راولپنڈی سے اسلام آباد سفر کرنے والوں کیلئے ٹریفک ایڈوائزری جاری کردی گئی ہے۔
ایڈوائزری میں کہا گیا ہے کہ کل (5 جنوری) صبح 7 تا 10 بجے کھنہ سے فیض آباد ایکسپریس وے پر ٹریفک کا دباؤہوگا اس دوران راولپنڈی مری روڈ سے ایکسپریس ہائی وے اور آئی جے پی روڈ سے ایکسپریس جانے والے لوپس پر ڈائیورشنز لگائی جائیں گی،شہری متبادل کے طور پر مارگلہ انڈر پاس اور کلب روڈ کا استعمال کرسکتے ہیں۔
ایڈوائزری میں کہا گیا کہ اسی طرح شام 5 بجے تا 9 بجے تک زیرو پوائنٹ سے کھنہ کی طرف ایکسپریس ہائی وے پر ٹریفک کا دباؤ ہو گا ان اوقات میں ٹر یفک کی روانی میں سستی آسکتی ہے،اسلام آباد ٹریفک پولیس کے خصوصی اسکواڈز ہائی وے پر تعینات ہوں گےشہریوں سے گزارش ہے کہ وہ اس دوران اضافی وقت کے ساتھ سفر کریں۔
مزید کہا گیا کہ اسلام آباد ٹریفک پولیس ٹریفک کی روانی کو یقینی بنانے کے لیے ہمہ وقت کوشاں ہےکسی بھی اپ ڈیٹ کے لئے ٹریفک ہیلپ لائن 1915 یا پکار 15 پر رابطہ کرسکتے ہیں-
بحرانوں میں صرف حکومت کا ہی کردار نہیں ہوتا، مولا بخش چانڈیو
پی ٹی آئی کی پالیسی سمجھ سے بالاتر ہے،فیصل کریم کنڈی
وینزویلا پر حملہ،امریکی طیارہ گرفتار صدر کو لے کر نیویارک پہنچ گیا
