کراچی: واٹر کارپوریشن نے انتباہ جاری کیا ہے کہ کراچی میں پانی کا بحران مزید سنگین ہوسکتا ہے۔
باغی ٹی وی: واٹر کارپوریشن نے شہریوں سے کہا ہے کہ وہ پانی ذخیرہ کرکے رکھیں اور استعمال میں احتیاط برتیں، 16 سے 19 مئی کے دوران ترقیاتی کاموں کے باعث پانی کی فراہمی میں کمی واقع ہوسکتی ہے، کے الیکٹرک اور واٹر کارپوریشن کے ترقیاتی کاموں کے باعث نیو پمپ ہاؤس گھارو سے پانی کی فراہمی معطل رہے گی،جس سے شہر میں پانی کی قلت پیدا ہونے کا خدشہ ہے، شہری پانی کا ذخیرہ کرلیں اور احتیاط سےاستعمال کریں۔
پانی کی فراہمی میں تعطل سالانہ ترقیاتی کاموں کے باعث رونما ہوگا اہلِ کراچی کو مجموعی طور پر 13 ایم جی ڈی پانی کم فراہم کیا جائے گا، کم و بیش تین دن جاری رہنے والے ترقیاتی کاموں کے باعث گھارو پمپنگ اسٹیشن میں نئے برقی آلات اور پینل نصب ہوں گے، ترقیاتی کاموں کا دورانیہ مجموعی طور پر 72 گھنٹے ہوگا۔