آسکر کی تاریخ میں پہلی بار ٹوئٹر صارف آسکر کے نئے فین فیورٹ ایوارڈ کیلئے ووٹ ڈال سکتے ہیں-

باغی ٹی وی : ہالی ووڈ پریس جرنل کے مطابق اکیڈمی کے اراکین صرف وہی نہیں ہوں گے جو اس سال آسکر کے لیے اپنی پسندیدہ فلموں کو ووٹ دیں گےبلکہ اکیڈمی 2022 کی ایوارڈ تقریب میں شائقین اپنی پسندیدہ فلم کو اس ایوارڈ کا حقدار بناسکتے ہیں –

پیپل میگزین کے مطابق، پچھلے ہفتے اکیڈمی آف موشن پکچر آرٹس اینڈ سائنسز نے اس سال کے آسکر کے لیے نامزدگیوں کا اعلان کیا، اور ساتھ ہی مداحوں کے ووٹ کی ایک نئی کیٹیگری کا بھی انکشاف کیا-

نئےدور یا شہری فلموں کےنام پر کوڑے کا ڈھیرمت بیچیں،کنگنا کا دیپیکا کی فلم پر تبصرہ

94 ویں آسکر ایوارڈز کے لیے اکیڈمی آف موشن پکچر آرٹس اینڈ سائنسز نے ٹوئٹر کے ساتھ اشتراک کیا ہے اور ایک نئی کیٹیگری فین فیورٹ کا اضافہ کیا ہے اس کیٹیگری میں لوگ سال کی مقبول ترین فلم کو ووٹ دے کر ایوارڈ دلاسکیں گے۔

مگر اب ان کے پاس موقع ہے کہ وہ 2021 میں ریلیز ہونے والی کسی بھی فلم کو ٹوئٹر پر #OscarsFanFavorite ہیش ٹیگ کے ساتھ یا اکیڈمی کی ویب سائٹ پر ووٹ ڈال کر ایوارڈ دلاسکتے ہیں۔

آسکرز 2021:فلم "نومیڈ لینڈ” نے بہترین اداکارہ سمیت 6 ایوارڈز اپنے نام…

ٹوئٹر کے مطابق یہ شراکت داری فلمی ناظرین کو اپنی پسندیدہ فلم سے محبت کا اظہار کرنے میں مدد فراہم کرے گی لوگ 3 مارچ تک روزانہ 20 بار ووٹ ڈال سکتے ہیں اور ان میں سے 3 افراد کو متنخب کرکے اگلے سال آسکر ایوارڈ میں شرکت کے لیے مدعو کیا جائے گا۔

اسی طرح ایک اور پول میں ووٹرز سے فلم کے پسندیدہ لمحات منتخب کرنے کا بھی کہا جائے گا ان میں سے 5 مقبول ترین انتخابات کو آسکر تقریب کے دوران دکھایا جائے گا۔

فیروز خان کے ہاں بیٹی کی پیدائش

یہ اعلان اس وقت کیا گیا جب مختلف بلاک بسٹر فلمیں جیسے اسپائیڈر مین نو وے ہوم اور نو ٹائم ٹو ڈائی کو ایوارڈز کی اہم کیٹیگریز بشمول بہترین فلم کا حصہ نہیں بنایا گیا اس سے یہ خدشہ پیدا ہوا تھا کہ فلموں کو پسند کرنے والے بیشتر افراد 27 مارچ کو شیڈول تقریب کو دیکھنے سے گریز کریں گے۔

حالیہ برسوں میں آسکر کی ٹی وی ریٹنگز میں ڈرامائی کمی آئی ہے اور گزشتہ سال کی تقریب کو محض ایک کروڑ سے زیادہ ناظرین نے دیکھا جو 2020 کے مقابلے میں 56 فیصد کم تعداد تھی2018 میں بھی آسکر ایوارڈز کی انتظامیہ نے پاپولر فلم کی کیٹیگری کی تجویز پیش کی تھی مگر ناقدین کی جانب سے تنقید پر اس پر عملدرآمد نہیں کیا گیا۔

فیس بک نے پہلی بار آسکر ایوارڈ اپنے نام کر لیا

آسکر ایوارڈز میں عموماً ایسی فلموں کے درمیان مقابلہ ہوتا ہے جو کہانی، ڈائریکشن اور دیگر پہلوؤں کے حوالے سے تو بہترین ہوتی ہیں مگران میں سے اکثر ایسی ہوتی ہیں جو زیادہ کامیاب نہیں ہوتیں یعنی عوام کی پسندیدہ فلمیں اکثر دنیائے فلم کے بہترین ایوارڈ کا حصہ نہیں بن پاتیں اور یہی وجہ ہے کہ اس کی تقریب کو دیکھنے والوں کی تعداد میں ہر سال کمی آرہی ہے۔

اس سال 10 فلموں کو بہترین فلم کے لیے نامزد کیا گیا جن میں ‘بیلفاسٹ’، ‘CODA’، ‘ڈونٹ لُک اپ’، ‘ڈرائیو مائی کار’، ‘ڈیون’، ‘کنگ رچرڈ’، ‘لیکورائس پیزا’، ‘نائٹ میئر ایلی’ ‘، ‘دی پاور آف دی ڈاگ’ اور ‘ویسٹ سائڈ اسٹوری شامل ہے-

سونی ورلڈ فوٹوگرافی ایوارڈز 2022 کا اعلان کر دیا گیا