ملک بھر میں ٹماٹر کی بڑھتی ہوئی قیمتوں سے شہری پریشان ہیں، تاہم نومبر میں سندھ کی نئی فصل مارکیٹ میں آنے کے بعد قیمتوں میں کمی متوقع ہے۔
بدین اور پڈعیدن میں ٹماٹر کی قیمت 600 روپے فی کلو تک جا پہنچی ہے، جبکہ لاہور میں 400، پشاور اور کوئٹہ میں 350 اور کراچی میں 300 روپے فی کلو تک فروخت ہو رہا ہے۔محکمہ زراعت سندھ کے مطابق حالیہ مون سون بارشوں سے 80 ہزار ایکڑ سے زائد رقبے پر ٹماٹر کی فصل کو نقصان پہنچا تھا، جس کے بعد دوبارہ کاشت کی گئی فصل نومبر میں مارکیٹ میں آنے کی توقع ہے۔
دوسری جانب ترجمان محکمہ پرائس کنٹرول پنجاب کا کہنا ہے کہ صوبے میں ٹماٹر کی سپلائی میں بہتری آرہی ہے، گزشتہ دو روز کے دوران پنجاب بھر کی منڈیوں میں ٹماٹر کے 281 ٹرک پہنچے ہیں جس سے قیمتوں میں بتدریج کمی ہو رہی ہے.
وزیراعظم نے وفاقی کابینہ کا اہم اجلاس کل طلب کر لیا
پاک افغان جنگ بندی مذاکرات 25 اکتوبر کو استنبول میں ہوں گے
سعودی عرب میں گھریلو ملازمین سے فیس وصولی پر پابندی، 20 ہزار ریال جرمانہ