Tag: وزیر خزانہ

مسلم لیگ (ن) کے رہنما اسحاق ڈار نے کہا ہے کہ وہ وزیر خزانہ ہوتے تو روپے کی قدر نہ گراتے، اتنی مہنگائی نہ کرتے اور روپے کو مینیج کرتے۔

نجی ٹی وی چینل کے پروگرام آپس کی بات میں گفتگو کرتے ہوئے سابق وزیر خزانہ کا کہنا تھا کہ اگر ملک میں ایڈونچر نہ ہوتے تو آئی ایم ایف کی ضرورت نہیں پڑتی۔ بھارت کے ساتھ تجارت کے سوال پر اسحاق ڈار نے کہا کہ یہ اہم مسئلہ ہے، اس بارے میں کوئی بھی فیصلہ پاکستان ڈیموکریٹک موومنٹ (پی ڈی ایم) اجلاس میں کیا جائے۔

دوسری طرف وفاقی وزیر خزانہ مفتاح اسماعیل نے کہا ہے کہ بھارت کے ساتھ تجارت کے حوالے سے بات زیر غور ہے، اس وقت ٹماٹر، پیاز لینے چاہئیں، وزیراعظم سے بھی بھارت سے تجارت کھولنے کے حوالے سے بات کروں گا، اس حوالے سے فیصلے میں دوسے چاردن لگیں گے۔

وفاقی وزیر خزانہ نے کہا کہ عالمی مالیاتی ادارے (آئی ایم ایف) جانے سے کم ازکم دیوالیہ نہیں ہوئے، سیلاب کی وجہ سے اشیا کی قیمتیں بڑھی ہیں،عمران خان کی حکومت نے تاریخی قرض لیے،عمران خان نے اپنے دوستوں کوایمنسٹی دی۔ہم نے عام آدمی کوڈیفالٹ سے بچایا ہے،اب ہم مہنگائی کوکم کریں گے، جومشکل فیصلے تھے وہ شہبازشریف نے کرلیے ہیں۔

ان کا کہنا تھا کہ اگرتحریک انصاف نے روس سے کوئی تیل لینے کا معاہدہ کیا توہمیں دکھا دیں، اس حوالے سے من گھڑت باتیں کی جارہی ہیں۔ شوکت ترین کی ٹیپ سامنے آنے پر ان کے جھوٹ سامنے آگئے ہیں، ان لوگوں نے ملک کو تماشا بنا دیا تھا، حیرت ہوئی ٹیپ سامنے آنے کے بعد بھی تیمورجھگڑا،اسد عمر پریس کانفرنس کر رہے ہیں

مفتاح اسماعیل صاحب عام پاکستانیوں سے بد دعائیں مت لیجئے

باغی ٹی وی کی رپورٹ کے مطابق اتحادی حکومت کی جانب سے گزشتہ شب پٹرول کی قیمت میں اضافہ کیا گیا تو وزیراعظم شہباز شریف کی بھتیجی مریم نواز بھی بول پڑیں اور کہا کہ وہ اس فیصلے کے خلاف ہیں عوام کے ساتھ ہیں، پٹرول کی قیمتوں میں اضافے پر عوامی حلقوں کی جانب سے احتجاج کیا گیا ہے کہا گیا ہے کہ اب ڈالر سستا ہو رہا ہے، عالمی منڈی میں تیل کی قیمتیں کم ہو رہی ہیں لیکن پاکستان میں بڑھا دی گئیں،سیاستدانوں کے ساتھ ساتھ صحافیوں نے بھی حکومت کے اس فیصلے پر کڑی تنقید کی ہے

ن لیگی رہنما مریم نواز کا کہنا تھا کہ میاں صاحب نے اس فیصلے کی سخت مخالفت کی اور یہاں تک کہ دیا کہ میں مزید ایک پیسے کا بوجھ عوام پر نہیں ڈال سکتا اور اگر حکومت کی کوئی مجبوری ہے تو میں اس فیصلے میں شامل نہیں ہوں اور میٹنگ چھوڑ کر چلے گئے۔

میاں صاحب نے اس فیصلے کی سخت مخالفت کی اور یہاں تک کہ دیا کہ میں مزید ایک پیسے کا بوجھ عوام پر نہیں ڈال سکتا اور اگر حکومت کی کوئی مجبوری ہے تو میں اس فیصلے میں شامل نہیں ہوں اور میٹنگ چھوڑ کر چلے گئے۔ https://t.co/McG019GW6Z

— Maryam Nawaz Sharif (@MaryamNSharif) August 15, 2022

جماعت اسلامی کے امیر سراج الحق کا کہنا تھا کہ عالمی منڈی میں تیل کی قیمتیں کم پاکستان میں بڑھ رہی ہیں۔ صرف 2 فیصد اشرافیہ کی عیاشیوں کےلیے پٹرول،بجلی سمیت ہر چیز کی قیمت میں اضافہ کرکے غریب عوام کی جیبیں خالی کی جارہی ہیں۔ پٹرول قیمت میں اضافہ مسترد کرتےہیں۔ عوام کےصبر کا مزید امتحان نہ لیں، قیمتیں اپریل کی سطح پر واپس لائیں

لال ملہی کہتے ہیں کہ کراچی سے ہارنے والے وزیر خزانہ مفتے نے پٹرول کی قیمتیں بڑھانے کی سمری پیش کی، ضمانت پر رہا وزیر اعظم نے منظوری دی۔ سزا یافتہ مریم نواز نے اعتراض کیا۔ جیل سے فرار نواز شریف نے اجلاس کا بائیکاٹ کیا۔ سونے پے سہاگا فیک اکائونٹ کے موجد زرداری نے تشویش کا اظہار کیا۔

کراچی سے ہارنےوالے وزیر خزانہ مفتے نے پٹرول کی قیمتیں بڑھانے کی سمری پیش کی، ضمانت پر رہا وزیر اعظم نے منظوری دی۔ سزا یافتہ مریم نواز نے اعتراض کیا۔ جیل سے فرار نواز شریف نے اجلاس کا بائیکاٹ کیا۔ سونے پے سہاگا فیک اکائونٹ کے موجد زرداری نے تشویش کا اظہار کیا۔ #حقیقی_آزادی_جلسہ pic.twitter.com/AhaSkxN9Hv

— LAL MALHI (@LALMALHI) August 16, 2022

طاہر خان کہتے ہیں کہ میرا خیال ہےکہ وزیر خزانہ پٹرول کی قیمتوں میں اضافے سے متعلق تکنیکی باتوں سے عوام مطمئن نہیں کر سکیں گے۔مفتاح اسماعیل صاحب کا یہ دعوی کی پارٹی قیادت فیصلوں میں شامل ہے لیکن مریم نواز تو کہتی ہے کہ وہ حمایت نہیں کرتی اور میاں صاحب نے بھی مخالفت کی تھی۔وزیر کس قیادت کی بات کرتے ہیں؟

میرا خیال ہےکہ وزیر خزانہ پٹرول کی قیمتوںمیں اضافے سے متعلق تکنیکی باتوں سے عوام مطمئن نہیں کر سکیں گے۔مفتاح اسماعیل صاحب کا یہ دعوی کی پارٹی قیادت فیصلوں میں شامل ہے لیکن مریم نواز تو کہتی ہے کہ وہ حمایت نہیں کرتی اور میاں صاحب نے بھی مخالفت کی تھی۔وزیر کس قیادت کی بات کرتے ہیں؟

— Tahir Khan (@taahir_khan) August 16, 2022

حامد میر لکھتے ہیں کہ اس سے زیادہ ظلم کیا ہو گا کہ عالمی منڈی میں تیل سستا ہو رہا ہے اور شہباز شریف حکومت نے ایک دفعہ پھر تیل مہنگا کر دیا ہے تیل کی قیمت میں یہ اضافہ عام پاکستانیوں کے لئے ناقابل قبول ہے مفتاح اسماعیل صاحب عام پاکستانیوں سے بد دعائیں مت لیجئے

اس سے زیادہ ظلم کیا ہو گا کہ عالمی منڈی میں تیل سستا ہو رہا ہے اور شہباز شریف حکومت نے ایک دفعہ پھر تیل مہنگا کر دیا ہے تیل کی قیمت میں یہ اضافہ عام پاکستانیوں کے لئے ناقابل قبول ہے مفتاح اسماعیل صاحب عام پاکستانیوں سے بد دعائیں مت لیجئے

— Hamid Mir حامد میر (@HamidMirPAK) August 15, 2022

سینیٹر ذیشان خانزادہ نے کہا کہ امپورٹڈ حکومت سےعوام پوچھتے ہیں کہ جب معشیت اپنے پاؤں پرکھڑی ہو چکی۔ ڈالرسستا ہوچکا اور عالمی منڈی میں پٹرول سال کی کم ترین قیمت پر آچکا تواسکی وجہ سے پٹرول کی قیمت میں 50روپے کمی ہونی تھی پھر سات روپے مہنگا کیسے کر دیا!نالائقو،لگتا ہے آپ کو عوام کے ہاتھوں ذلیل ہونے میں مزا آتا ہے

امپورٹڈ حکومت سےعوام پوچھتے ہیں کہ جب معشیت اپنے پاؤں پرکھڑی ہوچکی۔ڈالرسستا ہوچکا اور عالمی منڈی میں پٹرول سال کی کم ترین قیمت پر آچکا تواسکی وجہ سے پٹرول کی قیمت میں 50روپے کمی ہونی تھی پھر سات روپے مہنگا کیسے کر دیا!
نالائقو،لگتا ہے آپ کو عوام کے ہاتھوں ذلیل ہونے میں مزا آتا ہے

— Senator Zeeshan Khanzada (@SenKhanzada) August 16, 2022

مجلس وحدت مسلمین شعبہ خواتین کی سابق مرکزی سیکرٹری جنرل و رکن پنجاب اسمبلی سیدہ زہرا نقوی نے کہا ہے کہ حکومت نے پٹرول کی قیمتوں میں اضافہ کر کے عوام کے مسائل میں مزید اضافہ کیا ہے ڈالر کی قیمتوں میں کمی اور عالمی سطح پر پٹرولیم مصنوعات کی قیمتوں میں کمی پر عوام کی توقع تھی کہ حکومت انہیں ریلیف دے گی لیکن حکومت نے عوام کو ریلیف نہ دے کر اپنا اصل چہرہ عوام پر عیاں کر دیا ہے مہنگائی کا شور مچا کر حکومت میں آنے والی اتحادی جماعتوں کو عوام کے مسائل سے کوئی سروکار نہیں حکومت نے عوام کو مزید مشکلات کا شکار کر دیا ہے موجودہ حکومت نے عوام کو مہنگائی کے ہاتھوں خوار کر دیا ہے اتحادی جماعتیں خاص ایجنڈے پر حکومت میں آئی ہیں ان کو عوام کے مسائل سے کوئی سروکار نہیں یہ ہی وجہ ہے کہ ملک میں پٹرولیم مصنوعات کی قیمتوں میں ہوشربا اضافہ اور مہنگائی کا جن عوام کو نگل رہا ہے لیکن حکمرانوں کے کانوں پر جوں تک نہیں رینگ رہی

ناکے پر کیوں نہیں رکے؟ پولیس اہلکار نے شہری پر گولیاں چلا دیں

بارہ سالہ بچی کی نازیبا ویڈیو بنانے والا ملزم گرفتار

بزدار کا لاہور، ایک برس میں خواتین کے اغوا کے 680 مقدمے، 432 قتل

نیو ایئر نائٹ، پولیس ان ایکشن،سال کے پہلے روز ہی 260 مقدمے درج

تحریک انصاف کی مرکزی رہنما و چیئر پرسن قائمہ کمیٹی داخلہ مسرت جمشید چیمہ نے کہا ہے کہ حکومت عالمی منڈی میں قیمتیں کم ہونے کے باوجود اضافہ کر کے دراصل پی ٹی آئی سے وابستگی دکھانے پر عوام سے انتقام لے رہی ہے ،جب پی ٹی آئی کی حکومت تھی اور عالمی منڈی میں قیمتیں تاریخ کی بلند سطح پر تھیں تو پی ڈی ایم والے ایسے دعوے کرتے تھے جیسے پیٹرولیم مصنوعات گوالمنڈی سے نکلتی ہیں، آج قیمتیں کئی گنا نیچے آ چکی ہیں لیکن عوام کی ہڈیوں کو بھی نچوڑا جارہا ہے ۔ اپنے بیان میں مسرت جمشید چیمہ نے کہا کہ مریم صفدر کا یہ بیان انتہائی مضحکہ خیز اورعوام کی آنکھوں میں دھول جھونکنے کی کوشش ہے کہ نواز شریف اور شہباز شریف مہنگائی کے فیصلوں سے خوش نہیں ۔ پانامہ رانی سے سوال ہے کہ پھر مہنگائی کر کون رہا ہے ۔ نواز شریف جتنے بڑے انقلابی لیڈر ہیں قوم انہیں اچھی طرح جانتی ہے ،ماضی میں بھی ان کی جماعت نے ان کا استقبال کیا تھا جب ان کے چھوٹے بھائی اور مرکزی قیادت نواز شریف کا استقبال کرنے کیلئے پہنچنے کی بجائے کہیں راستہ بھٹک گئی تھی ۔ انہوںنے کہا کہ نواز شریف مفروری کاٹ کر واپس آرہے اور مفروروں اور اشتہاریوں کا اصل ٹھکانہ سلاخوں کے پیچھے ہوتا ہے

وزیر خزانہ کی تبدیلی بارے سوال پر ملک کے نامور صحافی سلیم صافی نے ایک ٹی وی ٹاک شو میں تجزیہ کرتے ہوئے کہا کہ وزیر خزانہ مفتاح اسماعیل کو ہی رہنا چاہئے کیونکہ ملکی معیشت کا معاملہ صرف وزارت معاش کے ہاتھ میں نہیں ہوتا بلکہ اس میں سفارت کاری سمیت اور بھی بہت ساری چیزیں منسلک ہوتی ہیں

ان کا کہنا تھا کہ: سفارت کاری سمیت متعدد کرداروں کی کارکردگی کے ساتھ ہی وزارت خزانہ کے کردار کو اچھا یا برا بنایا جاتا ہے کیونکہ یہ ان تمام کی کارکردگی کے ساتھ منسلک ہے۔ لہذا تمام وزارتوں کے کردار اور کارکردگی کو ملا کر ہی وزیر خزانہ کی کارکردگی کو بہتر بنایا جاسکتا ہے۔
سلیم صافی سمجھتے ہیں کہ: اس ملک میں حکمرانی اور وزیر بننے کا حق صرف اسے ہونا چاہیے جو اس ملک میں رہے اور مشکلات برداشت کرے۔

انہوں نے مثال دیتے ہوئے کہا کہ مفتاح اسماعیل جیل میں رہے اور سب کچھ برداشت کیا مگر پھر بھی اسی ملک میں رہے اسی طرح احسن اقبال، فواد حسن فواد، اور احمد چیمہ وغیرہ سب اسی ملک میں رہے اور سب کچھ برداشت کیا لیکن اسحاق ڈار کیونکہ لندن چلے گئے اور واپس نہ آئے کیا انہیں واپس  نہیں آنا چاہئے تھا۔ لہذا انہوں نے ایسا کیوں نہ کیا؟

انہوں نے دعوی کیا: مفتاح اسماعیل کا سارا کاروبار اور سب کچھ اس ملک میں ہے لیکن اسحاق ڈار کے بیٹے دوبئی میں کاروبار کرتے ہیں۔ اور پھر جو شخص خود اپنا کاروبار باہر کرتا ہے اور اولاد بھی ہے مثلا ایک وزیر اپنی اولاد اور اپنے کاروبار کو پاکستان نہیں لاسکتا تو وہ دوسروں کو اس ملک میں سرمایہ پر کیسے آمادہ کرسکتے ہیں۔

ن لیگ کے رہنما سینیٹر اسحاق ڈار کی پاکستان واپسی کا فیصلہ ہو گیا ہے

اسحاق ڈار جولائی کے دوسرے ہفتے میں پاکستان آ سکتے ہیں ،نجی ٹی وی جیو کے مطابق ذرائع کا کہنا ہے کہ پاکستان واپس آ کرن لیگی رہنما اسحاق ڈار پہلے بطورسینیٹر اپنا حلف لیں گے جس کے بعد وہ وفاقی وزیرخزانہ کا قلمدان سنبھالیں گے

اسحاق ڈار علاج کے لئے لندن گئے تھے تا ہم واپس نہیں آئے تھے، اب ان کی واپسی کا پروگرام بن رہا ہے، اسحاق ڈار کو مفتاح اسماعیل کی جگہ وزیر خزانہ بنایا جائے گا، اسحاق ڈار ن لیگ کے سینیٹر ہیں تا ہم انہوں نے ابھی تک حلف نہیں اٹھایا، اسحاق ڈار نے ویڈیو لنک کے ذریعے حلف اٹھانے کی چیئرمین سینیٹ سے استدعا کی تھی جسے مسترد کر گیا تھا،

موجودہ اتحادی حکومت آئی تو مفتاح اسماعیل کو وزیر خزانہ مقرر کیا گیا ہے ،رواں برس کا بجٹ بھی مفتاح اسماعیل نے پیش کیا ہے، آئی ایم ایف کے ساتھ مذاکرات بھی مفتاح اسماعیل کر رہے ہیں،مفتاح اسماعیل رکن پارلیمنٹ نہیں ہیں اس لیے وہ چھ ماہ تک وزارت کے عہدے پر نہیں رہ سکتے اسی لئے اسحاق ڈار واپس آ کر وزیر خزانہ بنیں گے،

یاد رہے کہ سابق وزیر خزانہ اسحاق ڈار پر آمدن سے زائد اثاثے بنانےکا کیس ہے اور وہ نومبر 2017 میں علاج کی غرض سے لندن گئے تھے اور اس کے بعد سے وطن واپس نہیں آئے۔

ڈبل شاہ کیس، نیب کی جانب سے متاثرین میں کتنے کروڑ کے چیک تقسیم ہوئے؟

نیب ایگزیکٹو بورڈ کا اجلاس ،23 ماہ میں کتنے مقدمات دائر ہوئے؟ چیئرمین نیب نے بتا دیا

خورشید شاہ نے اپنا گھر کس کے پلاٹ پر بنایا؟ نیب کا عدالت میں حیران کن انکشاف

قبل ازیں ن لیگ کی حکومت آئی تو حکومت پاکستان نے سابق وزیر خزانہ اسحاق ڈار کو پاسپورٹ جاری کردیا گیا تھا،اسوقت اسحاق ڈار کا کہنا تھا کہ سیاسی انتقام کیلئے مجھ پر بےبنیاد مقدمات قائم کیے گئے تھے، حلفا کہتا ہوں کہ کبھی ٹیکس چھپایا اور نہ ریٹرن تاخیر سے فائل کی،

سابق وزیر خزانہ اسحاق ڈار نے پاسپورٹ کیلئے لندن سفارتخانے میں اپنے دستاویزت جمع کروائی تھیں اس سے قبل پاکستان مسلم لیگ ن کے قائد اور سابق وزیراعظم نوازشریف کو پاسپورٹ جاری کیا گیا، نواز شریف کو جاری کئے گئے پاسپورٹ کی مدت 10سال ہے، نواز شریف کو ڈپلومیٹک پاسپورٹ جاری نہیں کیا گیا، نواز شریف کو عام پاسپورٹ جاری کیا گیا

اسلام آباد میں پریس کانفرنس کرتے ہوئے وزیرخزانہ مفتاح اسماعیل نے دعوی کیا کہ موجودہ حکومت نے بجٹ میں کوئی ٹیکس نہیں بڑھایا ہے اور ناہی غریب افراد پر ٹیکس کا بوجھ ڈالا ہے جبکہ کاروباری طبقہ جیسے شوگر ملز وغیرہ پر ٹیکس بڑھایا ہے. جس سے امیروں پر ٹیکس لگارہے ہیں.

وزیر خزانہ کا مزید کہنا تھا کہ : میں نے پہلے دن سے کہا تھاکہ پیٹرول کی قیمت بڑھانا ضروری ہے، اور ایسے فیصلے کرنا وزیراعظم پاکستان شہباز شریف کے لیے بہت مشکل تھے، لیکن ہم ایک ایک چیز کی قیمت کے ذمے دار ہیں چاہے ہماری غلطی ہو یا نہ ہو لہذا اب ہماری ذمہ داری ہےکہ ملک کو ڈیفالٹ سے بچائیں، اور ہم نے اللہ کے کرم سےپاکستان کو دیوالیہ ہونے سے بچایا۔

وزیر خزانہ مفتاح اسماعیل نے عمران حکومت کو زمہ دار ٹہراتے ہوئے کہا: پاکستان کو دیوالیہ ہونے کی نہج پر چھوڑ نے میں پچھلی حکومت کا کردار ہے۔

مفتاح کے مطابق: دو سوار ب کا خسارہ ملا لیکن ہم نے پیٹرول اور ڈیزل کی قیمت بڑھاکر پاکستان کو دیوالیہ ہونے سے بچالیا۔
وزیرخزانہ نے سابق وزیراعظم عمران خان سے پوچھا کہ : وہ پاکستان کو سری لنکا کیوں بنانے جارہے تھے؟

انہوں نے کہا: ہم ساری ساری رات بیٹھ کر آئی ایم ایف سے بات کرتے ہیں اسی وجہ سے پاکستان کو دیوالیہ ہونے سے بچایا ہے۔

ان کا مزید کہنا تھا کہ: اگر عالمی منڈی میں تیل کی قیمت میں کمی آئی تو ہم بھی ضرور پٹرولیم کی قیمتوں میں کمی کریں گے.

وفاقی وزیر خزانہ و محصولات مفتاح اسماعیل نے متعلقہ حکام کو ہدایت کی ہے کہ وہ ملائیشیا اور انڈونیشیا سے خوردنی تیل کی درآمد کے عمل کو تیز کریں تاکہ صارفین کےلئے اس کی آسان فراہمی کو یقینی بنایا جا سکے اور اس کی قیمتوں میں استحکام رکھا جا سکے۔

وزارت خزانہ کی طرف سے جاری بیان کے مطابق وفاقی وزیر نے خوردنی تیل کی دستیابی سے متعلق کمیٹی کے اجلاس کی صدارت کی۔وفاقی وزیر برائے صنعت و پیداوار سید مرتضیٰ محمود، وفاقی وزیر تعلیم رانا تنویر حسین،وزارت صنعت وپیداوار اور تجارت کے سیکرٹریز، وناسپتی مینوفیکچررز ایسوسی ایشن کے نمائندوں اور سینئر افسران نے اجلاس میں شرکت کی۔

اس موقع پر سیکرٹری صنعت نے کمیٹی کو ملک میں خوردنی تیل کے سٹاک کی صورتحال اور انڈونیشیا اور ملائیشیا سے خوردنی تیل کی درآمد کی صورتحال سے آگاہ کیا،انہوں نے بتایا کہ ملک میں خوردنی تیل کا وافر ذخیرہ موجود ہے اور اس ماہ کے دوران ملائیشیا اور انڈونیشیا سے خوردنی تیل کے ٹینکرز پہنچنے سے اسٹاک کی پوزیشن بہتر ہوگی اوراس سے قیمت کو مستحکم کرنے میں مدد ملے گی۔

بریفنگ میں مزید بتایا گیا کہ اس سلسلے میں وفاقی وزیر صنعت و پیداوار انڈونیشیا کے حکام سے اہم بات چیت کے لیے انڈونیشیا روانہ ہو رہے ہیں۔ دریں اثناء رانا تنویر حسین نے وناسپتی مینوفیکچررز ایسوسی ایشن کے نمائندوں سے کہا کہ وہ اپنی قیمتوں پر نظر ثانی کریں اور عام آدمی کے لئے قیمتوں کو کم کرنے میں اپنا کردار ادا کریں۔

قبل ازیں وزیر خزانہ مفتاح اسماعیل کا پوسٹ بجٹ پریس کانفرنس کرتے ہوئے کہنا تھا کہ ماضی میں اتنا معاشی مشکل نہیں دیکھا جتنا آج دیکھ رہا ہوں،1100 ارب روپے بجلی کی مد سبسڈی دی گئی ،500ارب روپے کا سرکلر ڈیٹ دیا ،16روپے فی یونٹ حکومت دے رہی ہے،یہ بھی عوام کے ہی پیسے ہیں،رواں مالی سال شعبہ گیس میں 400 ارب روپے سبسڈی دی گئی، 30 ،35 روپے بجلی کا یونٹ بنا رہے ہیں،ا گر باقی ممالک میں سستی گیس مل رہی ہے تو ہم مہنگی نہیں دے سکتے ،ملک میں 200 ملین ڈالر کی گیس کا پتہ ہی نہیں کہاں گئی ترسیلی نقصانات بہت زیادہ ہیں ان پرکام نہیں ہو رہا ہے ،ملکی انتظامی امور ٹھیک کرنا ضروری ہے ورنہ یہ ملک چلانا مشکل ہے 2 اعشاریہ 4 بلین کی گیس ہم ہوا میں اڑا دیتے ہیں،پاکستان باوقار اور نیوکلیئر پاور ملک ہے، ہمیں معیشت سنبھالنا ہوگی،فروری میں آئل اور پیٹرول پر سبسڈی معاہدے کی خلاف ورزی کی گئی اگر مزید مشکل فیصلے لینے ہوئے تو لیں گے، اس وقت چوائس نہیں

وزیرخزانہ مفتاح اسماعیل کا مزید کہنا تھا کہ عمران خان کے دور میں تاریخی معاشی خسارہ ہوا،عمران خان نے پورے ملک کے ساتھ ٹوپی گھمائی ہے،اگر سری لنکا جیسی حالت ہوئی تو لوگ معاف نہیں کریں گے ،ہمیں بجٹ میں 459 ارب روپے خسارے کا سامنا ہے،ہم 90 میں بنگلہ دیش سے آگے تھے، کیا وجہ ہے کہ ہم اس نہج پر آگئے ہیں عوام کا ساتھ چاہتا ہوں، پیٹرول مہنگا کر کے گھر پیسے نہیں لے جا رہے،اخراجات صرف 3 فیصد بڑھ رہے ہیں،گیس اورپاور سیکٹر کی سبسڈی ختم کی ہے،ہماری معیشت اتنا بوجھ نہیں اٹھا سکتی