Tag: ووٹ

نواب شاہ،یونین کمیٹی 6 وار ڈ 1 نادر شاہ ڈسپنسری پولنگ اسٹیشن پرپولنگ کا عمل بند کر دیا گیا-

باغی ٹی وی :نواب شاہ میں ایک سیاسی جماعت کے امیدوار کا نشان تبدیل کر دیا گیا جس کے بعد سیاسی جماعت کے کارکنوں نے پولنگ اسٹیشن کو بند کردیا اور کشیدگی کی وجہ سے پولیس کی بھاری نفری طلب کرلی گئی –
https://twitter.com/Akhtar_Writes08/status/1540927201868402688?s=20&t=TjSnDYz9j56BGg3bQFnarA

امیدوار نے کہا کہ نواب شاہ میں جنرل کونسلر کے نشست کے آزاد امیدوار کا انتخابی نشان تبدیل، زرداری کا ووٹ میرے وارڈ میں ہے ، مجھے بیٹھ جانے کیلئے کئی آفرز ہوئیں ، 5 نوکریاں دینے کا کہا لیکن میں نہیں بیٹھا رات 12بجے کے بعد میرا نشان تبدیل ہوگیا۔

نواب شاہ میں جنرل کونسلر کے نشست کے آزاد امیدوار کا انتخابی نشان تبدیل، زرداری کا ووٹ میرے وارڈ میں ہے ، مجھے بیٹھ جانے کیلئے کئی آفرز ہوئیں ، 5 نوکریاں دینے کا کہا لیکن میں نہیں بیٹھا رات 12بجے کے بعد میرا نشان تبدیل ہوگیا۔امیدوارکی گفتگو pic.twitter.com/aZmcHsBv4l

— M Azhar Siddique (@AzharSiddique) June 26, 2022

کندھ کوٹ وراڈ نمبر 10 کی پولنگ اسٹیشن پر 2سیاسی جماعتوں کے کارکنوں میں تصادم کے دوران کرسیوں اور لاٹھیوں کے وار سے20سے زائد افراد زخمی ہو گئے اور تصادم کے دوران سیکڑوں موٹرسائیکلیں توڑ دی گئیں-

کندھ کوٹ میں یوسی ددڑ کی پولنگ اسٹیشن ٹوڑی بنگلو پر مبینہ طور پر 10پولنگ اہلکار اغوا ہو گئے مسلح افراد نے ووٹرز کو حراساں کرنے کیلئے ہوائی فائرنگ کی اور عملہ اغوا کرلیا-

دوسری جانب گھوٹکی، ڈہرکی ہائی اسکول کی لیڈیز پولنگ اسٹیشن پر مرد ایجنٹ بٹھانے پر ووٹرز نے احتجاج کیا گھوٹکی،پولنگ اسٹیشن پر ووٹنگ کا عمل روک دیا گیا کشیدگی کے باعث پولیس پہنچ گئی-

رانی پور کے وارڈ نمبر 5 علی آباد وسان میں آزاد امیدوار کو غلط نشان الاٹ ہونے پر ووٹنگ کا عمل روک دیا گیا۔

خیرپور کی میونسپل کمیٹی وارڈ نمبر 27 میں بھی امیدوار کو غلط نشان الاٹ ہونے پر پولنگ کا عمل ایک گھنٹے تک رکا رہا تاہم پریزائڈنگ افسر کی مداخلت کے بعد ووٹنگ کا عمل شروع کیا گیا۔

جیکب آباد وارڈ نمبر 2 کے پولنگ اسٹیشن جلال الدین روڈ میں ووٹنگ کا عمل تاخیر سے شروع ہوا جس کی وجہ الیکشن کمیشن کی جانب سے لسٹ مہیا نہ کیا جانا تھا۔

سابق وزیراعلیٰ ارباب غلام رحیم سے ابھی بات ہوئی!
ان کے بیٹے ارباب عنایت اللہ پر ابھی #ZardariMafia کے غنڈوں نے تھرپارکر کے علاقے کلوئی، مٹھی میں پولنگ سٹیشن پر حملہ کیا۔
قانون نافذ کرنے والے ادارے، ECP کہیں نظر نہیں آئے، سوائے سندھ پولیس کے جو دراصل حملہ آوروں کی حفاظت کر رہی ہے!

— Ali Haider Zaidi (@AliHZaidiPTI) June 26, 2022

دوسری جانب پی ٹی آئی رہنما علی حیدر زیدی نے اپنے ٹوئٹ میں کہا کہ سابق وزیراعلیٰ ارباب غلام رحیم سے ابھی بات ہوئی!ان کے بیٹے ارباب عنایت اللہ پر ابھی زرداری مافیا کے غنڈوں نے تھرپارکر کے علاقے کلوئی، مٹھی میں پولنگ سٹیشن پر حملہ کیا قانون نافذ کرنے والے ادارے، ای سی پی کہیں نظر نہیں آئے، سوائے سندھ پولیس کے جو دراصل حملہ آوروں کی حفاظت کر رہی ہے!

سندھ میں بلدیاتی الیکشن کا پہلا مرحلہ ،سندھ کے 14 اضلاع میں بلدیاتی انتخابات کیلئے پولنگ جاری ہے الیکشن کمیشن سندھ کے مطابق مجموعی طور پر ایک کروڑ13لاکھ سے زائد امیدوار حق رائے دہی استعمال کرینگے،ترجمان الیکشن کمیشن کے مطابق سندھ بلدیاتی انتخابات کیلئے 9023 پولنگ اسٹیشن قائم کئے گئے ہیں،مردوں کے لیے 1910 پولنگ اسٹیشنز بنائے گئے ہیں،چیف الیکشن کمشنر سکندر سلطان راجہ انتخابات کی نگرانی کر رہے ہیں-

الیکشن کمشنر سندھ اعجاز انور چوہان نے اپنے دفتر میں پریس کانفرنس کرتے ہوئے کہا تھا کہ بلدیاتی انتخابات میں پولیس کے ساتھ رینجرز کوئیک رسپانس کیلیے موجود ہوگی، فوج سے بھی رابطہ ہے، الیکشن شفاف بنانے کیلیے کیمرے لگائے گئے ہیں اور سیکیورٹی کا موثر سسٹم وضح کیا گیا ہے۔

انہوں نے کہا کہ بدامنی پھیلانے والوں کےخلاف سخت کارروائی ہوگی۔ ڈسکہ کا معاملہ سب کے سامنے ہے, امیدواروں کے ساتھ ملی بھگت کرنے والے عملے کے خلاف بھی ایکشن لیا جائے گا۔

قبل ازیں چیف الیکشن کمشنر نے الیکشنز کے حوالے سے جاری بیان میں کہا ہے کہ تمام ووٹرز بلاخوف وخطر اپنا قومی فریضہ ادا کریں،پولنگ میں مداخلت کو برداشت نہیں کیا جائے گا،کسی بھی خلاف ورزی پر فوری ایکشن لیا جائے گا-

چیف الیکشن کمشنر نے کہا کہ اسلام آباد میں مرکزی مانیٹرنگ و شکایت سیل قائم کیا گیا ہے،کراچی اور کے پی کے میں صوبائی مانیٹرنگ و شکایت سیل قائم کیا گیا ہے انہوں نے ڈسٹرکٹ مانیٹرنگ آفیسرز اور مانیٹرنگ ٹیموں کو چوکس رہنے کی ہدایت کی ہے-

چیف الیکشن کمشنر نے ہدایت کی کہ سیکیورٹی ادارے پر امن پولنگ کو یقینی بنائیں،بد امنی اور خلل ڈالنے والوں کے خلاف فوری طور پر کارروائی کی جائے گی-

واضح رہے کہ ووٹرز کو پُرامن ماحول فراہم کرنے کے لئے سیکیورٹی کے خاص انتظامات کئے گئے ہیں لاڑکانہ ڈویژن کے 5 اضلاع جیکب آباد، کشمور، شکارپور، لاڑکانہ اور شہداد کوٹ کے عوام آج اپنے بلدیاتی نمائندے منتخب کریں گے۔

سکھر ڈویژن کے 3 اضلاع خیرپور، سکھر اور گھوٹکی، شہید بے نظیر آباد ڈویژن کے 3 اضلاع شہید بے نظیرآباد، سانگھڑ، نوشہرو فیروز اور میرپور خاص ڈویژن کے 3 اضلاع میرپور خاص، عمرکوٹ اور تھرپارکر کے عوام بھی ووٹ ڈالیں گے۔

الیکشن کمیشن کے مطابق پولنگ صبح 9 سے شام 5 بجے تک بغیر کسی وقفے کے جاری رہے گی، مختلف کیٹیگریوں کی 5331 نشستوں پر 21298 امیدواروں کے درمیان مقابلہ ہوگا جبکہ 946 نشستوں پر امیدوار پہلے ہی بلامقابلہ کامیاب قرار پاچکے ہیں۔

14 اضلاع میں ووٹرز کی کل تعداد 1 کروڑ 14 لاکھ 92 ہزار 680 ہے جن کے لیے 2 کروڑ 95 لاکھ بیلٹ پیپرز چھاپے گئے ہیں، 14 اضلاع میں 9290 ہزار پولنگ اسٹیشنز اور 29970 پولنگ بوتھ بنائے گئے ہیں۔

الیکشن کمیشن کی جانب سے 1985 پولنگ اسٹیشنز کو انتہائی حساس اور 3448 کو حساس قرار دیا گیا ہے، بلدیاتی انتخابات کے لیے 1 لاکھ 2 ہزار 682 افراد پر مشتمل انتخابی عملہ خدمات انجام دے رہا ہے۔

الیکشن کمیشن نے پولنگ کے انتظامات مکمل کر لئے ہیں جبکہ مختلف ڈویژن سے ایک ہزار ایک امیدوار بلا مقابلہ منتخب ہوچکے ہیں سکھر، لاڑکانہ، شہید بینظیر آباد اور میرپورخاص ڈویژن میں بلدیاتی انتخابات کا عمل جاری ہے سندھ کے 14اضلاع میں 21 ہزار 298 امیدوار مدمقابل ہیں –

دوسری جانب سوات کے صوبائی اسمبلی کے حلقہ پی کے 7 میں ضمنی انتخاب ،پولنگ کا عمل شروع ہو گیا ہے –

خیرپور میں 3 میونسپل کمیٹی ،20 ٹاون کمیٹی اور 88 ضلع کونسل کے نشستوں پر انتخابی دنگل سج گیا ،پیپلزپارٹی ،جی ڈی اے ،تحریک انصاف اور آزاد امیدواروں میں کانٹے کا مقابلہ متوقع ہے-

جیکب آباد، 44 یونین کونسلز کے ارکان میں سے 135 امیدوار بلا مقابلہ کامیاب ہو چکے ہیں،بلدیاتی انتخابات میں 456 نشستوں پر 711 امیدوار قسمت آزمائیں گے 31 وارڈز میں سے 29 پر 198 امیدواراپنی قسمت آزمارہے ہیں-

قمبرمیں 111 پولنگ اسٹیشنز انتہائی حساس ،117حساس جبکہ 312نارمل قرار ددیئے گئے،الیکشن کمیشن کی جانب سے ضلع بھر میں 589پولنگ اسٹیشن قائم کیے گئے ہیں-

جیکب آباد میں 44 یونین کونسلز کے ارکان میں سے 135 امیدوار بلا مقابلہ کامیاب ہو چکے ہیں،31 وارڈز میں سے 29 پر 198 امیدوار اپنی قسمت آزمارہے ہیں،میونسپل کمیٹیز ، ممبر ضلع کونسلز اور جنرل کونسلرز کی نشستوں پر 21 ہزار 298 امیدوار مدمقابل ہیں،887یونین کونسلز میں چیئرمین اور وائس چیئرمین کیلئے3ہزار سے زائد امیدوار میدان میں ہیں ،3ہزار 548 جنرل ممبرز کی نشستوں کیلئے9 ہزار 744 امیدوار مدمقابل ہیں،ضلع کونسل کی 794 نشستوں پر 2ہزار604 امیدوار میدان میں ہیں،پولنگ کا عمل شام5 بجے تک جاری رہے گا خیرپور اور عمرکوٹ میں خصوصی افراد بھی ووٹ کاسٹ کرے پولنگ اسٹیشن پہنچے-

چیئر مین پیپلز پارٹی بلاول بھٹو نے کہا ہے کہ وزیراعظم کو ہٹانے کا جمہوری طریقہ عدم اعتماد کی تحریک ہے تحریک عدم اعتماد پر ق لیگ مفت ووٹ نہیں دے گی،بڑی آفر کرنا پڑے گی۔

باغی ٹی وی : چیئر مین پیپلز پارٹی بلاول بھٹو زرداری کا کہنا ہے کہ وزیراعظم کو ہٹانے کا جمہوری طریقہ عدم اعتماد کی تحریک ہے پیپلزپارٹی وزیراعظم کو عہدے سے ہٹانے کے لیے جمہوری طریقہ ہی اپنائے گی یہ خوش آئند ہے کہ اپوزیشن کی تمام جماعتیں عدم اعتماد پر متفق ہیں ہم بڑے عرسے سے تحریک عدم اعتماد سے متعلق کام کررہے ہیں ۔عدم اعتماد سے عمران خان کو وزیراعظم کے عہدے سے ہٹائیں گے ۔

اسلام آباد پہنچ کرحساب لیں گے:بلاول بھٹو کا گھوٹکی میں خطاب

بلاول زرداری نے کہا کہ یوسف رضا گیلانی کے انتخاب کے وقت ہم نے حکومت کو ٹریلر دکھا یا تھا وزیراعظم کواس بار بھی ایسے ہی شکست دیں گےجیسے یوسف رضا گیلانی کو سینیٹربنا کردی تھی امید ہے عدم اعتماد سے عمران خان کو ایک بار پھر پارلیمان میں شکست دیں گے-

انہوں نے حکومتی اتحادیوں سے رابطے کے بارے میں گفتگو کرتے ہوئے کہا کہ کون کون ہم سے رابطہ کر رہا ہے وقت آنے پر سب کارڈ سامنے لائیں گےتحریک عدم اعتماد پر ق لیگ مفت ووٹ نہیں دے گی،بڑی آفر کرنا پڑے گی۔

ان کا کہنا ہے کہ عمران خان کو رخصت کرنے کے بعد آنے والا سیٹ اپ مختصر مدت کا ہوگا جس کا مقصد شفاف انتخابات ہوگا ہر گزرتا ایک ایک دن عمران خان کے لیے مشکل ہوتا جارہاہے ۔

تھر کول پلانٹ میں دھماکہ،5 افراد زخمی

قبل ازیں بلاول بھٹو زرداری نے کہا تھا کہ سلیکٹڈ اور کٹھ پتلی نظام کو ختم کرنا ہوگا۔ملک پر کٹھ پتلی حکومت مسلط، الٹی گنتی شروع ہوچکی، جیالوں کا لشکر اسلام آباد پہنچ کر ان سے حساب لے گا گھوٹکی میں عوامی لانگ مارچ سے خطاب میں پی پی چیئرمین نے کہا کہ ہم پنجاب میں داخل ہورہے ہیں، اب تو دما دم مست قلندر ہوگا، وزیراعظم کے خلاف عدم اعتماد لانے کا وقت آگیا۔

عدم اعتماد ق لیگ، ایم کیو ایم سمیت دیگر اتحادیوں کے بغیر بھی ہوجائے گی، شاہد خاقان عباسی

انہوں نے کہا تھا کہ پوری دنیا کو نظر آئے گا، کون عوام کے ساتھ اور کون سلیکٹڈ چور کے ساتھ کھڑا ہے، جمہوری اور انسانی حقوق پر ڈاکہ مارنے والے کو جانا ہوگا، جس نے جیب، پیٹ اور ووٹ پر ڈاکا مارا، اسے برداشت نہیں کرسکتے یہ تبدیلی نہیں تباہی ہے یہ نیا پاکستان نہیں مہنگا پاکستان ہے، کٹھ پتلی اور سلیکٹڈ نے ہر آدمی کی زندگی مشکل بنادی۔

اُن کا کہنا تھا کہ پی ٹی آئی ایم ایف بجٹ کے بعد انہوں نے عزم کرلیا تھا، سلیکٹڈ کو اس صوبے سے ایک ووٹ نہیں ملنا چاہیے، عمران خان کو گھوٹکی میں اپنی پہلی شکست کا سامنا کرنا پڑا۔

ٹیلی کام محصولات 2021ء میں بڑھ کر644 ارب روپے ہوگئے ہیں،پی ٹی اے

اسلام آباد :ووٹ کوعزت اورنوازشریف سے محبت زندہ باد:خانیوال میں مُردے بھی ن لیگ کوووٹ ڈال گئے،اطلاعات ہیں کہ خانیوال میں مُردوں نے بھی مردانگی دکھائی ہے اور ووٹ کوعزت دینے کا بھرم قائم رکھا ہے ، یہ بھی معلوم ہوا ہے کہ ن لیگ کے قائد نوازشریف کوحسب روایت مُردے بھی ووٹ ڈالنے کے لیے پولنگ اسٹیشنوں پرپہنچ گئے

ادھر اس حوالے سے ان خبروں کی تصدیق وزیراعظم عمران خان کے زیرصدارت اجلاس میں ہونے والی دلچسپ گفتگو سے بھی ہوگئی جہاں وزیراعظم کو بتایا گیاکہ ‘خانیوال میں ایک مردہ بھی ووٹ کو عزت دیتے ہوئے ن لیگ کے حق میں‌ حسب روایت حسب سابق ووٹ ڈال گیا’

وزیراعظم عمران خان کی زیر صدارت حکومتی ترجمان کے اجلاس میں بریفنگ دیتے ہوئے بتایا گیا کہ خانیوال میں ہونے والے ضمنی الیکشن میں ایک مردہ بھی ووٹ ڈال گیا۔

وزیراعظم عمران خان کی زیر صدارت ہونے والے حکومتی ترجمانوں کے اجلاس کی اندرونی کہانی سامنے آ گئی ہے۔

اجلاس میں مشیر برائے داخلہ شہزاد اکبر نے ویڈیو لنک کے ذریعے شرکت کی اور شہباز شریف کے خلاف منی لانڈرنگ کیس پر بریفنگ دی۔

انہوں نے بتایا کہ بے نامی اکاؤنٹس سے شہباز شریف کو اربوں روپے منتقل کیے گئے، منی لانڈرنگ کے معاملے میں شہبازشریف براہ راست ملوث ہیں، شہبازشریف کے خلاف تمام ثبوت آگئے ہیں، اب عدالتوں کا کام ہے۔

وزیراعظم کی زیرصدارت اہم اجلاس میں ترجمانوں کے اجلاس میں الیکٹرانک ووٹنگ مشین کے معاملے پر بات چیت بھی کی گئی اور ارکان کی جانب سے انکشاف کیا گیا کہ خانیوال میں ہونے والے ضمنی الیکشن میں ایک مردہ ن لیگ کو ووٹ ڈال گیا

وزیراعظم کا کہنا تھا کہ ن لیگ اور پیپلز پارٹی اس لیے الیکٹرانک ووٹنگ کے خلاف ہیں کہ جعلی ووٹنگ نا رک جائے لیکن انتخابی نظام میں شفافیت کیلئے ای وی ایم ضروری ہے۔

دوسری طرف اس وقت خانیوال میں رانا سلیم کی جیت پرجہاں ن لیگی مبارک دے رہے ہیں وہاں پی ٹی آئی کے مقامی رہنما بھی مبارکباد دے رہے ہیں، یہ بھی مصدقہ اطلاعات ہیں کہ رانا سلیم جو کہ پچھلا الیکشن پی ٹی آئی کے ٹکٹ پرلڑے تھے پارٹی کے ساتھ آخری وقت تک کھڑے تھے مگرجب نشاط ڈاہا کی وفات کے بعد ٹکٹ بیگم نشاط ڈاہا کو دیا گیا تو پی ٹی آئی کے ہزاروں نظریاتی کارکنان نے اس فیصلے کو مسترد کردیا اورپھراپنا ووٹ احتجاجا رانا سلیم کو دے کرلوٹے ازم کی سیاست کو دفن کردیا ہے ، یہ وجہ ہے کہ اب بھی رانا سلیم کے ڈیرے میں یہ گفتگو ہورہی ہے کہ پی ٹی آئی کو پی ٹی ائی نے ہرا کر یہ ثابت کردیا ہے کہ لوٹا ازم نہیں چلے گا

اسلام آباد:این اے 133:الیکشن کمیشن نے ووٹ خریدنے کی مبینہ ویڈیو کا نوٹس لے لیا ،اطلاعات کے مطابق این اے 133 لاہور ضمنی انتخاب میں پیسوں سے ووٹ خریدنے کے معاملے پر الیکشن کمیشن آف پاکستان نے ویڈیو کا نوٹس لے لیا۔

ریٹرننگ افسر این اے 133 نے کمشنر لاہور اور آئی جی پنجاب سمیت چیرمین نادرا اور پیمرا کو نوٹس جاری کردیا ہے، ریٹرننگ افسر نے ویڈیو میں نظر آنے والے لوگوں کی شناخت کے لیے مدد مانگ لی۔

نوٹس میں کہا گیا ہے کہ ‏فوٹیج کا فارنزک کروایا جائے، افراد اور عمارت کی شناخت کی جائے، آئی جی پولیس ملوث شخص کو گرفتار کریں، چئیرمین پیمرا فوٹیج کا فرانزک کرائیں کہ آیا فوٹیج اصل ہے اور اس میں موجود افراد کی شناخت کریں، ملوث افراد کا مکمل بائیو ڈیٹا فراہم کیا جائے۔

ریٹرننگ افسر نے نادرا، پیمرا، پولیس اور کمشنر لاہور سے 30 نومبر کو رپورٹ مانگ لی۔

یاد رہے کہ اطلاعات کے مطابق سوشل میڈیا پرایک تازہ ترین ویڈیو وائرل ہوئی ہے جس میں لاہور کے حلقہ این اے 133 میں‌ 5 دسمبر کو ہونے والے انتخاب میں ووٹ لینے کے لیے ن لیگ کی قیادت کی ہدایت پرن لیگی رہنماوں نے قرآن مجید کواپنی سیاست کا کھلواڑہ بنا رکھا ہے

اس حوالے سے سوشل میڈیا پرایک ویڈیو وائرل ہوئی ہے جس میں حلقہ این اے 133 کے کسی علاقے میں ن لیگ کی قیادت کی ہدایت پرکسی دفتر میں لوگوں کا لایا جاتا ہے اور پھران سے پیسوں کے عوض ووٹ دینے کا عہد قرآن مجید پر لیا جارہا ہے ،اس ویڈیو میں ایک ووٹ کی قیمت 2 ہزار ہے جبکہ یہ بھی معلوم ہوا ہےکہ ووٹر کو دیکھ کر قیمت مقرر کی جاتی ہے

ادھر ذرائع کا کہنا ہےکہ اس کے باوجود کہ اس حلقے سے پی ٹی آئی کے جمشید اقبال چیمہ کے آوٹ ہونے کے باوجود ن لیگ کو ڈرہے کہ کہیں‌ کوئی دوسرا امیدوار فائدہ نہ اٹھا جائے اور یہ سیٹ ہاتھ سے نکل جائے

ایک اور صارف نے بڑی خوبصورت بات کی ہے وہ کہتےہیں کہ "اے پھڑو دو ہزار تے قرآن پاک تے حلف دیو کہ پانچ تاریک نوں شیر تے مُہراں لاؤگے”

یہ بھی معلوم ہوا ہے کہ مختلف علاقوں "میں ن لیگی مرد و خواتین لوگوں کو گھیر گھیر کرایسے دفاتر میں لاتے ہیں اور پھر ان کو ضمیر فروشی کے عوض کچھ رقم دی جاتی ہے اور پھرقران پر حلف لیا جاتا ہے ، اس ویڈیو میں بھی یہ کچھ ہے

ادھر سوشل میڈیا پراس حوالے سے تبصرے جاری ہیں‌ کہ یہ پہلا موقع نہیں ہے بلکہ ن لیگ کا ہمیشہ سے یہ وطیرہ رہا ہےکہ وہ لوگوں‌ سے کہیں پر دباو اور خوف سے ووٹ ہتھیاتے ہیں اور کہیں پیسوں کا لالچ دے کر ووٹ لیتے ہیں ، ن لیگ کا یہ بھی خاصا رہا ہے کہ وہ تھانے اور کچہری کو استعمال کرکے ووٹ لینے کے ماہر ہیں‌

ادھر عوام الناس کی طرف سے سخت مذمت کی جارہی ہے اور کہا جارہا ہے کہ ن لیگی قیادت اپنی گندی سیاست کے لیے قرآن مجید جیسی مقدس کتاب ، کلام الٰہی کو اپنا سیاسی ہتھیار بنا کرلوگوں کو گمراہ کررہی ہے اس پر ان کے خلاف کارروائی ہونی چاہیے