Tag: ورلڈ ٹیسٹ چیمپئن شپ فائنل

بورڈ آف کنٹرول فار کرکٹ اِن انڈیا (بی سی سی آئی) کو ایک اور بڑا دھچکا اُس وقت لگا جب انٹرنیشنل کرکٹ کونسل (آئی سی سی) نے ورلڈ ٹیسٹ چیمپئن شپ کے آئندہ تین فائنلز کی میزبانی بھارت کے بجائے ایک بار پھر انگلینڈ اینڈ ویلز کرکٹ بورڈ کو سونپنے کا فیصلہ کیا۔

یہ فیصلہ سنگاپور میں منعقد ہونے والے آئی سی سی کے سالانہ اجلاس میں کیا گیا، جہاں آئی سی سی نے اس بات کی تصدیق کی کہ ٹیسٹ چیمپئن شپ 2027، 2029 اور 2031 کے فائنلز بھی انگلینڈ میں ہی کھیلے جائیں گے۔فیصلے کے مطابق حالیہ ٹیسٹ چیمپئن شپ فائنلز کی کامیاب میزبانی کی بنیاد پر یہ اعزاز دوبارہ کو انگلینڈ اینڈ ویلز کرکٹ بورڈ کو دیا گیا ہے۔ذرائع کے مطابق بھارتی کرکٹ بورڈ کی جانب سے ان فائنلز کی میزبانی کے لیے بھرپور کوششیں کی گئیں، لیکن آئی سی سی نے انگلینڈ کے موزوں حالات، کراؤڈ رسپانس اور سہولیات کو ترجیح دیتے ہوئے بھارت کی خواہش کو مسترد کر دیا۔

اجلاس میں افغان نژاد بے گھر خواتین کرکٹرز کی معاونت سے متعلق پروگرام پر بھی پیش رفت کا جائزہ لیا گیا۔آئی سی سی کا مقصد ان خواتین کو اعلیٰ کارکردگی پر مبنی تربیت، مقامی سطح پر کھیلنے کے مواقع اور عالمی سطح پر ایونٹس میں شرکت کے لیے سپورٹ فراہم کرنا ہے۔آئی سی سی نے اپنے اعلامیے میں واضح کیا کہ کرکٹ یو ایس اے تاحال نوٹس پر ہے۔کونسل نے امریکہ کو ہدایت کی ہے کہ وہ آئندہ تین ماہ کے اندر شفاف اور غیر جانبدار انتخابات کروائے اور جامع گورننس اصلاحات نافذ کرے۔یہ فیصلہ یو ایس اے کرکٹ میں جاری تنظیمی بحران کے باعث کیا گیا ہے۔

آئی سی سی نے اعلان کیا کہ مشرقی تیمور کرکٹ فیڈریشن اور زامبیا کرکٹ یونین کو ایسوسی ایٹ ممبران کی حیثیت سے شامل کر لیا گیا ہے۔
اس اضافے کے بعد آئی سی سی کے رکن ممالک کی مجموعی تعداد 110 ہو گئی ہے۔تجزیہ کاروں کے مطابق آئی سی سی کا یہ اجلاس کئی اہم فیصلوں کا حامل رہا، جہاں نہ صرف بھارت کی میزبانی کی خواہش رد کی گئی بلکہ افغان خواتین کرکٹرز کے لیے ایک امید کی کرن، اور امریکہ و نئے ممبران کے حوالے سے مستقبل کی راہ بھی واضح کی گئی۔

کراچی: شوہر کے ہاتھوں زندہ جلائی گئی رابعہ برنس وارڈ میں دم توڑ گئی

تبت میں چین کے میگا ڈیم کا سنگِ بنیاد، بھارت میں تشویش کی لہر دوڑ گئی

کابل میں محسن نقوی اور سراج الدین حقانی کی اہم ملاقات

پسند کی شادی کرنے والے جوڑے کا قتل ،سیاسی و مذہبی رہنماؤں کا شدید ردعمل

لارڈز کے تاریخی میدان میں جاری ورلڈ ٹیسٹ چیمپئن شپ فائنل کے پہلے دن گیند بازوں کا راج رہا، آسٹریلیا پہلی اننگز میں 212 رنز پر ڈھیر ہوگیا، جس کے جواب میں جنوبی افریقہ کی ٹیم صرف 43 رنز پر اپنے 4 اہم کھلاڑیوں سے محروم ہوگئی۔

جنوبی افریقہ کے کپتان ٹمبا باؤما نے ٹاس جیت کر آسٹریلیا کو پہلے بیٹنگ کی دعوت دی۔ آسٹریلوی اننگز کا آغاز عثمان خواجہ اور مارنس لبوشین نے کیا، تاہم خواجہ بغیر کوئی رن بنائے آؤٹ ہوئے جبکہ لبوشین 17 رنز تک محدود رہے۔

بیو ویبسٹر نے 72 رنز کی شاندار اننگز کھیلی، جس میں 11 چوکے شامل تھے، اسٹیون اسمتھ نے بھی 66 رنز کے ساتھ ٹیم کو سہارا دینے کی کوشش کی۔ دیگر بلے بازوں میں کیمرون گرین 4، ٹریوس ہیڈ 11، الیکس کیری 23 رنز بناسکے جبکہ باقی کھلاڑی دوہرا ہندسہ عبور نہ کرسکے۔

جنوبی افریقی بولنگ اٹیک نے شاندار کارکردگی دکھائی، کگیسو ربادا نے تباہ کن بولنگ کرتے ہوئے 5 وکٹیں حاصل کیں، مارکو جانسن کے حصے میں 3 جبکہ کیشو مہاراج اور ایڈن مارکرم کو ایک ایک وکٹ ملی۔

جواب میں جنوبی افریقہ کی بیٹنگ بھی لڑکھڑا گئی، اوپنر ایڈن مارکرم صفر پر آؤٹ ہوئے، ریان رکلیٹن نے 16، ویان ملڈر نے 6 اور ٹرسٹن اسٹبس نے 2 رنز بنائے۔ پہلے دن کے اختتام پر جنوبی افریقہ کا اسکور 4 وکٹوں کے نقصان پر 43 رنز رہا۔

آسٹریلیا کی جانب سے مچل اسٹارک نے 2، جبکہ جوش ہیزل ووڈ اور پیٹ کمنز نے ایک ایک وکٹ حاصل کی۔

آسٹریلوی اسکواڈ:
پیٹ کمنز (کپتان)، عثمان خواجہ، مارنس لبوشین، کیمرون گرین، اسٹیون اسمتھ، ٹریوس ہیڈ، بیو ویبسٹر، ایلکس کیری، مچل اسٹارک، نیتھن لیون، جوش ہیزل ووڈ

جنوبی افریقی اسکواڈ:
ٹمبا باؤما (کپتان)، ایڈن مارکرم، ریان رکلیٹن، ویان ملڈر، ٹرسٹن اسٹبس، ڈیوڈ بیڈنگھم، کائل ویرین، مارکو جانسن، کیشو مہاراج، کگیسو ربادا، لنگی نگیڈی

کے الیکٹرک کی بجلی 4.69 روپے فی یونٹ سستی کرنے کی درخواست

بھارت کشمیر سے توجہ ہٹانے کے لیے پاکستان پر حملے کی دھمکی دے رہا ہے، علی رضا سید

کراچی: تیز رفتار واٹر ٹینکر کی ٹکر سے دو موٹر سائیکل سوار نوجوان جاں بحق

ڈونلڈ ٹرمپ کی واپسی کے بعد عالمی سطح پر امریکا کی مقبولیت میں کمی