Tag: وزیراعلیٰ

وزیر اعلیٰ خیبر پختونخوا علی امین خان گنڈاپور کی زیر صدارت وفاق سے جڑے صوبے کے مالی معاملات سے متعلق اہم اجلاس ہوا،

متعلقہ حکام کی جانب سے وزیر اعلیٰ کو وفاق کے ذمے صوبے کے واجبات اور دیگر مالی امور پر تفصیلی بریفنگ دی گئی،وزیر اعلیٰ علی امین گنڈا پور نے متعلقہ حکام کو یہ معاملات وفاقی حکومت کے ساتھ اٹھانے کے لئے لائحہ عمل ترتیب دینے کی ہدایت کر دی،اور کہا کہ ایک مہینے کے اندر اس سلسلے میں ہوم ورک مکمل کرکے پلان آف ایکشن مرتب کیا جائے،وفاق سے جڑے صوبے کے مالی معاملات کا کیس مؤثر انداز میں پیش کرنے کے لئے تمام متعلقہ دستاویزات تیار رکھی جائیں، صوبے کے واجبات اور آئینی حقوق کے لئے تمام دستیاب فورمز پر بھر پور آواز اٹھائی جائے گی، وفاقی حکومت کے ساتھ معاملہ موثر انداز میں اٹھانے کے لئے ماہرین کی خدمات حاصل کی جائیں،وفاق سے شنوائی نہ ہونے کی صورت میں عدالتوں کا دروازہ بھی کھٹکھٹایا جائے گا،

اجلاس میں دوران بریفنگ بتایا گیا کہ اے جی این قاضی فارمولہ کے تحت پن بجلی کے خالص منافع جات کی مد میں وفاق کے ذمے 1510 ارب روپے واجب الادا ہیں،نیشنل گرڈ کو بیچی جانے والی صوبائی حکومت کی بجلی کی مد میں چھ ارب روپے بقایا جات ہیں،سابقہ قبائلی اضلاع کا صوبے کے ساتھ انتظامی انضمام ہوگیا ہے مگر مالی انضمام نہیں ہوا، سابقہ قبائلی اضلاع کے انضمام سے صوبے کی آبادی میں خاطر خواہ اضافہ ہوا ہے، صوبے کی موجودہ آبادی کے تناسب سے این ایف سی میں صوبے کا شیئر 19.64 فیصد بنتا ہے، جبکہ صوبے کو اس وقت این ایف سی کا صرف 14.16 فیصد شیئر ملتا ہے،صوبے کی موجودہ آبادی کے حساب سے صوبے کو این ایف سی میں سالانہ 262 ارب روپے ملنے چاہئیں، ضم اضلاع کے دس سالہ ترقیاتی پلان کے تحت صوبے کو 500 ارب روپے کے مقابلے میں اب تک صرف 103 ارب روپے ملے ہیں،

سماعت سے محروم بچوں کے لئے بڑی خوشخبری

سماعت سے محروم بچوں کے والدین گھبرائیں مت،آپ کا بچہ یقینا سنے گا

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم

خیبر پختونخوا میں تحریک انصاف کی حکومت آئی تو صحت کارڈ دوبارہ بحال کرنے کا اعلان کیا گیا وہیں تحقیقاتی کمیٹی کی جانب سے خیبرپختونخوا میں صحت کارڈ پر ہونے والے آپریشنز کا آڈٹ کرنے کی سفارش کی گئی ہے،صحت کارڈ کے نام پر بھی بڑے پیمانے پر کرپشن سامنے آئی ہے،ایک ہی بچی کا 20 بار آپریشن کیا گیا ہے جس کی دستاویزات سامنے آ گئی ہے،

دستاویز کے مطابق نجی اسپتال میں 2022ء میں صحت کارڈ کے تحت 2602 آپریشنز کیے گئے، جن میں صرف اپنڈکس کے 1829 آپریشنز ہوئے، سامنے آنے والے صحت کارڈ ڈیٹا سے معلوم ہوا کہ بعض افراد کے دو مرتبہ اپنڈکس کا آپریشن کیا گیا، خیبر پختونخوا کے ضلع دیر میں اپنڈکس آپریشن کی شرح 70 فیصد سے بھی زائد رہی ہے، سرکاری ہسپتال کے ایم ایس ڈاکٹر صاحبزادہ امتیاز نجی اسپتال کے شریک مالک ہیں، دیر اپر میں سرکاری ہسپتال کو صحت کارڈ پینل میں شامل نہیں کیا گیا، اپنڈکس آپریشن کی مد میں انشورنس کمپنی سے 3 کروڑ روپے حاصل کیے گئے، سامنے آنے والے ڈیٹا کے مطابق ایک شخص کا نام متعدد بار علاج کے طور پر شامل کیا گیا ہے،ایک بچی کا 20 بار آپریشن دستاویزات کے مطابق کیا گیا ہے، سوال یہ ہے کہ ایک ہی نام کی بچی کا 20 بار آپریشن کیسے اور کیوں کیا گیا، ایک ہی آپریشن باربار کرنے کی ضرورت کیوں پیش آئی، درھقیقت ایک ہی بچی کے نام پر بار بار آپریشن کا دستاویزات میں لکھ کر مال بنایا گیا،

صحت کارڈ، پی ٹی آئی دور میں پنجاب میں من پسند نجی ہسپتالوں کو اربوں روپے کی ادائیگیاں کی گئیں،پی ٹی آئی کے صحت کارڈ منصوبے میں بے ضابطگیوں کے خلاف پنجاب اسمبلی میں قرارداد جمع کرا دی گئی، قرارداد ن لیگی رکن اسمبلی حنا پرویز بٹ نے جمع کروائی جس میں‌مطالبہ کیا گیا کہ صحت کارڈ منصوبے کی تمام تفصیلات قوم کے سامنے لائی جائیں،

پی ٹی آئی دور میں پنجاب میں من پسند نجی ہسپتالوں کو اربوں روپے کی ادائیگیاں کی گئیں۔۔پی ٹی آئی کے صحت کارڈ منصوبے میں بے ضابطگیوں کے خلاف پنجاب اسمبلی میں قرارداد جمع کرا دی pic.twitter.com/IJ7wtpmvtE

— Hina Parvez Butt (@hinaparvezbutt) March 11, 2024

ایک صارف کا کہنا ہے کہ صحت کارڈ کی وجہ سے ڈاکٹرز قصائی بنے ہوئے تھے،ایک بندے کے 7 بار آپریشن ہوئی تھی صحت کارڈ اصل میں پی ٹی آئی کی کرپشن کا گیٹ وے تھا،پرایوئٹ ہسپتال باقاعدہ پی ٹی آئی کو حصہ دے رہے تھے،نیب کو اس پر تحقیقات کرنی ہوگی غریبوں کی نام پر اتنا پیسہ کہاں گیا ۔۔؟خیبرپختونخوا پر قرضہ 90 ارب سے 1100 ارب تک کیسے پہنچا سب پر تحقیقات ہونی چاہیے

صحت کارڈ کی وجہ سے ڈاکٹرز قصائی بنے ہوئے تھے
ایک بندے کے 7 بار آپریشن ہوئی تھی صحت کارڈ اصل میں پی ٹی آئی کی کرپشن کا گیٹ وے تھا

پرایوئٹ ہسپتال باقاعدہ پی ٹی آئی کو حصہ دے رہے تھے

نیب کو اس پر تحقیقات کرنی ہوگی غریبوں کی نام پر اتنا پیسہ کہاں گیا ۔۔؟
خیبرپختونخوا پر قرضہ 90 ارب… https://t.co/Z6BLuMnk3B pic.twitter.com/02Z40YGsPa

— عمران خان (@lmrankhanISP1) March 11, 2024

خیبر پختونخوا میں صحت کارڈ اسکیم کے حوالے سے کرپشن کے الزامات نے عوامی حلقوں میں تشویش کی لہر پیدا کر دی ہے۔ یہ اسکیم بنیادی طور پر صوبے کے کمزور طبقے کو صحت کی سہولیات فراہم کرنے کے لئے شروع کی گئی تھی، لیکن اس کے تحت کچھ لوگوں نے ذاتی فائدے کے لئے اسے استعمال کیا ہے۔حال ہی میں سامنے آنے والی رپورٹوں کے مطابق، صحت کارڈ کی تقسیم میں شفافیت کی کمی اور بعض افراد کے ذریعے غیر قانونی طور پر فائدہ اٹھانے کے واقعات نے حکومت کو جوابدہی کے چیلنج کا سامنا کر دیا ہے۔ مختلف علاقوں میں ایسے کیسز سامنے آئے ہیں جہاں صحت کارڈ ہولڈرز نے غیر قانونی طور پر دوسری طبی سہولیات کے لئے بھی کارڈ کا استعمال کیا۔ عوامی سطح پر اس معاملے پر شدید ردعمل دیکھنے کو مل رہا ہے۔ لوگوں کا کہنا ہے کہ اگر اس طرح کی بدعنوانی جاری رہی تو اصل مقصد حاصل نہیں ہو سکے گا اور وہ لوگ جو واقعی مدد کے مستحق ہیں، وہ اس سہولت سے محروم رہ جائیں گے۔ماہرین کا خیال ہے کہ اگر حکومت فوری طور پر مؤثر اقدامات نہیں کرتی تو صحت کارڈ اسکیم کی ساکھ متاثر ہو سکتی ہے۔ عوامی اعتماد بحال کرنے کے لئے ضروری ہے کہ حکومت شفافیت کو یقینی بنائے اور ان لوگوں کے خلاف سخت کارروائی کرے جو اس اسکیم کا غلط استعمال کر رہے ہیں۔یہ صورتحال اس بات کی عکاسی کرتی ہے کہ اگرچہ حکومت کے اقدامات صحت کے نظام میں بہتری کے لئے اہم ہیں، لیکن ان کی کامیابی صرف اسی صورت میں ممکن ہے جب ان پر عملدرآمد شفاف اور غیر جانبدارانہ طریقے سے کیا جائے۔

خیبر پختونخوا کی 15 رکنی کابینہ تشکیل دے دی گئی،گورنر خیبر پختونخوا نے کابینہ کی سمری پر دستخط کر دیئے ہیں

وزیراعلیٰ خیبر پختونخوا علی امین گنڈا پور نے گزشتہ روز عمران خا ن سے اڈیالہ جیل میں ملاقات کی تھی جس کے بعد خیبر پختونخوا کابینہ کا اعلان کیا گیا، خیبرپختونخوا کابینہ میں ارشد ایوب، شکیل احمد، فضل حکیم خان، محمد عدنان قادری، عاقب اللہ اور محمد سجاد کو شامل کیا گیا ہے۔ اس کے علاوہ مینا خان، فضل شکور بھی صوبائی کابینہ میں شامل ہیں، خیبر پختونخوا کابینہ میں پانچ مشیر بھی تقرر کئے گئے ہیں،مشیروں میں سید فخر جہان، مزمل اسلم، مشال اعظم اور محمد علی سیف شامل ہیں

گورنر خیبرپختونخوا غلام علی نے صوبائی کابینہ کی سمری پر دستخط کر دیے ہیں، صوبائی کابینہ میں شامل وزراء آج شام ساڑھے6 بجے حلف اٹھائیں گے،گورنر خیبر پختونخوا نئی کابینہ سے حلف لیں گے.

واضح رہے کہ خیبر پختونخواہ میں آزاد امیدوار بڑی تعداد میں کامیا ب ہوئے اور واضح اکثریت حاصل کی، آزاد امیدوار تحریک انصاف کے حمایت یافتہ تھے، خیبر پختونخوا میں تحریک انصاف تیسری بار حکومت بنا رہی ہے،

جو 9 مئی کے ذمہ دار ہیں ان کے خلاف کاروائی کریں،وزیراعلیٰ خیبر پختونخوا

توہین الیکشن کمیشن کیس، علی امین گنڈا پور کو حاضر کرنےکا حکم

خیبر پختونخوا میں بارشوں سے نقصان،اموات،وزیراعلیٰ کا اظہار افسوس

علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم

علی امین گنڈا پور پاکستان تحریک انصاف خیبرپختونخوا کے بلا مقابلہ صدر منتخب

صوبہ خیبرپختونخوا کے مختلف اضلاع میں بارشوں اور برفباری کی وجہ سے حادثات کے نتیجے میں قیمتی انسانی جانوں کا ضیاع،نو منتخب وزیر اعلیٰ خیبر پختونخوا علی امین خان گنڈا پور نے اظہار افسوس کیا ہے

نو منتخب وزیر اعلیٰ علی امین گنڈا پور نےمتاثرہ خاندانوں سے دلی ہمدردی اور تعزیت کا اظہار کیا ہے اور جاں بحق افراد کی مغفرت اور پسماندگان کے لئے صبر جمیل کی دعا کی ہے،وزیر اعلیٰ نے ان حادثات میں زخمی ہونے والوں کی جلد صحت یابی کے لئے نیک خواہشات کا اظہار کیا ہے،وزیر اعلیٰ نے متعلقہ ضلعی انتظامیہ کو متاثرہ خاندانوں کو فوری ریلیف کی فراہمی یقینی بنانے کی ہدایت کی،اور برفباری اور لینڈ سلائیڈنگ کے نتیجے میں بند رابطہ سڑکوں کی بحالی کے لئے اقدامات کی ہدایت کی

وزیراعلیٰ علی امین گنڈا پور کا کہنا تھا کہ متاثرہ خاندانوں کے غم میں برابر کے شریک ہیں، متاثرہ خاندانوں کو تنہا نہیں چھوڑا جائے گا،ان کی ہر ممکن معاونت کی جائے گی،

واضح رہے کہ بٹ خیلہ اورالاڈھنڈمیں مکانات گرنے سے ماں بیٹی جاں بحق ہو گئی ہیں جبکہ تین خواتین سمیت 6افرادزخمی ہوئے ہیں.پشاور میں بارش کے باعث بورڈ بازار آباد میں کمرے کی چھت گرنے سے خاتون اور تین بچے ملبے تلے دب گئے ۔واقعہ بورڈ بازار تاج آباد میں پیش آیا جہاں وحید نامی شخص کے گھر میں کمرے کی چھت بارش کے باعث گر گئی جس میں ایک خاتون اور تین بچے ملبے تلے دب گئے ۔ریسکیو ٹیم نے زخمی ہونے والے بچوں اور خاتون کو ابتدائی طبی امداد فراہم کرکے سپتال منتقل کر دیا جہاں ایک بچے کی حالت تشویشناک بتائی جارہی ہے ۔ دوسری جانب وادی تیراہ میں شدید بارشوں و برف باری کے نتیجے میں کمرہ منہدم ہونے سے 50 مویشی ہلاک ہوگئے۔واقعہ واد ی تیراہ کے علاقے سیڑے میں پیش آیا جہاں اختر جان آفریدی کا کمرہ بارش کے باعث اچانک منہدم ہو گیا جس میں 50 مویشی جن میں بکریاں، بھیڑ گائے و دیگر جانور بھی شامل تھے ہلاک ہو گئے۔

لوئر دیر: تلاش مولی خٹ میں مٹی کا تودہ گھر پر گرنے سے گھر کا چھت گر گئی ،تین افرا جانبحق اور ایک بچہ شدید زخمی ہو گیا ہے،ریسکیو1122حکام کے مطابق ابتدائی اطلاعات کے مطابق ملبے تلے چار افراد دب گئے ،اطلاع ملتے ہی ریسکیو 1122 کی ایمبولینسیز ،ڈیزاٹر ویکل اور اہلکار موقع پر پہنچ گئے ،ریسکیو1122 ٹیموں نے مسلسل تین گھنٹے اور تیس مینٹ سراچ اینڈ ریسکیو آپریشن کیا،ریسکیو 1122 ٹیموں نے ریسکیو اینڈ سرچ آپریشن کے دوران ملبے تلے دبے چار افراد کو ریکور کر کے کیٹگری ڈی ہسپتال تالاش منتقل کر دیا گیا ،ہسپتال میں ڈاکٹروں نے تین افراد کے جانبحق ہونے کی تصدیق کردی،
جانبحق اور زخمی افراد کی تفصیل
1) زاہد ولد شیر مولا عمر 25 سال سکنہ نگری بالا تالاش (جانبحق)
2) زوجہ زاہد عمر 23 سال (جانبحق)
3)حریرہ عمر 5 سال (جانبحق)
4) طفلہ ارحم عمر تین سال (زخمی)

علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم

ہاں ،ہم سے دھاندلی کروائی گئی،کمشنر پنڈی مستعفی،سب بے نقاب کر دیا

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر راولپنڈی لیاقت چٹھہ نے 13 فروری کو امریکی ویزہ لیا،انکشاف

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر پنڈی لیاقت چٹھہ تحریک انصاف دور حکومت میں کہاں تعینات رہے؟

وزیراعلیٰ خیبرپختونخوا علی امین گنڈاپور نے حلف اٹھا لیا ہے

گورنر خیبرپختونخوا غلام علی نے وزیراعلیٰ خیبر پختونخوا علی امین گنڈاپور سے حلف لیا، اس موقع پر پی ٹی آئی رہنما بھی موجود تھے،
گورنر ہاؤس میں وزیراعلیٰ خیبرپختونخوا علی امین گنڈاپور کی تقریب حلف برداری شروع ہونے سے پہلے ہی بے نظمی کا شکار ہوگئی تھی،تقریب میں داخل ہونے کے لیے کارکنان نے دھکم پیل کی جس کی وجہ سے اراکین اسمبلی کو نشستوں پر بیٹھنے میں مشکلات کا سامنا کرنا پڑا۔

علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم
پشاور:علی امین گنڈا پورکا وزیر اعلی خیبر پختونخوا منتخب ہونے کے بعد پہلا حکم سامنے آگیا،علی امین گنڈا پور کی جانب سے حکم میں کہا گیا ہے کہ رمضان المبارک میں اشیاء خوردنوش کی قیمتوں پر کنٹرول اور دستیابی یقینی بنائی جائے،تمام کمشنرز اور ڈپٹی کمشنروں کو وضع کردہ ہدایات پر سختی سے عمل کرنے کے احکامات دیئے گئے ہیں، محکمہ داخلہ و قبائلی أمور، خیبر پختونخوا نے ڈپٹی کمشنرز کے نام تفصیلی مراسلہ ارسال کر دیا، جس میں کہا گیا ہے کہ ڈپٹی کمشنر معیاری ضروری اشیائے خوردونوش کی دستیابی کو یقینی بنائے،مارکیٹ میں مستقل معائنے اور خلاف ورزی کرنے والوں کو گرفت میں لانے کی ہدایت کی گئی ہے،ضعی پرائس ریویو کمیٹیوں کے اجلاس 4 مارچ کو بلانے کی ہدایت کی گئی ہے،مقرر کردہ قیمتوں کو سرکاری سوشل میڈیا پلیٹ فارمز، ایف ایم ریڈیوزپر جاری کیا جائے ،خوراک اور ملاوٹ کی جانچ کے لیے تمام آؤٹ آف آرڈر مشینری کو فعال بنایا جائے ،سحری اور افطاری کے أوقات میں پکوان بیچنے والی دکانوں کے معائنہ پر توجہ مرکوز رکھی جائے،ذخیرہ اندوزی، بلیک مارکیٹنگ اور سمگلنگ کو روکنے کے لئے خصوصی چک پوسٹیں قائم کرنے کی ہدایت کی گئی ہے،قیمتوں کے کنٹرول اور شکایت کا مکمل نظام 8 مارچ 2024 تک مکمل طور پر فعال کرنے کا حکم دیا گیا ہے.

دوسری جانب نو منتخب وزیراعلیٰ خیبر پختونخوا علی امین گنڈا پور کی حلف برداری کی تقریب آج ہو گی، علی امین گنڈا پور خیبر پختونخواہ کے وزیراعلیٰ منتخب ہو چکے ہیں، علی امین گنڈا پور نے اسمبلی میں خطاب کے دوران عمران خان کی رہائی کا مطالبہ کیا ہے

ہاں ،ہم سے دھاندلی کروائی گئی،کمشنر پنڈی مستعفی،سب بے نقاب کر دیا

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر راولپنڈی لیاقت چٹھہ نے 13 فروری کو امریکی ویزہ لیا،انکشاف

الزام لگانا حق ،ثبوت بھی پیش کر دیں، چیف جسٹس کا کمشنر کے الزامات پر ردعمل

مستعفی کمشنر پنڈی لیاقت چٹھہ تحریک انصاف دور حکومت میں کہاں تعینات رہے؟