لانگ مارچ،پی ٹی آئی کے 17 رہنماؤں کے ناقابل ضمانت وارنٹ گرفتاری جاری
باغی ٹی وی کی رپورٹ کے مطابق تحریک انصاف کے لانگ مارچ کے دوران توڑ پھوڑ، تشدد کیس میں عدالت نے تحریک انصاف کے سترہ رہنماؤں کے ناقابل ضمانت وارنٹ جاری کر دیئے ہیں
انسداد دہشت گردی عدالت نے جمعہ کو پی ٹی آئی لانگ مارچ کے دوران تشدد کے حوالہ سے کیس کی سماعت کی، عدالت نے لاہور کے علاقے تھانہ شاہدرہ میں درج مقدمے کی بنیاد پر تحریک انصاف کے رہنماؤں کے وارنٹ گرفتاری جاری کئے ہیں، عدالت نے تحریک انصاف کے رہنماؤں ڈاکٹر یاسمین راشد، شفقت محمود، میاں محمود الرشید، اسلم اقبال، حماد اظہر، یاسر گیلانی، ندیم بارا، عدیل نواز، زبیر نیازی، اعجاز چوہدری، اکرم عثمان، جمشید اقبال چیمہ ، مسرت جمشید چیمہ، مراد راس، عندلیب عباس اور امتیاز شیخ کے وارنٹ جاری کئے ہیں
دوسری جانب گلبرگ تھانے کی درخواست پر اے ٹی سی کی جانب سے بھی فیصلہ سنائے جانے کا امکان ہے ،
تحریک انصاف کے چیئرمین عمران خان نے 25 مئی کو لانگ مارچ کا اعلان کیا تھا، لاہور سے جب لانگ مارچ کے شرکا نکلے تھے تو انکا پولیس کے ساتھ تصادم ہوا تھا، ان دنوں پنجاب کی صوبائی حکومت نے دفعہ 144 نافذ کر رکھی تھی، لانگ مارچ کے شرکا اور پولیس میں کئی مقامات پر تصادم ہوا تھا، پولیس نے پی ٹی آئی کے رہنماوں و کارکنان کو گرفتار بھی کیا تھا
لانگ مارچ کے بعد تحریک انصاف کے چیئرمین عمران خان سمیت دیگر پی ٹی آئی کی مرکزی قیادت پر بھی مقدمہ درج کیا گیا تھا، اسلام آباد میں پی ٹی آئی کا لانگ مارچ عمران خان سمیت 150افراد کیخلاف 3 مقدمات درج کر لئے گئے مقدمات میں جلاؤ گھیراؤ اور توڑ پھوڑ کی دفعات شامل کی گئی ہیں، مقدمہ تحریک انصاف کے چیئرمین عمران خان سمیت باقی قیادت، کارکنان پر درج کئے گئے ہیں، مقدمات میں 39 افراد کی گرفتاری بھی ظاہر کی گئی ہے ،درج مقدمات میں اسد عمر، عمران اسماعیل ، راجہ خرام نواز ،علی امین گنڈا پور اور علی نواز اعوان کے نام بھی شامل ہیں،وزیراعلی گلگت بلتستان پر بھی مقدمہ درج کیا گیا تھا، فواد چودھری پر جہلم میں مقدمہ درج کیا گیا تھا
کیا آپ کو علم ہے کہ سپریم کورٹ کے ملازمین بھی نہیں پہنچ سکے،عدالت
اللہ تعالیٰ اس ملک کے سیاست دانوں کو ہدایت دے،لاہور ہائیکورٹ کے ریمارکس
لانگ مارچ، راستے بند، بتی چوک میں رکاوٹیں ہٹانے پر پولیس کی شیلنگ،کئی گرفتار
پی ٹی آئی عہدیدار کے گھر سے برآمد اسلحہ کی تصاویر سامنے آ گئیں
لانگ مارچ، عمران خان سمیت تحریک انصاف کے رہنماؤں پر مقدمہ درج
کارکن تپتی دھوپ میں سڑکوں پرخوار،موصوف ہیلی کاپٹر پرسوار،مریم کا عمران خان پر طنز
پولیس پہنچی تو میاں محمود الرشید گرفتاری کے ڈر سے سٹور میں چھپ گئے
لانگ مارچ میں فیاض الحسن چوہان کتنے بندے لے کر نکلے،ویڈیو وائرل