نساؤ کاونٹی کرکٹ اسٹیڈیم میں میچ کا آغاز پاکستانی وقت کے مطابق شام 7:30 بجے ہوگا،پاکستان اور بھارت کے درمیان میچ مقامی وقت کے مطابق ساڑھے دس بجے شروع ہوگا،دونوں ٹیمیں ہائی ولٹیج ٹاکرے کیلئے اسٹیڈیم پہنچ گئی ہیں جبکہ نیو یارک اسٹیڈیم کے باہر پاک بھارت شائقین کا جوش و خروش بھی عروج پر ہے۔

پاکستان اور بھارت کے درمیان میچ کا ٹاس بارش کی وجہ سے مقررہ وقت 7:00 بجے سے آدھا گھنٹہ تاخیر کا شکار ہوکر 7:30 پر ہوا جس میں پاکستان کے کپتان بابراعظم نے ٹاس جیت کر پہلے بولنگ کا فیصلہ کیا۔

میچ کا آغاز پاکستانی وقت کے مطابق شیڈول ٹائم 7:30 سے بڑھا کر 8:00 بجے کیا گیا تھا تاہم بارش کی آنکھ مچولی جاری رہنے کی وجہ سے میچ آٹھ بجے بھی شروع نہ ہوسکا۔

بارش کی آنکھ مچولی جاری ہے جس کے باعث میچ ایک بار پھر روک دیا گیا ہےبھارت کی اننگز کا آغاز ویرات کوہلی اور روہت شرما نے کیا جبکہ پاکستان کی طرف سے شاہین آفریدی نے پہلا اوور کرایا میچ روکے جانے سے قبل بھارت نے ایک اوور میں بغیر کسی نقصان کے 8 رنز بنالیے ہیں،میچ دوبارہ شروع ہوا تو پاکستان کیخلاف بھارت کی پہلی وکٹ 12 رنز پر گری، ویرات کوہلی نسیم شاہ کی گیند پر 4 رنز بناکر آؤٹ ہوگئے,19 رنز کے مجموعی اسکور پر روہت شرما بھی شاہین آفریدی کی گیند پر 13 رنز بناکر پویلین لوٹ گئے۔

بھارت کی تیسری وکٹ 58 رنز کے مجموعی اسکور پر گری جب اکشر پٹیل 20 رنز بنانے کا بعد نسیم شاہ کا شکار بنے،89 کے مجموعی اسکور پر سوریا کمار یادیو 7 رنز بناکر حارث رؤف کی گیند پر آؤٹ ہوئے،شیوم دوبے صرف تین رنز بنانے کے بعد نسیم شاہ کی گیند پر آؤٹ ہو گئےمحمد عامر کے اوور میں 96 کے مجموعی اسکور پر بھارت کی یکے بعد دیگرے دو وکٹیں گریں، 96 کے مجموعی اسکور پر رشب پنت 42 رنز اور رویندر جڈیجا صفر پر پویلین لوٹ گئے۔

112 کے مجموعی اسکور پر ہارڈک پانڈیا اور جسپریت بمراہ بھی یکے بعد دیگرے آؤٹ ہوگئے۔ بھارت کی آخری وکٹ 119 کے مجموعی اسکور پر گری جب ارشدیپ سنگھ 9 رنز بناکر رن آؤٹ ہوگئے،حارث رؤف اور نسیم شاہ نے 3، 3، محمد عامر نے 2 اور شاہین آفریدی نے ایک کھلاڑی کو پویلین کی راہ دکھائی۔

دوسری جانب ہدف کے تعاقب میں پاکستان کی اننگز کا آغاز بابر اعظم اور محمدف رضوان نے کیا، پاکستان کی پہلی وکٹ 26 رنز پر گر گئی، بابراعظم 13 رنز بنانے کے بعد جسپریت بمراہ کی گیند پر سلپ پر کھڑے فیلڈر کو کیچ تھما گئے،57 کے مجموعی اسکور پر پاکستان کو دوسرا نقصان عثمان خان کی صورت میں اٹھانا پڑا جو 13 رنز بناکر اکشر پٹیل کی گیند پر ایل بی ڈبلیو ہوئے،پاکستان کی تیسری وکٹ 73 رنز پر گری جب فخر زمان بھی 13 رنز بنانے کے بعد پویلین لوٹ گئے، انکے بعد بیٹنگ کیلئے آنیوالے شاداب خان صرف 4 رنز ہی بناسکے اور پانڈیا کی گیند پر کیچ آؤٹ ہوگئے۔

افتخار احمد نے 9 گیندیں کھیل کر صرف 5 رنز بنائے، نسیم شاہ 10 اور شاہین آفریدی صفر کے ساتھ ناٹ آؤٹ رہےبھارت کی جانب سے جسپریت بمراہ نے 3 ، ہاردیک پانڈیا نے کھلاڑیوں کو آوٹ کیا، ارشدیپ سنگھ اور اکشر پٹیل نے ایک، ایک وکٹ حاصل کی۔

ٹاس کے موقع پر گفتگو کرتے ہوئے پاکستان ٹیم کے کپتان بابراعظم کا کہنا تھا کہ بھارت کیخلاف میچ میں پاکستان ٹیم میں اعظم خان کی جگہ عماد وسیم کو شامل کیا گیا ہے بھارت کیخلاف میچ میں بہترین پرفارم کرنےکی کوشش کریں گے، ماضی ماضی ہے آج کے میچ پر فوکس ہے، بھارت کے خلاف میچ کے لیے بہت حوصلہ ملتا ہے۔

بھارتی ٹیم کے کپتان روہت شرما نے کہا کہ اچھا اسکور کرنے کی کوشش کریں گے تاکہ بولرز دفاع کر سکیں، یہاں دو تین میچز کھیل چکے ہیں، اندازہ ہے یہاں کتنا اسکور ہونا چاہیے۔

بھارت کا اسکواڈ: روہت شرما (کپتان)، ویرات کوہلی، رشبھ پنت (وکٹ کیپر)، سوریہ کمار یادو، شیوم دوبے، ہاردک پانڈیا، رویندرا جدیجا، اکسر پٹیل، جسپریت بمراہ، ارشدیپ سنگھ، محمد سراج

پاکستان کا اسکواڈ: بابر اعظم (کپتان)، محمد رضوان (وکٹ کیپر)، عثمان خان، فخر زمان، شاداب خان، افتخار احمد، عماد وسیم، شاہین آفریدی، حارث رؤف، نسیم شاہ، محمد عامر

نیویارک: امریکا میں نائن الیون حملوں کو 22 برس بیت گئے-

باغی ٹی وی: 11 ستمبر2001 کو امریکا میں دہشت گردی کی بڑی کارروائی ہوئی تھی ہائی جیکنگ کے بعد دو طیارے ٹکرائے جانے پر ورلڈ ٹریڈ سنٹر کے ٹوئن ٹاور زمین بوس ہوئے جس کے سبب تین ہزار افراد سے زائد افراد ہلاک ہوئے دہشت گردوں نے تیسرا طیارہ واشنگٹن میں پینٹاگان سے ٹکرایااس کے بعد چوتھا طیارہ ہدف پر پہنچنے سے قبل گر کر تباہ ہوا ہوگیا،نائن الیون کے بعد دہشتگردی کے خلاف امریکی جنگ نے دنیا کا منظر نامہ بدل کر رکھ دیا۔

اسامہ بن لادن اور القاعدہ نے خودکش حملوں کی ذمہ داری قبول کی اور اس کے بعد افغانستان میں امریکی قیادت میں جنگ شروع ہوئی تھی اس انسانیت سوز سانحے میں تین ہزارامریکی اورغیر ملکی باشندے مارے گئے جبکہ چھ ہزارسے زائد افراد زخمی ہوئے اورمالی نقصان کا تخمینہ دس ارب ڈالر لگایا گیا، واقعے پر اس وقت کے صدر جارج واکر بُش نے دہشت گردی کے خلاف جنگ کا اعلان کیا اور اُسامہ بن لادن کو پکڑنے کے لیے افغانستان پر حملہ کردیا۔

نیوزی لینڈ نے ورلڈ کپ کیلئے اپنے اسکواڈ کا اعلان کردیا

جس کے بعد پوری دُنیا کی بدلتی حالت سب نے دیکھی امریکہ نے افغانستان کے بعد عراق پرحملہ کیا اور پھر یکے بعد دیگرے پوری دُنیا ہی اس آگ کی لپیٹ میں آگئی سانحہ نائن الیون کی وجہ سےدنیا بھر میں وار آن ٹیرر کی عالمی مہم شروع کی گئی جس میں اب تک لاکھوں افراد اپنی قیمتی جانوں سے ہاتھ دھو بیٹھے ہیں۔

مراکش میں زلزلے سے قبل آسمان پر چمکنے والی پراسرار نیلی روشنی کیا تھی؟