Tag: وزیر اعظم

اسلام آباد: وزیراعظم شہباز شریف کی زیرصدارت وفاقی کابینہ کے اجلاس میں 13 میں سے 12 ایجنڈا آئٹمز کی منظوری دے دی گئی۔

باغی ٹی وی: وزیراعظم شہباز شریف کی زیر صدارت وفاقی کابینہ کااجلاس ہوا جس میں کابینہ نے 13 میں سے 12 ایجنڈا آئٹمزکی منظوری دی تاہم کابینہ نےقومی بھنگ پالیسی کی منظوری مؤخر کردی جسےآئندہ اجلاس میں پیش کیا جائے گا کابینہ نے بورڈ آف انویسٹمنٹ آرڈیننس میں ترامیم، ای تحفظ بل 2023 اور پرسنل پروٹیکشن بل کی اصولی منظوری دے دی۔

ذرائع کےمطابق وفاقی کابینہ نےوزیراعظم شہبازشریف کی صدارت میں ہونےوالےاجلاس میں پرسنل پروٹیکشن بل ای سی ایل میں شخصیا ت کا نام ڈالنے اور نکالنے اور احتساب عدالتوں کی تنظیم نو کی منظوری دے دی اجلاس میں ایس این جی پی ایل کے بورڈ آف ڈائیریکٹرز کی تشکیل اور اسلام آباد نیچر کنزرویشن اینڈ وائلڈ لائف مینجمنٹ ایکٹ بھی منظور کرلیا گیا کابینہ نے ای سی سی کے 24 جولائی ، کمیٹی برائے نجکاری کے 10 جولائی اور کابینہ کمیٹی قانون سازی،انٹرگورنمنٹل کمرشل ٹرانزکشنز کے فیصلوں کی توثیق کردی۔

قومی ایئر لائن کا چین کے مزید14 شہروں تک رسائی کا فیصلہ

وزیراعظم شہباز شریف نے کابینہ اجلاس سے خطاب میں کہا کہ حکومت ملک میں براہ راست بیرونی سرمایہ کاری بڑھانے کے لیے ’ ہول آف دا گورنمنٹ ‘ پالیسی پر عمل کررہی ہے اس پالیسی کا مقصد ملک میں بیرونی سرمایہ کاری کےمنصوبوں کو تیزرفتاری سے عملی جامع پہنانا ہے وزیراعظم نے آذر بائیجان کے ساتھ ایل این جی معاہدے کو حتمی شکل دینے کی کامیاب کوششوں پر وزیر مملکت برائے پیٹرولیم ڈاکٹر مصدق ملک کی تعریف کی اور کہا کہ یہ معاہدہ نہ صرف آذربائیجان اور پاکستان کے درمیان تجارتی تعلقات کے فروغ کی سمت میں اہم قدم ہے بلکہ پاکستان کی توانائی سلامتی کے لیے بھی سنگ میل ثابت ہوگا۔

بھارت نے زہرآلود کھانسی کے شربت پر ایک اور دوا ساز کمپنی کا لائسنس معطل …

وزیر اعظم شہباز شریف نے میانوالی میں 1200 میگاواٹ کے نیوکلیئر پاور پلانٹ چشمہ 5 کا سنگ بنیاد رکھ دیا اس موقع پر وفاقی وزرا انجینئر خرم دستگیر، احسن اقبال کے علاوہ چینی حکام بھی موجود تھے۔

وزیر اعظم شہباز شریف نے میانوالی میں تقریب سے خطاب کرتے ہوئے کہا ہے کہ چشمہ 5 نیوکلیئر پاور پلانٹ منصوبہ ایک اور سنگ میل ہے ،وزیر اعظم شہباز شریف کا کہنا تھا کہ منصوبے سے پاکستان چین معاشی تعلقات کو فروغ ملے گا ،چشمہ 5 نیو کلیئر پاور پلانٹ منصوبہ چین کا پاکستان پر اعتماد کی علامت ہے ،چین کی طرف سے سرمایہ کاری مثبت اقدام ہے ،ایک منفی پروپیگنڈا پھیلایا جا رہا تھا کہ پاکستان ڈیفالٹ کر جائے گا ،چشمہ 5 نیوکلیئر منصوبہ سنگ میل ہے،چشمہ5 نیوکلیئر منصوبہ دونوں ممالک کے باہمی تعاون کاعکاس ہے، دونوں ممالک کے درمیان دیرینہ دوستانہ تعلقات ہیں، جوہری توانائی کی عالمی ایجنسی نے بھی منصوبے کومحفوظ قرار دیا ہے،افواہیں پھیلائی جارہی تھیں کہ پاکستان ڈیفالٹ کرجائے گا ایسے منصوبوں کا افتتاح افواہیں پھیلانے والوں کومؤثر جواب ہے،آئی ایم ایف پروگرام کی منظوری سے معیشت بہتری کی جانب گامزن ہے، چین، سعودی عرب ،یواے ای کی معاونت کے مشکور ہیں،

ووکیشنل سکل ٹریننگ آج کے زمانے میں ترقی و خوشحالی کی کُنجی ہے،وزیرِ اعظم
وزیرِ اعظم شہباز شریف نے اسلام آباد میں نیشنل یونیورسٹی آف ٹیکنالوجی کے مرکزی کیمپس کا سنگ بنیاد رکھنے کی تقریب میں شرکت کی ،اس موقع پر خطاب کرتے ہوئے وزیرِ اعظم شہباز شریف کا کہنا تھا کہ ووکیشنل سکل ٹریننگ آج کے زمانے میں ترقی و خوشحالی کی کُنجی ہے.تعلیم کسی بھی میدان میں ہو یقیناً وہ ایک ہُنر ہے اور زندگی کے کسی بھی شعبے میں اپنے پاؤں پہ کھڑا کرنے کیلیے اللہ تعالیٰ نے ہمیں ایک ہنر عطا کیا ہے جب میری پارٹی میرے قائد نے مجھے پہلی مرتبہ پنجاب کا وزیراعلیٰ منتخب کرایا تو میں نے فی الفور ووکیشنل ٹریننگ پہ توجہ دی اس وقت صورتحال یہ تھی کہ ہر ڈیپارٹمنٹ کا اپنا ووکیشنل پروگرام تھا ہم نے تمام اداروں کو ایک چھتری تلے اکٹھا کیا.

وزیرِ اعظم شہباز شریف کا کہنا تھا کہ 2008 میں ہم نے پنجاب ایجوکیشن انڈوومنٹ فنڈ بنایا اور اس کے لیے ہم نے بجٹ سے سالانہ 2 ارب روہے مختص کیے تاکہ اس سے غریب بچے اور بچیاں جو بہت قابل اور لائق ہیں اپنی تعلیم جاری رکھ سکیں.ان 10سالوں میں 4لاکھ 50 ہزار بچوں کو ہم نے میرٹ پہ وظائف دیئے.

کبری خان اور میں شادی نہیں کررہے گوہر رشید
فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
ڈالر کے مقابلہ میں روپے کی قدر میں مزید بہتری
شہر یار آفریدی کی ہمشیرہ انتقال کر گئیں

وزیر اعظم شہبازشریف نے اپنے ایک ٹوئیٹ میں لکھا کہ اللہ کا شکر ہے جس نے قائد محمد نوازشریف سمیت ہمیں بطور جماعت سیاسی انتقام میں اندھے سیاسی مخالف ٹولے کے ہر جھوٹ، بے بنیاد مقدمات اور عوام کی خدمت کے ہر امتحان میں سرخرو فرمایا جبکہ سماجی رابطوں کی ویب سائٹ ٹوئٹر پر اپنے ٹویٹ میں چیئرمین پی ٹی آئی کے ٹویٹ کا جواب دیتے ہوئے وزیراعظم نے کہا کہ پاکستان ہی نہیں نیشنل کرائم ایجنسی اور برطانیہ کی عدالتوں کے فیصلوں میں جھوٹ کے سودا گروں کے ہر سوال کا شافی اور کافی جواب موجود ہے، تازہ ترین مثال احتساب عدالت لاہور کا پلاٹ الاٹمنٹ ریفرنس کا فیصلہ ہے جس میں واضح لکھا ہے کہ نوازشریف “سیاسی انتقام کا نشانہ بنے، کیس تھا نہیں بنایا گیا۔

اللہ کا شکر ہے جس نے قائد محمد نوازشریف سمیت ہمیں بطور جماعت سیاسی انتقام میں اندھے سیاسی مخالف ٹولے کے ہر جھوٹ، بے بنیاد مقدمات اور عوام کی خدمت کے ہر امتحان میں سرخرو فرمایا۔

پاکستان ہی نہیں نیشنل کرائم ایجنسی اور برطانیہ کی عدالتوں کے فیصلوں میں جھوٹ کے سوداگروں کے ہر سوال… https://t.co/A4InKeJxCA

— Shehbaz Sharif (@CMShehbaz) July 10, 2023

انہوں نے مزید کہا کہ اس جھوٹ کو ریفرنس کا نام دینے والے گنہگاروں کو اللہ اور عوام سے معافی مانگنی چاہیئے لیکن یہ بھی وہ کر سکتا ہے جس کے دل میں خوف خدا ہو، توبہ کی توفیق سے محروم“ عذر گناہ بدتراز گناہ کی عبرت ناک مثال بن جاتے ہیں جن کے دلوں پر خدا تالے لگا دیتا ہے، مریم نواز شریف سمیت ہماری بہو بیٹیوں کو ناحق جیلوں میں قید کیا گیا، چادر اور چار دیواری کی حرمت پامال ہوئی، 15 کلو ہیروئن کے جعلی مقدمے بنائے گئے، اللہ کی قسمیں کھا کر سیاہ جھوٹ بولے گئے، طیبہ گل کے اغوا کاروں کی ٹویٹ بھی ان کے جھوٹے مقدمات اور قسموں کی طرح ہے۔

وزیر اعظم نے کہا کہ کرپشن، لوٹ مار اور قوم کے خلاف جرائم میں عدالتوں کا سامنا کرنے کی جرات نہ رکھنے والے نے طویل منصوبہ بندی اور مسلسل ذہن سازی سے 9 مئی کا یوم سیاہ کرایا، یہ پاکستان میں خانہ جنگی اور اداروں کو عوام سے ٹکرانے کی مذموم سازش تھی جو اللہ تعالیٰ کے فضل اور عوامی شعور کی وجہ سے ناکام ہوگئی۔ شہباز شریف کا کہنا تھا کہ 9 مئی کا فائدہ صرف پاکستان دشمنوں کو ہوا، لاتعداد ویڈیوز، بیانات اور ناقابل تردید شواہد کی موجودگی پراپیگنڈے اور جھوٹ پر مبنی ہر ٹویٹ پر کہیں بھاری ہے، پیٹرول بم، شہداء کی یادگاریں، جلی ہوئی عمارتیں، مساجد، اسکول، ایمبولنسز اور ریڈیو پاکستان کی خاکستر عمارت ہر جھوٹے کو جھوٹا ثابت کرنے کے لیے کافی ہیں جس کی گرفتاری کو اسلام آباد ہائیکورٹ کے فیصلے میں درست قرار دیا گیا۔
مزید یہ بھی پڑھیں؛
ایکسپریس ٹرینوں کی وقت کی پابندی 59فیصد سے کم
عالمی ریٹنگ ایجنسی کی رپورٹ میں پی ٹی آئی احتجاج کا بھی ذکر
سونا ایک بار پھر مہنگا ہونے لگا
سوات مینگورہ لینڈ سلائیڈنگ ،چار بچوں کی دب جانے کی اطلاع
ڈالر 250 روپے کی سطح پر آنے کی پیش گوئی
اپنے ٹویٹ میں وزیراعظم شہباز شریف نے مزید کہا کہ جھوٹے مقدمات کے باوجود ہم عدالت گئے، آپ بھی جرات کریں، اگر ہاتھ صاف ہوتے تو منی لانڈرنگ کے حقائق پر مبنی فنانشل ٹائمز کی تحقیقاتی خبر کو برطانیہ کی عدالت میں چیلنج کرتے جیسے میں نے ڈیلی میل کے جھوٹ کو بے نقاب کیا تھا لیکن اس کے لیے سچائی، ثبوت اور دلیری درکار ہے۔