Baaghi TV

Tag: وزیر اعظم شہباز شریف

  • پاکستان ترکی کے درمیان تجارتی حجم بڑھانے کے وسیع امکانات موجود ہیں،وزیراعظم

    پاکستان ترکی کے درمیان تجارتی حجم بڑھانے کے وسیع امکانات موجود ہیں،وزیراعظم

    پاکستان ترکی کے درمیان تجارتی حجم بڑھانے کے وسیع امکانات موجود ہیں،وزیراعظم
    باغی ٹی وی کی رپورٹ کے مطابق وزیراعظم شہبازشریف 3 روزہ سرکاری دورے پر ترکی روانہ ہو گئے

    وزیردفاع خواجہ آصف، مریم اورنگزیب،چودھری سالک ودیگر وزیراعظم کے ہمراہ ہیں وزیراعظم شہبازشریف کی صدر رجب طیب اردوان سے ون آن ون ملاقات شیڈول ہے ،ترکی کے صدر اردوان وزیراعظم شہبازشریف کے اعزاز میں عشائیہ بھی دیں گے

    وزیراعظم شہباز شریف نے کہا ہے کہ پاکستان اور ترکی کے مضبوط تاریخی ،ثقافتی اور مذہبی تعلقات ہیں،

    وزیراعظم شہباز شریف نے ترک خبر رساں ادارے کو انٹرویو میں کہا کہ پاکستان اور ترکی باہمی مفادات کے تمام معاملات میں ایک دوسرے کی حمایت کرتے ہیں، 7 دہائیوں میں پاکستان اور ترکی ایک دوسرے کے شانہ بشانہ کھڑے رہے،جموں وکشمیر کے مسئلہ پر پاکستان کے اصولی موقف کی حمایت پر ترک قیادت کے مشکور ہیں،پاکستان ترکی کے ساتھ اقتصادی تعلقات کے فروغ پر خصوصی توجہ دے رہا ہے،پاکستان اور ترکی کے درمیان تجارتی حجم بڑھانے کے وسیع امکانات موجود ہیں،ترکی میں کاروباری شخصیات اور سرمایہ کارکمپنیوں کے نمائندوں سے ملاقات کروں گا پاکستان میں توانائی ،ای کامرس،ایگروبیس انڈسٹری اور آئی ٹی کے شعبوں میں وسیع مواقع موجود ہیں،

    ترجمان دفتر خرجہ کے مطابق وزیر اعظم شہباز شریف آج 3 روزہ دورے پر ترکی روانہ ہوں گے-ترجمان دفتر خارجہ عاصم افتخار کے مطابق وزیر اعظم کا عہدہ سنبھالنے کے بعد ترکی کا پہلا دورہ ہو گا،وزیر اعظم کے ساتھ وزرا، معاونین خصوصی اور اعلیٰ سطح کا وفد بھی ہوگا دونوں رہنماؤں نے عیدالفطر کے موقع پر ٹیلی فون پر بھی بات کی،طیب ایردوان پہلے عالمی رہنما تھے جنہوں نے شہباز شریف کو وزیر اعظم منتخب ہونے مبارکباد دی-

    وزیرخارجہ بلاول بھٹو زرداری ترکی پہنچ گئے

    ترجمان کے مطابق پاکستان کےمختلف کمپنیوں کے نمائندگان کا وفد بھی ترکی کا دورہ کرے گا،دونوں رہنما علاقائی اور بین الاقوامی امور پر تبادلہ خیال کریں گے-

    عاصم افتخار کے مطابق پاکستان کا مختلف کمپنیوں کے نمائندگان پر مشتمل وفد بھی ترکی کا دورہ کرے گا،دورے کے دوران وزیراعظم ترک صدر سے ملاقات کریں گے، دونوں رہنماوں کی ملاقات کے بعد وفود کی سطح پر بات چیت ہوگی،دونوں رہنما علاقائی اور بین الاقوامی امور پر تبادلہ خیال کریں گے-

    ترجمان دفتربخارجہ کےمطابق دونوں رہنما ملاقاتوں کےبعد مشترکہ پریس کانفرنس سےخطاب کریں گے،وزیراعظم اور ترک صدر مشترکہ طور پر ایک لوگو کی تقریب رونمائی میں شرکت کریں گے، اس سال پاکستان اور ترکی سفارتی تعلقات کے قیام کی 75ویں سالگرہ منا رہے ہیں وزیراعظم سے ترک وزیرخارجہ اور صحت بھی ملاقات کریں گے،

    ترجمان دفترخارجہ نے کہا کہ ترک قیادت اور حکومت نے مسئلہ کشمیر پر ہمیشہ حمایت کی ہے،ترکی جموں و کشمیر پر او آئی سی رابطہ گروپ کا ایک اہم اور فعال رکن ہے،دونوں ممالک پرامن افغانستان سمیت متعدد مسائل پر یکساں خیالات رکھتے ہیں،ترک کمپنیوں نے پاکستان میں ایک ارب ڈالر سے زیادہ کی سرمایہ کاری کی ہے-

    ترجمان کے مطابق ترک کمپنیوں کے سربراہان وزیراعظم شہباز شریف سے بھی ملاقات کریں گے،ترک صدر وزیراعظم شہباز شریف کے اعزاز میں عشائیہ بھی دیں گےوزیراعظم تاجروں اور سرمایہ کاروں کے ساتھ بات چیت کریں گے،وزیراعظم پاکستان ترکی بزنس کونسل فورم میں بھی شرکت کریں گے،وزیراعظم شہبازشریف سرمایہ کاری کے وسیع امکانات کو اجاگر کریں گے،وزیراعظم ترک کمپنیوں کو پاکستان میں سرمایہ کاری کیلئے ترغیب دینگے-

    ترجمان دفترخارجہ نے کہا کہ پاکستان ترکی تجارتی اور اقتصادی تعلقات کو مضبوط بنانے کیلئے کام کرنے کی ترغیب دیں گے،پاکستان کے ممتاز کاروباری شخصیات ان تقریبات میں شرکت کریں گے پاکستان اور ترکی دیرینہ تعلقات اور شاندار روایت پر مضبوطی سے جڑے ہوئے ہیں

    قبل ازیں وفاقی وزیر اطلاعات مریم اورنگزیب کا کہنا تھا کہ یہ دورہ پاکستان کے روایتی بااعتماد دوستوں اور برادر ممالک سے دوطرفہ تعلقات کی تجدید کےسلسلےکی کڑی ہے‏یہ دورہ دونوں ممالک کےدرمیان تعلقات کےفروغ کےعلاوہ سرمایہ کاری، تجارت، صحت، تعلیم ،ثقافت اور باہمی مفاد کے دیگر شعبہ جات میں تعاون کے حوالے سے بھی نہایت اہم ہے۔ پاک ترکی بزنس کونسل کا اجلاس، ترک سرمایہ کاروں اور تاجروں سے ملاقاتیں ہوں گی۔

    وزیراعظم کی زیر صدارت وفاقی کابینہ کا اجلاس آج ہوگا

    واضح رہےکہ وزیر خارجہ بلاول بھٹو زرداری بھی ترکی کےدورے پر ہیں وزیر خارجہ بلاول بھٹو زرداری گزشتہ رات ترکی پہنچے جہاں ان کا انقرہ کے گورنر واصب شاہین نے ائیرپورٹ پر استقبال کیا وزیر خارجہ بلاول بھٹو زرداری کو انقرہ کےگورنر واصب شاہین نے ترکی آمد پر خوش آمدید کہا وزیر خارجہ بلاول بھٹو زرداری اور گورنر انقرہ واصب شاہین کے درمیان باہمی دلچسپی کے امور پر گفتگو ہوئی-

    وزیراعظم شہبازشریف کا برطانوی ہم منصب سے ٹیلیفونک رابطہ

  • عمران خان کی گندی ذہنیت کی جتنی مذمت کی جائے کم ہے، وزیراعظم شہباز شریف

    عمران خان کی گندی ذہنیت کی جتنی مذمت کی جائے کم ہے، وزیراعظم شہباز شریف

    لاہور: وزیراعظم شہبازشریف کا کہنا ہے کہ عمران خان کے الفاظ بدترین اور اس گندی ذہنیت کی جتنی مذمت کی جائے کم ہے –

    باغی ٹی وی :مسلم لیگ (ن) کی نائب صدر مریم نواز کے حوالے سے سابق وزیراعظم عمران خان کے بیان پر ردعمل کا اظہار کرتے ہوئے وزیراعظم شہبازشریف کا کہنا تھا کہ عمران خان کے مریم کے حوالے سے بدترین الفاظ اور اس گندی ذہنیت کی جتنی مذمت کی جائے کم ہے، ہمارے معاشرے میں مائیں بہنیں کیا سوچتی ہوں گی۔

    عمران خان کی مریم نواز کےخلاف نازیبا زبان:سیاسی رہنماؤں نے کی مذمت

    شہبازشریف کا کہنا تھا کہ ایسا شخص جو لیڈر بنتا ہے اور وہ قوم کی بیٹی مریم نواز کے حوالے سے نازیبا اور گٹھیا الفاظ استعمال کرتا ہے، یہ عمران خان کے لیے ڈوب مرنے کا مقام ہے، جسکی جتنی مذمت کی جائے کم ہے۔


    قبل ازیں سماجی سماجی رابطے کی ویب سائٹ ٹوئٹر پر وزیراعظم کا کہنا تھا کہ تاریخ کا پہلا شخص ہے جو ایک جماعت کے سربراہ کے طور پر بدتہذیبی کے اس پاتال میں جا گرا ہے۔ قوم بنانے نکلے تھے اور قوم کے اخلاق کو ہی بگاڑ دیا۔ انا للّٰہ وانا الیہ راجعون

    عمران خان کا مریم نواز سے متعلق بیان عورتوں سے بے حد نفرت کا اظہار ہے،ویمن ایکشن…

    انہوں نے کہا تھا کہ بیٹی مریم نواز شریف کے خلاف قابل افسوس زبان درازی پر پوری قوم خاص طور پر خواتین پرزور مذمت کریں۔ کم ظرفی کے اظہار سے ملک وقوم کے خلاف آپ کے جرائم چھپ نہیں سکتے۔ مسجد نبوی کی حرمت و ناموس کا پاس نہ کرنے والوں سے ماؤں، بہنوں، بیٹیوں کی عزت وتکریم کی کیا توقع ہوسکتی ہے۔

    واضح رہے کہ ملتان جلسے سے خطاب میں عمران خان نے کہا تھا کہ مجھے کسی نے سوشل میڈیا پر تقریر بھیجی، مریم تقریر کر رہی تھی کلاس میں اتنی دفعہ اوراس جذبے سے اور اس جنون سےمیرا نام لیا کہ میں اس کو کہنا چاہتا ہوں کہ مریم دیکھوتھوڑا دھیان کرو تمہارا خاوند ہی ناراض نہ ہوجائے جس طرح تم بار بار میرا نام لیتی ہو-

    بنی گالہ کے اطراف پولیس کا سرچ آپریشن،پی ٹی آئی رہنما عالمگیر کے گھر چھاپہ

  • وزیر اعظم شہباز شریف اور وزیر اعلیٰ پنجاب نے جاتی امرا میں نماز عیداداکی

    وزیر اعظم شہباز شریف اور وزیر اعلیٰ پنجاب نے جاتی امرا میں نماز عیداداکی

    وزیر اعظم شہباز شریف اور وزیر اعلیٰ پنجاب حمزہ شہباز نے جاتی امرا رائیونڈ میں عید الفطر کی نماز ادا کی۔

    باغی ٹی وی: وزیر اعظم شہباز شریف نے اپنے والدین ،بھائی اور بھابی کی قبر پر فاتحہ خوانی کی وزیر اعظم شہباز شریف اور حمزہ شہباز شہریوں سے عید بھی ملے۔

    عید الفطر کے موقع پر وزیر اعظم شہباز شریف اور مولانا فضل الرحمان کا عوام کے نام پیغام

    وزیراعظم شہباز شریف کا کہنا ہےکہ پوری قوم کو دل کی گہرائیوں سےعید مبارک ہواللہ سےدعا ہےکہ یہ عید ہم سب کو ترقی اور خوشحالی کا پیغام لےکرآئےدعا ہےیہ عید پاکستان کوان شدید مشکلات سے نجات دلائے۔محنت،دیانت سے یہ مشکلات کم ہوں گی میں اپنی انتہائی محنتی قوم سے جلد خطاب کروں گا۔مسائل کے حل کیلئے محنت کرنا ہماری ذمہ داری ہے۔

    ملک بھر میں آج عید الفطر مذہبی عقیدت و احترام کے ساتھ منائی جا رہی ہے

    وزیراعلیٰ پنجاب حمزہ شہباز نے کہ اہے کہ آج خوشی کا موقع ہے آج بھی غریبوں کے گھروں میں فاقے ہیں 72سالوں میں ایسے بد ترین معاشی حالات نہیں دیکھے تھے۔عمران نیازی نے جھوٹ بولنے کے سوا کوئی کام نہیں کیا۔نوجوان بے روزگاری کی وجہ سے ذہنی مریض ہوگئے ہم نے ایسے کام کرنے ہیں کہ اللہ کی مخلوق راضی ہو۔میں پورے شہر لاہور میں قیمتوں کے تعین کیلئے کمیٹیاں بنا رہا ہوں۔یہ کام ووٹ کیلئے نہیں بلکہ اللہ کی رضا کیلئے کررہا ہوں ۔اللہ راضی ہوگا تو ووٹ بھی ملیں گے۔

    ڈاکٹر عارف علوی کی پوری قوم کو عیدالفطر کی مبارکباد دی

    انہوں نے کہا کہ شہباز شریف کے دور میں پورا شہر صاف ستھرا ہوتا تھا۔ہم دوبارہ شہر کو ویسا ہی بنائیں گےدن رات محنت کریں گے عوام کی خدمت کریں گےہم نے خدمت کرکے لوگوں کی دعائیں لینی ہیں۔

  • عید الفطر کے موقع پر وزیر اعظم شہباز شریف اور مولانا فضل الرحمان کا عوام کے نام پیغام

    عید الفطر کے موقع پر وزیر اعظم شہباز شریف اور مولانا فضل الرحمان کا عوام کے نام پیغام

    عید الفطر کے موقع پر وزیر اعظم شہباز شریف اور مولانا فضل الرحمان نے عوام اور کارکنوں کے نام اہم پیغام جاری کیا ہے

    ‏‎‏‎باغی ٹی وی :وزیر اعظم شہباز شریف نے اپنے پیغام میں قوم کوچاند رات کی مبارکباد دی کہا کہ میری اورمیرے اہل خانہ کی طرف سے عید کا چاند مبارک-


    انہوں نے عوام سے اپیل کی کہ سرکاری ملازمین خاص طور پولیس،صفائی قائم رکھنے والے ہمارے بہن بھائی،سرحدوں کی حفاظت کرنے والے ہمارے جوان/آفیسرز آپ کی خدمت کے لیے اپنے پیاروں سے دور عید منائیں رہے ہیں۔ان سے تعاون کریں اوراپناسمجھ کر پیار محبت سے پیش آئیں۔


    دوسری جانب جے یو آئی سربراہ مولانا فضل الرحمان نے اپنے پیغام میں کہا کہ عید الفطر کے اس پر مسرت موقع تمام اہل وطن ، دیار غیر میں موجود پاکستانیوں اور تمام امت مسلمہ کو مبارکباد پیش کرتاہوں،اللہ کریم بار بار ہمیں یہ خوشیاں نصیب فرمائےمیری دعا ہے کہ رمضان المبارک میں اللہ کریم نے مسلمانوں کو جن عبادات کی توفیق بخشی ، اللہ پاک اسے اپنے دربار میں قبول و منظور فرمائے اور اس کی پوری پوری جزاء عطاء فرمائے۔

    پاک فوج کیخلاف پروپیگنڈا،معروف یو ٹیوب چینل نے سینئیر عہدیدار سے متعلق جعلی خبریں چلا دیں

    مولانا فضل الرحمان کا کہنا تھا کہ اس مبارک مہینے اور عید کی اس خوشی کے موقع پر بھی دنیا کے مختلف مقامات پر ہمارے مسلمان بھائی،بہنیں ،بزرگ اور بچے دکھ اور تکلیف میں ہیں ،انہیں دشمنوں کی جانب سے مسلسل اذیتیں دی جارہی ہیں مسلمانوں کو حضور نبی کریم نے جسد واحد قرار دیا ہے اور جسم کا کوئی حصہ تکلیف میں ہو تو پورا جسم اس تکلیف کو محسوس کرتا ہے۔


    مولانا فضل الرحمان نے یہ بھی کہا کہ اس وقت فلسطین ،کشمیر ،عراق اور شام یا دنیا میں جہاں مسلمان تکلیف میں ہیں ہم ان کی تکلیف کو محسوس کرتے ہیں ہمارے دل ان کے ساتھ دھڑکتے ہیں اور ہم اپنا دینی ،ملی اور ایمانی فریضہ سمجھتے ہیں کہ ظلم وبربریت کے خلاف ان کی جدوجہد میں شریک ہو ،قدم قدم ان کی حمایت کا اعلان کرتے ہیں۔


    مولانا فضل الرحمان نے کہا کہ خوشی کے اس موقع پر پاکستان کے عوام اور جمعیۃ علماء کے کارکنوں کو خصوصی مبارکباد دیتا ہوں کہ اللہ کریم نے ہمارے ساڑھے تین سالہ جد وجہد کو کامیابی سے ہمکنار فرمایا ہماری جد وجہد ابھی بھی جاری ہے اور ان شاء اللہ یہ جدوجہد کامیاب ہوگی اور ہم پاکستان کو ایک اسلامی فلاحی ریاست بنانے میں کامیاب ہونگے۔


    ‏‎ جے یو آئی سربراہ مولانا فضل الرحمان کا مزید کہنا تھا کہ خوشی کے اس موقع پر اپنے گرد وپیش میں دیکھیں ،ضرورت مند، فقراء اور حاجت مندوں کی ضروریات کا خیال رکھیں کہ یہی ہمارے پیارے دین کی تعلیمات ہیں۔

    منڈی بہاوالدین: نماز عید الفطر ادا کرنے پر امام مسجد سمیت 14 افراد کے خلاف مقدمہ درج

  • پاکستان سعودی عرب سے تقریباً 8ارب ڈالرز کا پیکج حاصل کرنے میں کامیاب

    پاکستان سعودی عرب سے تقریباً 8ارب ڈالرز کا پیکج حاصل کرنے میں کامیاب

    اسلام آباد: وزیراعظم شہباز شریف سعودی عرب سے تقریباً 8ارب ڈالرز کا پیکج حاصل کرنے میں کامیاب ہو گئے۔

    باغی ٹی وی : وزیراعظم شہباز شریف کے دورہ سعودی عرب کے موقع پر پاکستان، سعودی عرب سے تقریباً 8 ارب ڈالرز کے معقول حجم کا پیکج حاصل کرنے میں کامیاب ہوگیا ہے جس میں تیل فنانسنگ کی سہولت، اضافی رقوم چاہے وہ ڈپوزٹس کی صورت میں ہو یا سکوک اور موجودہ 4.2 ارب ڈالرز کے رول اوور کی صورت میں ہو، ملے گی۔

    ‏وزیر اعظم شہباز شریف کی ابو ظہبی کے ولی عہد الشیخ محمد بن زید النیہان سے ملاقات

    اعلیٰ حکام نے نام ظاہر نہ کرنے کی شرط پر دی نیوز کو تصدیق کی ہے کہ اس ضمن میں تکنیکی تفصیلات پر کام ہو رہا ہے اور تمام دستاویزات کی تیاری میں دو ہفتے کا وقت لگے گا جس کے بعد اس پر دستخط ہوں گے۔

    ذرائع کا کہنا ہے کہ وزیر خزانہ مفتاح اسماعیل سعودی عرب میں موجود ہیں جبکہ وہ اضافی مالی پیکیج کے طریقہ کار کو حتمی شکل دیں گے۔

    عہدیدار کا کہنا تھا کہ پاکستان نے تیل کی سہولت 1.2 ارب ڈالرز سے بڑھا کر 2.4 ارب ڈالرز کرنے کا کہا تھا جسے سعودی عرب نے قبول کرلیا ہے جب کہ 3 ارب ڈالرز کے موجودہ ڈپوزٹ کو بھی جون 2023 تک رول اوور کرنے پر اتفاق ہوا ہے۔

    سرکاری ذرائع کا کہنا تھا کہ پاکستان اور سعودی عرب نے 2 ارب ڈالرز کے اضافی پیکج کو ڈپوزٹ یا سکوک کے ذریعے فراہم کرنے پر بات چیت کی اور ممکنہ طور پر مزید رقم پاکستان کو فراہم کی جائے گی۔

    وزیر اعظم کا وزیر اعلیٰ پنجاب سے ٹیلیفونک رابطہ، کیا اہم ہدایات دیں

    ذرائع کا یہ بھی کہنا تھا کہ مجموعی پیکج کے حجم کا اندازہ اس وقت لگایا جائے گا جب اضافی رقم کو حتمی شکل دی جائے گی، یہ رقم مجموعی طور پر 8 ارب ڈالرز کے قریب ہوگی۔

    سعودی عرب نے دسمبر 2021 میں اسٹیٹ بینک آف پاکستان میں 3 ارب ڈالرز جمع کیے تھے جب کہ سعودی تیل سہولت (ایس او ایف) مارچ 2022 سے فعال ہوئی ہے، اس کے علاوہ پاکستان کو تیل کے حصول کے لیے 10 کروڑ ڈالرز کی سہولت بھی فراہم کی گئی ہے۔

    سعودی عرب نے 2013-18 میں ن لیگ دور حکومت میں 7.5 ارب ڈالرز کا پیکج فراہم کیا تھا جب کہ پی ٹی آئی دور حکومت میں سعودی عرب نے 4.2 ارب ڈالرز کا پیکج دیاپاکستان کے غیرملکی زرمبادلہ ذخائر گزشتہ 6 سے 7 ہفتوں میں 6 ارب ڈالرز کم ہوکر 10.5 ارب ڈالرز پر پہنچ چکے ہیں، ابتدائی 9 ماہ میں کرنٹ اکاؤنٹ خسارہ بڑھ کر 13.2 ارب ڈالرز تک پہنچ چکا ہے اور بیرونی قرض ادائیگی کا دباؤ بڑھا ہے، ایسے میں پاکستان کو جون 2022 تک 9 ارب ڈالرز سے 12 ارب ڈالرز کی ضرورت ہے۔

    ‏سعودی عرب نے اسٹیٹ بینک کے پاس موجود 3ارب ڈالر کی واپسی کی مدت میں توسیع کردی

    پاکستان کو رواں مالی سال میں (اپریل سے جون کے درمیان) آخری سہ ماہی میں 3 ارب ڈالرز کے قرض واجبات ادا کرنا ہیں، آئی ایم ایف پروگرام کی بحالی کو لازمی سمجھا جارہا ہے کیوں کہ مجموعی بیرونی مالی ضروریات کا تخمینہ آئندہ مالی سال 2022-23 کے لیے 35 ارب ڈالرز لگایا گیا ہے جب کہ آئی ایم ایف پروگرام کے بغیر یہ بڑا مالی فرق ختم نہیں ہو سکتا۔

     

    محنت کشوں کی ترقی کے بغیر دنیا کی حقیقی ترقی ادھوری ہے،وزیر اعظم

    واضح رہے کہ وزیر اعظم شہباز شریف اپنے پہلے غیر ملکی دورے کے بعد وطن واپس پہنچ گئے ہیں اس دورے کے دوران انہوں نے 2 دن سعودی عرب میں قیام کیا جبکہ ایک روز انہوں نے متحدہ عرب امارات (یو اے ای) میں گزارا۔

    متحدہ عرب امارات کے دورے کے دوران ان کی ابوظہبی کے ولی عہد شیخ محمد بن زاید آل النیہان سے ملاقات ہوئی جبکہ ملاقات میں دونوں رہنماؤں کے درمیان مشترکہ مفادات سمیت مختلف شعبوں میں تعاون بڑھانے پر غور کیا گیا ہے منصب سنبھالنے کے بعد یہ ان کا پہلا غیرملکی دورہ تھا-

  • محنت کشوں کی ترقی کے بغیر دنیا کی حقیقی ترقی ادھوری ہے،وزیر اعظم

    محنت کشوں کی ترقی کے بغیر دنیا کی حقیقی ترقی ادھوری ہے،وزیر اعظم

    اسلام آباد: وزیر اعظم شہباز شریف نے کہا ہے کہ دنیا کی ترقی محنت کشوں کی محنت کا نتیجہ ہے۔

    باغی ٹی وی : وزیر اعظم شہباز شریف نے مزدوروں کے عالمی دن کے موقع پر اپنے پیغام میں کہا کہ پاکستان سمیت دنیا بھر کے مزدوروں کو مبارکباد پیش کرتا ہوں۔ محنت کشوں کی ترقی کے بغیر دنیا کی حقیقی ترقی ادھوری ہے۔

    شیخ رشید احمد کے بھتیجے رکن قومی اسمبلی گرفتار

    انہوں نے کہا کہ مزدوروں کی صحت اور حفاظت کے لیے آئی ایل او کی کوششیں قابل ستائش ہیں۔

    شہباز شریف نے کہا کہ دنیا کی ترقی محنت کشوں کی محنت کا نتیجہ ہے۔

    وزیراعلیٰ خیبرپختونخوا محمود خان نے کہا کہ محنت کشوں کے حقوق کا تحفظ کئے بغیرترقی کا خواب شرمندہ تعبیر نہیں ہو سکتا،قومی ترقی اورخوشحالی میں محنت کش طبقے کا کردار کلیدی اہمیت رکھتا ہے-

    انہوں نے کہا کہ صوبائی حکومت محنت کش طبقےکے حقوق کے تحفظ کیلئے ٹھوس اقدامات کررہی ہے،مزدوروں کی فلاح و بہبودصوبائی حکومت کی ترجیحات میں شامل ہیں،محنت کشوں خصوصاً کان کنوں کا تحفظ یقینی بنانے کیلئے موثر قوانین سازی کر رہے ہیں-

    جامعہ کراچی دھماکا: سہولت کاری کے شبے میں ایک طالبعلم زیرحراست

    وزیراعلیٰ خیبرپختونخوا نے کہا کہ صوبائی حکومت نے صنعتوں کیلئے درکار تربیت یافتہ افرادکی تیاری کا اہتمام کیا ہے، صوبائی حکومت محنت کشو ں کیلئے روزگار کے باعزت اور پرکشش مواقع فراہم کر رہی ہے-

    وفاقی وزیرماحولیاتی تبدیلی سینیٹر شیری رحمان نے یوم مزدور پر پیغام جاری کیا کہا کہ یوم مزدور پر پاکستان سمیت دنیا بھر کے محنت کشوں کو خراج پیش کرتی ہوں زراعت، صنعت، ہر شعبے میں کام کرنے والے مزدوروں کی وجہ سے ہی ملک ترقی کرتا ہے،موجودہ حکومت نے ماہانہ اجرت 25 ہزار کرنے کا اعلان کیا جو ایک خوش آئند شروعات ہے-

    انہوں نے کہا کہ سابق حکومت کے مزدور دشمن اقدامات کی وجہ سے ملک میں بے روزگاری میں اضافہ ہوا تحریک انصاف نے لیبر مارکیٹ میں اصلاحات اور ایک کروڑ نوکریاں دینے کا دعویٰ کیا تھا،پیپلز پارٹی نے 1972 میں محنت کشوں کے حقوق کے تحفظ کیلئے مزدور پالیسی دی،18ویں ترمیم کے بعد سندھ حکومت اپنی صوبائی لیبر پالیسی تشکیل دے چکی ہے،سابق حکومت کی تباہ کاریوں کو درست کرنے کیلئے مزدور دوست پالیسیز لانے کی ضرورت ہے-

    وزیراعلیٰ پنجاب حمزہ شہباز شریف نے اہم اجلاس طلب کرلیا

  • وزیراعظم عمرہ کیلئے سرکاری خرچ پر سعودی عرب نہیں جا رہے، وفاقی وزیر

    وزیراعظم عمرہ کیلئے سرکاری خرچ پر سعودی عرب نہیں جا رہے، وفاقی وزیر

    اسلام آباد: وفاقی وزیر اطلاعات مریم اورنگزیب نے پاکستان تحریک انصاف (پی ٹی آئی) کے رہنما فواد چوہدری کی خبر کی تردید کی ہے جس میں دعویٰ کیا گیا کہ وزیر اعظم شہباز شریف چارٹرڈ طیارے میں عمرہ کے لیے سرکاری خرچ پر سعودی عرب جارہے ہیں۔

    باغی ٹی وی : وفقی وزیر نے سماجی رابطے کی ویب سائٹ ٹوئٹر پر فواد چوہدری کے بیان پر ردعمل دیتے ہوئے کہا کہ سابق وزیر اطلاعات کو صحافیوں کے خلاف ایسا بے ہودہ بیان دیتے ہوئے شرم آنی چاہیے، وزیراعظم کسی چارٹرڈ جہاز پہ نہیں جا رہے، فیک نیوز پی ٹی آئی کی پہچان اور جھوٹ طرہ امیتاز ہے۔

    وزیراعظم کی سعودی عرب روانگی، پی آئی اے کو یومیہ کتنا نقصان اٹھانا پڑ سکتا ہے؟


    مریم اورنگزیب نے مزید کہا کہ پہلے یہ تو جان لیتے کہ کوئی صحافی سرکاری خرچ پر نہیں جارہا، وزیراعظم شہباز شریف بھی کمرشل پرواز پر جا رہے ہیں، شہباز شریف اپنےذاتی خرچ پر سعودی عرب جا رہے ہیں۔


    انہوں نےکہا کہ شہبازشریف بطور وزیر اعلیٰ پنجاب 10 سال تک بیرون ملک سفر کے اخراجات ذاتی جیب سے کرتے رہے ہیں لیکن سچائی اور پی ٹی آئی دو متضاد چیزیں ہیں، میڈیا نے چونکہ احسان کیا تھا عمران خان نے 4 سال اپنے شَر سے میڈیا کو اُس کا خوب بدلہ دیا۔

    سابق وزیراعظم نواز شریف کو پاسپورٹ جاری کر دیا گیا

    انہوں نے کہا کہ اقتدار سے رسوا ہوکر نکلنے کے بعد اب الزامات کی گولیاں چلارہے ہیں صحافیوں کو کبھی سازش میں ملوث کرتے ہیں تو کبھی دوروں کے جھوٹے ٹویٹ چلاتے ہیں جو چار سال میں عوام کا آٹا، چینی، دوائی، روزگار، معیشت، بجلی، تیل گیس سب کچھ کھاگئے، انہیں صحافیوں کے کھانوں پر تکلیف ہورہی ہے


    وفاقی وزیر اطلاعات نے کہا کہ ایک ٹویٹ توشہ خانے کی گھڑی، ہار اور انگوٹھیوں پر بھی کردیں لیکن اس کے لئے ضمیر کا جاگنا شرط ہے.کفایت شعاری کا جو ڈرامہ کیا، وہ آج تاریخ کے سب سے زیادہ تجارتی خسارے کی شکل میں سب کے سامنے آیا ہے اس لئے اپنے لیکچر اپنے پاس رکھیں بھینسوں کی نیلامی،انڈے مرغی کٹوں کے تماشے,جھوٹ کی دکان چلانا بند کریں-

    چیف الیکشن کمشنرکے رویئے سے لگ رہا ہے کہ وہ ن لیگ کے کارکن ہیں، فواد چوہدری

    انہوں نے کہا کہ پی ٹی آئی اقتدار میں آئی تو چینل، پروگرام اور کالم بند کروائےاور صحافیوں کی پسلیاں توڑتے تھے، اقتدار سے رسوا ہوکر نکلنے کے بعد اب الزامات کی گولیاں چلارہے ہیں، صحافیوں کو کبھی سازش میں ملوث کرتے ہیں تو کبھی دوروں کے جھوٹے ٹوئٹ چلاتے ہیں۔


    قبل ازیں مریم اورنگزیب کا کہنا تھا کہ عمران صاحب اپنی تقریر اور ان کے ساتھی اپنے ٹویٹس سے معاشرے میں ایسی آگ نہ بھڑکائیں جس میں خود بھی جل جائیں۔ آگ لگانے والوں کے اپنے ہاتھ بھی جل جاتے ہیں۔ اپنی سیاسی ناکامیوں اور کرپشن چھپانے کے لئے مذہب کارڈ کا استعمال برداشت نہیں کیا جائے گا۔


    وفاقی وزیر کا کہنا تھا کہ ہم ملک میں فساد اور انتشار پھیلانے والے مواد کو قانون کی قوت سے روکیں گے۔حکومت میں ہوتے ہوئے فسطائیت اور کنٹینر پہ فساد و انتشار پھیلانے والوں کے دامن عوامی خدمت اور ذہن کسی مثبت سوچ سے خالی ہیں-

    مفتاح اسماعیل بیگم سے زیادہ شہباز شریف سے ڈرنے لگے

  • امریکی رکن کانگریس الہان عمر کی وزیرِ اعظم سے ملاقات، مقبوضہ کشمیر میں انسانی حقوق کی سنگین صورتحال پر تبادلہ خیال

    امریکی رکن کانگریس الہان عمر کی وزیرِ اعظم سے ملاقات، مقبوضہ کشمیر میں انسانی حقوق کی سنگین صورتحال پر تبادلہ خیال

    وزیرِ اعظم شہباز شریف سے ریاست ہائے متحدہ امریکہ کی کانگریس وومن محترمہ الہان ​​عمر نے ملاقات کی-

    باغی ٹی وی: وزیرِ اعظم شہباز شریف سے آج امریکی ہاؤس آف ریپریزنٹیٹیوز کی رکن الہان ​​عمر کی اسلام آباد میں ملاقات ہوئی ان کے عزم و ہمت اور سیاسی جدوجہد کو سراہتے ہوئے، وزیر اعظم نے پاکستان کے پہلے دورے پر ان کا پرتپاک خیرمقدم کیا۔

    وزیراعظم نے امید ظاہر کی کہ اس سے پاکستان اور امریکی عوام کے درمیان تعلقات مزید گہرے ہوں گے اور پاکستانی پارلیمنٹ اور امریکی کانگریس کے درمیان تبادلہ خیال کو تقویت ملے گی۔

    وزیراعظم نے اس بات پر زور دیا کہ پاکستان امریکہ کے ساتھ اپنے دیرینہ تعلقات کو قدر کی نگاہ سے دیکھتا ہے اور باہمی احترام، اعتماد اور مساوات پر مبنی دوطرفہ تعاون کو مزید مضبوط کرنا چاہتا ہے انہوں نے اس بات پر روشنی ڈالی کہ دونوں ممالک کے درمیان تعمیری روابط سے خطے میں امن، سلامتی اور ترقی کو فروغ دینے میں مدد مل سکتی ہے۔

    ملاقات میں پاک امریکہ تعلقات سمیت باہمی دلچسپی کے امور پر تبادلہ خیال کیا گیا دو طرفہ تعلقات اور علاقائی صورتحال پر تبادلہ خیال کیا گیا اس بات کا ذکر ہوئے کہ امریکہ پاکستان کا سب سے بڑا تجارتی پارٹنر ہے، وزیراعظم نے دونوں ممالک کے درمیان بالخصوص تجارت اور سرمایہ کاری کے شعبوں میں تعاون کو مزید بڑھانے کی ضرورت پر زور دیا۔

    پی ٹی آئی حکومت کی 4 سالہ معاشی کارکردگی کی رپورٹ جاری

    وزیراعظم نے پاکستان امریکہ تعلقات کو تقویت دینے میں سمندر پار پاکستانیوں کی کوششوں کو سراہا۔ انہوں نے مزید کہا کہ پاکستان قومی ترقی اور نمو میں ان کے تعاون کو قدر کی نگاہ سے دیکھتا ہے۔

    وزیر اعظم نے IIOJK میں انسانی حقوق کی سنگین صورتحال کو اجاگر کیا اور جموں و کشمیر کے تنازعہ کے پرامن حل کی اہمیت پر زوردیا جس سے خطہ اپنی اقتصادی صلاحیت کر بھرپور طریقے سے بروئے کار لا سکے اور سماجی ترقی کو فروغ دے سکے۔

    وزیراعظم نے اس بات پر زور دیا کہ ایک پرامن اور مستحکم جنوبی ایشیاء ہی اپنی ترقی پر بھرپور توجہ دے سکتا ہے اسلامو فوبیا جیسی برائی سے نمٹنے کے لیے عالمی سطح پر مشترکہ کوششوں کی ضرورت ہے۔

    رکن کانگریس الہان ​​عمر نے وزیراعظم کا شکریہ ادا کیا اور امید ظاہر کی کہ ان کے دورہ پاکستان سے پاکستان اور امریکہ کے درمیان تعلقات کو مضبوط بنانے میں مدد ملے گی۔

    علاوہ ازیں امریکی کانگریس کی مسلمان رکن الہان عمر نے وفد کے ہمراہ وزارتِ خارجہ آفس کا دورہ کیا وزیر مملکت برائے خارجہ امور حنا ربانی کھر نے معزز مہمانوں کا خیر مقدم کیا-

    وزیر مملکت برائے خارجہ امور نے الہان عمر اور ان کے وفد کو پاکستان آمد پر خوش آمدید کہا اور کہا کہ پاکستان اور امریکہ کے درمیان دیرینہ دو طرفہ مراسم ہیں، پاکستان، امریکہ کے ساتھ دو طرفہ تعلقات کو مزید مستحکم بنانے اور باہمی دلچسپی کے مختلف شعبہ جات میں دو طرفہ تعاون کو آگے بڑھانے کیلئے پرعزم ہے-

    وزیر مملکت برائے خارجہ حنا ربانی کھر نے مقبوضہ کشمیر میں، 5 اگست 2019 کے یکطرفہ بھارتی اقدامات کے بعد مظلوم کشمیریوں کی پرزور حمایت اور ان کے حق میں آواز اٹھانے پر الہان عمر کا شکریہ ادا کیا-

    ممتاز پاکستانی امریکن ڈیموکریٹک رہنما طاہر جاوید بھی اس ملاقات میں شریک تھے

    کانگریس کی خاتون رکن الہان ​​عمر 20 سے 24 اپریل 2022 تک پاکستان کا دورہ کر رہی ہیں۔ اسلام آباد میں قیادت سے ملاقاتوں کے علاوہ، وہ لاہور اور آزاد جموں و کشمیر کا دورہ کریں گی تاکہ پاکستان کی ثقافتی، سماجی، سیاسی اور اقتصادی صلاحیت کو زیادہ سے زیادہ سمجھ سکیں۔

    پاکستان کا من گھڑت اور جھوٹی سٹوری شائع کرنے پر بی بی سی سے جواب طلب

  • وزیر اعظم شہباز شریف نے وفاقی کابینہ کا اجلاس کل طلب کرلیا

    وزیر اعظم شہباز شریف نے وفاقی کابینہ کا اجلاس کل طلب کرلیا

    وزیر اعظم شہباز شریف نے وفاقی کابینہ کا اجلاس طلب کرلیا،وفاقی کابینہ کا پہلا اجلاس کل صبح 10 بجے ہوگا-

    باغی ٹی وی : واضح رہے کہ آج ایوان صدر میں وفاقی کابینہ کی حلف برداری کی تقریب ہوئی جس میں 34 اراکان کابینہ نے اپنے عہدوں کا حلف لیا نئی وفاقی کابینہ کے حلف اٹھانےکے بعد وزرا کو ان کے قلمدان سونپ دیے گئے جبکہ ابتدائی طورپر چیئرمین پی پی بلاول بھٹو زرداری اور سابق وزیراعظم شاہد خاقان عباسی کابینہ کا حصہ نہیں ہیں۔

    حلف برداری کی تقریب منعقد نہ ہونے پر نو منتخب وزیراعلیٰ نے ہائیکورٹ سے رجوع کر لیا

    بلاول بھٹو نے وزرا کی حلف برداری کی تقریب میں شرکت کی تاہم انہوں نے حلف نہیں لیا اور ان کی نشست خالی رہی اس سے قبل یہ خبریں زیر گردش تھیں کہ بلاول بھٹو زرداری کو نئی کابینہ میں وزیر خارجہ کا قلمدان دیا جائے گا۔

    وفاقی کابینہ میں مسلم لیگ (ن) کے رہنما رانا ثنااللہ کو وزارت داخلہ کا قلمدان سونپا گیا ہے اور سابق وزیر خزانہ مفتاح اسماعیل کو ایک بار پھر وزارت خزانہ کی ذمہ داریاں دی گئی ہیں جب کہ مریم اورنگزیب کو اطلاعات کی وزارت دی گئی ہے۔

    اس کے علاوہ احسن اقبال کو وزارت منصوبہ بندی، سعد رفیق کو ریلوے، سینیٹر اعظم نذیر تارڑ کو وزارت قانون اور مرتضیٰٰ جاوید عباسی کو وزارت پارلیمانی امور کا قلمدان سونپا گیا ہے۔

    جمہوری وطن پارٹی کے شاہ زین بگٹی کو وزارت انسداد منشیات کا چارج ملا چارج سنبھالنے کے بعد وفاقی وزیرِ انسدادِ منشیات شاہ زین بگٹی نے سیکریٹری ڈاکٹر سید کلیم امام سے ملاقات کی وفاقی وزیر نے اپنی وزارت سے متعلق ابتدائی بریفنگ بھی لی۔

    وزیراعظم شہباز شریف کی 34 رکنی وفاقی کابینہ نے حلف اٹھا لیا

    بلوچستان عوامی پارٹی کے اسرار ترین کو وزارت دفاعی پیداوار, جے یو آئی کے مفتی عبدالشکور کو وزارت مذہبی امور ، طلحہٰ محمود کو وزارت سیفران اور مولانا اسعد محمود کو وزارت مواصلات کا قلمدان دیا گیا ہے۔

    مسلم لیگ (ق) کے طارق بشیرچیمہ کو وفاقی وزیر برائے فوڈ سکیورٹی بنایا گیا ہے اور ایم کیو ایم کے سید امین الحق کو وفاقی وزیرآئی ٹی و ٹیلی کمیونیکیشن کی وزارت دی گئی ہے۔

    مسلم لیگ ن کے رہنما احسن اقبال نے وفاقی وزیرِ منصوبہ بندی و ترقی کی ذمے داریاں سنبھال لیںچارج سنبھالنے کے لیے پہنچنے پر احسن اقبال کا وزارتِ منصوبہ بندی میں استقبال کیا گیا، وزارت کے افسران نے انہیں خوش آمدید کہا اور پھولوں کا گلدستہ پیش کیا احسن اقبال نے آفس میں بیٹھتے ہی سیکریٹری منصوبہ بندی سے میٹنگز کا شیڈول طے کیا۔

    انہوں نے سیکرٹری منصوبہ بندی کو آج ہی پی ایس ڈی پی پر مکمل جائزہ اجلاس بلانے اور سی پیک پر پیش رفت سے متعلق جائزہ اجلاس کل رکھنے کی ہدایت کی۔

    جمعیت علمائے اسلام ف نے اپنی جماعت کے وزرا کے محکموں کا بتا دیا

  • وزیر اعظم کا رمضان المبارک میں شہریوں کیلئے میٹرو بس سروس مفت چلانے کا حکم

    وزیر اعظم کا رمضان المبارک میں شہریوں کیلئے میٹرو بس سروس مفت چلانے کا حکم

    وزیر اعظم شہباز شریف نے پشاور موڑ تا نیو اسلام آباد ائیرپورٹ میٹرو بس منصوبے کا دورہ کیا اور منصوبے کو جلد مکمل کرنے کی ہدایت کی اور رمضان المبارک کے مہینے میں شہریوں کے لیے میٹرو بس سروس مفت چلانے کا حکم دیا –

    باغی ٹی وی: تفصیلات کے مطابق وزیر اعظم شہباز شریف نے پشاور موڑ تا اسلام آباد ائیرپورٹ مٹرو بس منصوبے کا دورہ کیا وزیر اعظم نے 4 سال سے منصوبے کے التواء پر تشویش کا اظہار کیا اور منصوبہ جلد مکمل کرنے کی ہدایت کی –

    سابق وزیراعظم عمران خان قومی خزانے میں کتنا پیسہ چھوڑ گئے؟پی ٹی آئی کے دعوے…

    نیشنل ہائی وے اتھارٹی ( این ایچ اے) حکام نے وزیر اعظم کو منصوبے پر بریفنگ دی وزیر اعظم نے حکام سے پوچھا کہ منصوبہ طویل عرصےسےالتواکاشکارکیوں رہا؟ میٹرو منصوبے پر التوا کاکوئی جوازنہیں بنتا، ابتدائی طورپرمنصوبےکیلئے 15بسیں مہیا کی جارہی ہیں، موٹروے پراسلام آباد میٹروکا ایک سٹیشن ہونا چاہیے۔

    حکام کی جانب سے وزیر اعظم کو بتایا گیا کہ ابتدائی طورپر ہفتہ سےبسیں چلائی جائیں گی وزیر اعظم نے میٹروبس منصوبےمیں تاخیر کی تحقیقات کی ہدایت کی اور کہا کہ عوامی مفاد کےمنصوبوں کوجلد مکمل کیاجائے-

    وزیراعظم نے مزید ہدایت کی کہ میٹروبس میں سامان رکھنے کی سہولت بھی مہیا کی جائے، 16بلین خرچ ہونےکے باوجود منصوبہ التوا کا شکارہونا قابل افسوس ہے۔

    اس موقع پر وزیراعظم کے ہمراہ احسن اقبال، مفتاح اسماعیل، حنیف عباسی اور دیگر رہنما بھی موجود تھے۔

    اسٹاپ لسٹ میں نام ڈالنے سے متعلق سماعت: حکومت کو بالکل بھی انتقامی کارروائی نہیں…

    ترجمان مسلم لیگ ن مریم اورنگ زیب نے کہا ہے کہ وزیراعظم شہباز شریف نے سی ڈی اے کو بروز ہفتہ 16 مارچ کومیٹرو بس سروس پشاور روڈ سے ائیرپورٹ تک چلانے کا حکم دیا ہے۔

    انہوں نے کہا کہ بہارہ کہو اور روات سے پشاور موڑ تک میٹرو سروس چلانے اور موٹر وے کونیکشن کی فیزیبیلٹی فوری بنانے کا حکم بھی دیا ہے، مریم اورنگزیب نے کہا ‏وزیرِ اعظم شہباز شریف 7بجے اسلام آباد میٹرو بس پر جاری کام کا جائزہ لینے پشاور موڑ میٹرو بس پہنچے.


    مریم اورنگزیب نے اپنے ایک بیان میں بتایا کہ وزیراعظم نے میٹرو سروس پشاور موڑ تا نیو اسلام آباد ائیرپورٹ شہریوں کے لیے مفت چلانے کا حکم دیا ہے۔

    ترجمان مسلم لیگ ن مریم اورنگزیب کی جانب سے وزیراعظم کے میٹرو بس اسٹیشن کے دورے کی تصاویر بھی سوشل میڈیا پر شیئر کی گئی تھیں۔

    واضح رہے کہ منصوبہ وزیراعظم نواز شریف کے دور میں 2017 میں شروع ہوا جو 2018 میں مکمل ہونا تھا۔

    گزشتہ روز کراچی کے دورے پر وزیراعظم شہباز شریف نے اجلاس میں کہا تھا کہ کمیٹی بناؤں گا، جو بھی مسائل ہوں گے حل کریں گےوزیراعظم پاکستان محمد شہباز شریف نے وزیراعلیٰ ہاؤس سندھ میں اجلاس سے خطاب کرتے ہوئے کہا تھا کہ میں آج بہت خوش ہوں کہ منصب سنبھالنے کے بعد مزار قائد پر حاضری دی اور سندھ کا دؤرہ کیا، ہمیں اس ملک کو مل کر خوشحال، پُرامن کرنا ہے،10 اپریل پاکستان کی تاریخ میں بڑا دن تھا، 10 اپریل کو آئین کی فتح ہوئی، ایک دھاندلی کی حکومت کا اختتام ہوا ہمیں حکومت کو نکالنے کے شای مانے بجانے کے بجائے عوام کی خدمت کرنی ہوگی،پاکستان کی ترقی تب ہوگی جب تمام صوبے ترقی کریں گے،ملک میں بیروزگاری، مہنگائی اور دیگر مسائل ہیں، ہمیں ان کو حل کرنا ہیں، سائیٹ کی جتنی بھی سڑکیں ہیں وہ وفاق حکومت اخراجات دیگی،وزیراعظم نے یقین دہانی کروائی کہ کے سی آر کو ہم واپس سی پیک میں بنائیں گے-

    متحدہ عرب امارات حکام کی شہباز شریف کو وزیراعظم منتخب ہونے پر مبارکباد

    وزیر اعلیٰ سندھ کے ساتھ وزیراعظم کی ملاقات میں سندھ کی انتظامی اور امن و امان کی مجموعی صورت حال پر تبادلہ خیال کیا گیا تھا وزیراعظم نے وزیر اعلیٰ کو سندھ کے لوگوں کی جان و مال کی حفاظت یقینی بنانے کے لیے ہر ممکن کوشش کی ہدایت کی وزیر اعلیٰ کو سندھ کے عوام کی فلاح و بہبود کو یقینی بنانے کے لیے ہر ممکن کوشش کرنے کی ہدایت کی وزیر اعلی سندھ مرادعلی شاہ نے وزیر اعظم کو کابینہ کی جانب سے مبارکباد دی –

    وزیر اعلیٰ سندھ نے وزیراعظم کو یقین دہانی کروائی کہ وفاقی حکومت کے ساتھ مل کر کام کریں گے ،سندھ کی عوام کی فلاح و بہبود کے لیے تمام ممکنہ اقدامات بروئے کار لائیں گے وزیراعلیٰ سندھ مراد علی شاہ نے وزیراعظم شہباز شریف کو کراچی سرکلر ریلوے پر بریفنگ دی اور کہا تھا کہ کراچی کی ٹریفک کا مسئلہ اور بی آر ٹی سروس کی کامیابی کے سی آر پر منحصر ہے،وفاقی حکومت نے کے سی آر پروجیکٹ 201 ارب روپے کی لاگت سے پی پی پی موڈ پر منظور کیا کے سی آر کو سی پیک کے تحت تعمیر کیا جائے، آپ نے سی پیک کو تیز کرنے کا عہد کیا ہے کے سی آر سمیت سندھ کے منصوبے سی پیک میں شامل کیے جائیں-

    پی ٹی آئی نے لاہور جلسے کا شیڈول پھر تبدیل کردیا