وزارت اطلاعات و نشریات نے پی بی اے کی جانب سے پاکستانی ایف ایم ریڈیو پر بھارتی گانوں کی نشریات بند کرنے کے فیصلہ کا خیرمقدم کیا ہے.
باغی ٹی وی کے مطابق وزارت اطلاعات و نشریات نے پاکستان براڈکاسٹرز ایسوسی ایشن ( پی بی اے) کی جانب سے پاکستانی ایف ایم ریڈیو اسٹیشنز پر بھارتی گانوں کی نشریات بند کرنے کے فیصلے کو سراہا ہے۔اعلامیے کے مطابق وفاقی وزیر اطلاعات عطاءاللہ تارڑ نے کہا کہ یہ فیصلہ قومی یکجہتی کے مضبوط جذبے کی عکاسی، ملک کی خودمختاری اور وقار کو اجاگر کرتا ہے اور اس بات کا ثبوت ہے کہ ہم سب آزمائش کی اس گھڑی میں قومی اتحاد، یکجہتی اور بنیادی اقدار کے فروغ کے لیے متحد ہیں۔
اعلامیے کے مطابق اس خط میں میڈیا سے وابستہ تمام اسٹیک ہولڈرز کی کاوشوں کو بھی سراہا گیا ہے جو قومی مفاد میں حکومتی کوششوں کا ساتھ دے رہے ہیں اور اتحاد، امن اور حب الوطنی کے فروغ کے لیے سرگرم عمل ہیں۔یاد رہے کہ پاکستانی ریڈیو پر بھارتی گانوں پر پابندی کا یہ اقدام بھارت کی جانب سے پاکستانی تفریحی چینلز کے سوشل میڈیا اکاؤنٹس اور ماہرہ خان، ہانیہ عامر، علی ظفر اور دیگر کئی شخصیات کے سوشل میڈیا اکاؤنٹس پر پابندی عائد کرنے کے ایک دن بعد سامنے آیا ہے۔
شرط لگاکر شراب پینے والا 21 سالہ نوجوان ہلاک
شرط لگاکر شراب پینے والا 21 سالہ نوجوان ہلاک
ڈیم پر سیر کیلئے جانے والی کشتی ڈوب گئی، 6 افراد سوار
کشیدگی کے باوجود پاکستان کا پرچم بردار بحری جہاز بھارتی بندرگاہ پر موجود