Tag: وفاقی وزیرِ اطلاعات عطاء اللّٰہ تارڑ

پاکستان نے بھارتی جارحیت کا ایک اور مؤثر جواب دیتے ہوئے بہاولنگر کے قریب بھارتی ساختہ ہیروپ ڈرون کو کامیابی سے مار گرایا ہے۔

باغی ٹی وی کے مطابق یہ دعویٰ وفاقی وزیر اطلاعات عطاء اللہ تارڑ نے سوشل میڈیا پلیٹ فارم ’ایکس‘ پر جاری ایک بیان میں کیا۔عطاء تارڑ نے بتایا کہ پاکستان کے ایئر ڈیفنس سسٹم نے انتہائی مستعدی کا مظاہرہ کرتے ہوئے دشمن کا ڈرون بہاولنگر کے فضائی حدود میں نشانہ بنایا، جس کے بعد ڈرون کو مکمل طور پر تباہ کر دیا گیا۔

وفاقی وزیر اطلاعات نے کہا کہ پاکستانی فضائی حدود کی خلاف ورزی کسی صورت برداشت نہیں کی جائے گی، اور ہماری افواج کسی بھی قسم کی دراندازی پر فوری اور مؤثر ردعمل دینے کی بھرپور صلاحیت رکھتی ہیں۔انہوں نے مزید کہا کہ یہ واقعہ ایک بار پھر ثابت کرتا ہے کہ پاکستان کا ایئر ڈیفنس سسٹم چوکنا، فعال اور مکمل طور پر تیار ہے۔ دشمن کو ہر محاذ پر ناکامی کا سامنا کرنا پڑے گا۔

بھارتی ہیروپ ڈرون کیا ہے؟

ہیروپ ڈرون ایک خودکش ڈرون تصور کیا جاتا ہے، جسے عام طور پر ٹارگٹ پر جا کر تباہ کیا جاتا ہے۔ یہ اسرائیلی ساختہ ٹیکنالوجی پر مبنی ہے اور بھارتی افواج اسے مخصوص اہداف کو نشانہ بنانے کے لیے استعمال کرتی ہیں۔ تاہم پاکستانی دفاعی ماہرین کی جانب سے بروقت ایکشن لے کر اس خطرے کو ناکام بنایا جا چکا ہے۔

پہلگام واقعے کا بھانڈا پھوڑنے والی بھارتی گلوکارہ کے خلاف مقدمہ خارج

پاک بھارت کشیدگی کے بعد اسلام آباد میں ہنگامی انتظامات

بھارت کا بزدلانہ حملہ، فرانسیسی اخبار نے بھارتی فضائیہ کی نااہلی کا پول کھول دیا

بھارتی جارحیت کا بھرپور جواب دیں گے، رافیل گرائے، 29 ڈرون تباہ کیے، عطاء تارڑ

نوازشریف کوشش کرتے ہیں کہ چیزیں ساری صلح صفائی کے ساتھ ہوں،خواجہ آصف

ترجمان پاک افواج لیفٹیننٹ جنرل احمد شریف چوہدری نے کہا ہے کہ پاکستان ایک پُر امن ملک ہے اور خطے میں امن چاہتا ہے لیکن اگر پاکستان پر جارحیت مسلط کی جاتی ہے تو افواج پاکستان دشمن کو منہ توڑ جواب دینے کیلئے تیار ہیں۔

باغی ٹی وی کے مطابق کے مطابق پاکستان ٹیلی ویژن کے ہیڈکوارٹر اسلام آباد میں ڈی جی آئی ایس پی آر لیفٹیننٹ جنرل احمد شریف چوہدری نے وفاقی وزیر اطلاعات عطا تارڑ کے ہمراہ سیاسی جماعتوں کے نمائندوں کو پاک بھارت کشیدگی کی صورتحال پر بریفنگ دیتے ہوئے پاک فوج کی تیاریوں سے آگاہ کیا۔ڈی جی آئی ایس پی آر نے کہا کہ پاکستان ایک پُر امن ملک ہے اور خطے میں امن چاہتا ہے لیکن اگر پاکستان پر جارحیت مسلط کی جاتی ہے تو افواج پاکستان دشمن کو منہ توڑ جواب دینے کیلئے تیار ہیں۔ان کیمرہ سیشن میں وفاقی وزیر اطلاعات و نشریات عطا تارڑ نے سیاسی قائدین کو حکومتی سفارتی اقدامات اور ریاستی موقف سے بھی آگاہ کیا۔

اجلاس میں شریک سیاسی رہنما

اجلاس میں پاکستان پیپلز پارٹی (پی پی پی) کے علی حیدر گیلانی، سابق وزیراعظم آزاد کشمیر سردار عتیق۔ جمعیت علماء اسلام کے نور عالم خان، وزیر مملکت برائے داخلہ طلال چوہدری، وزیر مملکت کھیل داس، وزیر مملکت بیرسٹر عقیل ملک، محسن شاہنواز رانجھا بھی شامل تھے۔دیگر رہنماؤں میں وفاقی وزیر صحت مصطفیٰ کمال، وفاقی وزیر امیر مقام، وزیرمملکت بلال اظہر کیانی، پاکستان پیپلز پارٹی کے قمر زمان کائرہ اور خیبرپختونخوا کے سابق وزیراعلیٰ محمود خان، سندھ کے وزرا ناصرشاہ، شرجیل میمن اور سعید غنی، پاکستان پیپلزپارٹی پارلیمنٹیرینز کی سیکریٹری اطلاعات شازیہ مری اور وزیر اعظم کے معاون خصوصی شہباز بدر بھی موجود تھے۔

باغی ٹی وی کے مطابق بیک گراونڈ بریفنگ میں حکومتی اتحاد کے رہنماؤں کی بڑی تعداد شریک ہے جبکہ پاکستان تحریک انصاف نے حکومت کی بیک گراونڈ بریفنگ کا بائیکاٹ کیا ہے۔ وفاقی وزیر اطلاعات و نشریات عطاء اللہ تارڑ اور ڈی جی آئی ایس پی آر جنرل احمد شریف نے سیاسی جماعتوں کے سرکردہ راہنماؤں کو موجودہ قومی سلامتی کی صورتحال پر اہم بیک گراؤنڈ بریفنگ کا اہتمام کیا ہے۔سیاسی رہنماؤں کو بیک گراونڈ بریفنگ پی ٹی وی ہیڈ کوارٹرز میں ان کیمرا دی جارہی ہے۔
دفاع، عزم اور طاقت کا نشان، پاکستان

پہلگام حملے میں افغانستان میں چھوڑا امریکی اسلحہ استعمال ہونے کا دعویٰ