Tag: وزیراعلی سندھ مراد علی شاہ

وزیراعلیٰ سندھ مراد علی شاہ نے بھارتی وزیر دفاع کے حالیہ بیان پر شدید ردعمل دیتے ہوئے اسے تاریخی لاعلمی اور سفارتی غیر ذمہ داری کی مثال قرار دیا ہے۔

سوشل میڈیا پر جاری بیان میں انہوں نے کہا کہ بھارتی وزیر دفاع سندھ کے حوالے سے بے بنیاد باتیں کر رہے ہیں جبکہ حقیقت یہ ہے کہ وہ تاریخ سے مکمل ناواقف ہیں۔مراد علی شاہ نے کہا کہ بھارت کو چاہیے کہ وہ اپنی داخلی تقسیم، سیاسی انتشار اور معاشی چیلنجز پر توجہ دے، بجائے اس کے کہ پاکستان اور اس کے صوبوں کے متعلق دن میں خواب دیکھے۔ انہوں نے یاد دلایا کہ سندھ نے قیامِ پاکستان سے بھی پہلے، 1936 میں بمبئی پریذیڈنسی سے علیحدگی اختیار کر لی تھی، اور اس کے عوام نے ہمیشہ اپنی شناخت، خودمختاری اور وقار کو مقدم رکھا ہے۔

وزیراعلیٰ نے مزید کہا کہ سندھ پاکستان کا اٹوٹ اور ناقابل تقسیم حصہ ہے اور رہے گا۔ انہوں نے واضح کیا کہ بھارت کی جانب سے اس نوعیت کے بیانات خطے میں کشیدگی بڑھانے کی کوشش ہیں، تاہم سندھ کے عوام اپنے وطن کے ساتھ کھڑے ہیں اور رہیں گے۔مراد علی شاہ کے مطابق بھارتی حکام کا طرزِ عمل نہ صرف غلط فہمیاں پھیلاتا ہے بلکہ خطے کے امن کے لیے بھی نقصان دہ ہے

نئے سال کا جشن: ڈاؤن ٹاؤن دبئی پہلی بار عالمی تفریح مرکز میں تبدیل

آسٹریلوی سینیٹر کا برقع پہن کر پارلیمنٹ میں احتجاج

اکتوبر 2023 حملے روکنے میں ناکامی، اسرائیل نے 3 جرنیل برطرف کر دیے

امریکاکا میانمار کے شہریوں کا قانونی اسٹیٹس ختم کرنے کا فیصلہ

محکمہ موسمیات کے مطابق کراچی اور قریبی ساحلی علاقوں میں آئندہ ایک سے 3 گھنٹوں کے دوران گرج چمک کے ساتھ ہلکی سے درمیانی بارش متوقع ہے۔

اس سے قبل وزیراعلیٰ سندھ مراد علی شاہ کی زیرصدارت بارشوں کی پیشگوئی پر ہنگامی اجلاس ہوا، جس میں ممکنہ مون سون بارشوں سے نمٹنے کے لیے اقدامات کا جائزہ لیا گیا۔ترجمان وزیراعلیٰ کے مطابق مراد علی شاہ نے متعلقہ محکموں اور اداروں کے درمیان قریبی رابطے پر زور دیا اور کہا کہ شہریوں کا تحفظ اور نقصانات کو کم سے کم کرنا اولین ترجیح ہے۔

اجلاس میں فیصلہ کیا گیا کہ کراچی سمیت سندھ بھر میں تمام بلدیاتی ادارے، انتظامیہ اور ٹریفک پولیس ہائی الرٹ پر رہیں گے۔

پیوٹن اور مودی کی ٹیلیفونک گفتگو، عالمی امور پر تبادلہ خیال

پاک فضائیہ نے سیلاب متاثرین کے لیے 48 ٹن امدادی سامان پشاور پہنچا دیا

خیبرپختونخوا: سیلاب سے 83 سرکاری اسکول تباہ، سیکڑوں جزوی متاثر

وزیراعلیٰ سندھ مراد علی شاہ نے بھارتی وزیراعظم نریندر مودی کی جانب سے حالیہ پہلگام واقعے پر پاکستان پر لگائے گئے بے بنیاد اور جھوٹے الزامات کو سختی سے مسترد کرتے ہوئے شدید تنقید کی ہے۔

باغی ٹی وی کے مطابق ایک نجی ٹی وی چینل کو انٹرویو دیتے ہوئے مراد علی شاہ نے شہید ذوالفقار علی بھٹو کو خراجِ عقیدت پیش کیا اور کہا کہ انہی کی بدولت پاکستان ایٹمی صلاحیت حاصل کرنے میں کامیاب ہوا۔انہوں نے کہا کہ کوئی بھی ذمے دار ملک ایٹمی جنگ جیسے تصورات کی سوچ بھی نہیں رکھتا اور ایسا بیانیہ انتہائی خطرناک اور غیر ذمے دارانہ ہے۔ پاکستان ایک پُرامن ایٹمی طاقت ہے اور علاقائی و عالمی امن کے لیے اپنے عزم پر قائم رہے گا۔

انہوں نے کہا کہ ایٹمی طاقت ہونے کے باوجود پاکستان نے ہمیشہ امن کا پرچار کیا ہے۔ پہلگام ڈرامے کے بعد پاکستان نے شفاف تحقیقات کی پیشکش کی اور اب بھارت خود اپنے جال میں پھنس چکا ہے۔ بھارت کے پاس کوئی راستہ نہیں بچا اور وہ فیس سیونگ کی تلاش میں ناکام ہو چکا ہے۔ اس کا پروپیگنڈہ بری طرح ناکام ہو گیا ہے۔وزیراعلیٰ نے پاکستان کی سفارتی کوششوں کو بھی سراہا اور کہا کہ ڈپٹی وزیراعظم نے بین الاقوامی برادری کے سامنے پاکستان کا مؤقف مؤثر انداز میں پیش کیا۔

انہوں نے چیئرمین بلاول بھٹو زرداری کی بھی تعریف کی جنہوں نے بھارت کو واضح اور دوٹوک جواب دیا۔ ان کا کہنا تھا کہ بھارت ماضی میں بھی ایسی حرکتیں کرتا رہا ہے لیکن اس بار اس کی چالیں ناکام ہو گئی ہیں۔سندھ طاس معاہدے پر گفتگو کرتے ہوئے مراد علی شاہ نے زور دیا کہ بھارت یکطرفہ طور پر اس معاہدے کو معطل نہیں کر سکتا۔انہوں نے خبردار کیا کہ اگر بھارت نے پاکستان کا پانی بند کرنے کی کوشش کی تو اسے جنگی اقدام سمجھا جائے گا۔

وزیراعلیٰ نے بین الصوبائی آبی تنازعات کے حل میں بلاول بھٹو زرداری کے کردار کو اجاگر کرتے ہوئے کہا کہ بلاول کی کوششوں کی بدولت صوبوں کے درمیان پانی سے متعلق مسائل حل ہو چکے ہیں۔پاکستان کے مؤقف کو دہراتے ہوئے انہوں نے کہا کہ ہم ایک پُرامن قوم ہیں لیکن ہمیں اپنے وطن کا دفاع کرنا بھی آتا ہے۔پاکستانی قوم اپنی مسلح افواج کے شانہ بشانہ کھڑی ہے۔جب بھی ملک کو بحران کا سامنا ہوا عوام نے ہمیشہ ثابت قدمی دکھائی۔

اسرائیل کا دفاعی نظام ناکام، میزائل کے مرکزی ایئر پورٹ پر جا گرا

فضائی بندش،بھارتی ایئر لائنز کو 10 روز میں 225 کروڑ بھارتی روپے کا نقصان

لاہور قلندرز کا 161 رنز کا ہدف، کراچی کی بیٹنگ جاری

بلاول بھٹو کے ایکس اکائونٹ پر پابندی، شرجیل میمن کی شدید مذمت

ورلڈ بینک کا کہنا ہے کہ سندھ میں جاری منصوبوں کی پیشرفت پر انتہائی خوشی اور اطمینان ہے، سندھ میں منصوبوں کیلئے جو فنڈ دیا جاتا ہے اس کا صحیح استعمال ہوتا ہے۔

باغی ٹی وی کے مطابق وزیراعلیٰ سندھ مراد علی شاہ سے ورلڈ بینک کے وفد نے ملاقات کی ، اس موقع پر مراد علی شاہ نے گفتگو کرتے ہوئے کہا کہ سیلاب کے بعد حکومت پاکستان، سندھ اور ورلڈ بینک نے ملکر کام کیا۔متاثرین کی بحالی کیلئے ورلڈ بینک نے فوری 1.6 ارب ڈالر کی منظوری دی،بلاول بھٹو نے متاثرین کیلئے گھروں کی تعمیر کی فوری ہدایت کی،ہم نے سیلاب متاثرین کیلئے تیز رفتاری کیساتھ گھروں کی تعمیر کی،ہم ورلڈ بینک کیساتھ مزید مضبوط شراکت داری قائم کرنا چاہتے ہیں،

وفد کو بریفنگ دی گئی کہ سندھ میں ورلڈ بینک کے تعاون سے اس وقت 13 منصوبے جاری ہیں،جس پر تیزی سے کام جاری ہے، کچھ رواں سال مکمل ہو جائینگے،سندھ میں ورلڈ بینک کے تعاون سے 5 منصوبے پائپ لائن میں بھی ہیں۔ورلڈ بینک کے ایگزیکٹو ڈائریکٹرز نے سندھ حکومت کو مستقبل میں مزید تعاون کی یقین دہانی بھی کرائی۔

روس سے جنگ بندی مذاکرات،امریکہ کا یوکرین کو شریک نہ کرنے کا انکشاف

شائقین کیلیے ورلڈ کرکٹ لیجنڈز کے ساتھ مفت سفر کرنے کا موقع

اپوزیشن کے احتجاج کے باوجودسندھ اسمبلی میں یونیورسٹیز ترمیمی بل منظور

تجارتی خسارے ، ایکسپورٹس اور درآمدات میں اضافہ ریکارڈ

وزیراعلی سندھ مراد علی شاہ نے کراچی کیلیے حب ڈیم سے 50 ملین گیلن یومیہ اضافی پانی مانگ لیا۔

باغی ٹی وی کے مطابق چیئرمین واپڈا لیفٹیننٹ جنرل (ر) سجاد غنی سے وزیراعلی ہاس میں ملاقات کے دوروان کے فور منصوبے اور آر بی او ڈی سمیت کئی اہم امور پر تبادلہ خیال کیا گیا۔ملاقات میں وزیربلدیات سعید غنی، وزیر آبپاشی جام خان شورو، وزیراعلی کے پرنسپل سیکریٹری آغا واصف ، سیکریٹری آبپاشی ظریف کھیڑو اور کے فور منصوبے کے پروجیکٹ ڈائریکٹر عامر مغل نے شرکت کی۔ملاقات کے ابتدا میں مراد علی شاہ نے کہا کہ حکومت سندھ کراچی کو پانی کی سپلائی بڑھانے کیلیے متوازی کینال بنا رہی ہے۔ انہوں نے کراچی کی ضروریات پوری کرنے کیلیے یومیہ 50 ملین گیلن اضافی پانی مختص کرنے پر زور دیا۔چیئرمین واپڈا نے وزیراعلی کو تجویز دی کہ وہ واٹر بورڈ سے کہیں کہ اس سلسلے میں تحریری درخواست جمع کرائے جس پر میئر کراچی مرتضی وہاب نے کہا کہ تحریری درخواست پہلے ہی جمع کرائی جا چکی ہے۔چیئرمین واپڈا نے وزیراعلی سندھ کو بتایا کہ حب کینال کی مرمت کے سلسلے میں واٹر بورڈ پر واپڈا کے 1 ارب روپے واجب الادا ہیں، وزیراعلی نے جواب دیا کہ ان کی حکومت واپڈا کے واجبات کا معاملہ حل کرے گی۔ انہوں نے وزیر بلدیات سعید غنی کو سمری پیش کرنے کی ہدایت کی۔کراچی کو یومیہ 260 ملین گیلن پانی کی فراہمی کے میگا منصوبے کے 4 (فیز1) کے کینجھر جھیل سے کراچی میں تین اختتامی پوائنٹس ہیں جن میں پپری، نیک اور منگھوپیر شامل ہیں۔پروجیکٹ واپڈا بنا رہی ہے اور تکمیل کی تاریخ جون 2026 ہے۔واپڈا کی جانب سے جو تعمیرات کی جا رہی ہیں ان میں کینجھر جھیل پر 650 میلن گیلن یومیہ کا انٹیک اسٹرکچر، کینجھر پمپنگ کمپلیکس کو جانے والے 650 ملین گلین یومیہ گریویٹی چینل، کمپلیکس میں 130 ایم جی ڈی کی 2 پمپنگ اسٹیشنز ہوں گی۔ اس کے علاوہ 260 ایم جی ڈی کی پائپ لائن اور فلٹریشن پلانٹ کے ساتھ 3 آبی ذخائر کی تعمیر بھی منصوبے کا حصہ ہے۔دوسری جانب حکومت سندھ تقسیم اور توسیع کے نظام پر کام کر رہی ہے۔ 50 میگاواٹ پاور سپلائی کے انتظامات بھی کیے جا رہے ہیں اور راستے میں منصوبے کے لیے درکار زمینیں حاصل کی جا رہی ہیں۔چیئرمین واپڈ نے کے 4 منصوبے پر پیش رفت کے بارے میں آگاہ کرتے ہوئے بتایا کہ منصوبہ قومی اور بین الاقوامی کنٹریکٹرز کے ذریعے 8 مختلف ٹھیکوں کی صورت میں مکمل کیا جا رہا ہی. انٹیک اسٹرکچر، پمپنگ اسٹیشنز، واٹر سپلائی کے نظام، پانی کے ذخائر اور فلٹریشن پلانٹس سمیت تمام منصوبوں پر تیزی سے کام جاری ہے۔
مجموعی طور پر منصوبے پر 53 فیصد کام مکمل ہو چکا ہے۔بات چیت میں حکومت سندھ کے حصے کے ساڑھے 8 ارب روپے کا اجرا بھی زیر بحث آیا جس پر وزیراعلی سندھ نے وزیربلدیات سعید غنی کو ہدایت کی کہ وہ سندھ حکومت کے حصے کے پیسے جاری کرنے کیلیے سمری تیار کریں۔راستے کی 5 کلومیٹر زمین اور عدالتی مقدمات کے سلسلے میں وزیراعلی سندھ نے میئر کراچی مرتضی وہاب کو ہدایت کی کہ اسٹے آرڈرز ختم کرائیں تاکہ منصوبے پر کام کو آگے بڑھایا جا سکے۔اس کے علاوہ آر ڈی 78 پر ایک اور زمین کے تنازعے پر وزیراعلی نے سینئر ممبر بورڈ آف ریوینیو کو ہدایت کی کہ معاوضے کی ادائیگی کا معاملہ حل کیا جائے۔وزیراعلی سندھ اور چیئرمین واپڈ نے وفاقی فنڈز سے بنائے گئے آر بی او ڈی 1 اور آر بی او ڈی 3 منصوبوں پر بھی تبادلہ خیال کیا۔ آر بی او ڈی 1 منصوبہ لاڑکانہ ، دادو اور جامشورو سے سیم زدہ ، زرعی نکاسی اور سیلابی پانی کو نکالنے کی سہولت فراہم کرتا ہے جبکہ آر بی او ڈی 3 منصوبہ قمبر شہدادکوٹ اور جیکب آباد کا پانی نکالتا ہے۔لوئر انڈس رائٹ بینک اریگیشن اینڈ ڈیرینیج پروجیکٹ ( ایل آئی آر بی پی) خصوصی طور پر آر بی او ڈی 1 منصوبہ 1994 میں سیم اور سیلابی پانی کو سہون کے مقام پر انڈس لنک کینال کے راستے دریائے سندھ میں چھوڑنے کی غرض سے تعمیر کیا گیا تھا۔آر بی او ڈی 1 اور آر بی او ڈی 3 منصوبے بالترتیب 2020 اور 2021 میں مکمل کیے گئے تھے اور محکمہ آبپاشی سندھ کے حوالے کیے جانے تھے تاہم واپڈ کی طرف سے نقصانات کی بحالی اور قرضے کے تنازعات کے باعث منصوبے حکومت سندھ کے حوالے نہیں کیے جاسکے۔وزیر آبپاشی جام خان شورو نے بتایا کہ 2022 کے سیلاب کے دوروان حکومت سندھ نے آر بی او ڈی کی بحالی اور مرمت پرکروڑوں روپے خرچ کیے جس پر وزیراعلی سندھ نے کہا کہ واپڈا یہ پیسے صوبائی حکومت کو ادا کرے۔ملاقات کے آخر میں وزیراعلی سندھ اور چیئرمین واپڈا نے محکمہ آبپاشی اور واپڈا کے اراکین پر مشتمل ماہرین کی کمیٹی کے قیام پر اتفاق کیا۔ یہ کمیٹی آر بی او ڈی 1 اور آ ربی او ڈی 3 کے ایشوز کا جائزہ لے کر منصوبے حکومت سندھ کے حوالے کرنے کی راہ ہموار کرے گی۔

ہتھنی مدھوبالا نے خود کو زخمی کر لیا، سفاری پارک منتقل

ہتھنی مدھوبالا نے خود کو زخمی کر لیا، سفاری پارک منتقل

خالد مقبول کا رینجرز ،پولیس اہلکاروں کی شہادت پراظہار افسوس