وزیراعظم شہباز شریف اور ترک صدر رجب طیب اردوان کے درمیان آذربائیجان کے دارالحکومت باکو میں ملاقات ہوئی، جس میں دونوں ممالک کے دوطرفہ تعلقات کے تمام پہلوؤں کا تفصیلی جائزہ لیا گیا۔
جاری کردہ اعلامیہ کے مطابق ملاقات کے دوران چیف آف دی آرمی اسٹاف فیلڈ مارشل عاصم منیر بھی موجود تھے۔ یہ ملاقات یومِ فتح کی پریڈ کے موقع پر ہوئی۔ملاقات میں پاکستان اور ترکیہ کے درمیان باہمی دلچسپی کے مختلف شعبوں میں تعاون کو مزید گہرا کرنے کے عزم کا اعادہ کیا گیا۔وزیراعظم نے ترکیہ کے یومِ جمہوریہ پر صدر اردوان اور ترک عوام کو مبارکباد پیش کرتے ہوئے کہا کہ پاک-ترکیہ دوستی دونوں ممالک کے درمیان گہرے اور پائیدار تعلقات کی مضبوط علامت ہے۔
اعلامیہ کے مطابق دونوں رہنماؤں نے اتفاق کیا کہ ترکیہ کا ایک وزارتی وفد جلد پاکستان کا دورہ کرے گا۔مزید برآں، دونوں رہنماؤں نے علاقائی اور بین الاقوامی امور پر قریبی رابطہ کاری جاری رکھنے اور خطے و مسلم دنیا میں امن، استحکام اور خوشحالی کے فروغ کے لیے مشترکہ عزم کا اظہار کیا
اپوزیشن اتحاد کا ملک گیر تحریک شروع کرنے کا اعلان
سندھ ہائیکورٹ کا چڑیا گھروں کو مرحلہ وار ختم کرنے کا حکم
امریکا کا ایران پر میکسیکو میں اسرائیلی سفیر کے قتل کی سازش کا الزام