نیو کراچی کے علاقے ایوب گوٹھ میں رہائشی عمارت میں سوئی گیس کے دھماکے سے ایک شخص جاں بحق اور 6 افراد زخمی ہوگئے۔
پولیس کے مطابق متاثرہ مکان سے گیس پریشر بڑھانے کی موٹر برآمد ہوئی ہے، شبہ ہے کہ موٹر کے باعث گیس گھر میں بھر گئی تھی، جس کے بعد ماچس جلانے سے دھماکا ہوا۔حکام نے بتایا کہ دھماکے سے قریبی مکانات اور دکانوں کو نقصان پہنچا، جب کہ جس مکان میں دھماکا ہوا وہاں مزدور رہائش پذیر تھے۔ پانچ افراد ملبے تلے دب کر اور ایک شخص جھلس کر زخمی ہوا۔
پولیس کے مطابق واقعے میں مجموعی طور پر ایک شخص جاں بحق اور 6 زخمی ہوئے، زخمیوں کو قریبی اسپتال منتقل کر دیا گیا.
قومی ایئر لائن کی نجکاری اگلے ماہ مکمل ہونے کا امکان، 4 کمپنیاں میدان میں