Baaghi TV

Tag: ووٹ

  • ووٹ کے اندراج میں توسیع،الیکشن کمیشن کا اعلامیہ

    ووٹ کے اندراج میں توسیع،الیکشن کمیشن کا اعلامیہ

    الیکشن کمیشن آف پاکستان نے ووٹ کے اندراج میں توسیع کردی

    کوائف کی درستگی، اخراج اور منتقلی ووٹ کی تاریخ میں بھی توسیع کردی ،الیکشن کمیشن کی جانب سے جاری اعلامیہ میں کہا گیا ہے کہ اندراج ووٹ، اخراج ودرستگی ووٹ اب 20 جولائی 2023 تک کرسکتے ہیں، اپنے ووٹ سے متعلق معلومات حاصل کرنے کے لیے اپنا شناختی کارڈ نمبر 8300 پر ایس ایم ایس کرکے اپنے ووٹ سے متعلق تفصیلات حاصل کریں، ووٹ کا اندراج شناختی کارڈ پر موجود مستقل یا عارضی پتہ میں سے کسی ایک پر کروایا جاسکتا ہے،اگر آپ اپنے ووٹ کا اندراج، منتقلی، اخراج یا کوائف میں درستگی چاہتے ہیں تو الیکشن کمیشن کی ویب سائٹ ecp.gov.pk‎ سے فارم ڈاون لوڈ کرکے پُر کریں

    شہری اپنے متعلقہ ضلعی الیکشن کمشنر کے دفتر میں فارم جمع کروائیں، اندراج و منتقلی ووٹ کے لیئے فارم نمبر 21 استعمال کریں اعتراض/اخراج ووٹ کے لیئے فارم نمبر 22 اور کوائف کی درستگی کے لیے فارم نمبر 23 استعمال کریں،عوام یہ فارم ضلعی الیکشن کمشنر کے دفتر سے بھی حاصل کرسکتے ہیں، مزید رہنمائی اور معلومات کیلئے اپنے متعلقہ ڈسٹرکٹ الیکشن کمشنر سے رابطہ کریں

    فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    عمران خان معافی مانگنے جج زیبا چودھری کی عدالت پہنچ گئے

  • نواز شریف انتخابی مہم کیلئے نہیں ایک تحریک کیلئے واپس آرہا ہے،جاوید لطیف

    نواز شریف انتخابی مہم کیلئے نہیں ایک تحریک کیلئے واپس آرہا ہے،جاوید لطیف

    ن لیگی رہنما، وفاقی وزیر میاں جاوید لطیف نے پریس کانفرنس کرتے ہوئے کہا ہے کہ پاکستان کے مسائل اتنے گھمبیر ہو چکے ہیں کہ ہر ایک کو اس پر توجہ دینی ہوگی،جو ایک مصنوعی ڈھانچہ تشکیل دیا گیا تھا وہ منہ کہ بل کے گرا ہے

    جاوید لطیف کا کہنا تھا کہ اگر نو مئی کا واقع نہ ہوتا تو پاکستان کو شاید کسی اس سے بھی بڑا سانحہ کا سامنا کرنا پڑ سکتا تھا،نو مئی کے بعد ہم دنیا کو منہ دکھانے کے قابل نہیں رہے،عمران پروجیکٹ اور جہاں جہاں سے اسے سہولت دی گئی اس پردہ اٹھانا ہوگا،نوجوانوں کے ذہنوں میں وہ باتیں رہ گئیں جو کہ اداروں کے مخالف سکھائی گئیں تو پاکستان کیلئے نقصان دہ ہونگی،روز سنتا ہوں کہ کوئی بڑی پریس کانفرنس ہونے جا رہی ہے،پریس کانفرنس کر کے کوئی رہا ہو جاتا ہے تو کوئی کسی جماعت میں شامل،2018 میں مجھے نہیں پاکستان کو ہرایا گیا،اگر مجھے ہرایا گیا ہوتا تو آج پاکستان کا نوجوان نواز شریف کی واپسی کا انتظار نہ کر رہا ہوتا،نواز شریف کے دور میں بجلی کی لوڈشیڈنگ لوڈشیڈنگ بیس بیس گھنٹے نہیں ہوتی تھی،مہنگائی نہ ہونے کے برابر،ملک ترقی کی راہ پر گامزن تھا،نواز شریف مہنگائی چار فیصد پر لایا جو اب 37 فیصد پر ہے،

    جاوید لطیف کا کہنا تھا کہ نواز شریف نے کراچی کو امن کا شہر بنایا،نواز شریف سی پیک کا منصوبہ لایا جو کہ گیم چینجر تھا،مپھر اس منصوبے اور اسے لانے والے کو سازش کے زریعے روکا گیا،نواز شریف سے ہی قوم کو امید ہے کہ وہ آئے گا تو خوشحالی لائے گا،نواز شریف انتخابی مہم کیلئے نہیں ایک تحریک کیلئے واپس آرہا ہے،تحریک میں ووٹ کے تقدس عزت اور نظام کی بہتری ہوگی،نواز شریف کی جدوجہد کے باعث ایک ادارہ اے پولیٹیکل رول ادا کرنے کا اعلان کرتا ہے،

     نواز شریف کب واپس آتے ہیں اس کا ابھی تک کنفرم نہیں 

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

  • پنجاب اسمبلی:186ارکان کا نمبرشو، کل اعتماد کا ووٹ لیا جائےگا:ڈپٹی سپیکر واثق قیوم

    پنجاب اسمبلی:186ارکان کا نمبرشو، کل اعتماد کا ووٹ لیا جائےگا:ڈپٹی سپیکر واثق قیوم

    لاہور: ڈپٹی سپیکر پنجاب اسمبلی واثق قیوم نے کہا کہ آج 186 ارکان کا نمبر ہاؤس میں شو کیا جائے گا، آج نمبرز گیم شو کریں گے، اعتماد کا ووٹ کل لیں گے۔

    میڈیا سےگفتگو کرتے ہوئے ڈپٹی سپیکر پنجاب اسمبلی کا کہنا تھا کہ ہماری پوری تسلی ہے، 186 کو کراس کر چکے ہیں، کل ہی کہا تھا ہمارے پاس سرپرائز ہے، سرپرائز کیلئے موقع چاہیے تھا، ہم جو کہا تھا پورا کر دیا۔ڈپٹی سپیکر نے کہا کہ ہم نے ان کونمبرز پورے کر کے بتانے تھے وہ کر دیئے، اعتماد کے ووٹ کے لیے ایجنڈے پر لانا ضروری ہے، ہمارا مقصد نمبرز پورے کرنا تھا وہ آج ہم نے دکھا دیئے۔

     

    واثق قیوم نے مزید کہا کہ یہ کہتے تھے ہمارے پاس نمبرز پورے نہیں، آج ہم نے دکھا دیئے، عمار یاسر بھی ایوان میں آگئے ہیں، ہمارے پاس ایک اور سرپرائز بھی ہے اس کا ابھی انتظار کریں۔

    اس سے پہلے پاکستان تحریک انصاف کے رہنما فواد چوہدری نے دعویٰ کیا تھا کہ پنجاب اسمبلی میں وزیراعلیٰ پرویز الہی کے اعتماد کے ووٹ کے لیے حکومت کے نمبر پورے ہیں۔ٹویٹر پیغام میں فواد چوہدری نے لکھا کہ الحمدللہ 187 کا نمبر مکمل، یعنی وزیراعلیٰ پنجاب کو 187 اراکین کی حمایت حاصل ہے۔

     

    اجلاس سے قبل ایک اور ٹویٹ میں فواد چوہدری کا مزید کہنا تھا کہ تحریک انصاف کی پارلیمانی پارٹی کے اجلاس کیلئے 177 ممبران اسمبلی پہنچ چکے ہیں جبکہ قاف لیگ کے 10 ارکان کچھ دیر میں پہنچ رہے ہیں اور انشاللہ اجلاس میں 187 ارکان شامل ہوں گے۔

    خیال رہے کہ وزیراعلیٰ پنجاب چودھری پرویز الٰہی نے زمان پارک میں چیئرمین پاکستان تحریک انصاف عمران خان سے ملاقات کی ہے جس میں سیاسی صورتحال اور اعتماد کے ووٹ کے حوالے سے مشاورت کی گئی۔

  • اوور سیز پاکستانیوں کو بلدیاتی الیکشن میں ووٹ کا حق،عدالت نے کی رپورٹ طلب

    اوور سیز پاکستانیوں کو بلدیاتی الیکشن میں ووٹ کا حق،عدالت نے کی رپورٹ طلب

    اوور سیز پاکستانیوں کو بلدیاتی الیکشن میں ووٹ کا حق نہ دینے کے خلاف درخواست پر سماعت لاہور ہائیکورٹ میں ہوئی

    عدالت نے درخواست پر سماعت نومبر کے تیسرے ہفتے تک ملتوی کر دی عدالت نے اوورزسیز کو ووٹ کا حق دینے متعلق کئے گئے اقدامات کی رپورٹ طلب کر لی گزشتہ سماعت پر عدالت نے قرار دیا تھا کہ آئین پاکستان کے تحت اوورسیز پاکستانی ووٹ کا حق رکھتے ہیں وکیل الیکشن کمیشن نے بتایا تھا کہ 2018 کے ضمنی الیکشن میں اوورسیز پاکستانی کو ووٹ کا حق دیا گیا تھا گزشتہ سماعت پر سیکرٹری الیکشن کمیشن نے بتایا تھا کہ اوور سیز کے لئے نئی ٹیکنالوجی متعارف کروا رہے ہیں سیکرٹری الیکشن کمیشن نے بتایا کہ ہم نے دو بار پارلیمنٹ کے سامنے رپورٹ رکھی تھیں.سیکرٹری الیکشن کمیشن نے بتایا تھا کہ الیکشن کمیشن نے تین ٹیکنیکل کمیٹی بنائی سیکرٹری الیکشن کمیشن نے عدالت کو آگاہ کیا تھا کہ ہم نے کنسلٹنٹ کی خدمات بھی لے لی ہیں سیکرٹری الیکشن کمیشن نے عدالت کو آگاہ کیا تھا کہ ہم نے ای وی ایم ووٹنگ مشین کو بغور مشاہدہ کے بعد فٹ قرار دیا ہے. سیکرٹری الیکشن کمیشن نے یقین دہانی کرائی تھی کہ ہم عدالت میں تجاویز پیش کرنے کو تیار ہیں.

    عدالت نے قرار دیا تھا کہ اوورسیز پاکستانی سالانہ 25 بلین پاکستان بھیجتا ہے. اگر ہم انکو وقت کا حق نہ دیں ؟ عدالت نے قرار دیا تھا کہ لگتا ہے اوورسیز وزارت کو کیس سے دلچسپی نہیں ہے.عدالت نے قرار دیا کہ اتنا اہم نوعیت کا معاملہ ہے مگر کوئی سنجیدہ نہیں ہے عدالت نے قرار دیا تھا کہ کم از کم وزیراعظم پاکستان جب بیرون ملک دورے پر جائیں تو اوورسیز پاکستانی ان سے سوال نہ کریں عدالت نے قرار دیا تھا کہ اوورسیز پاکستانی سالانہ ملین ڈالرز بھیجتے ہیں انکو نظر انداز نہیں کیا جاسکتا

    جسٹس رسال حسن سید نے شہری سلیمان شبیر کی درخواست پر سماعت کی ،وکیل درخواست گزار نے کہا کہ آئین کے تحت حق رائے دہی ہرشہری کا بنیادی حق ہے عدالت اوورسیز پاکستانیوں کو بلدیاتی انتخابات میں ووٹ ڈالنےکی اجازت دے۔

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران ریاض کو واقعی خطرہ ہے ؟ عارف علوی شہباز شریف پر بم گرانے والے ہیں

    الیکشن کیلیے تیار،تحریک انصاف کا مستقبل تاریک،حافظ سعد رضوی کا مبشر لقمان کوتہلکہ خیز انٹرویو

    عمران خان کو آرمی چیف سے کیا چاہئے؟ مبشر لقمان نے بھانڈا پھوڑ دیا

    عمران خان سے ڈیل کی حقیقت سامنے آ گئی

  • شان شاہد انتخابی سسٹم پر برس پڑے

    شان شاہد انتخابی سسٹم پر برس پڑے

    شان شاہد جنہوں نے حالیہ ضمنی انتخابات پر ووٹ کاسٹ نہ کر سکنے پر احتجاج کیا تھا ان کا کہنا ہے کہ اگر جمہوریت کی جڑیں مضبوط کرنی ہیں تو ہمیں انتخابی اصلاحات کرنی ہوں گی.شان شاہد نے ایک انٹرویو میں‌کہا کہ ہر کسی کا حق ہے کہ وہ ووٹ کاسٹ کرے وہ پاکستان کے جس کونے میں بھی رہتا ہے اس کو انتخابات کے دوران ووٹ‌ کاسٹ کرنے کا حق حاصل ہونا چاہیے یہ نہیں کہ آپ ووٹ کاسٹ‌ کرنے جائیں اور پتہ لگے کہ حلقہ ہی تبدیل ہو چکا ہے میرے ساتھ

    بھی ضمنی انتخابات میں ایسا ہی ہوا.دنیا ترقی کر چکی ہے لہذا ہمیں مینوئل کی بجائے جدید ٹیکنالوجی کی طرف جانا چاہیے.شان نے مزید کہا کہ عجیب ہی مذاق ہے کہ لوگ پولنگ اسٹیشن پہنچتے ہیں تو پتہ چلتا ہے ان کا شمار تو ” مردہ“ ووٹرز میں ہوتا ہے یا آپ کا پولنگ اسٹیشن یہاں نہیں ہےیا آپ کا ووٹ دوسرے علاقے میں ہے . شان شاہد نے زور دیتے ہوئے کہا کہ جو جس جس کو ووٹ کاسٹ کرکے جاتا ہے وہ اسی کے ڈبے سے نکلنا چاہیے یہ کیا کہ ووٹ کسی کو کاسٹ کیا جاتا ہے وہ کسی اور کے کھاتے سے نکلتا ہے. یاد رہےکہ شان شاہد تحریک انصاف کے بڑے سپورٹر ہیں اور ایسا سمجھتے ہیں کہ ملک کو اگر کوئی ترقی کی راہوں پر لیجا سکتا ہے تو وہ صرف اور صرف عمران خان ہے.

  • ن لیگ ووٹ کو عزت دو بیانیہ سے محروم، تجزیہ : شہزاد قریشی

    ن لیگ ووٹ کو عزت دو بیانیہ سے محروم، تجزیہ : شہزاد قریشی

    ضمنی انتخابات میں تحریک انصاف کی کامیابی اور پی ڈی ایم جماعتوں اور بالخصوص مسلم لیگ (ن) کی پنجاب میں شکست نواز شریف کے بیانیے ووٹ کو عزت دو سے انحراف نے عوامی پذیرائی سے محروم کردیا ۔ ٕ

    جب تک ووٹ کو عزت دو کا پرچار کیا جارہا تھا عوام کی اکثریت نواز شریف اور بعد میں مریم نواز کے جلسوں میں دیوانہ وار شرکت کررہے تھے۔ جس تحریک کا آغاز نواز شریف نے ووٹ کو عزت دو شروع کیا تھا اس طرح کی تحریکیں ٹھنڈی نہیں ہوا کرتیں لیکن ڈیل اور ڈھیل کی سیاست نے نواز شریف کی سیاست کو اور جماعت کو شدید نقصان پہنچایا پھر پاکستان مسلم لیگ(ن) کی پاکستان میں موجودہ قیادت نے (ن) لیگی کارکنوں اور عہدیداروں کو نظر انداز کیا وہ ایک الگ کہانی ہے ۔

    نواز شریف کی ہمدردی میں جو لہر اُبھری تھی اس لہر کوبھی دوبارہ اُبھارنے کے لئے نواز شریف کی ضرورت ہے ۔ ملک میں موجود مسلم لیگ (ن) کی قیادت اپنی غلطیوں کا اعتراف کریں(ن) لیگ کی پنجاب میں شکست کے برابر شریک ہیں۔ میاں محمد شہباز شریف اور ان کی ٹیم کو یہ بات سمجھنی ہو گی کہ پارلیمانی سیاست ، پارلیمنٹ اور سیاست میں جن راستوں پر وہ چل پڑے ہیں کبھی بھی سیاسی جماعتوں کو مضبوط نہیں کرسکتی مسئلہ یہ ہے کہ ہماری سیاسی جماعتیں اور قائدین اپنا تجزیہ کرنے کو تیار نہیں ان کے طرز عمل سے کیسے جمہوری نظام اور ووٹ کی سیاست کمزور ہو رہی ہے ۔

    یہ ہماری سیاست کا المیہ ہے کہ طاقت کی سیاست کے پیچھے بھاگاجا رہا ہے ۔ عوام کو نظر انداز نہیں کیا جا سکتا جمہوری ممالک میں عوام ہی انتخابات میں فیصلہ کرتے ہیں۔ آج کل ملک میں آئین کے آرٹیکل 6 پر باتیں کی جا رہی ہے آئینی ماہرین کے مطابق آئین کے آرٹیکل 6 سے پہلے آرٹیکل 3 بھی آتا ہے جس کی رو سے ملک میں ہر قسم کے استحصال کا خاتمہ ،ہر شہری کو باعزت روزگار کی فراہمی ریاست کی ذمہ داری ہے ۔ آئینی ماہرین کے مطابق آرٹیکل 38 بھی اسی آئین کا حصہ ہے ۔

    ان آئین کی شقوں کی خلاف ورزی حکومتیں کرتی چلی آرہی ہیں ۔ اس پامالی پر شور کیوں نہیں مچایا جاتا ؟ ان شقوں پر پارلیمنٹ میں بحث کیوں نہیں ہوتی ؟اگر آمریت نے آئین کو پامال کیا ہے تو کیا جمہوری حکومتوں نے اس کی پاسداری کی ہے ؟ سچ تو یہ ہے کہ ملک میںاہل ہوس مدعی بھی ہیں اور منصف بھی ۔ عوام مسلسل دھوکہ اور فریب کھا رہی ہے۔ عوام کا رُخ موڑنے کے لیے کھیل تماشے کئے جاتے ہیں ۔ عوام کے بنیادی مسائل کو حل کرنا تو دور کی بات یہ سوچنے سے بھی عاری ہیں ۔75 سالوں میں جس ملک میں بجلی کا بحران ختم نہیں ہوا ور کی تمنا عوام عوام کیسے کرے گی ۔

  • صاف اور شفاف انتخابات کا راگ الاپنے والے پی ٹی آئی رہنما ووٹ خریدنے لگے

    صاف اور شفاف انتخابات کا راگ الاپنے والے پی ٹی آئی رہنما ووٹ خریدنے لگے

    صاف اور شفاف انتخابات کا راگ الاپنے والے پی ٹی آئی رہنما ووٹ خریدنے لگے.

    پنجاب میں ضمنی انتخابات کے لیے لاہور کے حلقہ پی پی 168 سے ایک شخص سے شناختی کارڈ ملنے کے معاملے پر زیرحراست شخص کی پی ٹی آئی کے رہنما فرخ حبیب کے ساتھ مبینہ واٹس ایپ گفتگو لیک ہوگئی۔

    ملزم نے پی ٹی آئی رہنما حافظ فرحت عباس سے مبینہ طور پرگفتگو کی۔ ملزم نے گزشتہ رات تمام شناختی کارڈزمبینہ طور پر فرخ حبیب کو واٹس ایپ کے ذریعے بھیجے۔

    پی ٹی آئی رہنما فرخ حبیب نے گرفتار ملزم خالد سندھو کو29 جون 2022میں واٹس ایپ میسیج کیا اور میسج میں اینا نام بتایا اورپی ٹی آئی رہنما حافظ فرحت کا حوالہ دیا،یعنی حافظ فرحت نے ملزم خالد سندھو اور فرخ حبیب کا رابطہ کرایا،چیٹ کے مطابق خالد سندھو نے اپنا تعارف کرایا اور کہا کہ میں آپ کو کہاں دیکھ سکتا ہوں،فرخ حبیب نے جواب کہ آپ وائے بلاک آجائیں ،ملزم خالد سندھو پی پی 168 میں فرخ حبیب کو جا کر ملا ہے اور بعد میں پی ٹی آئی رہنما فرخ حبیب نے ملزم کو اپنے گھر کی لوکیشن بھی بھیجی ہے اور کہا کہ آپ اس لوکیشن پر آجائیں،ملزم فرخ حبیب کو تصاویر بھی بھیجتا رہا ہے، جس کے بعد ان کے درمیاں چیٹنگ اور فون کالز ہوتی رہی ہیں،ملزم نے گزشتہ رات فرخ حبیب کو تمام شناختی کاردز کےعکس وٹس ایب کئے.جو ملزم نے مبنیہ طور پر فرخ حبیب کے کہنے پر خریدے تھے،ملزم نے اپنے پیغام میں لکھا ہے کہ وہ مینارٹی ونگ کے 2 ہزار کارڈز اب تک خرید چکا ہے اور وہ تمام لوگ پیسے لینے کے بعد کارڈز فریز کرنے کا بھی کہ رہے ہیں، اپنے آخری پیغام میں ملزم نے کہا کہ وہ 7 ہزار کاردزخریدر چکا ہے.

    الیکشن کمیشن نے پنجاب اسمبلی کے حلقے پی پی 168 میں پکڑے جانے والے شناختی کارڈز کے معاملے کا نوٹس لے لیا۔ اس حوالے سے الیکشن کمیشن نے واقعے کا نوٹس لیتے ہوئے ڈسٹرکٹ مانیٹرنگ آفیسر سے تفصیلی رپورٹ طلب کرلی۔

    لاہور کی فیکٹری ایریا پولیس نےخالد سندھو نامی پی ٹی آئی کے ایک کارکن کو گرفتار کیا ہے، جس کے قبضے سے 200 شناختی کارڈ برآمد ہوئے ہیں۔پولیس کے مطابق ملزم خالد سندھو پی پی 168 میں شناختی کارڈز کے ذریعے ووٹ خریدنے کی منصوبہ بندی کر رہا تھا، ملزم کے خلاف مقدمہ درج کیا جا رہا ہے۔پولیس کا مزید کہنا تھا کہ ملزم نے بتایا کہ انہوں نے پی پی 168 کی مختلف یوسیز کے ان افراد کو 2 سے 3 ہزار روپے فی ووٹرز دینا تھے اور ان لوگوں سے ووٹ خرید کر پی ٹی آئی کو ڈلوانا تھے۔

    واضح رہے کہ پی ٹی آئی کارکن کو گرفتار کرنے کے بعد پولیس کا کہنا تھا کہ ملزم نے پی پی 168 میں مخلتف یوسیز میں ووٹروں کے شناختی کارڈ لے کر انہیں پیسے دیے۔

  • لاہور: فیکٹری ایریا سے مبینہ طور پر ووٹ خریدنے والا ملزم گرفتار

    لاہور: فیکٹری ایریا سے مبینہ طور پر ووٹ خریدنے والا ملزم گرفتار

    لاہور: پولیس نے فیکٹری ایریا سے مبینہ طور پر ووٹ خریدنے والا ملزم گرفتار کر لیا-

    باغی ٹی وی : لاہور پولیس کا دعویٰ ہے کہ ملزم کو فیکٹری ایریا سے ووٹ خریدنے کے الزام میں گرفتار کیا گیا ہے پولیس کا کہنا ہے کہ پاکستان تحریک انصاف کے کارکن سے 200 شناختی کارڈ زبرآمد ہوئے-

    پولیس کے مطابق ملزم خالد سندھو پی پی 168 میں شناختی کارڈز کے ذریعے ووٹ خریدنے کی منصوبہ بندی کر رہا تھا، ملزم کے خلاف مقدمہ درج کر لیا گیا ہے۔

    پولیس کا کہنا ہے کہ ملزم نے پی پی 168 لاہور کی مختلف یوسیز میں ووٹروں کے شناختی کارڈ لےکر انہیں پیسے دئیے ملزم خالد سندھو نے بتایا کہ ان لوگوں کی ڈیمانڈ تھی اور ہر کارڈ کے عوض پیسے دینے کی ڈیل ہوئی تھی، ڈیل یہ تھی کہ ہر کارڈ پر اتنے پیسے دیں تو ووٹ ڈالیں گے، اس لیے کارڈ اکٹھے کیے تھے کہ ہر کارڈ کے عوض کسی کو 2 اور کسی کو 3 ہزار روپے دینے تھے-

    واضح رہے کہ پنجاب کے14 اضلاع کے 20حلقوں میں اہم ترین ضمنی انتخابات کا میدان کل سجے گا۔20 حلقوں میں 175 امیدواروں میں مقابلہ ہوگا۔ الیکشن کمیشن کے مطابق مجموعی طور پر 45 لاکھ 79 ہزار 898 ووٹرز اپنا حق رائے دہی استعمال کریں گے۔رجسٹرڈ ووٹرز میں 24 لاکھ 60 ہزار 206 مرد ، 21 لاکھ 19 ہزار 692 خواتین ووٹرز شامل ہیں۔

    20حلقوں کے لیے3ہزار131پولنگ اسٹیشنز قائم کیے گئے ہیں۔ مرد پولنگ اسٹیشنز کی تعداد731،خواتین کیلئے700جبکہ1700مشترکہ اسٹیشنز قائم ہیں۔مجموعی طور پر 1900 پولنگ اسٹیشن حساس قرار دیے گئے ہیں۔696پولنگ اسٹیشنز انتہائی حساس،ایک ہزار204حساس قرار دیے گئے ہیں۔

    الیکشن کمیشن کے مطابق لاہور اور ملتان کے حلقے انتہائی حساس اضلاع قرار دیئے گئے ہیں لاہور کے تمام پولنگ اسٹیشنوں کو حساس قرار دیا گیا ہے بیلٹ پیپرز کی ترسیل ریٹرننگ افسران تک کردی گئی ہے. آج الیکشن مٹیریل ریٹرننگ افسران کے دفاتر سے پریذائیڈنگ افسران کے حوالے کیا جائے گا۔

    ذرائع الیکشن کمیشن کا کہنا ہے کہ انتہائی حساس پولنگ اسٹیشنوں پر سی سی ٹی وی کیمرے نصب کیے گئے ہیں، پولیس اور رینجرز کی نفری حساس،انتہائی حساس پولنگ اسٹیشنوں پر ڈیوٹی سر انجام دے گی۔

  • مہنگائی کم کرنے آئے ہیں ،عوام شیر کو ووٹ دیں، مریم نواز

    مہنگائی کم کرنے آئے ہیں ،عوام شیر کو ووٹ دیں، مریم نواز

    ر مسلم لیگ (ن) کی نائب صدر مریم نواز نے کہا ہے کہ عمران خان سے پنجاب کی ترقی ہضم نہیں ہوتی۔چنیوٹ موڑ پر ریلی سے خطاب میں مریم نواز نے کہا کہ آدھے لوگ عمران خان کو جھوٹا اور آدھے چور کہہ رہے ہیں،وہ چور اور جھوٹا بھی ہے۔ انہوں نے کہا کہ مشکل وقت گزر گیا ہے، اب روز خوشخبریاں آئیں گے، شہباز شریف عوام کو بہت بڑا ریلیف دینے جارہے ہیں۔
    بڑی عید پر بڑی خوش خبری ،وزیراعظم کا پٹرول سستا کرنیکا فیصلہ

    مریم نواز کا کہنا تھا کہ آج نوازشریف کی محبت میں پورا جھنگ باہر نکلا ہے ،17جولائی کو پنجاب دشمن عمران خان کو پنجاب سے اٹھاکر باہر پھینکنا ہے۔ یہ فرح گوگی کو پھر پنجاب پر مسلط کرنے کی کوشش کررہا ہے جو ہم نہیں ہونے دیں گے،17جولائی کو کوئی گھر میں نہیں بیٹھے گا، سب نکلیں گے ۔ مریم نواز نے یہ بھی کہا کہ ہم گلیاں ، سڑکیں بنوانے اور آلو پیاز کی قیمتیں کم کرنے آئے ہیں، وعدہ ہے جب تک یہاں ترقی نہیں آئے گی آرام سے نہیں بیٹھیں گے۔

    مسلم لیگ (ن) کی نائب صدر مریم نواز نے کہا ہے کہ کیا آپ چاہتے ہیں کہ ملک میں مہنگائی کم ہو؟ اگر آپ چاہتے ہیں کہ پنجاب ترقی کرے تو شیر کو ووٹ دیں۔ مریم نواز جھنگ پہنچ گئیں جہاں چراغ آباد انٹر چینج پر ان کا شاندار استقبال کیا گیا۔ بعد ازاں گوجرہ موڑ پر ریلی سے خطاب کرتے ہوئے انہوں نے کہا کہ مشکل دور گزر گیا ہے اچھا دور آنے والا ہے، کیا آپ چاہتے ہیں کہ ملک میں مہنگائی کم ہو؟ اگر آپ چاہتے ہیں کہ پنجاب ترقی کرے تو شیر کو ووٹ دینا ہے۔

    مریم نواز نے کہا کہ مسلم لیگ ن کا مقابلہ عمران خان سے نہیں مہنگائی سے ہے، ن لیگ کا مقابلہ عمران خان سے نہیں نااہلی، مہنگائی اور پنجاب دشمنی سے ہے، وعدہ کریں 17 جولائی کو گھروں میں نہیں بیٹھیں گے اور 17 جولائی کو پنجاب کے دشمنوں کو اٹھا کر باہر پھینکیں گے۔رہنما ن لیگ نے مزید کہا کہ اسلم بھروانہ وہ شیر ہے جو عمران خان کو ٹھوکر مارکر واپس آیا، شیر پر مہر لگائیں، وعدہ کرتی ہوں عوام کی قسمت بدلنے تک چین سے نہیں بیٹھوں گی۔

  • چیف الیکشن کمشنر سے پی ٹی آئی نے استعفے کا مطالبہ کردیا

    چیف الیکشن کمشنر سے پی ٹی آئی نے استعفے کا مطالبہ کردیا

    پاکستان تحریکِ انصاف کی رہنما اور سابق وفاقی وزیر شیریں مزاری نے مطالبہ کیا ہے کہ چیف الیکشن کمشنر استعفیٰ دیں کیونکہ ان کی ساکھ ختم ہو گئی ہے۔

    پی ٹی آئی رہنما فواد چوہدری اور اسد عمر کے ہمراہ شیریں مزاری نے میڈیا سے گفتگو کے دوران کہا کہ آئین کو بدلنے کی کوششیں اعلیٰ عدالت سے مسترد کی جا رہی ہیں، سیکریٹری الیکشن کمیشن بھی استعفیٰ دیں۔

    شیریں مزاری کا کہنا ہے کہ چیف الیکشن کمشنر چاہتے ہیں کہ آئین کو بدل دیا جائے اور وہ آئین کو بیک ڈور سے بدلنا چاہ رہے ہیں۔

    انہوں نے کہا کہ یہ الیکشن کمیشن شفاف الیکشن نہیں کرا سکتا لہذا سپریم کورٹ اس کے خلاف ایکشن لے اور چیف الیکشن کمشنر کی عزت اسی میں ہے کہ وہ خود استعفیٰ دیں۔

    سابق وفاقی وزیر کا یہ بھی کہنا ہے کہ پنجاب میں 5 مخصوص نشستوں کو فوری نوٹیفائی کیا جائے، الیکشن کمیشن نوٹیفکیشن پر بیٹھا ہوا ہے۔
    انہوں نے تحفظات کا اظہار کرتے ہوئے کہا کہ الیکشن کمشنر کو فوری طور پر مستعفی ہوجانا چاہئے. کیونکہ آئین کے خلاف فیصلے کیئے جارہے ہیں.

    فواد چودھری نے کہا کہ: بی اے پی رکن نے کہا کہ ٹیلفون کالز پر اجلاس کا بزنس چل رہا ہے، اور یہ ایجنڈا پر نہین بلکہ کالز پر چل رہا ہے.

    انہوں نے مزید کہا کہ صدر پاکستان سپریم کورٹ کو کہہ رہے ہیں کہ کمیشن بنایا جائے مگر کمیشن نہیں بنایا جائے.

    فواد چودھری کے مطابق: 25 مئی سے پاکستان کا آئین معطل ہے اور پاکستان میں تو آمریت نافض ہے.