لاہور: سول ایوی ایشن اتھارٹی (سی اے اے) نے واجبات کی عدم ادائیگی کی وجہ سے پاکستان انٹرنیشنل ایئرلائن (پی آئی اے) کو ایئرپورٹ سروسز کی فراہمی بند کرنے کا فیصلہ کیا ہے ڈائریکٹر فنانس سی اے اے کے زیر دستخط مراسلہ جاری کردیا۔
باغی ٹی وی : اس حوالے سے جاری نوٹیفکیشن کے مطابق پی آئی اے کو یکم نومبر سے پی آئی اے مسافروں کو بورڈنگ برج سروس نہیں دی جائے گی،سی اے اے نے کہا کہ اس کے علاوہ پی آئی اے کے جہازوں کے لیے پاور سپلائی بھی حاصل نہیں ہوگی-
بی فار یو کمپنی فراڈ:سیف الرحمان کی ضمانت منسوخ ہونے پر نیب نےگرفتار کر لیا
مراسلے کے مطابق پی آئی اے پر سی اے اے کے 127 ارب روپے واجب الادا ہیں، پی آئی اے پر مسافروں سے ایئرپورٹ چارجز وصولی پر بھی پابندی لگا دی گئی، سی اے اے کا کہنا ہے کہ وہ مسافروں سے خود ایئرپورٹ چارجز وصول کرے گا۔
سی اے اے کا کہنا ہے کہ پی آئی اے کو مئی سے واجب الادا رقم پر ماہانہ 25 کروڑ بطور قسط ادا کرنا تھے، پی آئی اے نے 5 ماہ بعد بھی 1 ارب 25 کروڑ میں سے صرف 55 کروڑ ادا کیے ہیں۔
نوٹیفکیشن میں لکھا گیا کہ“وعدوں کے باوجود پی آئی اے نے 250 ملین روپے ماہانہ قسط ادا نہیں کی۔