Tag: ٹرانسفارمر

قصور
گزشتہ ماہ واپڈا کی طرف سے بجلی چوری والے علاقوں سے اتارے گئے ٹرانسفارمرز نہیں لگائے گئ،بل ادا کرنے والے صارفین سخت پریشان،وزیراعظم،وزیراعلی پنجاب و چیئرمین واپڈا سے از خود نوٹس کی اپیل

تفصیلات کے مطابق لیسکو واپڈا قصور نے گزشتہ ماہ بجلی چوری کے خلاف آپریشن میں بیشتر علاقوں بلخصوص موضع میر محمد،موضع ستوکی و ذیلی حویلیوں سے ٹرانسفارمرز اتار لئے تھے
بقول واپڈا اہلکاران ان علاقوں میں عرصہ دراز سے 90 فیصد سے زائد بجلی چوری ہوتی تھی اور زیادہ تر لوگوں نے ڈائریکٹ کنڈیاں لگا رکھی تھیں جس سے واپڈا کو سخت خسارا تھا
واپڈا کی طرف سے آپریشن میں ٹرانسفارمرز اتارے تقریباً ایک ماہ ہونے کو ہے تاہم ابھی ٹرانسفارمرز واپس نہیں لگائے گئے جس پہ بل ادا کرنے والے صارفین کا کہنا ہے کہ ہمارا کیا قصور ہے ہم تو بل ادا کرتے تھے ہماری بجلی کیوں بند ہے؟
متاثرہ صارفین نے وزیراعظم پاکستان،وزیراعلی پنجاب و چیئرمین واپڈا سے از خود نوٹس لے کر انصاف مہیا کرنے کی اپیل کی ہے

قصور
واپڈا حکام کی نااہلی سے محلے کا ایک ٹرانسفارمر جلا،لوگوں نے لوڈ دوسروں پر کر لیا ،دو او جل گئے،گرمی و رمضان کیساتھ بغیر بجلی کے لوگوں کا تیسرا دن

تفصیلات کے مطابق قصور لیسکو نے نااہلی کی تمام حدیں کراس کر دی ہیں
لیسکو سب ڈویژن بہادر پورہ قصور کے علاقہ کھارا نزد قصور بائی پاس کا مین بازار چوک پکی دیورھی والا 200 kv کا ٹرانسفارمر 8 اپریل کی شام 7 بجے جل گیا جس پر اہلیان علاقہ نے لیسکو حکام کو مطلع کیا جہنوں نے کہا کہ ٹرانسفارمر جل گیا ہے تاہم مرمت نا کیا گیا جس پر مجبور ہو کر لوگوں نے اپنی تاریں قریبی کھمبوں پر لگا لیں جس کے باعث ان ٹرانسفارمروں پر لوڈ بڑھنے سے محلہ ملکانوالہ اور محلہ عیسیٰ خان والا کے دونوں ٹرانسفارمر بھی جل گئے
گرمی سے مجبور لوگوں نے اب اپنی تاریں دوسرے اور ٹرانسفارمروں پر لگا لی ہیں جس سے مذید ٹرانسفارمر جلنے کا خدشہ ہے
آج چوتھا روز گزرنے کے باوجود واپڈا حکام نے نا ہی پکی دیورھی چوک کا ٹرانسفارمر مرمت کیا ہے اور نا ہی اس کے متبادل ٹرانسفارمر لگایا گیا ہے جس کے باعث روزہ کی حالت میں لوگ گرمی سے نڈھال ہو گئے ہیں
واضع رہے کہ یہی ٹرانسفارمر گزشتہ ماہ 4 مارچ کو جلا تھا جسے 3 دن بعد مرمت کرکے لگایا گیا تھا
پہلے اس علاقے کے لوگ پیسے دے کر مرمت کروا لیا کرتے تھے مگر پچھلی مرتبہ سے لوگوں نے پیسے نہیں دیئے تو واپڈا حکام سرعام لوگوں کو کہہ رہے ہیں کہ پورا زور لگا لو پھر ہی ہم لگائیں گے ٹرانسفارمر پیسوں اور میرٹ کا مزہ چکھوں

شہریوں نے راشی محکمہ واپڈا کے ایس ڈی او سب ڈویژن بہادر پورہ کے خلاف ڈی سی قصور سے ازخود نوٹس لینے کا مطالبہ کیا ہے اور استدعا کی ہے کہ جلد سے جلد ٹرانسفارمر لگوایا جائے

قصور
مائی برکتے والا قبرستان قصور کے علاقے میں لگا ٹرانسفارمر 48 گھنٹے بعد بھی مرمت نا ہو سکا ،اہلیان علاقہ سخت پریشان،سول ایریا کمپلین سنٹر کا پی ٹی سی ایل فون خراب،اہلیان علاقہ پانی کی بوند بوند کو ترس گئے

تفصیلات کے مطابق قصور قبرستان مائی برکتے والا کا ٹرانسفارمر 48 گھنٹے گزرنے کے باوجود بھی نا ٹھیک ہو سکا
اہلیان علاقہ نے بار بار واپڈہ سول ایریا قصور کے پی ٹی سی ایل فون پر کالیں کی تو کسی نے فون ریسیو ہی نا کیا اس بابت جب اہلیان علاقہ سول لائن دفتر پہنچے تو پوچھنے پر بتایا گیا کہ فون عرصہ دراز سے خراب ہے اور اس بابت اعلی افسران کو مطلع بھی کیا گیا ہے تاہم فون ٹھیک نہیں کروایا گیا
علاقہ مکین پانی کی بوند بوند کو ترس گئے ہیں مگر واپڈہ حکام کو کوئی ترس نہیں آیا
علاقہ مکینوں نے ڈی سی قصور سے فوری نوٹس لے کر ٹرانسفارمر ٹھیک کروانے اور عملے کے خلاف کاروائی کا مطالبہ کیا ہے

قصور
محکمہ واپڈا کی نااہلی ،لوگ جلے ٹرانسفارمر خود ٹھیک کروانے پر مجبور،واپڈا اہلکاران دیہاڑیاں لگانے میں مصروف،ایل ٹی لائنز انتہائی پرانی و بوسیدہ

تفصیلات کے مطابق قصور اور گردونواح میں واپڈا قصور کی طرف سے کھلا اعلان ہے کہ خراب ہونے یا جلنے والا ٹرانسفارمر اپنے پلے سے لگوائیں یاں پھر دو چار ہفتہ انتظار کریں
قصور اور گردونواح کے تمام ٹرانسفارمرز کی ایل ٹی لائنز انتہائی بوسیدہ اور پرانی ہو چکی ہیں جن کو تبدیل کرنے کی کبھی زحمت ہی نہیں کی گئی
جس کے باعث آئے روز ٹرانسفامروں سے آگ نکلتی دکھائی دیتی ہے جس کی اطلاع واپڈا کو کی جائے تو کوئی کاراوئی نہیں کی جاتی بلکہ ٹرانسفارمر کے جلنے کا انتظار کیا جاتا ہے تاکہ دیہاڑی لگ سکے
مہنگی بجلی کے باعث لوگ پہلے ہی سخت پریشان ہیں اور اوپر سے اپنے گلی محلے کا ٹرانسفارمر جلنے پر مرمت کروانے کیلئے پیسے دینے پڑتے ہیں

قصور 2 ٹرانسفارمر کا مسئلہ جو بار بار خراب ہوجاتے ہیں قصور گارڈن پارک کے سامنے والا ٹرانسفارمر اور پریس کلب ڈاکٹر قیصرہ والی گلی کے سامنے لگا ٹرانسفارمر آئے روز خراب اس ماہ میں واپڈا ہیلپ لائن اسلام آباد اور قصور بے انتہا کالز کی گئی لیکن ٹرانسفارمر تبدیل نہ ہوسکا اہل علاقہ پریس حکلب قصور کا نیا ٹرانسفارمر کوئی فنی خرابی کی وجہ سے واپڈا قصور اْتار کر لے گئے اور اس کی جگہ پرانا ٹرانسفارمر رکھ گئے جوآئے دن خراب ہوجاتا ہے آج یہ ٹرانسفارمر پھر 3 روز سے پھر خراب ہے لوگ بجلی کی وجہ بہت زیادہ پریشان ہیں واپڈا قصور نے اگر پریس کلب کے پاس لگے ہمارے ٹرانسفارمر کو تبدیل نہ کیا تو اہل علاقہ احتجاج کرنے پر مجبور ہوجائیں گے اہل علاقہ میں لوڈ زیادہ ہونے کی وجہ سے ٹرانسفارمر نیا لگانے ڈیڑھ سال قبل درخواست دی گئی واپڈا قصور سول ایرا محلے سے بل اکھٹے کر کے لے گئے کہ پروپوزل بنانی ہے لیکن کوئی عمل درامد نہ کیا گیا 3 ماہ کے بعد دوبارہ مینجر واپڈا سے درخواست مارک کرواکر ایس ڈی او سول ایریا قصور کو دی گئی ایس ڈی او نے تجمل کو مارک کردی لیکن تجمل نے کہا ہم وزٹ کرتے ہیں آج تک وزٹ نہ کیا گیا اور تجمل کے پاس جا کر درخواست مانگی تو تجمل کا کہنا تھا کہ وہ درخواست گم ہو گئی ہے آپ نئی لکھ کے دے دیں اہل علاقہ بجلی نہ ہونے کہ وجہ سے بہت زیادہ پریشان ہیں ایکسین قصور اور ایس ڈی او قصور سے نوٹس کی اپیل ہے کہ اہل محلہ کا ٹرانسفارمر تبدیل کیا جائے

قصور
نواحی گاؤں شیخ بھاگو میں لوگوں نے واپڈا اہلکاران کا شکریہ ادا کیا
تفصیلات کے مطابق قصور کے نواحی گاؤں شیخ بھاگو میں دو سو کے وی کا ٹرانسفارمر لگانے پر اہل علاقہ نے ایسی ای واپڈا ایکسئین سٹی ایس ڈی او سٹی سب ڈویژن ایل ایس محمد خالد کا شکریہ ادا کیا ہے شیخ بھاگو کے عوام کا درینہ مسلہ تھا جس کو سٹی سب ڈویژن نے حل کر کے اہل علاقہ کے دل جیت لئے ہیں ان کے دلوں میں محبت کا جذبہ قاٸم کیا عوام کی دعائیں لیں ان کو اہل علاقہ نے اس خوشی میں ایک پروقار تقریب کا اہتمام کیا ھے جس میں ایل ایس خالد چیئرمین واپڈا اور ایس ڈی او واپڈا کو پھولوں کے ہار پہنائے جائیں گے اہل علاقہ نے واپڈا کے ان افسران کو زبردست الفاظ میں خراج تحسین پیش کیا ہے

قصور
اسلامک ویلفئیر سوسائٹی الہ آباد نے نواحی گاؤں بھاگیوال میں ٹرانسفارمر اور تاریں لگوا دیں،اہل علاقہ کا اظہار تشکر
تفصیلات کے مطابق قصور کی تحصیل چونیاں کے شہر الہ آباد میں اسلامک ویلفیئر سوسائٹی نے نواحی گاؤں بھاگیوال میں عرصہ دراز سے رکا ہوا بجلی کا ٹرانسفارمر اور کھمبے و تاریں لگوا دیں جس پر اہل دیہہ نے اسلامک ویلفئیر سوسائٹی الہ آباد کا شکریہ ادا کیا اسلامک ویلفیئر سوسائٹی الہ آباد کے چیئرمین شفیق الرحمن کے مطابق ہم الہ آباد اور گردونواح میں دکھی انسانیت کی فلاح کا کام کرتے ہیں جس میں غرباء کے لئے کھانے کا بھی انتظام کیا جاتا ہے نیز مختلف جگہوں پر پانی کا انتظام اور مساجد میں ضروریات کی چیزیں مہیا کی جاتی ہیں

قصور
الہ آباد کے علاقے میں دو دن سے بجلی غائب لوگ پریشان
تفصیلات کے مطابق گزشتہ دنوں کوٹ سردار سلیم حیدر کےقریب آلو سے لوڈ مزدا کھمبے سے ٹکرانے پر دو کھمبے موقع پر ٹوٹ گئے تھے اور ٹرانسفارمر کو بھی شدید نقصان پہنچا تھا مگر 48 گھنٹے گزرنے کے باوجود بھی بجلی ٹھیک نہ ہوسکی ہے لوگوں کیلئے پانی نایاب ہو کر رہ گیا ہے جبکہ گرمی سے بچے بلبلا اٹھے، لوگوں کے جانور بھی پیاسے مرنے لگے، اعلی حکام فوری نوٹس لیں اور لوگوں کا مسئلہ حل کروائیں
دوسری طرف واپڈا والوں نے ڈالہ کے مالک سے بھی ہزاروں روپے بٹورے تھے، واپڈا والوں نے اپنے ذاتی فون نمبرز بھی بند کرلئے
اہل علاقہ کے مطابق واپڈا ملازمین کسی نذرانے کےمنتظر ہیں