ترجمان دفتر خارجہ نے وزیر خارجہ شاہ محمود قریشی کے دورہ کابل کی افواہوں کی تردید کردی-
باغی ٹی وی : تفصیلات کے مطابق ترجمان دفتر خارجہ نے کہا کہ وزیر خارجہ کے دورہ کابل کا ابھی کوئی پلان نہیں ہے دورے سے متعلق قیاس آرائیاں بے بنیاد ہیں ۔
واضح رہے کہ وزیر خارجہ 25اگست کو 4 ملکی دورے پر روانہ ہوں گےشاہ محمود قریشی تاجکستان، ازبکستان، ترکمانستان اور ایران کا اہم دورہ کریں گے۔
اسلام آباد ایئرپورٹ کی تعمیر،ایک اور بےضابطگی سامنے آ گئی ، قومی خزانے کوکروڑوں کا نقصان
وزیر خارجہ شاہ محمود قریشی دوروں میں چاروں ممالک کی اعلی ٰقیادت اور وزرائے خارجہ سے ملاقاتیں کریں گے اورافغانستان کی تازہ ترین صورتحال، پرامن سیاسی تصفیے، دیرپا امن و استحکام پر گفتگو کریں گے۔
وزیر خارجہ تمام ممالک پر افغانستان میں دیرپا امن کے لیے مشترکہ کوششوں پر زور دیں گے جبکہ چار ملکی دورہ مکمل کر کے 27 اگست کو وطن واپس پہنچیں گے۔