Baaghi TV

Tag: ورلڈ کپ

  • سری لنکن ٹیم کا اہم کھیلاڑی ورلڈکپ سے باہر

    سری لنکن ٹیم کا اہم کھیلاڑی ورلڈکپ سے باہر

    آئی سی سی کرکٹ ورلڈ کپ 2023 میں سری لنکن ٹیم کو بڑا دھچکا لگ گیا، ٹیم کے کپتان داسن شناکا میگا ایونٹ سے باہر ہوگئے ہیں اور داسن شناکا کی جگہ چمیکا کرونا روتنے کو سری لنکن ٹیم میں شامل کرلیا گیا، کرونا رتنے پہلے ہی بطور ریزرو پلیئر ٹیم کے ساتھ بھارت میں موجود ہیں، جبکہ داسن شناکا پاکستان کے خلاف میچ کے دوران زخمی ہوگئے تھے، انجری کی وجہ سے شناکا 3 ہفتے کے لیے ٹورنامنٹ سے آؤٹ ہوگئے ہیں۔


    تاہم دوسری جانب سری لنکن ٹیم کی قیادت کوشل میندس کو سونپے جانے کا امکان ہے یاد رہے گزشتہ دنوں کہ آئی سی سی کرکٹ ورلڈ کپ کے چوتھے میچ میں جنوبی افریقا نے سری لنکا کو 102 رنز سے شکست دے تھی اور جنوبی افریقا نے سری لنکا کو جیت کے لیے عالمی کپ کی تاریخ کا سب سے بڑا 429 رنز کا ہدف دیا تھا جس کے جواب میں سری لنکا کی ٹیم 45 ویں اوورز میں 326 رنز بناکر ڈھیر ہوگئی تھی.

    جبکہ نئی دہلی کے ارون جیٹلی اسٹیڈیم میں کھیلے گئے میچ میں سری لنکن کپتان داسن شناکا نے ٹاس جیت کر جنوبی افریقا کو پہلے بیٹنگ کی دعوت دی تھی اور جنوبی افریقا نے پہلے کھیلتے ہوئے سری لنکا کے خلاف رنز کا پہاڑ کھڑا کردیا، پروٹیز نے مقررہ 50 اوورز میں 5 وکٹ کے نقصان پر 428 رن بنائے جوکہ ورلڈ کپ کا سب سے بڑا ٹوٹل ہے تاہم اس سے قبل 2015 کے ورلڈ کپ میں آسٹریلیا نے افغانستان کے خلاف 6 وکٹ پر 417 رنز بنائے تھے او ر جنوبی افریقا کی جانب سے کوئنٹن ڈی کوک، رسی وین ڈر ڈوسن اور ایڈین مارکرم کی شاندار سنچریاں بھی شامل ہیں، تنیوں بیٹرز نے بالترتیب 100، 108 اور 106 رنز کی جارحانہ اننگز کھیلیں۔

  • ورلڈکپ؛ بھارت نے ایک وکٹ کے نقصان پر 56 رنز بنالیئے

    ورلڈکپ؛ بھارت نے ایک وکٹ کے نقصان پر 56 رنز بنالیئے

    انٹرنیشنل کرکٹ کونسل ورلڈ کپ میں بھارت نے 3 وکٹ کے نقصان پر 192 رنز بنا لیئے ہیں اور سات وکٹوں پر بھارت نے پاکستان کو شکست دے دی جبکہ ا س سے قبل روہت شرما نے او ڈی آئی میچ میں آدھی سنچری بنا لی تھی. جبکہ اس سے قبل آئی سی سی کرکٹ ورلڈ کپ کے سب سے بڑے ٹاکرے میں پاکستان نے بھارت کو جیت کے لیے 192 رن کا ہدف دیا ، خیال رہے کہ احمد آباد کے نریندر مودی کرکٹ اسٹیڈیم میں بھارت نے ٹاس جیت کر پہلے بولنگ کا فیصلہ کیا تھا ۔

    بھارت کے خلاف پاکستان کی بیٹنگ لائن بری طرح ناکام رہی اور پوری پاکستانی ٹیم 42 اعشاریہ 5 اوور میں 191 رن پر ڈھیر ہوگئی تھی جبکہ اب انڈٰیا کی بیٹنگ جاری ہے تاہم پاکستان کو پہلا نقصان عبداللہ شفیق کی صورت میں ہوا تھا اور عبداللہ 20 رن بناکر محمد سراج کا شکار ہوئے تھے جبکہ امام الحق کو 36 رن پر ہاردک پانڈیا نے آؤٹ کیا تھا.

    مزید یہ بھی پڑھیں؛
    بھارت کی دوسری وکٹ بھی گرگئی
    انڈونیشین طیارہ پاکستان اور پی آئی اے طیارے وہاں، مزاکرات مکمل
    انڈونیشین طیارہ پاکستان اور پی آئی اے طیارے وہاں، مزاکرات مکمل
    ورلڈ کپ کا کانٹے دار مقابلہ، مودی کے لئے سب سے بڑا سبق
    مجھے لگتا ہے کہ ہر سال مجھے ایوارڈ ملنا چاہیے آمنہ الیاس
    30 ویں اوور میں 155 کے مجموعی اسکور پر بابر اعظم 50 رن پر سراج کی گیند پر بولڈ ہوگئے۔ بابر کے آؤٹ ہونے کے بعد پاکستانی وکٹیں پتوں کی طرح بکھرتی چلی گئیں اور بقیہ بلے باز مجموعی اسکور میں صرف 36 رن کا اضافہ کرسکے اور سعود شکیل بھی 6 رن کے مہمان ثابت ہوئے جب کہ افتخار احمد 4 رن بنا کر کلدیپ کی گیند پر بولڈ ہوئے۔

    ادھر ورلڈکپ میں پاک بھارت میچ کے دوران بھارتی بولر ہاردک پانڈیا کا پاکستانی اوپننگ بلے باز امام الحق کو آؤٹ کرنا سوشل میڈیا پر زیر بحث جبکہ امام الحق 73 کے مجموعی اسکور پر 36 رن بنا کر ہاردک پانڈیا کی گیند پر آؤٹ ہوئے تھے واضح رہے کہ امام الحق کی وکٹ والی گیند پھینکنے سے پہلے ہاردک پانڈیا نے ہاتھوں میں تھامی گیند پر جیسےکچھ پڑھ کر پھونکا، پھر دوڑتے ہوئے آئے اور امام الحق وکٹوں کے پیچھے کیچ آؤٹ ہوگئے۔

    جبکہ اس پر سوشل میڈیا پر نئی بحث شروع ہوگئی،کسی نے کہا کہ پانڈیا نےگیند پر تھوکا ہے تو کسی نےکہا کہ کوئی منتر پڑھ کر پھونکا ہے اور خیال رہے کہ بھارت کے خلاف پاکستان کی بیٹنگ لائن بری طرح ناکام رہی اور پوری پاکستانی ٹیم 42 اعشاریہ 5 اوور میں 191 رن پر ڈھیر ہوگئی۔

  • ورلڈ کپ کا کانٹے دار مقابلہ، مودی کے لئے سب سے بڑا سبق

    ورلڈ کپ کا کانٹے دار مقابلہ، مودی کے لئے سب سے بڑا سبق

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ انڈیا پاکستان کا میچ جاری ہے،

    مبشر لقمان آفیشیل یوٹیوب چینل پر بات کرتے ہوئے مبشر لقمان کا کہنا تھا کہ مودی نے انڈیا میں ایک آئی ٹی ٹیم ہائر کی ہے اور وہ یہ ٹرینڈ سیٹ کر رہے ہیں کہ پاکستان اگر فلسطین کی مدد کر رہا ہے تو پاکستان کو یہ ورلڈ کپ کھیلنے کی اجازت ہی نہیں ہونی چاہئے یا میچ کا بائیکاٹ کرنا چاہئے، ادھر احمد آباد کے ہوٹل میں پاکستانی ٹیم گئی تو انکا بڑا استقبال کیا گیا،کیونکہ وہ سپر سٹار ہیں، اگر بھارتی ٹیم یہاں آئے تو انکا بھی اسی طرح ہی استقبال کیا جائے گا، اب ان پر بھارت میں انکوائری شروع ہو گئی ہے کہ کس نے پاکستانی ٹیم کو ہار پہنائے تھے، انکو ٹاڈا ایکٹ کے تحت مقدمے درج کرنے کا ارداہ ہو چکا ہے، کرکٹ کو ، کرکٹ کے فین کو آپ اپنی سیاست، ہندوتوا کی نظر کر رہے ہیں، اسے زیادہ گری ہوئی بات نہیں ہو سکتی، مودی سرکار کے لئے یہی بڑا سبق ہے کہ پاکستان کا جھنڈا انکو سٹیڈیم میں بھی لانا پڑا اور قومی ترانہ بھی چلانا پڑا.

    شاہین شاہ آفریدی کا آئی ایل کے ساتھ تین سالہ معاہدہ

    گلگت کی غیر سرشدہ پہاڑی پر دو جاپانی کوہ پیما حادثے کا شکار،ایک لاپتہ

    پاکستان آل رآؤنڈر آغا سلمان نے کس کھلاڑی کو پسندیدہ بیٹنگ پارٹنر قرار دیا؟

    ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے

  • شگاگو چاچا، پاکستانی مداح سٹیڈیم کی بجائے بھارتی پولیس کی گاڑی میں

    شگاگو چاچا، پاکستانی مداح سٹیڈیم کی بجائے بھارتی پولیس کی گاڑی میں

    پاک بھارت میچ دیکھنے کے لئے جانے والے پاکستانی مداح شگاگو چاچا کو بھارتیوں کی جانب سے ہراساں کیا گیا جس کے بعد وہ پولیس کی گاڑی میں جا کر بیٹھ گئے

    آئی سی سی ورلڈ کپ، پاک بھارت میچ جاری ہے، شگاگو چاچا، میچ دیکھنے کے لئے بھارت پہنچے تو انہیں بھارت میں کئی مقامات پر ہراساں کیا گیا، شگاگو چاچا آج سٹیڈیم پہنچنے تا ہم بھارتیوں کی جانب سے انہیں ہراساں کیا گیا جس کے بعد پولیس انہیں باہر لے آئی اور وہ پولیس وین میں بیٹھ گئے، شگاگو چاچا اس موقع پرانتہائی مایوس نظر آئے،

    بھارتی حکومت نے پاکستانی شائقین کو ویز ے نہیں دیئے، مودی سٹیڈیم میں بھارتی شائقین موجود ہیں، پاکستانی ٹیم کے کھلاڑیوں کا کہنا تھا کہ اگر سٹیڈیم میں پاکستانی شائقین ہوتے تو کھیلنے کا اور مزہ آتا تا ہم مودی سرکار نے پاکستانی شائقین کونہیں جانے دیا، شگاگو چاچا پہنچے تو انکے ساتھ بھی عین میچ کے وقت بدسلوکی کی گئی، شگاگو چاچا کی پولیس وین میں بیٹھے تصویر سامنے آئی ہے وہیں ایک اور تصویر بھی سامنے آئی ہے جس میں وہ سٹیڈیم میں بیٹھے ہیں،

    شاہین شاہ آفریدی کا آئی ایل کے ساتھ تین سالہ معاہدہ

    گلگت کی غیر سرشدہ پہاڑی پر دو جاپانی کوہ پیما حادثے کا شکار،ایک لاپتہ

    پاکستان آل رآؤنڈر آغا سلمان نے کس کھلاڑی کو پسندیدہ بیٹنگ پارٹنر قرار دیا؟

    ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے

  • پاکستان کا بھارت کو جیت کے لئے 192 کا ہدف

    پاکستان کا بھارت کو جیت کے لئے 192 کا ہدف

    عالمی کپ 2023ء، پاک،بھارت اعصاب شکن میچ کا آغاز، بھارت نے ٹاس جیت کر فیلڈنگ کرنے کا فیصلہ کیا

    پاکستانی بلے بازوں نے بلے سنبھال لیے ،امام الحق اور عبداللہ شفیق اوپننگ کررہے ہیں ،پاکستان اور بھارت کے مابین میچ شروع ہو چکا ہے، پہلے اوور میں 5 گیندوں پر کوئی رن نہیں بنا تاہم آخری گیند پر عبداللہ شفیق نے لیگ سائیڈ پر شاندار چوکا مارا، دوسرے اوور کی دو مسلسل گیندوں پر امام الحق نے محمد سراج کو چوکے مارے، اس کے ایک گیند بعد انہوں نے ایک اور اچھا شارٹ کھیل کر 4 رنز حاصل کیے، محمد سراج کے پہلے اوور میں امام الحق نے 3 چوکے مارے،2 اوورز میں پاکستانی ٹیم نے 16 رنز بنائے،پاکستان نے 4 اوورز میں 23 رنز بنالیے،پاکستان نے 6 اوورز میں 28 رنز بنالیے،پاکستان نے 7 اوورز کے اختتام پر بغیر کسی نقصان کے 38 رنز بنالیے ،پاکستا ن نے8 اوورز کے اختتام پر ایک وکٹ کے نقصان پر 42 رنز بنالئے،پاکستان کے 11 اوورز میں ایک وکٹ کے نقصان پر 60 رنز ہو گئے،پاکستان کے 14 اوورز میں دو وکٹ کے نقصان پر 75 رنز ہو گئے.پاکستان نے 19 اوورز کے اختتام پر 102 رنز بنائے ہیں، پاکستان کے 27 اوورز کے اختتام پر 131 رنز ہیں،30 ویں اوورز میں پاکستان نے دو وکٹوں کے نقصان پر 154 رنز بنا ئے ہیں۔

    بھارت کیخلاف بابر اعظم 50 رنز بناکر آؤٹ
    بابر اعظم نے بھارت کیخلاف اپنی ففٹی مکمل کر لی۔بابراعظم کی ورلڈ کپ میں بھارت کے خلاف پہلی ففٹی ،بابراعظم نے 57 گیندوں پر 7 چوکوں کی مدد سے پچاس رنز مکمل کیے ،بابر اعظم کی ففٹی مکمل ہونے پر بھی بھارتی شائقین کرکٹ کو سانپ سونگھ گیا، سٹیڈیم میں ہر طرف خاموشی نظر آئی.قومی ٹیم کے کپتان بابر اعظم نصف سینچری بناتے ہی آؤٹ ہو گئے

    41 رنز پر پاکستان کی پہلی وکٹ گرگئی، عبداللہ 20 رنز بناکر آؤٹ ہو گئے،
    پاکستان کی بھارت کیخلاف دوسری وکٹ 73 رنز پر گرگئی، امام الحق 36 رنز بنا کر پانڈیا کی گیند پر آؤٹ ہو گئے،
    پاکستان کی تیسری وکٹ 155 رنز پر گرگئی، بابر اعظم 50 رنز بنا کر محمد سراج کی گیند پر آؤٹ ہوئے
    162 رنز پر پاکستان کی چوتھی وکٹ گر گئی ،سعود شکیل 6 رنز بناکر کلدیپ یادیو کا شکار بنے
    پاکستان کی پانچویں وکٹ بھی گر گئی ،افتخار احمد 4 رنز بنا کر کلدیپ یادیو کی گیند پر آؤٹ ہوئے،
    پاکستان کی چھٹی وکٹ بھی گر گئی،محمد رضوان 49 رنز بنا کر بمراہ کے ہاتھوں آؤٹ ہو گئے
    پاکستان کی بھارت کے خلاف ساتویں وکٹ 172رنز پر گر گئیشاداب خان 2 رنز بنا کر آؤٹ ہو گئے،
    پاکستان کی 9ویں وکٹ 187 رنز پر گر گئی
    پاکستان کی ٹیم 191 رنز بنا کر آوٹ ہو گئی 43 ویں اوور میں پاکستان کا کھیل ختم ہو گیا، سب کھلاڑی آؤٹ ہو گئے،پاکستان نے روایتی حریف بھارت کو جیت کے لیے 192 رنز کا ہدف دے دیا

    پاکستانی کھلاڑیوں کی جانب سے چوکے مارے جانے پر سٹیڈیم میں موجود شائقین کی جانب سے مکمل خاموشی رہی سٹڈیم شائقین کرکٹ سے بھرا ہوا ہے تا ہم خاموشی ہی خاموشی ہے، میچ شروع ہونے سے قبل مودی سٹیڈیم میں پاکستا ن کا قومی ترانہ چلایا گیا،

    روہت شرما کا کہنا ہے کہ آج کے میچ سے بڑھ کر کوئی اور مقابلہ نہیں ہوسکتا، شبمن گل کی بھارتی ٹیم میں واپسی ہوئی ہے،شائقین کا جذبہ دیدنی ہے،پاکستانی ٹیم کے کپتان بابراعظم کا کہنا تھا کہ ٹاس جیت کر ہم بھی پہلے بولنگ ہی کرتے،بھارت کو بڑا ٹارگٹ دینے کی کوشش کریں گے،پاکستانی ٹیم میں کوئی تبدیلی نہیں کی گئی،
    پاکستان اور بھارت کے مابین میچ ڈیڑھ بجے شروع ہو ا، میچ مودی سٹیڈیم میں کھیلا جا رہا ہے، جہاں سیکورٹی کے سخت انتظامات کئے گئے ہیں، پاک بھارت ٹیمیں 11 برس بعد بھارت میں ایک ساتھ کھیل رہی ہیں،میچ کے شروع ہونے سے قبل سٹیڈیم میں تقریب ہوئی، رنگا رنگ تقریب ٹی وی پر نشر نہیں کی گئی،

    ورلڈ‌کپ میں بھارت اپنے دونوں میچ جیتا ہے تو پاکستان بھی کسی سے کم نہیں، پاکستان بھی اپنے دونوں میچ جیت چکا ہے،

    تاہم ورلڈ کپ میں ابھی تک ریکارڈ کے مطابق پاکستان بھارت سے کبھی کوئی میچ نہیں جیت سکا، دونوں ٹیموں کے درمیان 7 میچز ہوئے جن میں بھارت فاتح رہا .

    بھارت کے خلاف پاکستان کی پلیئنگ الیون بابر اعظم،محمدرضوان،شاداب خان،محمد نواز،امام الحق شامل شاہین شاہ آفریدی،حارث رؤف،عبداللہ شفیق شامل حسن علی،سعود شکیل،محمد افتخار پلیئنگ الیون میں شامل ہیں.

    شاہین شاہ آفریدی کا آئی ایل کے ساتھ تین سالہ معاہدہ

    گلگت کی غیر سرشدہ پہاڑی پر دو جاپانی کوہ پیما حادثے کا شکار،ایک لاپتہ

    پاکستان آل رآؤنڈر آغا سلمان نے کس کھلاڑی کو پسندیدہ بیٹنگ پارٹنر قرار دیا؟

    ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے

    سینئر صحافی و اینکر پرسن مبشر لقمان نے پاک بھارت میچ کے لئے ٹاس ہونے کے بعدسماجی رابطے کی ویب سائٹ ٹویٹر پر ٹویٹ کرتے ہوئے کہا کہ گڈ لک پاکستان کرکٹ ٹیم،

    ریحام خان بھی پاکستانی ٹیم کے لئے دعا گو
    پاک بھارت ٹاکرا ریحام خان پاکستانی ٹیم کے لئے دعا گو ہے، ریحام خان کا کہنا ہے کہ آاج کا دن بہت اہم ہے کیونکہ پاک بھارت میچ ہے ،ہم سب کی دعا ہے کہ پاکستان کی ٹیم جیتے ،

    بھارتی ٹیم کی جیت کے لئے مندروں میں پوجا
    بھارتی ریاست کرناٹک میں آج مندر میں بھارتی ٹیم کی جیت کے لئے پوجا کی گئی، پوجاڈرائیورو ں اور آٹو مالکان ایسوسی ایشن کی جانب سے کی گئی،سائیں بابا کے مندر میں پوجا کا اہتمام کیا گیا اور بھارتی ٹیم کے لئے دعا کی گئی،

    کھیل کے میدان میں ہمیشہ کارکردگی جیتتی ہے. فردوس عاشق اعوان
    استحکام پاکستان پارٹی کی سیکرٹری اطلاعات فردوس عاشق اعوان کا کہنا ہے کہ پاک بھارت میچ ہمیشہ کانٹے دار اور لہو کو گرما دینے والا مقابلہ سمجھا جاتا ہے۔ اس بات کو بھی سمجھنے کی ضرورت ہے کہ "کھیل کے میدان میں ہمیشہ کارکردگی جیتتی ہے” ہمارے سپر سٹارز اور چمکتے دمکتے ستارے دنیا کو "حیران” کرنے کی پوری صلاحیت رکھتے ہیں اس لئے قوم کی جانب سے ان ستاروں کی حوصلہ افزائی ان کے لئے قوت ثابت ہو گی۔

  • پاکستان ٹیم کو ایک ہی مشورہ ہے دل سے کھیلیں،سابق کرکٹر

    پاکستان ٹیم کو ایک ہی مشورہ ہے دل سے کھیلیں،سابق کرکٹر

    آئی سی سی ورلڈکپ،وراٹ کوہلی کے بارے مین پاکستانی کرکٹرز کی رائے سامنے آئی ہے،

    امام الحق کا کہنا ہے کہ مجھے وراٹ کوہلی کا ہار نہ ماننے والا رویہ بڑا پسند ہے، جیسے وہ آسٹریلیا میں آسٹریلوی کھلاڑیوں کے ساتھ پنگا لیتے ہیں اور گرماگرمی دکھاتے ہیں وہ بڑا اچھا لگتا ہے، اب وراٹ کوہلی تھوڑے ٹھنڈے مزاج کے ہوگئے ہیں، ایشیا کپ میں وہ والے وراٹ نہیں تھے جو انکے اندر جارحانہ پن ہوتا تھا،وراٹ کوہلی کا ہار نہ ماننے کا رویہ اور یقین یہ ایسی چیزیں ہیں جو انکی سب سے الگ ہیں، سیچوئیشن کوئی بھی کوہلی کو یقین ہوتا کہ وہ کر سکتے ہیں، ہوسکتا ہے کوہلی کی طرح اور بھی کئی باصلاحیت کھلاڑی ہوں گے مگر کوہلی کا مائنڈ سیٹ اور رویہ بہت الگ ہے،اور اسی وجہ ہے کوہلی کی ایک الگ کلاس اور ایلیٹ ہے،

    شاداب خان کا کہنا ہے کہ وراٹ کوہلی جس طرح سے اپنے آپ کو بہتر سے بہتر بنانے کی کوشش کرتا ہے ،وہ بہتر پلیئر ہے، ورلڈکلاس اور لیجنڈ پلیئر تو ہے ہی ،مگر پھر بھی وہ چاہتا ہے کہ وہ انڈیا کے لیے مزید کچھ کریں، اور یہ والی کمٹمنٹ کوہلی کی بہت اچھی ہے،

    محمد رضوان کا کہنا ہے کہ کوہلی جب ایک بار سیٹ ہوجاتا ہے تو انکے آخر کے شاٹس دنیا کے کسی بھی پلیئر سے الگے ہی ہوتے ہیں، یہ اللہ کی طرف سے عطاکردہ چیزیں ہیں کہ وہ ہر ایک ٹیم کا سامنا کرنے کے لیے تیار ہوتا ہے ،

    حارث رؤف کا کہنا ہے کہ جب میں نیٹ میں انڈین ٹیم کا باؤلر تھا تو کوہلی کو باؤلنگ کراتے وقت یہ محسوس کیا کہ کوہلی کو پتہ ہے کہ گیند میرے بیٹ کو کہاں لگ رہا ہے، کوہلی اپنی بیٹنگ پر بہت فوکس رہتا ہے،نیٹ پریکٹس میں بھی وہ ایسے ایگریشن کے ساتھ کھیل رہا تھا کہ جیسے ہمارا میچ چل رہا ہو، جتنا کوہلی کا کنٹرول دیکھا تو لگا کہ ہاں کوئی تو وجہ ہے جس کی وجہ سے کوہلی کا نام ہے انٹرنیشنل کرکٹ میں ،

    1992 ورلڈ کپ کی فاتح ٹیم کے کوچ ،سابق کپتان انتخاب عالم نے پاک بھارت میچ میں بھارت کو مضبوط ٹیم قرار دیتے ہوئے کہا ہے کہ پاکستان ٹیم کو جیت کے لیے بہتر حکمت عملی کے ساتھ میدان میں اترنا ہوگا۔

    پاکستان کے سابق آف سپن باولر توصیف احمد کا کہنا ہے کہ پاکستان انڈیا دونوں ٹیموں پر پریشر ہوگا تاہم انڈیا پر ہم سے زیادہ پریشر ہوگا، پاکستان ٹیم کو ایک ہی مشورہ ہے دل سے کھیلیں

    واضح رہے کہ آئی سی سی کرکٹ ورلڈ کپ ،احمد آباد کے نریندرمودی اسٹیڈیم میں آج پاک بھارت ٹیمیں آمنے سامنے ہوں گی

    ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے

    انتظار کی گھڑیاں ختم، بڑا ٹاکر اآج ،وقت آن پہنچا

    بھارتی اسپنر کلدیپ یادیو بھی بابر اعظم کے بیٹنگ کے مداح

    پوری قوم آپ کے ساتھ اور آپ کے لئے دعا گو ہے،

  • مہارت اور نا قابل تسخیر جذبے کے ساتھ کھیلیے،وزیراعظم کا ٹیم کے لئے پیغام

    مہارت اور نا قابل تسخیر جذبے کے ساتھ کھیلیے،وزیراعظم کا ٹیم کے لئے پیغام

    اسلام آباد: پاک بھارت عالمی کپ میچ سے قبل نگران وزیراعظم انوارالحق کاکڑ نے قومی ٹیم کے لئے پیغام جاری کیا ہے،

    نگران وزیراعظم انوارالحق کاکڑ کا کہنا تھا کہ بھارت کے خلاف آج کے میچ کے لئے قومی ٹیم کے لئے نیک خواہشات، عزم، مہارت اور نا قابل تسخیر جذبے کے ساتھ کھیلیے جس کے لئے آپ جانے جانتے ہیں،پوری قوم آپ کے ساتھ اور آپ کے لئے دعا گو ہے،

    انشاء اللہ پاکستان بھارت کے خلاف اہم مقابلہ جیتے گا۔ محسن نقوی
    بھارت کے خلاف اہم میچ،وزیراعلیٰ پنجاب محسن نقوی نےقومی ٹیم کیلئے نیک خواہشات کا اظہار کیا ہے، محسن نقوی کا کہنا تھا کہ روایتی حریف بھارت کے خلاف میچ میں جیت کیلئے کھلاڑیوں کو ٹیم ورک کا مظاہرہ کرنا ہوگا۔ پوری قوم کی دعائیں قومی کرکٹ ٹیم کے ساتھ ہیں۔پاکستانی ٹیم کی گزشتہ میچز میں پرفارمنس بہترین رہی، کھلاڑیوں کامورال بلند ہے-پاکستانی کرکٹ ٹیم بھارت کو ہرانے کی بھرپور صلاحیت رکھتی ہے، قومی کھلاڑی با اعتماد اور جیت کے جذبے سے سر شار ہیں۔ انشاء اللہ پاکستان بھارت کے خلاف اہم مقابلہ جیتے گا۔

    پاکستان کے پاس دنیا کےبہترین باولرز اور بیٹرز کا سکواڈ ہے۔کمشنر لاہور
    کمشنر لاہور محمد علی رندھاوا نے پاکستانی ٹیم کیلئے نیک تمناوں کا اظہار کرتے ہوئے کہا کہ پاک بھارت ٹاکرا۔کرکٹ کی دنیا کا سب سے بڑا مقابلہ ہوتا ہے۔پاکستان ٹیم دنیا کی بہترین ٹیم ہے ورلڈ کپ اپنے پہلے دونوں میچ جیت چکی ہے ۔پاکستان کی جیت کیلئے۔پوری قوم کی دعائیں پاکستان کرکٹ ٹیم کے ساتھ ہیں ۔پاکستان کے پاس دنیا کےبہترین باولرز اور بیٹرز کا سکواڈ ہے۔بہترین مقابلہ ہوگا

    واضح رہے کہ آئی سی سی کرکٹ ورلڈ کپ ،احمد آباد کے نریندرمودی اسٹیڈیم میں آج پاک بھارت ٹیمیں آمنے سامنے ہوں گی

    ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے

    انتظار کی گھڑیاں ختم، بڑا ٹاکر اآج ،وقت آن پہنچا

    بھارتی اسپنر کلدیپ یادیو بھی بابر اعظم کے بیٹنگ کے مداح

  • بھارتی اسپنر کلدیپ یادیو بھی بابر اعظم کے بیٹنگ کے مداح

    بھارتی اسپنر کلدیپ یادیو بھی بابر اعظم کے بیٹنگ کے مداح

    آئی سی سی ورلڈکپ ، بھارتی اسپنر کلدیپ یادیو بھی بابر اعظم کے بیٹنگ کے مداح نکلے

    کلدیپ یادیو نے بابر اعظم کے بیٹنگ کی تعریف کر دی،کلدیپ یادیو کا کہنا تھا کہ مجھے بابر اعظم کی بیٹنگ بہت پسند ہے، بابر اعظم سکون سے بیٹنگ کرتے ہیں، انکے پاس بیٹنگ کرنے کے لیےکافی ٹائم رہتا ہے، میں نے دیکھا ہے کہ بابر اعظم فاسٹ باؤلرز کو بہت اچھا کھیلتے ہیں، بابر اعظم بیک فٹ کے بڑے شاندار پلیئر ہے،بابر اعظم کی ایک کلاس ہے، اسی لیے تو انہیں فیب 5 یا فیب 4 میں شامل کیا جاتا ہے، اس میں کوئی شک نہیں وہ ایک بہترین پلیئر ہے، بابر اعظم کے خلاف میچ میں کھیلنے کے لیے پرجوش ہوں،

    دوسری جانب آئی سی سی کرکٹ ورلڈ کپ ،احمد آباد کے نریندرمودی اسٹیڈیم میں آج پاک بھارت ٹیمیں آمنے سامنے ہوں گی،گجرات کرکٹ ایسوسی ایشن کے عہدیداران گٹکا اور پان مصالحے کی وجہ سے پریشان ہیں،گٹکا اور پان مصالحے کی مشکل کے حل کے لیے پولیس کی خدمات حاصل کر لی گئی، بھارتی میڈیا کے مطابق سیکورٹی اور بڑے کراؤڈ کے انتظامات کے ساتھ گٹکا اور پان مصالحہ کا بھی خیال رکھنا پڑے گا ،نریندر مودی اسٹیڈیم میں گٹکا اور پان مصالحے اندر نہ جانے کی پولیس جی ڈیوٹی لگادی گئی،گجرات کرکٹ ایسوسی نے اسٹیڈیم کے اندر گٹکا اور پان مصالحے اسٹیڈیم کے اندر نہ لانے کو یقینی بنانے پر زور دیا .گٹکا اور پان مصالحہ کی وجہ سے اسٹیڈیم کے اندر بے شمار مسائل پیدا ہوتے ہیں ،گٹکا اور پان مصالحہ سے گندگی پھیلتی ہے پائپ لائن اور بیسن بند ہوجاتے ہیں ،انتظامیہ کا کہنا ہے کہ جگہ جگہ پر گٹکا اور پان مصالحہ کے نشان اچھا تاثر نہیں چھوڑتے،ہم سب سے درخواست کی ہے کہ گٹکا اور پان مصالحہ ساتھ نہ لائیں

    شاہین شاہ آفریدی کا آئی ایل کے ساتھ تین سالہ معاہدہ

    گلگت کی غیر سرشدہ پہاڑی پر دو جاپانی کوہ پیما حادثے کا شکار،ایک لاپتہ

    پاکستان آل رآؤنڈر آغا سلمان نے کس کھلاڑی کو پسندیدہ بیٹنگ پارٹنر قرار دیا؟

    ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے

    انتظار کی گھڑیاں ختم، بڑا ٹاکر اآج ،وقت آن پہنچا

  • انتظار کی گھڑیاں ختم، بڑا ٹاکر اآج ،شائقین کرکٹ کی ٹیم سے امیدیں

    انتظار کی گھڑیاں ختم، بڑا ٹاکر اآج ،شائقین کرکٹ کی ٹیم سے امیدیں

    ورلڈ کپ کا بڑا ٹاکرا، قومی ٹیم سٹیڈیم پہنچ گئی

    کرکٹ ورلڈ کپ کا سب سے بڑا ٹاکر، پاکستان کی قومی ٹیم بھارت کے ساتھ کھیلنے کے لئے ہوٹل سے احمد آباد کے مودی سٹیڈیم میں پہنچ گئی ہے،پاکستان کی قومی کرکٹ ٹیم کو سخت سیکورٹی میں سٹیڈیم پہنچایا گیا، میچ کا آغاز 1 بج کر 30 منٹ پر ہوگا،شائقین کرکٹ بھی سٹیڈیم آنا شروع ہو گئے ہیں، بھارتی ٹیم بھی سٹیڈیم پہنچ چکی ہے

    qomi team

    پاک بھارت ہائی وولٹیج ٹاکرے سے قبل نریندرا مودی اسٹیڈیم میں رنگا رنگ تقریب ہو رہی ہے،بالی ووڈ کی کئی معروف شخصیات بھی اسٹیڈیم میں موجود ہیں،تقریب کسی بھی ٹی وی چینل پر نشر نہیں کی جا رہی ،

    انتظار کی گھڑیاں ختم، بڑا ٹاکر اآج ،وقت آن پہنچا،آئی سی سی ورلڈ کپ،پاکستان اور بھارت کے مابین میچ آج ہو گا،پاکستانی شائقین کرکٹ کا جوش و ولولہ عروج پر پہنچ چکاہے،ورلڈکپ کے سب سے بڑے ٹاکرے کیلئے شائقین سمیت کرکٹرز نے بھی قومی ٹیم سے امیدیں باندھ لی ہیں

    پاکستان کی ٹیم بھارت سے جیت کے لئے پرعزم ہے، پاکستانی ٹیم ورلڈ کپ میں اب تک کھیلے گئے دونوں میچ جیت چکی ہے، پاکستان ٹیم کا بھارت کے ساتھ آج تیسرا میچ ہو گا، میچ احمد آباد کے نریندر مودی سٹیڈیم میں کھیلا جائے گا، میچ کی سیکورٹی کے سخت انتظامات کئے گئے ہیں

    پاک بھارت میچ کے حوالہ سے ملنے والی دھمکیوں پر پولیس کی تیاریاں سامنے آئی ہیں، پولیس متحرک ہو چکی ہے، پولیس کا کہنا ہے کہ پاک بھارت میچ کے دوران مقابلے کے لئے سات ہزار سے زائد پولیس اہلکار تعینات کئے جائیں گے،میچ کی سیکورٹی کے لئے بم ڈسپوزل اسکواڈ کے ساتھ اینٹی ڈرون ٹیم کی خدمات بھی حاصل کی گئی ہے،پاکستانی وقت کے مطابق پاک بھارت میچ دوپہر ڈیڑھ بجے شروع ہو گا، 1 لاکھ 30 ہزار کی گنجائش والے سٹیڈیم میں شائقین کرکٹ کو اعصاب شکن مقابلے کی امید ہے۔

    Sunidhi Chauhan singing at Narendra Modi Stadium
    ورلڈ‌کپ میں بھارت اپنے دونوں میچ جیتا ہے تو پاکستان بھی کسی سے کم نہیں، پاکستان بھی اپنے دونوں میچ جیت چکا ہے،

    تاہم ورلڈ کپ میں ابھی تک ریکارڈ کے مطابق پاکستان بھارت سے کبھی کوئی میچ نہیں جیت سکا، دونوں ٹیموں کے درمیان 7 میچز ہوئے جن میں بھارت فاتح رہا .

    شاہین شاہ آفریدی کا آئی ایل کے ساتھ تین سالہ معاہدہ

    گلگت کی غیر سرشدہ پہاڑی پر دو جاپانی کوہ پیما حادثے کا شکار،ایک لاپتہ

    پاکستان آل رآؤنڈر آغا سلمان نے کس کھلاڑی کو پسندیدہ بیٹنگ پارٹنر قرار دیا؟

    ذکا اشرف 14 اکتوبر کو ہونے والا پاک بھارت میچ دیکھنے کیلئے بھارتی شہر احمد آباد پہنچ گئے

    Arijit Singh performance at the Narendra Modi Stadium.

  • ورلڈکپ؛ اب تک کئی حیرت انگیز اور دلچسپ ریکارڈ بن چکے ہیں؟

    ورلڈکپ؛ اب تک کئی حیرت انگیز اور دلچسپ ریکارڈ بن چکے ہیں؟

    انٹرنیشنل کرکٹ کونسل ورلڈ کپ 2023 صرف شائقین کرکٹ کے لیے ہی نہیں بلکہ کھلاڑیوں کے لیے بھی زبردست ثابت ہورہا ہے اور اس ایونٹ کے ابتدائی 10 میچز میں ہی کئی ریکارڈ بن گئے اور اس گزشتہ روز جنوبی افریقا اور آسٹریلیا کے درمیان 10واں میچ لکھنو میں کھیلا گیا، اس ورلڈ کپ میں کئی حیرت انگیز اور دلچسپ ریکارڈ بن چکے ہیں جبکہ ورلڈ کپ 2023 میں پاکستان نے شائقین کے ساتھ ماہرین کرکٹ کو بھی حیرت زدہ کردیا ہے، جس نے میگا ایونٹ کی تاریخ کے بڑے ہدف کو کامیابی سے عبور کرنے کا ریکارڈ اپنے نام کرلیاہے۔

    واضح رہے کہ سری لنکا نے پاکستان کو 345 رنز کا ہدف دیا تھا، جو اس نے 10 گیندوں قبل عبور کرلیا، میچ کی ایک اور خاص بات یہ تھی کہ دونوں ٹیموں کے 2، 2 کھلاڑیوں نے سنچریاں اسکور کیں، یوں ایک میچ میں 4 سنچریاں بنیں، یہ بھی ورلڈ کپ میں ایک ریکارڈ ہے جبکہ جنوبی افریقا ٹیم جس نے آسٹریلیا کو 10ویں میچ میں شکست سے دوچار کیا ہے، اس نے سری لنکا کے خلاف ایونٹ کے چوتھے میچ میں 428 رنز کا بڑا ہدف سیٹ کیا اور ریکارڈ بنادیا تھا۔
    مزید یہ بھی پڑھیں؛
    اداکارہ و گلوکارہ مسرت نذیر کا یوم پیدائش
    ہم نے ریاست کو بچانے کے لیے اپنی سیاست کا نقصان کیا. شہباز شریف
    سینیٹ قائمہ کمیٹی برائے انسانی حقوق نے غزہ پر اسرائیلی جارحیت کے خلاف مذمتی قرارداد
    حماس کے حملے کی تعریف کرنے پر اسرائیلی بچہ گرفتار
    شہر چھوڑ دیں،جب تک کہا نہ جائے، کوئی واپس نہ آئے، اسرائیل نے غزہ میں پمفلٹ گرا دیئے
    تاہم ورلڈ کپ کے اسی مقابلے میں جنوبی افریقا کے ایڈن مارکرم نے صرف 49 گیندوں پر سنچری اسکور کی تھی اور میگا ایونٹ کی تاریخ میں تیز ترین سنچری کا اعزاز اپنے نام کرلیا تھا جبکہ اس سے قبل یہ اعزاز آئرلینڈ کے کیون اوبرائن کے پاس تھا، جنہوں نے انگلینڈ کے خلاف 2011 میں بنگلورو میں 50 گیندوں پر سنچری اسکور کی تھی اور بھارتی کپتان اور اوپنر روہت شرما جو آسٹریلیا کے خلاف میچ میں صفر پر پویلین لوٹ گئے تھے، انہوں نے افغانستان کے خلاف سنچری اسکور کی، جو ورلڈ کپ میں اُن کی ساتویں سنچری تھی، اس سے قبل ورلڈ کپ میں 6 سنچریوں کا ریکارڈ سچن ٹنڈولکر کے پاس تھا جبکہ روہت شرما نے افغانستان کے خلاف میچ میں شاندار پرفارمنس دی اور 5 چھکے لگائے، اس طرح وہ انٹرنیشنل کرکٹ میں سب سے زیادہ (556) چھکے لگانے والے کھلاڑی بن گئے۔