قصور
دھند کے اغاز کیساتھ ہی وارداتوں میں اضافہ،مصرف سڑک پہ واردات،پیٹرولنگ بڑھانے کی استدعا
تفصیلات کے مطابق قصور میں دھند شروع ہوتے ہی وارداتوں میں اضافہ ہو گیا ہے
گزشتہ شب نجی فیکٹری کی بس قصور سے رائیونڈ اپنے ورکرز کو لے کر جا رہی تھی کہ موضع راؤخانوالہ نزد ڈرین پہ بس کو ڈاکوؤں نے لوٹ لیا اور پھر اس کے بعد آنے والے ایک کیری ڈبے کو لوٹا گیا
بڑھتی ہوئی وارداتوں کے پیش نظر شہریوں نے ڈی پی او قصور سے پیٹرولنگ بڑھانے کی استدعا کی ہے تاکہ لوگ چوروں ڈاکوؤں سے محفوظ ہو کر سفر کر سکیں
پولیس کے مطابق فائرنگ کا پہلا واقعہ تھانہ پڑانگ کے حدود میں سامنے آیا جس میں ایک ہی گھر میں مقیم دو بھائیوں کے درمیان جائیداد کے تنازعے پر فائرنگ ہوئی جس کے نتیجے میں ملزم جہانزیب اور اس کے بیٹے کی فائرنگ سے بھائی نیاز علی اور اس کے دو بیٹے نواس خان اور اکبر خان قتل جبکہ دو افراد زخمی ہوئے۔
تھانہ پڑانگ کے محرر واسیع اللہ کے مطابق واقعہ 33 مرلہ اس مکان کے تنازعے کے باعث پیش آیا جہاں تین بھائی مشترکہ طور پر رہائش پذیر تھے جبکہ ملزم جہانزیب اس مکان پر قبضہ جمانے کے لیے سرگرم عمل تھا۔باغی ٹی وی کے مطابق اس تنازعے پر جرگہ بھی کیا گیا تھا،جس کے فیصلے مطابق مقتول بھائی نے ملزم کو پیسوں کی آدائیگی کر دی تھی،تاہم ملزم مزید پیسوں کی ڈیمانڈ کرکے فیصلے کی خلاف ورزی کر کے ملزم نے زبانی تکرار کے بعد اندھا دھند فائرنگ کر کے بھائی اور اسکے دو بیٹوں کو قتل جبلہ دو افراد کو زخمی کر دیا،پولیس نے ملزم جہانزیب اور اس کے دو بیٹوں کے خلاف دفعہ 302 کے تحت مقدمہ درج کر لیا۔
دوسری جانب آج صبح شبقدر میں بھائی نے فائرنگ کرتے ہوئے دوسرے بھائی گل شیر، ان کے 15 سالہ بیٹے علی اور 13 سالہ بیٹی آمنہ کو قتل کر دیا جبکہ ملزم کی فائرنگ سے بچوں کی والدہ بھی شدید زخمی ہوئی ہے۔
اس کے علاوہ تحصیل تنگی کے علاقے مندنی میں مستورات کے تنازعہ پر سفیان نامی نوجوان کو فائرنگ کرکے زخمی کر دیا۔
واقعہ کے بعد ریسیکو 1122 کے اہلکار سفیان کو زخمی حالت میں ہسپتال منتقل کر رہے تھے کہ راستے میں گاڑی کو حادثہ پیش آیا، حادثے کے دوران سفیان اور اس کے بھائی مختار شدید زخمی ہوگئے اور زخموں کی تاب نہ لاتے ہوئے دونوں نے راستے میں دم توڑ دیا۔
واقعہ میں ریسکیو 1122 کے ڈرائیور اور ایک ٹیکنیشن بھی زخمی ہوئے ہیں جبکہ پولیس نے تمام واقعات کی رپورٹ درج کرکے تفتیش شروع کر دی ہے۔
سابق ڈی جی آئی ایس آئی لفیٹننٹ جنرل (ر) فیض حمید کے بھائی نجف حمید کے گھر چوری کی واردات ہوئی ہے
پولیس نے واقعہ کا مقدمہ درج کر لیا ہے، پولیس حکام کے مطابق نجف حمید نے پولیس کو دیئے گئے بیان میں کہا کہ انہوں نے گھر میں ملازم رکھے تھے، ملازمین گھر سے ایک کروڑ سات لاکھ روپے نقد اور آئی فون موبائل چوری کر کے لے گئے، نجف حمید کا کہنا تھا کہ جس دن واردات ہوئی وہ گھر میں نہیں تھے اور علاج کے لئے پنجاب کے صوبائی دارالحکومت لاہو رگئے ہوئے تھے، پولیس نے واقعہ کا مقدمہ درج کر لیا ہے، مقدمہ تھانہ نیلہ میں درج کیا گیا ہے،ملازمین کے نام عاشق حسین اور مقصود بتائے گئے ہیں جن کا تعلق لیہ اورچکوال سے ہے واقعہ 6 اپریل سے 24اپریل کے درمیان کاہے اور مقدمہ 13جولائی کو ہوا
سیالکوٹ،باغی ٹی وی (سٹی رپورٹرشاہدریاض) :پولیس مقابلہ انتہائی مطلوب ایک ڈاکو ہلاک 4 گرفتار
تھانہ صدر سیالکوٹ کے علاقہ میں پولیس کی ڈاکوؤں کے ساتھ مڈبھیڑ پولیس کو انتہائی مطلوب ایک ڈاکو ہلاک چارکو گرفتارکرلیا گیا
ڈسکہ اور سدرہ بدرہ کے علاقہ میں یکے بعد دیگرے دو پٹرول پمپوں پر واردات کی اطلاع پر ڈی پی او سیالکوٹ محمد حسن اقبال نے پٹرول پمپ پر واردات کے ملزمان کو گرفتار کرنے کیلیے شہر بھر میں سخت ناکہ بندی کے احکامات جاری کیے اس دوران ہونڈا 125 موٹر سائیکلوں پر سوار مسلح ڈاکوؤں کا رحمت آباد کے علاقہ میں تھانہ صدر پولیس سے سامنا ہوا تو ڈاکؤں نے آتشیں اسلحہ سے پولیس ٹیم پر فائرنگ کردی پولیس ٹیم نےدفاعی حکمت عملی اختیار کرتے ہوئے ڈاکوؤں کے گرد گھیرا ڈال کرچار ڈاکوؤں کو گرفتار کر لیا جبکہ ایک ڈاکو اپنے ہی ساتھیوں کی فائرنگ سے ہلاک ہو گیاہلاک ہونے والے ڈاکو کی شناخت عباس عرف نانی ڈان کے نام سے ہوئی ہے جو قتل، ڈکیتی و راہزنی کے متعدد مقدمات میں ریکارڈ یافتہ اشتہاری ہے جس کے سر کی قیمت 2 لاکھ روپے مقرر کرنے کے لئے کاروائ بھی کر رکھی ہےڈی پی او سیالکوٹ محمد حسن اقبال، ایس پی انویسٹی گیشن ،ڈی ایس پی صدر، ڈی ایس پی ڈسکہ، ایس ایچ او صدر سیالکوٹ اور پولیس کی بھاری نفری کے ہمراہ موقع پر پہنچ گئے
اسلام آباد پولیس کے مطابق شہر اقتدار اسلام آباد میں گزشتہ ایک ماہ کے دوران مخلتف وارداتوں میں شہری کروڑوں روپے سے زائد مالیت کی نقدی اور قیمتی سامان سے محروم ہوئے ، اسلام آباد شہر میں ایک ماہ میں 950 سے زائد وارداتیں،، جبکہ 350 موٹرسائیکل چوری ، 400 سے زائد موبائل فونز چھینے گئے ہیں،اسلام آباد سے گزشتہ ماہ لاکھوں روپے مالیت کی 86 گاڑیاں چوری ہوئی،اس دوران 27 افراد کو اغوا کیا گیا،فائرنگ اور دوران ڈکیتی مزاحمت پر گیارہ افراد قتل ہوئے،اسکے علاوہ مالی فراڈ اور دھوکہ دہی کے 34 مقدمات درج ہوئے،جائیداد پر قبضے کے خلاف دو سو سے زائد جرائم پولیس کو رپورٹ کیے گئے، پولیس زرائع کے مطابق رپورٹ کیے گئے جرائم کے خلاف صرف 50 فیصد مقدمات درج ہوئے،
گزشتہ ایک ماہ کے دوران سو سے زائد ایسے جرائم بھی ہوئے جن میں شہریوں کی قیمتی اشیاء کی لاگت بیان نہیں کی گئی،اسکے علاوہ ڈکیتی کے 350سے زائد واقعات جن میں دوران ڈکیتی مزاحمت پر ملزمان نے شہریوں کو زخمی کیا،شہری قیمتی موبائل فون، موٹرسائیکل اور گاڑیوں سے محروم پولیس جرائم پہ قابو پانے میں مسلسل ناکام ہوتے دکھائی دے رہے ہےشہر اقتدار میں بڑھتی ہوئی وارداتوں سے شہریوں میں خوف و ہراس لی لہر دوڑ گئی ہے،
سٹی تھانہ چارسدہ کی حدود میں قتل ہونیوالی ڈیڑھ سالہ علینہ کے قتل کا 24گھنٹوں میں ڈراپ سین ہوگیا ،سگی چچی قاتلہ نکلی ،ملزمہ کو گرفتار کرلیا گیا، جمعرات کے روز سردریاب ممتاز آبا د سے لاپتہ ڈیڑھ سالہ علینہ دختر کامران کی بوری بند نعش ملی جس پر ڈی پی او چارسدہ عارف خان نے ملزموں کی گرفتاری کیلئے ٹیم تشکیل دی ۔تفشیشی ٹیم نے بچی علینہ کی چچی زوجہ صدام المعروف احسان اللہ کو حراست میں لیکر پوچھ گچھ شروع کی اور ملزمہ نے دوران تفتیش بچی کو قتل کرنے کا اعتراف کرتے ہوئے کہا کہ گھریلو نا چاقی پریہ اقدام اُٹھایا ۔بچی علینہ کے والد کامران نے عدالت میں بھی ملزمہ مسماة (ز) زوجہ صدام کیخلاف اپنی بچی کی ہلاکت کا بیان 164کے تحت قلم بند کروایا ۔واضح رہے کہ بچی کی لاش کل بوری میں بند ملی تھی جسکے بعد پولیس نے قاتل کو گرفتار کرنے کے لئے کاروائی شروع کی تھی،
شہر قائد کراچی میں جرائم پیشہ عناصر کیخلاف پولیس کاروائیاں جاری ہیں،
گلبہار پولیس نے ڈکیتی کی واردات ناکام بناتے ہوئے شہری کو لٹنے سے بچا لیا 2 ڈکیت موقع پر گرفتار کر لئے گئے، ملزمان ایک شہری دلاور خان ولد نادر خان کو اسلحے کے زور پر لوٹ رہے تھے کہ موقع پر پیٹرولنگ کرتے ہوئے گلبہار پولیس پہنچ گئی شہری کے اشارے پر ملزمان کو بروقت گرفتار کر لیا گیا ملزمان کی شناخت شاکر ولد رانا فاروق اور مصطفیٰ ولد مرجان کے ناموں سے ہوئی گرفتار ملزمان کے قبضے سے 2 عدد پسٹل بمعہ راؤنڈ پرس 2500 روپے نقد برآمد کر لئے گئے،ملزمان گلبہار سمیت ناظم آباد اور اطراف کے علاقوں میں مسلسل واردات کررہے تھے اور پولیس کو مطلوب تھے ملزمان کا سابقہ ریکارڈ موجود ہے اور پہلے بھی گرفتار ہوچکے ہیں ملزمان نے دورانِ انٹیروگیشن اپنے دیگر ساتھیوں کے بارے میں بھی انکشاف کیا ہے جن کی گرفتاری کے لئے چھاپے مارے جا رہے ہیں ملزمان کے خلاف مقدمات درج کر کے تفتیش کا آغاز کردیا گیا ہے
دوسری جانب شاہ فیصل کالونی پولیس کی خفیہ اطلاع پر کاررواٸی، جوا سٹہ لگانے والے 6 جواری ملزمان گرفتارکر لئے گئے، گرفتار جواریوں سے تاش کی گڈیاں اور سٹے کی رقم 3400 روپے برآمد ہوٸی، گرفتار جواریوں کیخلاف کماربازی ایکٹ قاٸم کرکے تفتیش کا آغاز کردیا گیا،
تھانہ گڈاپ سٹی پولیس نے بڑی کاروائی کی، سولر پلیٹ چوری کرنے والے 2 ملزمان گرفتارکر لئے، گرفتار ملزمان صدام حسین اور عبدالنبی نے گڈاپ سٹی کے علاقے سے سولر پلیٹس چوری کی تھی گڈاپ سٹی پولیس نے فوری کاروائی کرتے ہوئے ملزمان کو گرفتار کیا ملزمان کے قبضہ سے 35 سولر پلیٹس برآمد کر لی گئیں،ملزمان کے خلاف مقدمہ درج کر کے تفتیش جاری ہے
جنسی طور پر ہراساں کرنے پر طالبہ نے دس سال بعد ٹیچر کو گرفتار کروا دیا
خاتون پولیس اہلکار کے کپڑے بدلنے کی خفیہ ویڈیو بنانے پر 3 کیمرہ مینوں کے خلاف کاروائی
شوہرکے موبائل میں بیوی نے دیکھی لڑکی کی تصویر،پھر اٹھایا کونسا قدم؟
تعلیمی ادارے میں ہوا شرمناک کام،68 طالبات کے اتروا دیئے گئے کپڑے
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ پنجاب کے وزیر اعلی پرویز الہی جن کے نام کے ساتھ کچھ دن میں سابق وزیر اعلی جُڑنے والا ہے ۔انہوں نے ایک ایسی واردات کی ہے جس کوسن کر آپ کے ہوش اڑنے والے ہیں ۔یہ ایک ایسی واردات ہے جس سے صرف چند لمحوں میں دو تین کروڑ لوگوں کا مستقبل ، ان کی صحت ، ان کی رہائش سب کچھ داو پر لگ چکا ہے ۔
مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ ایک ایسی واردات جس سے چند مخصوص افراد کو لاکھوں نہیں ، کروڑوں نہیں ، اربوں نہیں بلکہ کھربوں روپے کا فائدہ ہو گا اور دوسری طرف کروڑوں لوگ دو وقت کی روٹی کے لیے محروم ہو جائیں گے ۔ چوہدری پرویز الہی کو اس وقت سمجھ آ چکا ہے کہ وہ بہت جلد پنجاب کی گدی سے محروم ہونے جا رہے ہیں ۔ ان کے پاس اعتماد کے ووٹ کے لیے نمبر پورے نہیں ہیں ۔تحریک انصاف کے لوگ ان سے خفا ہیں اور جو چہرے پہلے نقاب میں چھپے تھے اب وہ کھل کر سامنے آ گئے ہیں اور عمران خان کو برملا کہہ رہے ہیں کہ ہم پرویز الہی کو اعتماد کا ووٹ کسی صورت نہیں دیں گے ۔پہلے یہ لوگ کم تھے لیکن اب ان کا پورا ایک کارواں بن چکا ہے ۔ان میں سے ایک تو مومنہ وحید تھیں ، جو مخصوص نشت پر تحریک انصاف کی ایم پی اے تھیں ۔ ان کے بارے میں قیاس آرائیاں کی جا رہی تھیں کہ وہ پرویز الہی کو اعتما د کا ووٹ نہیں دیں گی ۔ وہ قیاس آرائیاں سچ ثابت ہوئیں اور اب وہ کھل کر اس بات کا اقرار کر چکی ہیں کہ وہ پرویز الہی کو اعتماد کا ووٹ نہیں دیں گی ۔نا صرف وہ بلکہ انھوں نے یہ بھی انکشاف کیا ہے کہ تحریک انصاف کے مزید بھی کافی اراکین چوہدری پرویز الہی کا ساتھ نہیں دیں گے ۔
مبشر لقمان کا مزید کہنا تھا کہ عمران خان کو بھی سمجھ آ چکی ہے کہ پرویز الہی اعتماد کے قابل نہیں ہیں اس لیے انھوں نے اپنے پارٹی اراکین کو یہ آرڈر دیے ہیں کہ پرویز الہی پر نظر رکھیں ۔پرویز الہی کو بھی سمجھ آ چکی ہے کہ عمران خان کتنے مفاد پرست ہیں اور کیسے استعمال کر کے لوگوں کو ایک ٹشو پیپر کی طرح پھینک دیتے ہیں ۔ اس لیے انھوں نے بھی تحریک انصاف کے لوگوں بارے اپنا غبار نکالنا شروع کر دیا ہے ۔ اور یہ سب ایک نا ایک دن ہونا ہی تھا۔ایک نا ایک دن اس غبارے نے پھٹنا ہی تھا۔پرویز الہی کو پتا تھا کہ وہ تا حیات وزیر اعلی نہیں بننے آئے۔ ان کے سر پر جب تک ہاتھ رہے گا وہ وزیر اعلی برقرار رہیں گے اور جب ہاتھ ہٹے گا تو کوئی دوسرا شخص ان کی جگہ لے لے گا۔اس لیے انھوں نے کھل کر پنجاب کے خزانے کو لوٹا۔اپنے حلقوں کےلیے اربوں روپے کے ریکارڈ فنڈز جاری کیے ۔ پروٹوکول کے مزے لوٹے اپنے من پسند لوگوں کو ہر طرح سے نوازا۔نئی گاڑیاں خریدیں جہاز کرائے پہ لیے اور اب تو مبینہ طور پر ہیلی کاپٹر بھی کرائے پر لیے جانے کی افواہیں گردش کر رہی ہیں ۔ اور وہیں تحریک انصاف کے اراکین قومی اسمبلی کھلے خزانے کا منہ دیکھتے رہ گئے ۔
مبشر لقمان کی دہائی، ابھی نہیں تو کبھی نہیں۔جنرل فیض بے نقاب،وائٹ پیپر،خطرے کی گھنٹیاں
ویڈیو آ نہیں رہی، ویڈیو آ چکی ہے،کپتان کا حجرہ، مرشد کی خوشگوار گھڑیاں
عمران خان کی محبت بھری شاموں کا احوال، سب پھڑے جان گے، گالی بریگیڈ پریشان
عمران خان پرلاٹھیوں کی برسات، حالت پتلی، لیک ویڈیو، خواجہ سرا کے ساتھ
مبشر لقمان سے بانی مہمند لویہ جرگہ جاوید مہمند کی قیادت میں ایک وفد نے ملاقات کی ہے،
بشریٰ بی بی، بزدار، حریم شاہ گینگ بے نقاب،مبشر لقمان کو کیسے پھنسایا؟ تہلکہ خیز انکشاف
تحریک انصاف میں پھوٹ پڑ گئی، فرح گوگی کی کرپشن کی فیکٹریاں بحال
ہوشیار،بشری بی بی،عمران خان ،شرمناک خبرآ گئی ،مونس مال لے کر فرار
قصور
ڈاکوؤں کا نیا طریقہ واردات ،
ضلع بھر سے سوشل میڈیا پہ دوستی کے بعد ملاقات و گاڑی میں لفٹ دینے کے بہانے اغواء کرکے بذریعہ جاز کیش رقم منگوانے کی وارداتیں،عوام سے ہوشیار رہنے کی اپیل
تفصیلات کے مطابق قصور ضلع بھر سے گزشتہ چند ماہ سے ایسی بہت سی وارداتیں سامنے آئی ہیں کہ جن میں فیسبک و دیگر سوشل میڈیا ویب سائٹس پہ دوستی کرکے ملاقات کا بہانہ کرکے اور راہ چلتے لوگوں کو گاڑی میں لفٹ دینے کا بہانہ کرکے اغواء کرکے اپنی گاڑی میں اسلحہ کے زور پر بٹھا لیا جاتا ہے اور اسی مغوی کے موبائل اکاؤنٹ سے پیسے منگوائے جاتے ہیں اور فوری کسی دوسری دکان پہ جاکر یا اے ٹی ایم سے رقم نکلوا لی جاتی ہے تاکہ کسی قسم کا کوئی ثبوت باقی نا رہے
اب تک کی سامنے آنے والی وارداتوں میں مغوی پر تشدد تو کیا گیا مگر بذریعہ موبائل اکاؤنٹ پیسے منگوا کر مطلوبہ بندے کو چھوڑ دیا جاتا رہا ہے تاہم عوام سے محتاط رہنے کی اپیل ہے تاکہ تشدد اور مالی نقصان سے بچا جا سکے
قصور
مصروف ترین شاہراہ قصور رائیونڈ روڈ بمقام نول سٹاپ نزد نرسری برف کارخانہ والہ پہ صبح سات بجے واردات،ڈاکو ناکہ لگا کے لوگوں کو لوٹتے رہے
تفصیلات کے مطابق قصور ضلع بھر میں وارداتوں کا سلسلہ تیز تر ہو گیا ہے جس کے باعث لوگ دن رات ڈاکوؤں کے ہاتھوں لٹنے پہ مجبور ہیں جبکہ پولیس ڈاکوؤں کو پکڑنے میں مکمل ناکام ہے
آج صبح سات بجے کے قریب تھانہ صدر کی حدود میں تین مسلح موٹر سائیکل سوار ڈاکوؤں نے قصور رائیونڈ روڈ پہ نول سٹاپ بمقام برف والہ کارخانہ والی نرسری پہ عین رائیونڈ روڈ پہ دو موٹر سائیکل سوار طالب علموں کو گن پوائنٹ پہ روکا اور ایک عدد موبائل آئی فون مالیت 2 لاکھ و ایک سادا موبائل کیساتھ نقدی چھینی اور کوٹ رہنہ والا راستہ کی طرف ریلوے پھاٹک پہ مذید چار اور لوگوں کو لوٹا جن سے نقدی اور موبائل فون چھین کر ڈاکو بآسانی فرار ہو گئے
اسی جگہ پہ چند ماہ میں چوتھی مرتبہ لٹنے والے کوٹ رہنہ کے رہائشی شرافت علی مئیو نے بتایا کہ میں اسی جگہ پہ چند ماہ میں چار مرتبہ لٹ چکا ہوں اور ایف آئی آر بھی درج ہوئی ہے تاہم ڈاکو پکڑے نہیں گئے
لوگوں نے بتایا کہ ہر روز واردات ہوتی ہے جس کے باعث ہم نے اپنی مدد آپ کے تحت ناکہ لگانا شروع کیا تو آج ناکہ کے پندرہویں روز رات کو کوئی واردات نا ہوئی مگر ڈاکوؤں نے آج ٹائم بدل کر رات کی بجائے دن کا کر لیا اور لوگوں کو ناکہ لگا کر لوٹتے رہے جس پہ انتہائی افسوس ہے کہ ہم اپنے کام کاج کریں کہ دن رات سڑکوں پہ پہرہ دیں؟
لوگوں نے ڈی پی او قصور سے ازخود نوٹس لے کر جلد سے جلد ڈاکوؤں کو پکڑنے کا مطالبہ کیا ہے