وفاقی وزیر برائے سائنس و ٹیکنالوجی فواد چوہدری کی اہلیہ حبا فواد نے اپنا فیشن برانڈ ‘نساء حسین’ متعارف کرادیا-
باغی ٹی وی : وفاقی وزیر فواد چوہدری کی اہلیہ حبا فواد نے اپنا برانڈ حال ہی میں منعقد ہونے والے تین روزہ برائیڈل کوٹیور ویک 2021 میں لانچ کیا ہے جس میں انہوں نے عروسی ملبوسات کی نمائش کی۔
فواد چوہدری کی اہلیہ کے برانڈ ‘نساء حسین’ کی شو زٹاپر اداکارہ حریم فاروقی اور ریشم تھیں جنہوں نے ان کی کلیکشن کا خوبصورت عروسی جوڑا پہن رکھا تھا۔
اس ضمن میں حبا فواد کا کہنا ہے کہ پاکستان کی فیشن انڈسٹری نے پوری دنیا میں ایک قابل ذکر مقام حاصل کیا ہے اور دنیا بھر میں ہمارے عروسی جوڑوں کو بہترین لباس میں شمار کیا جاتا ہے۔
دوسری جانب جب وفاقی وزیر فواد چوہدری سے پوچھا گیا کہ وہ کب اپنی مینز ویئر لائن لانچ کریں گے تو انہوں نے کہا کہ ان کا شعبہ سیاست ہے لہٰذا ہمیں جلد کسی سے توقع نہیں کرنی چاہیے۔