Tag: وینزویلا

وینزویلا پر امریکی حملوں اور صدر مادورو کی گرفتاری پر اسپین نے ثالثی کی پیشکش کردی۔

وینزویلا میں امریکی فوج کی کارروائی اور صدو مادورو کی اہلیہ سمیت گرفتاری پر دنیا بھر سے شدید ردعمل سامنے آ رہا ہے یورپی ممالک نے صورتِ حال پر تشویش کا اظہار کرتے ہوئے کشیدگی کم کرنے، بین الاقوامی قانون کی پاسداری اور مذاکرات پر زور دیا ہے۔

یورپی یونین کی خارجہ پالیسی کی سربراہ کایا کالاس نے بتایا کہ امریکی وزیر خارجہ مارکو روبیو اور وینزویلا میں یورپی یونین کے سفیر سے بات کی ہےورپی یونین پہلے ہی یہ مؤقف اختیار کر چکی ہے کہ صدر نکولس مادورو کو قانونی حیثیت حاصل نہیں تاہم انہوں نے زور دیا کہ بین الاقوامی قانون اور اقوام متحدہ کے چارٹر کے اصولوں کا احترام کیا جانا چاہیے۔

وینزویلا کےصدر اور اہلیہ پر مقدمہ کہاں چلے گا؟ امریکی اٹارنی جنرل نے بتادیا

بیلجیئم کے وزیر خارجہ میکسم پریوو نے کہا کہ کولمبیا کے دارالحکومت بوگوٹا میں بیلجیئم کا سفارتخانہ مکمل طور پر متحرک ہے اور صورتحال پر یورپی شراکت داروں کے ساتھ مل کر قریبی نظر رکھی جا رہی ہے۔

ڈچ وزیر خارجہ ڈیوڈ فان ویل نے کہا کہ وینزویلا میں صورتحال ابھی تک غیر واضح ہے تاہم وینزویلا میں اپنے سفارتخانے کے ساتھ مسلسل رابطے میں ہے۔

پولینڈ کی وزارت خارجہ نے بتایا کہ ملک میں موجود اپنے شہریوں کی تعداد کی تصدیق کی جا رہی ہے،فی الحال کسی پولش شہری کو مدد کی ضرورت کی اطلاع نہیں ملی، زیادہ تر پولش شہری وینزویلا میں طویل عرصے سے مقیم ہیں۔

امریکہ نے باضابطہ طور پر وینزویلا کے صدر کی گرفتاری کی تصویر جاری کر دی

ہسپانوی وزیر اعظم پیڈرو سانچیز نے کہا کہ ان کی حکومت وینزویلا میں ہونے والے واقعات پر گہری نظر رکھے ہوئے ہےوینزویلا میں اسپین کا سفارتخانہ اور قونصل خانے فعال ہیں، اور ساتھ ہی کشیدگی کم کرنے کی اپیل کی، اس سے قبل اسپین کی وزارت خارجہ نے ثالثی کی پیشکش کرتے ہوئے کہا تھا کہ اسپین وینزویلا میں پُرامن حل کے لیے مذاکرات میں کردار ادا کرنے کو تیار ہے۔

روسی وزارت خارجہ نے امریکی کارروائی کو وینزویلا کے خلاف "مسلح جارحیت” قرار دیتے ہوئے شدید مذمت کی، روس نے خبردار کیا کہ یہ اقدام عالمی امن و سلامتی کے لیے خطرہ بن سکتا ہے اور زور دیا کہ بحران کا حل صرف بات چیت کے ذریعے ممکن ہے۔

بیلاروس کے صدر الیگزینڈر لوکاشینکو نے بھی امریکی کارروائی کی سخت مذمت کی، بیلاروس کی وزارت خارجہ کے مطابق یہ اقدام بین الاقوامی امن و سلامتی کے لیے براہ راست خطرہ ہے۔

تہران دشمن کے سامنے ہرگز نہیں جھکے گا،ایرانی سپریم لیڈر

ایران نے امریکی حملے کو شدید طور پر غیر قانونی اور جارحانہ قرار دیتے ہوئے کہا کہ اس کارروائی نے وینزویلا کی خودمختاری اور علاقائی امن کو خطرے میں ڈالا ہےایران نے اقوامِ متحدہ سیکیورٹی کونسل اور سیکرٹری جنرل سے فوری مداخلت کا مطالبہ بھی کیا ہے۔

چین نےکہا ہے کہ وہ کسی بھی بہانے وینزویلا کے اندرونی معاملات میں مداخلت کے خلاف ہےچین نے امریکا سے پُرامن اور استحکام کی راہ اپنانے کا مطالبہ کرتے ہوئے اس بات پر زور دیا کہ بین الاقوامی معاملات میں فوجی مداخلت عالمی امن کو نقصان پہنچا سکتی ہے۔

وینزویلا کی صورتحال تشویشناک، یورپی یونین کی فریقین سے تحمل کی اپیل

جرمنی سمیت بعض یورپی رہنماؤں نے کہا کہ امریکی کارروائی کو بین الاقوامی قانون اور حتمی فیصلہ سازی کے تقاضوں کے خلاف قرار دیتے ہوئے کشیدگی کم کرنے اور سفارتی حل پر زور دیا، جرمنی کے بعض قانون سازوں نے اسے یکطرفہ اقدام اور قانونی معیار کی خلاف ورزی بھی قرار دیا اور پُرامن مذاکرات کی ضرورت پر زور دیا۔

فرانسیسی عہدیداروں نے بھی شدید تشویش کا اظہار کیا اور کہا کہ فوجی مداخلت علاقائی استحکام اور بین الاقوامی قوانین کے خلاف ہو سکتی ہے،فرانس نے خطے میں تناؤ کم کرنے اور قانون کے مطابق حل تلاش کرنے پر زور دیا ہے۔

نائب صدر یورپی کمیشن نے کہا ہے کہ وینزویلا میں حالات کافی خراب ہو چکے ہیں، جس کے باعث خطے میں عدم استحکام کے خدشات بڑھ رہے ہیں-

نائب صدر یورپی کمیشن نے کہا ہے کہ یورپی یونین وینزویلا میں پیدا ہونے والی صورتحال پر گہری اور مسلسل نظر رکھے ہوئے ہےوینزویلا میں حالات کافی خراب ہو چکے ہیں، جس کے باعث خطے میں عدم استحکام کے خدشات بڑھ رہے ہیں، یورپی یونین تمام فریقین سے ضبط، تحمل اور احتیاط برتنے کی اپیل کرتی ہے تاکہ صورتحال مزید بگڑنے سے روکی جا سکے۔

انہوں نے واضح کیا کہ وینزویلا میں مقیم یورپی شہریوں کی حفاظت یورپی یونین کی اولین ترجیح ہے اور اس حوالے سے تمام ممکنہ اقدامات کیے جا رہے ہیں،بحران کے حل کیلئے بین الاقوامی قانون اوراقوام متحدہ کے چارٹر کے اصولوں کا مکمل احترام ناگزیر ہے،طاقت کے استعمال یا اشتعال انگیزاقدامات سے گریزکرتے ہوئے مکالمے اور سفارتی ذرائع کو ترجیح دی جانی چاہیے، یورپی یونین صورتحال کو پرامن انداز میں حل کرنے کیلئے عالمی برادری اور متعلقہ فریقین کے ساتھ رابطے میں ہے اور انسانی حقوق کے تحفظ کو ہر صورت یقینی بنانے پر زور دے رہی ہے۔

تہران دشمن کے سامنے ہرگز نہیں جھکے گا،ایرانی سپریم لیڈر

خیبر پختونخوا میں نئی موٹر ویز کی تعمیر کے حوالے سے اہم فیصلے

پاکستان میں سپر مون کا چند منٹ بعد آغاز

امریکی صدر ڈونلڈ ٹرمپ نے دعویٰ کیا ہے کہ امریکا نے وینزویلا پر فوجی حملے کے بعد صدر نکولس مادورو کو گرفتار کر کے ملک سے باہر منتقل کر دیا ہے،یہ کارروائی بڑے پیمانے پر کی گئی، جس میں مادورو اور ان کی اہلیہ کو حراست میں لے لیا گیا۔

صدر ٹرمپ نے اپنے سوشل میڈیا پلیٹ فارم ٹروتھ سوشل پر جاری بیان میں کہا کہ ریاستہائے متحدہ امریکا نے وینزویلا اور اس کے رہنما صدر نکولس مادورو کے خلاف ایک بڑے پیمانے پر حملہ کامیابی سے انجام دیا ہے، جس کے بعد مادورو اور ان کی اہلیہ کو گرفتار کر کے ملک سے باہر منتقل کر دیا گیا ہے۔

امریکی دعوے کے مطابق یہ لاطینی امریکا میں براہ راست امریکی فوجی مداخلت کی ایک بڑی مثال ہے، جہاں آخری بار 1989 میں پاناما پر حملہ کیا گیا تھا تاکہ فوجی حکمران مینوئل نوریگا کو اقتدار سے ہٹایا جا سکے۔

ملتان سلطانز کے انتظامی اور کرکٹ معاملات کون سنبھالے گا؟

تاحال وینزویلا کی حکومت کی جانب سے صدر مادورو کی گرفتاری یا امریکی دعوے کی باضابطہ تصدیق سامنے نہیں آئی، جبکہ صورتحال پر خاموشی برقرار ہے۔

امریکا ماضی میں وینزویلا کے صدر نکولس مادورو پر منشیات کی اسمگلنگ سے جڑی ریاست چلانے اور انتخابات میں دھاندلی کے الزاما ت عائد کرتا رہا ہے، دوسری جانب مادورو، جو 2013 میں ہیوگو شاویز کے بعد اقتدار میں آئے تھے، مسلسل یہ مؤقف اختیار کرتے رہے ہیں کہ واشنگٹن وینزویلا کے تیل کے ذخائر پر قبضہ کرنا چاہتا ہے، جو دنیا میں سب سے بڑے سمجھے جاتے ہیں۔

یہ پیشرفت ایسے وقت سامنے آئی ہے جب حالیہ دنوں میں وینزویلا کے دارالحکومت کراکس اور دیگر علاقوں میں دھماکوں کے بعد امریکا اور وینزویلا کے درمیان کشیدگی میں نمایاں اضافہ دیکھا جا رہا ہے۔

سونے کی قیمت میں آج بڑی کمی ریکارڈ

قبل ازیں وینزویلا کے صدر نکولس مادورو نے امریکی حملے کی تصدیق کر تے ہوئےملک میں ایمرجنسی کے نفاذ کا اعلان کیا تھا،وینزویلین صدر نکولس مادورو نے کہا تھا کہ امریکا نے وینزویلا پر حملہ کر دیا ہے، ہم امریکا کی فوجی جارحیت کو مسترد کرتے ہیں اور اس کی سخت مذمت کرتے ہیں، امریکی جارحیت بین الاقوامی امن اور استحکام کو خطرے میں ڈال سکتی ہے۔

مادورو نے امریکی حملے کو ملکی وسائل پر قبضے کی ایک کوشش قرار دیا اور کہا تھا کہ امریکا وینزویلا کے اسٹریٹیجک وسائل، تیل اور معدنیات پر قبضہ کرنا چاہتا ہے، انھوں نے کہا کہ ایسی کوششیں کامیاب نہیں ہوں گی۔

سہیل آفریدی کو گرفتار کر کے پیش کرنے کا حکم

غیر ملکی میڈیا رپورٹس کے مطابق شہر کاراکاس میں سائرن بج رہے ہیں، دھماکوں کے بعد صدارتی محل کے ٹینک گشت کرنے لگے ہیں، وینزویلا حکومت کے ایک سرکاری بیان کے مطابق امریکا نے کئی ریاستوں میں شہری اور فوجی تنصیبات پر حملے کیے ہیں، حملے کاراکاس کے ساتھ ساتھ مرانڈا، اراگوا اور لا گوائرا کی ریاستوں میں ہوئے ہیں۔

جنوبی امریکی ملک وینزویلا نے اپنی اپوزیشن لیڈر ماریا کورینا مچادو کو نوبیل امن انعام ملنے کے بعد ناروے میں اپنا سفارت خانہ بند کردیا۔

برطانوی نشریاتی ادارے بی بی سی کے مطابق وینزویلا کی حکومت نے یہ اقدام انعام کے اعلان کے چند روز بعد کیا، حالانکہ حکام کا کہنا ہے کہ یہ فیصلہ ملک کی خارجہ پالیسی کی “دوبارہ تشکیل” کا حصہ ہے۔ تاہم مبصرین کے مطابق یہ اقدام نوبیل انعام کے فیصلے پر ناراضی کا اظہار ہے۔واضح رہے کہ نوبیل امن انعام ناروے کی نوبیل کمیٹی دیتی ہے، جب کہ دیگر تمام نوبیل انعامات سوئیڈن سے دیے جاتے ہیں۔ ناروے کی حکومت نے مؤقف اختیار کیا ہے کہ نوبیل کمیٹی ایک آزاد ادارہ ہے اور حکومتی فیصلوں سے اس کا کوئی تعلق نہیں۔

ناروے کی وزارتِ خارجہ نے وینزویلا کے سفارت خانہ بند کرنے کو “افسوسناک” قرار دیا ہے۔نوبیل کمیٹی نے 10 اکتوبر 2025 کو اعلان کیا تھا کہ ماریا کورینا مچادو کو ملک میں جمہوریت اور انسانی حقوق کے لیے جدوجہد پر امن کا نوبیل انعام دیا گیا.

برطانیہ میں غیر قانونی مہاجرین کی ریکارڈ آمد، حکومتی اقدامات ناکام

کراچی میں افغان کیمپ کی زمین پر قبضے کا خدشہ،پولیس چیف کو خط

کرم سیکٹر میں افغان طالبان کی متعدد پوسٹیں اور ٹینک تباہ، اہم کمانڈر ہلاک

سوات اور گردونواح میں زلزلے کے جھٹکے، شدت 4.4 ریکارڈ

امریکا نے وینزویلا کے ساتھ بڑھتی ہوئی کشیدگی کے پیش نظر 10 جدید ایف 35 اسٹیلتھ لڑاکا طیارے کیریبین جزیرے پورٹو ریکو بھیجنے کا اعلان کیا ہے۔

امریکی میڈیا کے مطابق یہ طیارے ڈرگ کارٹلز کے خلاف امریکی بحری آپریشن کا حصہ ہوں گے۔ صدر ڈونلڈ ٹرمپ نے دعویٰ کیا ہے کہ وینزویلا کے صدر خود منشیات کے ایک بڑے کارٹل کی قیادت کر رہے ہیں،دوسری جانب وینزویلا کے صدر نے الزامات مسترد کرتے ہوئے کہا ہے کہ امریکا دراصل وینزویلا کا تیل ہتھیانا چاہتا ہے۔

کشیدگی اس وقت بڑھی جب امریکی فورسز نے وینزویلا کی ایک کشتی کو نشانہ بنایا۔ امریکا کا کہنا ہے کہ کشتی میں اسمگلرز امریکا کے لیے منشیات لے جا رہے تھے، حملے میں کشتی پر سوار تمام 11 افراد ہلاک ہو گئے، تاہم وینزویلا نے اس کارروائی کو ماورائے عدالت قتل قرار دیا ہے۔

کراکس: وینزویلا کی سپریم کورٹ نے چیلنج ویڈیوز مواد سے ہلاکتوں پر اقدامات نہ لینے پر ٹک ٹاک پر ایک کروڑ ڈالر کا جرمانہ کردیا۔

باغی ٹی وی : غیر ملکی میڈیا کے مطابق وینز ویلا میں ٹک ٹاک چینلج ویڈیوز کو پورا کرنے کی دوڑ میں مبینہ طور پر اب تک 3 کم عمر نوجوانوں کی موت ہوچکی ہے اور اس متعلق عدالت نے کہا کہ ٹک ٹاک اس حوالے سے مواد کو روکنے یا ہٹانے کےلیے کوئی اقدامات نہیں کررہا،عدالتی فیصلے میں اس بات کا تذکرہ نہیں ہےکہ ٹک ٹاک جرمانہ کس طرح ادا کرے جبکہ ٹک ٹاک حکام کی جانب سے بھی ابھی تک اس فیصلے پر کوئی ردعمل نہیں دیا گیا۔

ایم کیو ایم کے رکن قومی اسمبلی موہن منجیانی مستعفی

گزشتہ ماہ نومبر میں وینز ویلا کے صدر نکولس مادورو نے ایک 12 سالہ بچی کی ہلاکت کا ذمہ دار ٹک ٹاک کو قرار دیا تھا جس نے مبینہ طور پر ایک ٹک ٹاک چیلنج میں حصہ لیا تھا جس میں سکون کی گولیاں لینی تھیں مگر سونا نہیں تھا۔

لاہور: شراب کے ساتھ اسلحے کی نمائش کرنے والا شخص گرفتار