Tag: نیپالی حکومت

نیپال کی سابق چیف جسٹس سشیلا کارکی نے عبوری وزیراعظم کا عہدہ سنبھالنے کے بعد اعلان کیا کہ وہ ’’جنریشن زی‘‘ مظاہرین کے مطالبات تسلیم کریں گی اور کرپشن کے خاتمے کے لیے عملی اقدامات کریں گی۔

غیر ملکی خبر رساں ادارے اے ایف پی کے مطابق نیپال میں کرپشن مخالف مظاہروں کے دوران درجنوں افراد ہلاک ہوئے جس کے بعد وزیراعظم کے پی شرما اویلی نے احتجاج کے دباؤ کے باعث استعفیٰ دے دیا۔

73 سالہ سشیلا کارکی نے کہا کہ انہوں نے ’’جنریشن زی‘‘ مظاہرین کی درخواست پر عبوری حکومت کی قیادت قبول کی ہے۔ ان کا کہنا تھا کہ وہ امن و امان کی بحالی اور عوام کے اعتماد کی بحالی کے ساتھ ساتھ مظاہرین کے کرپشن سے پاک مستقبل کے مطالبات پر بھی توجہ دیں گی۔

کارکی کو یہ ذمہ داری دی گئی ہے کہ وہ اگلے چھ ماہ کے دوران عبوری حکومت کی قیادت کریں اور انتخابات کے انعقاد کی تیاری کریں۔

خیال رہے کہ نیپال میں سوشل میڈیا پر پابندی کے بعد ملک گیر احتجاج شروع ہوا تھا جس نے پہلے سے موجود معاشی بحران کو مزید سنگین بنا دیا۔

سندھ میں سیلابی صورتحال، 1 لاکھ 63 ہزار سے زائد افراد محفوظ مقامات پر منتقل

اسرائیل عالمی امن کے لیے خطرہ ہے، اسحٰق ڈار

امریکا اور چین کے درمیان میڈرڈ میں اہم تجارتی مذاکرات شروع

نیپال نے فیس بک، ایکس، یوٹیوب اور دیگر تمام بڑے سوشل میڈیا پلیٹ فارمز بلاک کرنے کا اعلان کر دیا ہے۔

نیپالی حکومت کے مطابق سوشل میڈیا کمپنیوں نے ریاستی رجسٹریشن کی شرائط پوری نہیں کیں، جس پر آج سے غیر رجسٹرڈ پلیٹ فارمز کو غیرفعال کر دیا گیا ہے۔وزیر آئی ٹی پرتھوی سبا گروُنگ نے کہا کہ کمپنیوں کو موقع دیا گیا تھا مگر انہوں نے ہدایت کو نظرانداز کیا۔ رجسٹریشن میں ناکام رہنے والے پلیٹ فارمز میں فیس بک، انسٹاگرام، واٹس ایپ، یوٹیوب، ایکس، ریڈٹ اور لنکڈاِن شامل ہیں۔

واضح رہے کہ نیپال میں 2023 کی ہدایت کے تحت سوشل میڈیا پلیٹ فارمز کا رجسٹر ہونا لازمی قرار دیا گیا تھا۔عالمی سطح پر بھی سوشل میڈیا پر ریگولیشن سخت کیے جا رہے ہیں۔ امریکا، یورپی یونین، برازیل اور آسٹریلیا نئے قوانین لا رہے ہیں جبکہ چین میں پہلے ہی سخت سینسرشپ اور لائسنسنگ کنٹرول نافذ ہیں۔

گوگل پر صارفین کی پرائیویسی خلاف ورزی پر 425 ملین ڈالر جرمانہ

ہندوستانی اکانومی دھوکہ، ایک ارب لوگ غریب، اڈانی اور امبانی کی موج

بلوچستان کے 5 اضلاع میں موبائل انٹرنیٹ سروس بند رکھنے کا فیصلہ

شہباز شریف چین کا سرکاری دورہ مکمل کرکے وطن روانہ