Tag: ٌاتازہ ترین

ناسا نے ایک نیا جزیرہ دریافت کر لیا۔

ناسا کے سیٹلائٹ نے حال ہی میں امریکی ریاست الاسکا کے ساحل کی ایک تصویر جاری کی ہے اس تصویر میں ساحل پر ایک جزیرہ دیکھا جاسکتا ہے جو وہاں طویل عرصے سے جمی برف پگھلنے سے تشکیل پایا ہےیہ جزیرہ السیک جھیل کے اندر واقع ہے جہاں السیک گلیشیئر بتدریج پگھل رہا ہے اور علاقے کو پانی سے بھر رہا ہے،ناسا نے السیک گلیشیئر دو تصاویر شیئر کی ہیں جن میں سے ایک 5 جولائی 1984ء کو لی گئی پرانی تصویر ہے اور دوسری 6 اگست 2025ء کو لی گئی نئی تصویر ہے۔

امریکی خلائی ادارے نے دونوں تصاویر کا آپس میں موازنہ کرتے ہوئے بتایا کہ السیک گلیشیئر نے ماضی میں ایک پہاڑ کو اپنی لپیٹ میں لے لیا تھا جسے پرو نوب (Prow Knob) کہا جاتا تھا اور اب پچھلی 4 دہائیوں کے دوران یہ گلیشیئر 5 کلو میٹر سے زیادہ پگھل گیا جس کے بعد وہاں اب ایک جھیل بن گئی ہے نئی تصویر اس بات کی تصدیق کرتی ہے کہ پہاڑ اب گلیشیئر سے مکمل طور پر الگ ہو گیا ہے جو کہ پانی سے گھرا ہوا ہے اور اسے سرکاری طور پر ایک جزیرے کا درجہ دے دیا گیا ہے۔

چین کے وزیرِ خارجہ وانگ یی نے کہا ہے کہ چین غزہ میں جنگ بندی اور جنگ کے خاتمے کے لیے پُرعزم ہے،عالمی برادری کو چاہیے کہ دو ریاستی حل کے تحت فلسطین کو اقوام متحدہ میں مکمل رکنیت دلانے کی حمایت کرے-

انہوں نے کہا کہ دو برسوں سے جاری غزہ جنگ نے سنگین انسانی المیہ پیدا کیا ہے اور اسرائیلی کارروائیاں بین الاقوامی قانون کی خلاف ورزی کرتے ہوئے دو ریاستی حل کو خطرے میں ڈال رہی ہیں،وانگ یی نے عالمی برادری پر زور دیا کہ اسرائیل فلسطین تنازع کے حل کے لیے تین اقدامات فوری اختیار کیے جائیں، جن میں غزہ میں فوری اور جامع جنگ بندی، فلسطینی عوام کی اپنے علاقوں پر حکمرانی اور دو ریاستی حل کو مضبوطی سے قائم رکھنا شامل ہے، عالمی برادری کو چاہیے کہ دو ریاستی حل کے تحت فلسطین کو اقوام متحدہ میں مکمل رکنیت دلانے کی حمایت کرے تاکہ مشرق وسطیٰ میں امن و استحکام قائم ہو سکے۔

کشمور کے کچے میں آپریشن، مغوی کانسٹیبل بازیاب، 3 ڈاکو ہلاک، 9 زخمی

پولیوکے خاتمے کیلئے نئی حکمت عملی، مضبوط قیادت اور واضح ذمہ داری ضروری ہے،اقوام متحدہ

دعا ملک کا انڈسٹری میں ہراسانی کا انکشاف

ماہرین نے خبردار کیا ہے کہ آنے والی سردیاں گزشتہ کئی دہائیوں میں سب سے زیادہ سرد ثابت ہو سکتی ہیں۔

ماہرین کی جانب سے یہ انتباہ ”لا نینا“ نامی موسمی پیٹرن کی اس سال دوبارہ واپسی کے تحت دیا گیا ہے،لا نینا دراصل بحرالکاہل کے خطِ استوا پر سمندری درجہ حرارت کے کم ہونے کے عمل کو کہتے ہیں، جس کے نتیجے میں ہواؤں کی گردش اور جیٹ اسٹریم کا رویہ بدل جاتا ہے، یہ تبدیلیاں سردیوں کو طویل بناتی ہیں، اور شدید برفباری اور یخ بستہ ہوائیں ساتھ لاتی ہیں۔

امریکہ کے کلائمیٹ پریڈکشن سینٹر سمیت کئی عالمی موسمیاتی اداروں نے لا نینا الرٹ جاری کر دیا ہےماہرین کے مطابق اگر یہ پیٹرن متوقع طور پر وجود میں آ گیا تو دنیا کے کئی خطے سخت سرد لہروں، قبل از وقت برفباری اور بار بار پڑنے والی شدید ٹھنڈ کی لپیٹ میں آ سکتے ہیں۔

کمزور ترین لا نینا بھی درجہ حرارت میں نمایاں کمی پیدا کرنے کی صلاحیت رکھتا ہےماہرین موسمیات نے یاد دہانی کرائی ہے کہ ماضی میں بھی لا نینا کے باعث شمالی امریکا، شمالی یورپ اور وسطی ایشیا میں معمول سے کہیں زیادہ سردیاں پڑ چکی ہیں،تازہ سمندری مشاہدات یہ ظاہر کرتے ہیں کہ بحرالکاہل میں درجہ حرارت کم ہو رہا ہے، جو لا نینا کے آغاز کی علامت ہے اگر یہ رجحان جاری رہا تو آئندہ چند ماہ میں اس کے پختہ ہونے کے امکانات 60 سے 70 فیصد تک بڑھ سکتے ہیں۔

لا نینا کے اثرات صرف سردیوں تک محدود نہیں ہوتے بلکہ یہ دنیا کے دیگر خطوں میں بھی نمایاں تبدیلیاں لا سکتا ہے آسٹریلیا اور جنوب مشرقی ایشیا میں زیادہ بارشیں، مشرقی افریقہ اور امریکا کے جنوب مغربی حصوں میں خشک سالی، جبکہ اٹلانٹک کے سمندری طوفانوں کے موسم میں شدت اسی پیٹرن کے نتیجے میں دیکھی جاتی ہے۔

ماہرین کا کہنا ہے کہ اگر لا نینا مکمل طور پر تشکیل پا گیا تو یہ نہ صرف توانائی کی کھپت اور زرعی پیداوار کو متاثر کرے گا بلکہ نظامِ زندگی میں بھی رکاوٹیں ڈال سکتا ہے۔ اس لیے لوگوں کو ابھی سے تیاری کرنی چاہئے تاکہ آنے والی سخت ترین سردیوں کا سامنا کیا جا سکےدوسری جانب محکمہ موسمیات کے ڈپٹی ڈائریکٹر انجم نذیر ضیغم کا کہنا ہے کہ لا نینا کا براہ راست اثر پاکستان پر نہیں ہوگا۔

اقوام متحدہ کے تحت پولیو کے خاتمے کے لیے قائم آزاد نگرانی بورڈ (آئی ایم بی) نے اپنی تازہ رپورٹ میں کہا ہے کہ 37 سال کی کوششوں اور 22 ارب ڈالر خرچ کرنے کے باوجود دنیا ابھی تک اس مرض سے مکمل نجات حاصل نہیں کر سکی۔

رپورٹ کے مطابق رواں سال پاکستان میں 26 نئے پولیو کیسز سامنے آئے ہیں، جس پر آئی ایم بی نے وارننگ جاری کی ہے کہ پرانے طریقہ کار اب مؤثر ثابت نہیں ہو رہے اور پولیو پر قابو پانے کی حکمتِ عملی ناکام ہوتی نظر آ رہی ہےاس مرض کے خاتمے کے لیے نئی حکمت عملی، مضبوط قیادت اور واضح ذمہ داری ضروری ہے، کیونکہ موجودہ نظام کئی کمزوریوں کا شکار ہے، ان میں فنڈنگ کا غیر مؤثر استعمال، ویکسینیشن پروگرام کے ساتھ ناکافی انضمام، حکومتوں کی کم دلچسپی اور کمزور احتساب شامل ہیں، جو صرف رپورٹز جاری کرتا ہے لیکن عملی نتائج نہیں دیتا۔

آئی ایم بی کے چیئرمین سر لیام ڈونلڈسن نے عالمی ادارہ صحت کے ڈائریکٹر جنرل ڈاکٹر ٹیڈروس آدانوم کو خط میں لکھا کہ دنیا اس وقت ایک نہایت مشکل مرحلے پر کھڑی ہے، وائرس کی مسلسل منتقلی، جغرافیائی سیاسی مسائل اور مالی دباؤ اس پروگرام کی کامیابی میں بڑی رکاوٹ ہیں، پاکستان اور افغانستان جیسے ممالک ایک بار پھر وائرس کی زد میں آ گئے ہیں، اسی لئے اب ان دونوں ممالک میں پولیو پر قابو پانے کی ذمہ داری ڈبلیو ایچ او کے مشرقی بحیرہ روم کے ریجنل وزارتی پولیو سب کمیٹی کو منتقل کر دی گئی ہے تاکہ اسے علاقائی ترجیح بنایا جا سکے۔

دعا ملک کا انڈسٹری میں ہراسانی کا انکشاف

رپورٹ میں پاکستان کے ان دعووں پر بھی سوال اٹھایا گیا ہے جن میں کہا گیا تھا کہ 2021 سے 2023 تک پولیو کی منتقلی روک دی گئی تھی،آئی ایم بی کے مطابق یہ کامیابی زیادہ تر کووِڈ-19 کی پابندیوں کی وجہ سے ممکن ہوئی، نہ کہ پولیو پروگرام کی بہتر کارکردگی کے باعث،پولیو کے عالمی مسئلے پر قابو پانے کے لیے حکومتوں کو ذمہ داری لینا ہوگی، ویکسینیشن پروگرام کو مؤثر طور پر چلانا ہوگا اور کمزور کارکردگی دکھانے والوں کو جوابدہ ٹھہرانا ہوگا۔

پیپلز پارٹی، ن لیگ کی اتحادی نہیں ہے صرف ساتھ دیتے ہیں،شرجیل میمن