Baaghi TV

Tag: ٹرینیں

  • کوئٹہ سے چلنے والی تمام ٹرینیں معطل

    کوئٹہ سے چلنے والی تمام ٹرینیں معطل

    سیکیورٹی صورتحال کے پیش نظر کوئٹہ سے اندرون ملک اور اندرون صوبہ چلنے والی تمام ٹرینیں معطل کر دی گئیں۔

    ریلوے ذرائع کے مطابق کوئٹہ سے چلنے والی ٹرینیں عارضی طور پر معطل کی گئی ہیں ٹرینوں کی معطلی کا فیصلہ سیکیورٹی خدشات کے باعث کیا گیا کوئٹہ سے پنجاب جانے والی جعفر ایکسپریس، کراچی جانے والی بولان میل سروس اور کوئٹہ سے چمن جانے والی چمن پسنجر ٹرین کو معطل کیا گیا ہے۔ اس کے علاوہ پشاور سے کوئٹہ آنے والی جعفر ایکسپریس کو جیکب آباد میں روک لیا گیامتاثرہ مسافروں کو ان کے ٹکٹ کی مکمل رقم واپس کی جائے گی جبکہ ٹرین سروس کی بحالی کا فیصلہ سیکیورٹی صورتحال کا جائزہ لینے کے بعد کیا جائے گا۔

    واضح رہے کہ 29 جنوری 2026 کو سیکیورٹی فورسز نے بلوچستان کے علاقے ہرنائی میں کارروائی کے دوران 30 دہشت گردوں کو ہلاک کیا جبکہ پنجگور میں بھی 11 دہشت گرد مارے گئے تھےسیکیورٹی اداروں کا کہنا ہے کہ صوبے میں امن و امان کی صورتحال پر کڑی نظر رکھی جا رہی ہے۔ اور عوام کی جان و مال کے تحفظ کے لیے ہر ممکن اقدامات کیے جا رہے ہیں۔

  • عید الفطر پر 5 خصوصی ٹرینیں چلائی جائیں گی

    عید الفطر پر 5 خصوصی ٹرینیں چلائی جائیں گی

    عید الفطر کے موقع پر ریلوے مسافروں کے لیے خوشخبری آگئی، ریلوے کی جانب سے 5 خصوصی ٹرینیں چلائی جائیں گی۔

    باغی ٹی وی: پاکستان ریلوے کی جانب سے عید کے موقع پر مسافروں کی سہولت کے لیے 18 سے27 اپریل کے درمیان 5 خصوصی ٹرینیں چلانے کا اعلان کیا گیا ہے۔


    ترجمان ریلوے کے مطابق پہلی ٹرین 18 اپریل کو کراچی سٹی سے شام 6:30 پر روانہ ہو کر حیدرآباد، بہاولپور، گوجرہ، فیصل آباد، سرگودھا، راولپنڈی اور اٹک سٹی سے ہو تی ہو ئی 19 اپریل کو دوپہر 3 بجے پشاور کینٹ پہنچے گی-


    دوسری اسپیشل ٹرین کوئٹہ سے صبح 10 بجے روانہ ہو کر جیکب آباد، خانپور، ملتان کینٹ،رائے ونڈ، لاہور، گجرات سے ہوتی ہوئی اگلے روز شام 4 بجے راولپنڈی پہنچے گی-


    تیسری عید اسپیشل ٹرین 19 اپریل کو کراچی کینٹ سے رات 8 بجکر 15 منٹ پر روانہ ہو کر حیدرآباد، روہڑی، خان پور، ملتان، اوکاڑہ سے ہوتی ہوئی اگلے روز شام 4 بجکر 55 منٹ پر لاہور پہنچے گی


    ترجمان ریلوے کے ماطبق چوتھی ٹرین 26 اپریل کو راولپنڈی سے صبح 9 بجے روانہ ہو کر گوجرانوالہ، لاہور، ساہیوال، خانپور، روہڑی، جیکب آباد سے ہوتی ہوئی اگلے روز دوپہر 3 بجکر 15 منٹ پر کوئٹہ پہنچے گی-


    ترجمان ریلوے کے مطابق پانچویں عید اسپیشل ٹرین 27 اپریل کو لاہور سے دن 11 بجے روانہ ہوکر اوکاڑہ، ملتان کینٹ، رحیم یارخان، روہڑی اور حیدرآباد سے ہوتی ہوئی اگلے روز صبح 8 بج کر 10 منٹ پر کراچی کینٹ پہنچے گی-

  • بارش اور موسم کی خرابی کے باعث 10 ٹرینیں معطل

    بارش اور موسم کی خرابی کے باعث 10 ٹرینیں معطل

    ملک بھر میں بارش اور موسم کی خرابی کے باعث 10 ٹرینیں معطل کردی گئیں۔

    باغی ٹی وی : محکمہ ریلوے کے مطابق قراقرم ایکسپریس اپ اینڈ ڈاؤن، کراچی ایکسپریس اپ اینڈ ڈاؤن، تیز گام اپ اینڈ ڈاؤن، بولان میل اپ اینڈ ڈاؤن اور پاکستان ایکسپریس اپ اینڈ ڈاؤن کو آج کے لیے معطل کردیا گیا ہے۔

    ٹنڈومستی اورگمبٹ کےدرمیان بارش کے باعث ریلوےٹریک پرشگاف ،ٹرینوں کی آمد ورفت متاثر

    دوسری جانب کوئٹہ سے چمن اور اندرون ملک ٹرینوں کی آمدورفت تاحال معطل ہے، ٹرینوں کی آمدورفت مختلف مقامات پر ٹریک متاثر ہونےسے معطل ہوئی ہے ٹریک متاثر ہونے سے کوئٹہ سے پشاور جانے والی جعفر ایکسپریس بھی روانہ نہیں ہوسکی۔

    پاکستان ریلوے نے 24 اگست کو کراچی تا پشاور عوام ایکسپریس معطل کردی ہے کراچی سے جاری اعلامیہ میں کہا گیا ہے کہ مسافروں کو دوسری گاڑیوں میں سیٹیں فراہم کی جائیں گی جو مسافر سفر نہ کرنا چاہیں وہ ٹکٹ کی مکمل رقم حاصل کرسکتے ہیں۔

    بارشوں اورسیلاب نے بلوچستان کا دیگرصوبوں سےرابطہ کاٹ دیا

    واضح رہے کہ قبل ازیں سکھر ڈویژن میں مسلسل 12 گھنٹے بارش کے باعث ٹنڈو مستی اور گمبٹ کے درمیان ریلوے ٹریک پر شگاف پڑ گئے تھے کراچی جانے والی ٹرینوں کو مختلف ریلوے سٹیشنوں پر روک دیا گیا ہےخیبر میل ایکسپریس کو روہڑی اسٹیشن پر روک دیا گیا تھا –

    آصفہ بھٹو زرداری نے سیلاب متاثرین کی مدد کیلئے اپیل کردی

  • پاکستان ریلوے کی33 ٹرینوں اور 26 سیلونیں آؤٹ سورس کرنے کا فیصلہ

    پاکستان ریلوے کی33 ٹرینوں اور 26 سیلونیں آؤٹ سورس کرنے کا فیصلہ

    لاہور: پاکستان ریلوے کی33 ٹرینوں سمیت 26 سیلونیں آؤٹ سورس کرنے کا فیصلہ کیا ہے۔

    باغی ٹی وی : پاکستان ریلوے نے 33 منافع کمانے والی مسافر ٹرینوں سمیت26 افسران کی سیلونوں کو آؤٹ سورس کرنے کا فیصلہ کیا ہے خواہشمند پارٹیاں آؤٹ سورس کی جانے والی ٹرینوں کی ٹکٹیں بھی خود فروخت کریں گی اورکارگو بکنگ سمیت ڈائننگ بوگی کامنافع بھی خودوصول کریں گی جبکہ تمام انفرااسٹرکچر بوگیاں اسٹاف انجن ڈرائیورز لاکھوں روپے یومیہ کا ڈیزل ریلوے کا ہوگا۔

    وزیراعظم عمران خان کو نااہل قرار دینے کی درخواست ناقابل سماعت قرار

    ذرائع کا کہنا ہے کہ کروڑوں روپے منافع کمانے والی ٹرینوں کی کم پیسوں میں بولی دی گئی ہیں جن میں 2ارب 13کروڑ روپے کمانے والی قراقرم ایکسپریس کی1ارب 84 کروڑ روپے کی بولی دی گئی ہے-

    تیزگام کیلیے1 ارب 58 کروڑ، ملت ایکسپریس کیلیے1 ارب18 کروڑ 50 لاکھ ،علامہ اقبال ایکسپریس کیلیے 1ارب 14 کروڑ 69 لاکھ، پاکستان ایکسپریس 1ارب 85 کروڑ روپے سے زائد کمانے والی ٹرین کیلیے صرف1 ارب 33 کروڑ10 لاکھ کی بولی دی گئی ہے۔

    نااہل اور نکمے بیورو کریٹس کی چھانٹی،ڈائریکٹری رٹائرمنٹ رولز پرعملدرآمد یقینی بنانے کا فیصلہ

    واضح رہے کہ اس سے قبل بھی ریلوے حکام نے اپنے خسارے میں کمی لانے اور خسارے کا شکار16 ٹرینوں کو آوٹ سورس کرنے کا فیصلہ کیا تھا ریلوے حکام نے مذید 16ٹرینوں کو پرائیویٹ سیکٹر کے تعاون سے چلانے کا فیصلہ کیا تھا جن میں شالیمار ایکسپریس، چناب ایکسپریس، ہزارہ ایکسپریس، ملتان ایکسپریس، لالہ موسی ایکسپریس،مہران ایکسپریس، سرگودھا ایکسپریس،سر سید ایکسپریس،شاہ لطیف ایکسپریس، ساندل ایکسپریس، کوہاٹ ایکسپریس، کرانہ ایکسپریس اور گوجرانوالہ پسنجر کی تین ٹرینیں شامل ہیں-

    3 استاد 1 شاگرد سمیت لاپتہ،اغواء کیا گیا ہے والد

    جبکہ اس سے پہلے بھی ریلوے انتظامیہ نے اپنی12ٹرینوں کو آوٹ سورس کرنے کے لئے ٹینڈر جاری کیا تھا جن میں سے صرف چار ٹرینیں ہی آؤٹ سور ہوسکیں ۔

    میڈیکل طالبہ کی خودکشی کا معاملہ:اپوزیشن لیڈرحلیم عادل کا ورثاء سےمکمل مدد اور تعاون کا اعلان