نیو کراچی میں صبا سینما کے قریب فائرنگ کے نتیجے میں بچے سمیت تین افراد زخمی ہوگئے-

باغی ٹی وی: نیو کراچی میں صبا سینما کے قریب فائرنگ کے نتیجے میں بچے سمیت تین افراد زخمی ہوگئےواقعہ ڈکیتی مزاحمت پر پیش آیا جس سے بچے سمیت تین افراد زخمی ہوگئے پولیس کے مطابق زخمی وکی نامی شخص،61 سالہ خاتون اوربچہ ایک ہی گلی میں موجود تھے۔

میرپور خاص: جرائم پیشہ عناصر کے خلاف پولیس کی کی کارروائیاں جاری

زخمی خاتون گھر کے باہر دُکان چلاتی ہیں جبکہ دوسرا شخص پرچون کی دکان پر موجود تھا، زخمی بچہ تندور کی دوکان سے روٹی خرید رہا تھا پولیس نے دعوی کیا کہ علاقے میں واردات کے بعد ڈاکو فرار ہو رہے تھے گلی میں موجود توحید نامی شخص نے ڈاکو پرفائرنگ کردی، شبہ ہے توحید نامی شخص کی فائرنگ سے تینوں افرادزخمی ہوئے۔

دوسری جانب کراچی کےعلاقے سُرجانی میں تین بچے کھیلتے ہوئے ندی میں ڈوب گئے جن کی عمریں 8 سے 12 سال تھیں واقعہ سُرجانی سیکٹر36 گہرام گوٹھ میں پیش آیا لواحقین کے مطابق جاں بحق تین بچوں میں سے دو سگے بھائی بھی شامل ہیں جن کی شناخت 12سالہ ثناء اللہ اور سات سالہ سمیر آپس میں سگے بھائی تھے جبکہ 8 سالہ عبدالجبار نامی بچہ پڑوسی تھا۔

عمران خان اپنے پسندیدہ چیف جسٹس کی چھتری کے نیچے چھپ نہیں سکیں گے،احسن اقبال

اہلخانہ کا کہنا ہے کہ تینوں بچوں کی آج اسکول کی چھٹی تھی تینوں بچے شام کے وقت ندی کے قریب کھیلنے گئے تھے لاپتہ ہوئے تو تلاش شروع کی گٸی تینوں بچوں کی چپل جوتے ندی کنارے سے ملے تھے تلاش کرنے کے بعد بچوں کی لاشیں نکالی گئیں جسے بعد میں عباسی شہید اسپتال منتقل کردیا گیا۔

نیو کراچی صنعتی ایریا میں 2 فیکٹریوں میں آگ لگنے کے واقعہ میں متاثرہ دونوں عمارتیں زمین بوس ہوگئیں، ملبے تلے دب کر 4 ریسکیو اہلکار جاں بحق ہوگئے۔

باغی ٹی وی : پولیس کے مطابق گزشتہ روز نیو کراچی صنعتی ایریا میں 2 فیکٹریوں میں آگ لگی تھی،آگ کے باعث عمارتیں کمزور ہوگئیں ،بدھ ا ور جمعرات کی درمیانی شب مسلسل کولنگ کے دوران دونوں عمارتیں گر گئیں ایک فیکٹری میں کپڑے کا گودام ہے، جبکہ دوسری فیکٹری میں موٹر سائیکلوں کے اسپیئر پارٹس بنتے ہیں۔

کچے کےعلاقے میں پولیس کا آپریشن 3 ڈاکو ہلاک 6 گرفتار

فائر بریگیڈ حکام کا کہنا تھاکہ 10 فائر ٹینڈرز اور 6 واٹر باؤزرز نے آگ بجھانےکےعمل میں حصہ لیا واٹر بورڈ کی جانب سے آگ بجھانے کے لیے فائر بریگیڈ کو واٹر ٹینکر بھی فراہم کیے گئے۔عمارت میں دھواں بھر جانے سے آگ بجھانے کے عمل میں تاخیر ہوئی آگ لگنے کی وجہ تاحال سامنے نہیں آئی ہے، کولنگ کا عمل جاری تھا کہ دونوں عمارتیں گر گئیں-

ریسکیو حکام کے مطابق واقعہ میں 4 ریسکیو اہلکار جاں بحق اور 11 فائر فائٹرز سمیت 13 افراد زخمی ہوئے ملبے کے نیچے سے چاروں ریسکیو اہلکاروں کی لاشیں نکال لی گئی ہیں، جاں بحق افرادکی شناخت محسن،افضال،سہیل اور خالد شہزاد کے نام سے ہوئی ہے۔

شیخوپورہ میں 14سال کی یتیم لڑکی سے مبینہ زیادتی کا واقعہ

جائے وقوعہ پر ڈپٹی کمشنر سینٹرل طلحہ سلیم بھی موجود رہے دوسری جانب گورنر سندھ کامران ٹیسوری نے فیکٹری گرنے کے واقعہ کا نوٹس لیتے ہوئے ایڈمنسٹریٹر کراچی ڈاکٹر سیف الرحمان سے رابطہ کیا گورنر سندھ نے زخمیوں کو فوری طبی امداد فراہم کرنے کی ہدایت کی۔

کراچی: بلال کالونی اور نیوکراچی پولیس نے مشترکہ کارروائی کرتےہوئے بدنام زمانہ ڈی جے گروپ کے سرغنہ کو 2 ساتھیوں سمیت گرفتار کرلیا۔

باغی ٹی وی : ترجمان کراچی پولیس کے مطابق گرفتار ملزمان کی شناخت حنین ، سہیل عرف ڈاکٹر عرف لمبا اور سہیل عرف چھوٹو عرف بنگش کے ناموں سے ہوئی ہے، ملزمان کی گرفتاری ٹیکنیکل بنیادوں اور سی سی ٹی وی کی مدد سے عمل میں لائی گئی۔

اسلام آباد سے 24 گھنٹوں میں 15 گرفتاریاں

پولیس کے مطابق ملزمان نے 28 دسمبر 2022ء کو نیو کراچی سیکٹر 11-E میں کریانہ اسٹور کو لوٹا اور مزاحمت پر فائرنگ کر کے فرار ہوگئے، ملزمان واردات کے بعد فرار ہونے کی کوشش کررہے تھے کہ رکشا ڈرائیور نے غلطی سے ملزمان کے موٹرسائیکل کو ٹکر ماردی جس پر ملزم سہیل بنگش اور سہیل ڈاکٹر نے ڈرائیور کو گولیاں مار کر شدید زخمی کر دیا، ملزمان نے دوران تفتیش بتایا کہ رکشا ڈرائیور کو جب گولیاں ماریں تو ہم شراب کے نشے میں تھے۔

پولیس نے بتایا ہے کہ ملزمان سے واردات میں استعمال ہونے والا نائن ایم ایم پستول برآمد کر لیا گیا ہے، ملزمان نے مشترکہ تفتیش کے دوران نیو کراچی ڈویژن میں درجنوں وارداتوں کا انکشاف کیا ہے، ملزمان نے سرسید تھانے کی حدود اویس میڈیکل سینٹر سیکٹر 11/C-1 نارتھ کراچی میں اسلحہ کے زور پر لوٹ مار کی مزاحمت پر گولیاں مار کر فرار ہوئے۔

اسی طرح ملزمان نیو کراچی تھانے کی حدود میں التوکل بریانی کے مالک کو دکان میں گھس کر اسلحہ کے زور پر لوٹنے کے بعد لائسنس یافتہ اسلحہ نائن ایم ایم پستول، موبائل فون اور رقم چھین کر فرار ہوگئے تھے، ملزمان سہیل عرف ڈاکٹر اور سہیل بنگش نے نیو کراچی کے حدود سے 10 سے زائد دکانوں، میڈیکل اسٹور اور ریسٹورنٹ لوٹنے کا اعتراف جرم کیا ہے، گروہ کے سرغنہ حنین، سہیل ڈاکٹر یا سہیل بنگش کو تمام تر سہولیات جس میں اسلحہ، موٹرسائیکل اور دیگر سامان فراہم کرتا تھا، ڈکیتی کے بعد حصہ ( پتی )حنین کی سربراہی میں ہوتی تھی۔

ملزم سہیل نے اعتراف کیا کہ انہوں نے وارداتوں کے دوران چھینے گئے 200 سے زائد موبائل فون حنین کو دیئے ہیں، ملزم حنین واردات کے پیسوں کا تیسرا حصہ لیا کرتا تھا اور چھینے ہوئے موبائل فون 3 سے 4 ہزار میں ہم سے خرید کر اچھے داموں فروخت کرتا تھا، حنین موبائل کا IMEI نمبر تبدیل کرکے دکانوں میں اچھےداموں میں فروخت کرتا تھا، حنین ہمیں کم پیسے دیتا تھا کیونکہ موبائل کی ساری سیٹنگ اس کے پاس تھی۔

31 برس بعد باپ کے قتل کا بدلہ، کمرے میں گھس کر ماری گولیاں

ملزم سہیل نے بتایا کہ حنین ڈکیتوں کےتین سے چار گروپ چلاتا ہے سب کواسلحہ موٹر سائیکلیں دیتا ہے اور اپنا حصہ لیتا ہے، اکثرواردتوں میں حنین کے ساتھ باہر کے نئے لڑکوں کی ٹیم وارداتیں کرنے نیو کراچی آتی ہے مرکزی ملزم حنین ڈی جے گروپ کا سرغنہ اقبال ڈی جے کا دست راست ہے، گزشتہ دنوں ڈی جے اقبال اغوا برائے تاوان کی واردات میں گرفتار ہوکر جیل جا چکا ہے۔

گروہ کے سرغنہ حنین نےانکشاف کیا کہ ایک کی ساتھی کرن عرف کومل، لیپ ٹاپ کے ہمرا کبھی نیب کبھی ایف آئی اے کبھی پولیس اہلکار بن کر گھر کا دروازہ کھلواتی تھی اور ہم پوری ٹیم اسلحہ کے زور پر داخل ہوتے، گھر کو لوٹ لیا کرتے تھے، گھروں، بنگلوں کی واردتوں میں گرفتاری کے بعد جیل میں بیٹھ کر پیٹرول پمپ لوٹنے کا پلان تیار کیا جس کے بعد سینٹرل میں مختلف پیٹرول پمپس لوٹے اور مزاحمت پر پمپ کے سیکیورٹی گارڈز پر فائرنگ کی، کیش موبائل فون کے ساتھ رپیٹر بھی چھین کر فرارہو جاتے ہیں۔

ملزمان کے خلاف مقدمات درج کر کے تفتیش کا آغاز کر دیا گیا جبکہ ملزمان کے دیگر وارداتوں کے انکشاف پر متعلقہ تھانہ جات میں گرفتاریاں عمل میں لائی جائیں گی۔

 قلعہ سیف اللہ کے قریب خوفناک ٹریفک حادثے میں 7 افراد جاںبحق