Tag: وزارت مذہبی امور

عازمین حج کے لیے وزارت مذہبی امور نے ضروری ہدایات جاری کی ہیں-

وزارت مذہبی امور کی جانب سے جاری بیان میں کہا گیا کہ سعودی عرب روانگی سے قبل لازمی ویکسین لگانی ضروری ہیں،گردن توڑ بخار، فلو اور پولیو کی ویکسین نزدیکی حاجی کیمپ سے مفت لگوائیں، ویکسینیشن کے بعد حاجی کیمپ سے پیلا کارڈ لازمی حاصل کریں، ویکسینیشن سرٹیفیکیٹ کے بغیر سعودی عرب میں داخلہ ممکن نہیں۔

وزارت مذہبی امور نے کہا کہ 65 سال سے زائد عمر کے عازمین اپنا پرانا کرونا ویکسین کارڈ لازمی ہمراہ رکھیں، کارڈ نہ ہونے کی صورت میں صرف 65 سال سے زائد العمر عازمین نزدیکی حاجی کیمپ سے کورونا ویکسین لگوا کر کارڈ حاصل کریں۔

چائے پاکستان کی اچھی ہے، شازیہ مری کا بھارت سرکار کو پیغام

فلسطینی صدر کا مودی کو خط،پہلگام واقعہ پر بھارت سے یکجہتی کا اظہار

موٹر وے پر خطرناک ڈرائیونگ، یوٹیوبر ڈکی بھائی کے خلاف مقدمہ درج

اسلام آباد: عازمین حج کے لیے سرکاری ناظمین پاکستان سے ہی مقرر کرنے کا فیصلہ کرلیا گیا-

باغی ٹی وی : ذرائع وزارت مذہبی امورکے مطابق 150عازمین حج پر ایک ناظم مقرر کیا جائے گا جبکہ مجموعی طور پر 600 ناظمین مقرر ہوں گے، ناظمین سعودی عرب میں رہائش اور مناسک حج میں رہنمائی کریں گے،عازمین اپنے گروپ ناظم کی قیادت میں ایئرپورٹ پر جمع ہوں گے، ناظم پاکستان سے روانگی اور واپسی تک پورے گروپ کا نگراں ہوگا، جو عازمین کے ہمراہ پاکستان سے جائے گا اور واپسی تک ساتھ رہے گا،ذرائع وزارت مذہبی امور فلائٹ شیڈول کے اعلان کے ساتھ ہی عازمین کو ناظم کی اطلاع دی جائے گی۔

طلبہ کی چین میں جدید زرعی تربیت کا تمام خرچ حکومت اٹھائے گی،وزیراعظم

قبل ازیں وزیر مذہبی امور چوہدری سالک اور سعودی وزیر حج ڈاکٹر توفیق نے معاہدے پر دستخط کیے تھے، معاہدے کے تحت 179,210 پاکستانی رواں سال فریضہ حج ادا کریں گے ترجمان وزارت مذہبی امور نے بتایا تھا کہ پاکستانی عازمین حج کو بہتر سہولیات فراہم کریں گے، پاکستانی حجاج کو منیٰ میں خصوصی جگہ دی جائے گی،نرخ بھی کم ہوں گے-

سعودی وزیر حج نے پاکستانی عازمین کو بہتر سہولتیں فراہم کرنے کے لئے ہر ممکن تعاون کا یقین دلایا، سفر حج کو مزید قابل رسائی، آسان اور آرام دہ بنانے کے لیے 20 سے 25 دن کا مختصر حج پروگرام متعارف کرایا ہے۔

سعودی عرب ریکوڈک منصوبے میں 10 سے 20 فیصد شیئرخریدے گا

ترجمان کا مزید کہنا تھا کہ حج ایپ سے عازمین حج کے لیے تمام معلومات موبائل فونز پر دستیاب ہوں گی، عازمین کو مدینہ منورہ میں چار سے آٹھ دن کی مدت کے لیے اپنی رہائش کا انتخاب کرنے کی سہولت ہو گی، ہر عازم کو خصوصی طور پر ڈیزائن کیا گیا ایک بیگ ملے گا جس میں پاکستانی پرچم، شناخت کے لیے کیو آر کوڈ، اور متعلقہ معلومات درج ہوں گی۔

بگ میک اور ڈائیٹ کوک کے عادی ٹرمپ 78 سال کی عمر میں کیسے لڑ رہے ہیں؟

وزارت مذہبی امور نے 30 لاکھ روپے سے زائد کا پیکج لینے والے عازمین کا حج سیکیورٹی کلیئرنس سے مشروط کردیا۔

حج 2025 نجی اسکیم کے تحت جانے والے عازمین سے متعلق حکومت نے اہم اقدام اٹھاتے ہوئے 30 لاکھ روپے سے زائد کا پیکج لینے والے عازمین کا حج سیکیورٹی کلیئرنس سے مشروط کردیا ہے۔وزارت مذہبی امور کا کہنا ہے کہ 30 لاکھ روپے سے زائد کا پرائیویٹ پیکج لینے والے عازمین کے نام ایف بی آر کو بھجوائے جائیں گے۔بھاری نجی حج پیکج لینے والوں کے نام کلیئرنس کے لئے سیکیورٹی ایجنسیز کو بھی بھجوائے جائیں گے۔ ایف بی آر متعلقہ عازمین کے اثاثوں اور ٹیکس کی چھان بین کرے گا جب کہ ایجنسیاں متعلقہ عازمین کے کریمنل اور دیگر ریکارڈز کا جائزہ لیں گی۔ سیکیورٹی ایجنسز سے کلیئرنس کے بعد 30 لاکھ سے زائد پیکج والے عازمین کو حج کی اجازت دی جائے گی۔

وزارت مذہبی امور نے یہ بھی بتایا کہ 30 لاکھ سے زائد کا پیکج دینے والی کمپنیاں حج پیکج کی مکمل تفصیلات فراہم کریں گی اور کمپنیوں کے 30 لاکھ سے زائد حج اخراجات اور پیکج کی منظوری وزارت مذہبی ہی امور دے گی۔وزارت مذہبی امور نے اپنے افسر محمد حکیم خٹک کو فوکل پرسن مقرر کردیا ہے جب کہ وزارت مذہبی امور نے نئی ریگولیشن پالیسی بھی جاری کردی ہے۔

ریلوے پولیس میں بھرتی ، ٹیسٹ میں 75 فیصد لڑکے لڑکیاں فیل

پولیس اہلکاروں کی شہری کو اغوا کرکے لاکھوں لوٹنے کا مقدمہ درج

کار ڈیلرز حوالہ ہنڈی میں ملوث نکلے، نیٹ ورک بے نقاب

فریال تالپور کی زیرِصدارت پارٹی کی خواتین ارکانِ اسمبلی کااجلاس

اسلام آباد: وزارت مذہبی امور کے ترجمان نے کہا ہے کہ ملک بھر سے 54 ہزار سے زائد حج درخواستیں موصول ہوگئیں –

باغی ٹی وی: ترجمان مذہبی امور کا کہنا ہے کہ رات تک حج درخواستیں مزید بڑھنے کا امکان ہے جبکہ 3 دسمبر تک سرکاری حج اسکیم کا کوٹہ مکمل ہونے کا بھی امکان ہے،جبکہ سرکاری اسکیم کے تحت حج درخواستوں کی وصولی کا آج آخری دن ہوگا۔

ترجمان کے مطابق ریگولر حج اسکیم کے تحت قسطوں میں اخراجات کی وصولی کے سبب ماضی سے زائد درخواستیں موصول ہوئی ہیں درخواستیں مکمل ہونے کے فورا بعد حج پروازوں کے شیڈول کو حتمی شکل دی جائے گی۔

ترجمان مذہبی امور کا کہنا ہے کہ پروازوں کے شیڈول کے مطابق مدینہ منورہ میں رہائشیں حاصل کی جائیں گی جبکہ سعودی عرب میں رہائش، خوراک، ٹرانسپورٹ اور مکاتب کی پروکیورمنٹ مکمل کی جائے گی، سمندر پار پاکستانی 3 دسمبر تک سپانسرشپ بھجوا کر اسکیم میں شمولیت یقینی بنائیں۔

اسلام آباد :سال 2025 کے دوران حج کی سعادت حاصل کرنے کے سلسلے میں ملک کے 15 نامزد بینکوں میں حج درخواستوں کی وصولی کا آغاز ہوگیا۔

باغی ٹی وی : ترجمان مذہبی امور کے مطابق سرکاری حج اسکیم کا کوٹا 89 ہزار 605 مختص ہے، سمندر پار پاکستانیوں کے لیے اسپانسر شپ اسکیم کی 5 ہزار نشستیں مختص ہیں، بیرون ملک سے امریکی ڈالرز میں یک مشت ادائیگی کرنا ہوگی، حج درخواست کے ہمراہ دو لاکھ روپے جمع کرانا ہوں گے، دوسری قسط قرعہ اندازی کےبعد وصول کی جائیگی، یکم تا 10 فروری بقیہ حج واجبات ادا کرنا لازمی ہوں گے۔

ترجمان کے مطابق وزارت کے ڈیش بورڈ پر بینکوں کی برانچوں کی کارکردگی کو براہ راست مانیٹر کیا جائے گا، خواتین عازمین حج سرپرست کی اجازت سے قابل اعتماد گروپ کے ساتھ بغیر محرم روانہ ہو سکیں گی، اضافی سہولیات میں الگ فیملی رومز، قربانی کی سہولت دستیا ب ہوگی، سرکاری حج پیکیج میں فضائی ٹکٹ، کھانا، تربیت، مکتب، ویکسین شامل ہیں۔

وزارت مذہبی امور کے مطابق شدید نوعیت کے پیچیدہ امراض کے حامل افراد کو سفر حج کی اجازت نہیں ہوگی، ایڈوانس اسٹیج کی حاملہ خواتین سفر حج پر روانہ نہیں ہوسکیں گی، 12 سال سے کم عمر بچے سفر حج پر روانہ نہیں ہو سکیں گے، درخواست گزاروں کو حج ہیلپ لائن، ویب سائٹ، موبائل ایپ اور آفیشل سوشل میڈیا اکاؤنٹس سے رہنمائی میسر ہوگی۔

واضح رہے کہ گزشتہ ہفتے وفاقی وزیر مذہبی امور چوہدری سالک حسین نے حج پالیسی 2025 کا اعلان کیا تھا اور بتایا تھا کہ آئندہ سال پاکستان سے ایک لاکھ 79 ہزار 210 شہری حج کی سعادت حاصل کر سکیں گے جب کہ اخراجات 10 لاکھ 75 ہزار روپے سے 11 لاکھ 75 ہزار روپے کے درمیان متوقع ہیں، سرکاری حج اسکیم کے لیے روایتی لانگ پیکج 38 تا 42 دن اور شارٹ پیکیج 20 تا 25 دن پر محیط ہو گا۔

وزیر مذہبی امور نے بتایا تھا کہ سرکاری حج اسکیم کے تحت 18 نومبر سے 3 دسمبر تک حج درخواستیں وصولی کی جائیں گی، حج قرعہ انداز ی 6 دسمبر کو کی جائے گی، حج واجبات 2 لاکھ روپے کی پہلی قسط حج درخواست کے ساتھ جمع کرانا ہو گی، قرعہ اندازی کے 10 دن کے اندر اندر 4 لاکھ روپے مزید جمع کروانا لازم ہے جب کہ بقیہ رقم یکم تا 10 فروری 2025 کے درمیان جمع کرانی لازم ہو گی۔

اسلام آباد: ذرائع وزارت مذہبی امور کے مطابق حج آپریشن 9 مئی سے ملک بھر میں شروع ہوگا-

باغی ٹی وی : ذرائع وزارت مذہبی امور کے مطابق حج 2024 کے انتظامات مکمل کرلیےگئے ہیں اور حج آپریشن کے انتظامات کو حتمی شکل دے دی ہے،حج آپریشن 9 مئی سے ملک بھر میں شروع ہوگا، حج فلائٹ آپریشن 9 جون تک بغیر کسی تعطل کے جاری رہےگا، ملک بھر کے 8 ائیرپورٹس پر حج آپریشن ہوگا۔

ذرائع وزارت مذہبی امور کے مطابق اسلام آباد، لاہور، کراچی اور ملتان ائیرپورٹس پر حج آپریشن بیک وقت شروع ہوگا،کوئٹہ، سکھر، سیالکوٹ اور رحیم یارخان ائیرپورٹ پر بھی فلائٹ آپریشن ہوگا، پشاور کے عازمین حج اسلام آباد ائیرپورٹ سے سعودی عرب جائیں گے، فیصل آباد کے عازمین حج لاہور ائیرپورٹ سے سعودی عرب جائیں گے۔

نو منتخب امیر جماعت اسلامی حافظ نعیم نےعہدے کا حلف اٹھا لیا

ذرائع وزارت مذہبی امور کا کہنا ہےکہ کراچی ائیرپورٹ پر پہلی بار روڈ ٹو مکہ سروس شروع ہوگی، اسلام آباد ائیرپورٹ پر روڈ ٹو مکہ سروس رواں سال بھی ہوگی، روڈ ٹو مکہ پراجیکٹ کے تحت جانے والےعازمین کی امیگریشن پاکستان میں ہوگی، پی آئی اےسمیت 3 نجی ائیر لائن حج فلائٹ آپریشن میں حصہ لیں گی،عازمین حج کی ویکسینیشن کا عمل 30 اپریل سےحاجی کیمپوں میں شروع ہوگا، سرکاری حج اسکیم کے تحت 69 ہزار 500 عازمین حج حجاز مقدس جائیں گے۔

فلائی جناح کا نئے بین الاقوامی روٹ کے آغاز کا اعلان

اقوام متحدہ میں فلسطین کی مستقل رکنیت رکوانے کی امریکی درخواست مسترد

اسلام آباد: وزارت مذہبی امور نے وزیراعظم پاکستان کی ہدایات ہر ملک بھر میں نماز استسقاء ادا کرنے کی اپیل کر دی-

باغی ٹی وی: مذہبی امور نے تمام وفاقی و صوبائی حکومتوں کو نماز استسقاء کا اہتمام کرنے کی ہدایت کر دی، ترجمان مذہبی امور نے کہا کہ حالیہ خشک سالی سے ملک بھر میں صحت اور سموگ کے مسائل پیدا ہو رہے ہیں،مساجد کے پیش امام اور عوام مسنون صلاۃ الاستسقاء کا لازمی اہتمام کریں، اللہ رب العزت سے خصوصی مغفرت طلب کرتے ہوئے باران رحمت کی دعا کریں-

استسقاء کے معنی ہیں بارش یا سیرابی مانگنا۔ شریعت میں دعائے بارش کو استسقاء کہتے ہیں جوضرورت کے وقت کی جائے، استسقاء کی تین صورتیں ہیں:صرف دعائے بارش کرنا، نوافل پڑھ کر دعاکرنا،باقاعدہ جنگل میں جاکرنماز باجماعت پڑھنا بعد نماز خطبہ اور بعدخطبہ دعا مانگنا،چادر الٹی کرنا یہ تینوں طریقے حضورصلی اللہ علیہ وسلم سے ثابت ہیں،یہ نماز تین دن تک پڑھی جائے،خشک سالی اور بارش نہ ہونے کے وقت میں کھلے میدان میں یہ نماز ادا کی جاتی ہے تاکہ اللہ تعالیٰ سے عاجزی وانکساری سے گڑگڑاتے ہوئے بارش طلب کی جائے، اورنماز کے لیے نکلتے وقت پرانے کپڑے پہننے چاہئیں۔

اسلام آباد: وزیر مذہبی امور انیق احمد نے حج قرعہ اندازی کا اعلان کر دیا؛ ریگولر حج سکیم کے 63 ہزار 805 خوش نصیب عازمین حج کامیاب٫5633 درخواست گذار ویٹنگ لسٹ پر موجود، چاہتے ہیں کہ سب کو کامیاب کر دیا جائے لیکن کابینہ سے منظوری لینا ہو گی-

باغی ٹی وی: تفصیلات کے مطابق وزیر مذہبی امور انیق احمد نے آج 28 دسمبر کو حج قرعہ اندازی کا اعلان کر دیا ریگولر حج سکیم کے 63 ہزار 805 خوش نصیبوں کو کامیابی کی نوید سنا دی ریگولر حج سکیم میں مقررہ تاریخ تک 69 ہزار 438 درخواستیں موصول ہوئی تھیں۔ آج ریگولر حج سکیم کے 63 ہزار 805 خوش نصیب عازمین حج کی قرعہ اندازی مکمل کر لی گئی قرعہ اندازی میں رہ جانے والے 5633 درخواست گذاروں کی روانگی کے شہروں کے لحاظ سے ویٹنگ لسٹ مرتب کر لی گئی۔

متعلقہ شہروں سے حج درخواست کینسل کروانے والوں کی جگہ ویٹنگ لسٹ پر موجود افراد کو منتخب کیا جائے گا۔ قرعہ اندازی کے ایک گھنٹہ بعد تمام درخواست گذاروں کو بذریعہ موبائل میسج، ویب سائٹ اور موبائل ایپ سے اطلاع فراہم کر دی گئی۔ وزارت مذہبی امور میں پنجاب انفارمیشن ٹیکنالوجی بورڈ کے نمائندوں نے سیکرٹری مذہبی امور ڈاکٹر سید عطاء الرحمن، حج ونگ کے افسران اور میڈیا کے نمائندوں کی موجودگی میں زوم میٹنگ میں شریک وزیر مذہبی امور کی اجازت سے کمپیوٹرائزڈ قرعہ اندازی کے فرائض سر انجام دیے۔

وزیر مذہبی امور کا کہنا تھا کہ وزیر آئی ٹی عمر سیف، نیشنل آئی ٹی بورڈ اور پنجاب آئی ٹی بورڈ کی معاونت سے پاک حج موبائل ایپ تیار کی ہے جس سے حجاج کرام کو قدم قدم پر رہنمائی میسر آئے گی۔ سپانسر شپ سکیم 31 دسمبر تک جاری رہے گی۔ اب تک کے درخواست گذاروں میں 56 فیصد خواتین اور 44 فیصد مرد عازمین حج شامل ہیں۔

انیق احمد نے مزید کہا کہ یہ واضح ہو جائے کہ شفاف نظام رکھا ہے۔ پہلی مرتبہ پاکستان میں شارٹ حج کی سہولت دی ہے ہم ہر حاجی کو ایک سوٹ کیس کیو آر کوڈ کے ساتھ دے رہے ہیں تاکہ نہ حاجی اور نہ حاجی کا سامان گم ہو۔ تمام خواتین کو پاکستانی پرچم ولا ایک عبایا مفت فراہم کیا جائے گا۔ 7 جی بی کا ڈیٹا بھی مفت فراہم کر رہے ہیں کراچی کو روڈ ٹو مکہ میں شامل کرلیا گیا ہے حج کی مد میں ایک لاکھ روپیہ کم کراوایا۔ ائیر لائن ٹکٹ کو بھی کم کرنے کی کوشش ہے، رعایت حجاج تک منتقل کی جائے گی۔ اس سال حج پالیسی میں 25 ہزار سیٹیں سپانسرشپ سکیم میں رکھی گئیں ہیں۔ ہم یہ تمام کام حجاج کو سہولتیں فراہم کرنے کے لۓ کر رہے ہیں۔

اسلام آباد: وزارت مذہبی امور کے مطابق سرکاری حج اسکیم کیلئے 280 ملین ڈالرز درکار ہوں گے۔

باغی ٹی وی : وزارت مذہبی امور نے وزارت خزانہ کو آگاہ کر دیا، ڈالرز کے حصول کیلئے اسپانسر شپ اسکیم کا کوٹہ 10 ہزار سے بڑھا کر 25 ہزار کر دیا گیا، سو ملین ڈالرز اسپانسر شپ اسکیم کے تحت حاصل کیے جائیں گے اسپانسرشپ اسکیم میں شمولیت کیلئے درخواست گزار کا پاکستانی پاسپورٹ لازمی ہو گا، اسپانسر شپ اسکیم میں حج اخراجات کی رقم ڈالرز میں وصول کی جائے گی، دنیا بھر میں مقیم پاکستانی اور ان کے رشتہ داراس اسکیم کے تحت حج کرسکیں گےاسپانسر شپ اسکیم کے درخواست دہندہ قرعہ اندازی سے مستثنیٰ ہوں گے، وزارت مذہبی امور کے مطابق لانگ حج پیکج جنوبی ریجن والوں کو 3 ہزار 775 ڈالرز ادا کرنا ہوں گےلانگ حج پیکج شمالی ریجن والوں کو 3 ہزار 800 ڈالرز ادا کرنا ہوں گے کم مدت حج پیکج جنوبی ریجن والوں کو 4 ہزار 15 ڈالرز جبکہ کم مدت حج پیکج شمالی ریجن والوں کو 4 ہزار 50 ڈالرز ادا کرناہوں گے۔

مغرب روسو فوبیا میں مبتلا ہے اور امریکہ روسی وسائل کو لوٹنا چاہتا ہے،روسی صدر

قبل ازیں نگران وفاقی وزیرمذہبی امور انیق احمد نے کہا تھا کہ حج کے پیکج میں ایک لاکھ روپے کی کمی کی گئی ہےمجلس علماء پاکستان کے زیر اہتمام قومی پیغام پاکستان کانفرنس سے خطاب کرتے ہوئے انہوں نے کہا تھا کہ پیغام پاکستان امن اور محبت پھیلانے کی دستاویز ہے۔ پاکستان میں تمام مذاہب کے ماننے والوں کو مکمل مذہبی آزادی حاصل ہے، علماء ہمارے معاشرے کے رہنما ہیں، علماء کو قومی اتحاد و یگانگت کیلئے کام کرنا ہوگا۔ قرآن ہمیں جینے کا طریقہ سکھاتا ہے، اسلام کے سنہری اصولوں میں ہی کامیابی ہے کبھی ایسا نہیں ہوا کہ پچھلے سال سے آنے والا حج سستا ہوا ہو، اس سال 1 لاکھ روپے کمی کی گئی ہے۔

بلوچ طلبا بازیابی کیسَ:کیا ہم خود جب لاپتہ ہوں گے تب سمجھ آئے گی؟،اسلام آباد …