Tag: ٹچ بٹن

فلم ٹچ بٹن کی ریلیز کا جب سے اعلان ہوا ہے دیکھا جا رہا ہے کہ ہر جگہ پرموشن میں صرف فرحان سعید ، عروہ حسین اور ایمان علی دکھائی دے رہے ہیں. سونیا حسین کے بارے میں کہا جا رہا تھا کہ وہ چونکہ کینڈا میں‌ ہیں اس لئے فلم کی پرموشن میں شامل نہیں ہیں جیسے ہی کینڈا سے واپسی کریں گی وہ پرموشنز کا حصہ بنیں گی. لیکن اردگرد کے لوگ کہہ رہے تھے کہ عروہ حسین جو کہ فلم ٹچ بٹن کی پرڈیوسر ہیں انہوں نے سونیا حسین کا طے شدہ معاوضہ نہیں دیا اسلئے وہ فلم کی پرموشنز میں نہیں ہیں. اور یہ بات یا خدشہ سچ نکلا ہے کیونکہ سونیا حسین نے اعلان کر دیا ہے کہ وہ فلم ٹچ بٹن کی پرموشن کا حصہ نہیں بنیں گی. انہوں نے کہا ہےکہ میرے معاوضے کے معاملات عروہ کے ساتھ طے پا رہے ہیں لیکن میرے وکیل کے

زریعے . جہاں تک فلم کی پرموشنز کی بات ہے تو میں نہ ہی فلم کی پرموشن کا حصہ بنوں گی اور نہ ہی میں اس میں اپنے کردار سے مطمئن ہوں .یوں سونیا حسین جو کہ فلم کی ہیروئین ہیں انہوں‌نے فلم سے علیحدگی اختیار کر لی ہے. فیروز خان گھریلو تشدد والے کیس میں سوشل میڈیا پر ٹرول ہو رہے ہیں دیکھنا یہ ہے کہ فلم باکس آفس پر کیا رنگ جماتی ہے.

فلم ٹچ بٹن کی پرڈیوسر عروہ حسین لاعلم ہیں سونیا حسین کی ناراضگی سے اور ان کے بھیجے ہوئے قانونی نوٹس سے. عروہ حسین جو کہ اپنی فلم ٹچ بٹن کی تشہیر میں مصروف ہیں آج کل ان کے انٹرویوز ہو رہے ہیں ہر کوئی جہاں فلم کے بارے میں پوچھتا ہے وہیں ان سے سونیا حسین کے قانونی نوٹس کے بارے میں بھی پوچھا جا رہا ہے. حالانکہ سونیا حسین کہہ چکی ہیں‌کہ وہ عروہ حسین کو معاوضہ نہ دینے پر قانونی نوٹس بھیج چکی ہیں لیکن عروہ حسین نے اس بات سے بالکل ہی لاعلمی کا اظہار کر دیا ہے. اداکارہ سے جب سوال ہوا کہ کیا آپ نے سونیا حسین کو معاوضہ نہیں دیا تو انہوں نے کہا کہ ایسی کوئی بات نہیں ہے مجھے لگتا ہے کہ سونیا حسین کو کوئی غلط فہمی ہوئی ہے. یاد رہے کہ سونیا حسین کا کہنا

ہےکہ فلم کی شوٹنگ ختم ہوئے چار سال کا عرصہ بیت گیا ہے لیکن میرے سے جو معاوضہ طے کیا گیا تھا وہ ابھی تک ادا نہیں ہوا. شاید یہی وجہ ہے کہ سونیا فلم کی تشہیری مہم میں‌نظر نہیں آ رہیں. دوسری طرف فیروز خان بھی فلم کی تشہیر میں‌کہیں نظر نہیں آرہے. عروہ حسین کا کہنا ہے کہ اس فلم میں وہ سب ہے جو شائقین دو گھنٹے کی کسی فلم میں دیکھنا چاہتے ہیں .

اداکار فرحان سعید اور عروہ حسین کی علیحدگی کی خبریں ایک عرصہ تک گردش کرتی رہی ہیں. دونوں ایک دوسرے کے ساتھ رہ بھی نہیں رہے اور نہ ہی وہ تقریبات میں ایک دوسرے کے ساتھ جاتے ہیں. دونوں کا رشتہ مکمل طور پر ختم ہو چکا ہے یا نہیں اس کا اعلان دونوں طرف سے نہیں ہوا . تاہم اب دونوں کی فلم ٹچ بٹن ریلیز ہونے جا رہی ہے . فلم 25 نومبر کو سینما گھروں کی زینت بنے گی اور اس حوالے سے پوری ٹیم بھرپور پرموشنز کررہی ہے. فرحان سعید نے حال ہی میں ایک انٹرویو دیا ہے اس میں انہوں نے کہا کہ عروہ حسین نے بطور پرڈیوسر لاجواب کام کیا ہے . بطور پرڈیوسر کام کرنا اتنا آسان نہیں ہوتا لیکن عروہ نے تن تنہا تمام کام دیکھے. میں اس فلم میں اداکاری کررہا تھا لہذامیں اس فلم میں اپنے

کردار پر زیادہ توجہ دیتا تھا اور وقت پہ سوتا جاگتا تھا لیکن عروہ تمام رات بھی جاگنا پڑتا تو جاگتی اور پروڈکشن کے کام دیکھتی. عروہ نے جس طرح‌سے کام کیا ہے اس کی کیا تعریف کروں. انہوں نے فلم کا چھوٹے سے چھوٹا کام بھی خود کیا اور مجھے فخر ہے کہ ہماری پرڈیوسر نے نہایت محنت کے ساتھ پراجیکٹ کیا ہے. مجھے بہت امید ہے کہ ہم سب کی محنت رنگ لائیگی اور شائقین اس فلم کو ضرور پسند کریں گے.

ماڈلنگ سے شہرت سیمٹنے والی ایمان علی اب فلم ٹچ بٹن میں نظر آرپہی ہیں . ایمان علی نے ماڈلنگ کے بعد فلموں اور ڈراموں میں کا رخ کیا، یہاں بھی انہیں بےپناہ عزت اور شہرت ملی. ایمان علی کافی عرصے کے بعد کسی پراجیکٹ میں‌نظر آرہی ہیں اور وہ پراجیکٹ ہے فلم ٹچ بٹن. فلم ٹچ بٹن کو اداکارہ عروہ حسین نے پرڈیوس کیا ہے. فلم میں ایمان علی مرکزی کردار ادا کررہی ہیں. ایمان علی اسی فلم کے سلسلے میں آج کل پرموشنز میں مصروف ہیں. ایمان علی نے پرموشن کے دوران ایک سوال کے جواب میں کہا ہے کہ میں کم کم اس لئے نظر آتی ہوں کیونکہ میں‌کم مگر معیاری کام کرنے کو ترجیح دیتی ہوں. ایمان علی نے کہا کہ بہت عرصے کے بعد مجھے ایک ایسی فلم اور پراجیکٹ آفر ہوا تھا جس میں مجھے لگا کہ نہ صرف

کام کرنے کا مارجن ہے بلکہ کردار بھی ہٹ کر ہے. ایمان علی نے کہا کہ میرا کردار سب کو بہت پسند آئیگا. میں نے روٹین سے ہٹ کر کام کرنے کی کوشش کی ہے. ایمان علی نے یہ بھی کہا کہ مجھے خوشی ہے کہ میرے مداحوں نے ہمیشہ مجھے بہت زیادہ محبت دی. چاہے میں نے ماڈلنگ کی یا فلم ڈرامہ ہر پلیٹ فارم پر میرے چاہنے والوں نے میرا ساتھ دیا مجھے بہت زیادہ پیار دیا ان کے پیار کی وجہ سے میرے حوصلے بلند ہوئے اور میں نے بہتر سے بہترین کام کرنے کی کوشش کی .

اداکارہ سونیا حسین جو ایک بڑی تعداد میں فین فالونگ رکھتی ہیں. سونیا حسین سوشل میڈیا پر کافی متحرک رہتی ہیں، سونیا اکثر و بیش تر حساس معاملات پر آواز اٹھاتی رہتی ہیں. سونیا حسین نے حال ہی میں‌کہا ہے کہ عورت بھی مرد کی طرح اکیلے زندگی گزار سکتی ہے یہ خیال بالکل غلط ہے کہ عورت مرد کے بغیر زندگی نہیں گزار سکتی. سو نیا حسین نے کہا کہ مجھے بچے بہت اچھے لگتے ہیں بہت پیارے لگتے ہیں . میری شدید خواہش ہے کہ میرے اپنے بچے بھی ہوں لیکن اپنے بچے پیدا کرنے سے پہلے میں کسی کو گود لینا چاہوں گی. میں اسکو پالنا چاہوں گی.

انہوں نے یہ بھی کہا کہ پاکستان اور بھارت میں‌گوری رنگت کو خوبصورتی کے ساتھ جوڑا جاتا ہے ان دونوں ملکوں میں جس کا گورا رنگ ہو اس کو خوبصورت کہا جاتا ہے. یہ عجیب منطق ہے میری سمجھ سے باہر ہے ایسا نہیں ہونا چاہیے.لیکن کیا کیا جائے ہمارے ملکوں میں خوبصورتی کا معیار ہی گوری رنگت ہے . یاد رہے کہ سونیا حسین کی فلم ٹچ بٹن 11 نومبر کو پاکستان بھر کے سینما گھروں میں ریلیز ہونے جا رہی ہے اس میں سونیا حسین ایک اہم کردار ادا کررہی ہیں. اس فلم کی پوری ٹیم کو فلم سے بے حد امیدیں وابستہ ہیں.

فلم ٹچ بٹن جسے اداکارہ عروہ حسین نے پرڈیوس کیا ہے ، ڈائریکٹ قاسم علی مرید نے کیا ہے جبکہ لکھا فائزہ افتخار نے ہے. فلم کی مرکزی کاسٹ میں فرحان سعید ، ایمان علی ، سونیا حسین اور فیروز خان و دیگر شامل ہیں، عروہ حسین نے اس فلم کو پرڈیوس ہی کیا ہے لیکن کہا جا رہا ہے کہ ان کے لئے ایک گانا خاص طور پر رکھا گیا. اس گانے کی فلم میں خاص ضرورت نہ تھی لیکن سچوایشن ایسی بنائی گئی کہ عروہ حسین پر ایک گانا پکچرائز ہو. عموما اگر کوئی نوجوان نسل کی لڑکی یا لڑکا فلم پرڈیوس کرے تو وہ خود اس کا حصہ ضرور بنتا ہے لیکن عروہ حسین نے ایسا نہیں‌ کیا. انہوں نے صرف فلم پرڈیوس کرنے پر توجہ دی لیکن فلم کی پوری ٹیم نے انہیں‌متحرک کیا

کہ ان کا بھی ایک گانا اس میں‌ہونا چاہیے. اب وہ گانا کیسا ہوگا عروہ کی پرفارمنس کیسی ہو گی یہ تو فلم دیکھ کر ہی پتہ چل سکے گا.فلم ٹچ بٹن کی پوری کاسٹ آج کل فلم کی پرموشنز میں‌مصروف ہے. اداکارہ ایمان علی کافی عرصے کے بعد سکرین پر نظر آنے جا رہی ہی دوسری طرف فرحان سعید اور سونیا حسین پہلی بار ایک ساتھ کام کررہے ہیں ،فیروز خان ویسے بھی پچھلے کچھ عرصے سے خبرو میں ہیں لہذا دیکھنا یہ ہے کہ اس سٹار کاسٹ پر مبنی یہ فلم سینما گھروں میں کیا رنگ جماتی ہے.

معروف اداکارہ عروہ حسین کی بطور پرڈیوسر فلم ٹچ بٹن 11 نومبر کو سینما گھروں کی زینت بننے جا رہی ہے. کورونا کی وجہ سے ریلیز میں تاخیر کا شکار رہی یہ فلم کامیڈی رومینس اور ڈرامہ ہے. اس فلم کے حوالے سے عروہ حسین کہتی ہیں کہ یہ فلم ہر لحاظ سے ایک مختلف فلم ثابت ہوگی . اس کا موضوع روٹین سسے ہٹ‌کر ہے .فائزہ افتخار نے بہت ہی خوبصورت طریقے سے کہانی لکھی ہے. ہر کردار کے لئے ایکٹر کاانتخاب پرفیکٹ ہے. عروہ نے کہا کہ بطور پرڈیوسر میری پہلی فلم ہے بطور ایکٹر تو ہم نے صرف اپنے کردار کو دیکھنا ہوتا ہےلیکن بطور پرڈیوسر آپکی ذمہ داری بڑھ جاتی ہے آپ نے پورے پراجیکٹ کو لیکر چلنا ہوتا ہے. عروہ حسین نے کہا کہ فلم

پاکستان اور ترکی میں شوٹ ہوئی ہے چھ گانے ہیں ہر گانا ایک سے بڑھ کر ایک ہے. ایمان علی اور فرحان سعید کے علاوہ ہر کسی نے بہترین کام کیا ہے. ایک سوال کے جواب میں انہوں نے کہا کہ پاکستان میں اچھی فلمیں بن رہی ہیں یہ سلسلہ رکنا نہیں چاہیے. ہمارے ہاں باصلاحیت اداکار اور ڈائریکٹرز رائٹرز ہیں.اچھی بات یہ ہے کہ کورونا سے جان چھٹنے کے بعد سینما گھروں کی رونقیں بحال ہونے لگی ہیں.عروہ حسین نے کہا کہ مجھے پوری امید ہے کہ ٹچ بٹن شائقین کو بہت زیادہ پسندآئیگی.

فلم ٹچ بٹن جس کی ریلیز چار سال سے تاخیر کا شکار ہے کو آخر کار ریلیز کرنے کا فیصلہ کر لیا گیا ہے فلم 11 نومبر کو سینما گھروں کی زینت بننے جا رہی ہے. اس سلسلے میں فلم کی پرموشنز کا آغاز ہو گیا ہے. گزشتہ روز فلم ٹچ بٹن کا کراچی میں ٹریلر لانچ کیا گیا . ٹریلر میں فرحان سعید اور عروہ حسین دکھائی دئیے. عروہ حسین فلم کی پرڈیوسر ہیں جبکہ فرحان سعید نے فلم میں مرکزی کردار ادا کیا ہے. فرحان کے علاوہ دیگر کاسٹ میں فیروز خان، ایمان علی اور سونیا حسین و دیگر کے نام شامل ہیں.ترکی اور کراچی میں شوٹ ہونے والی اس فلم کا شائقین کو کافی

عرصے سے انتظار تھا. فرحان سعید اور عروہ حسین ٹریلر لانچ کی تقریب میں ایک دوسرے دور دور نظر آئے اور ایکدوسرے نظریں ملاتے نظر نہیں آئے. قاسم علی مرید کی ہدایتکاری میں بنی اس فلم میں ایمان علی کافی عرصے کے بعد دکھائی دے رہی ہیں. ایمان کئی سال سے شوبز کی چکا چوند سے دور نظر آتی ہیں. عروہ حسین جو کہ اس فلم کی پرڈیوسر ہیں انہیں اس فلم سے خاصی توقعات وابستہ ہیں ان کا ماننا ہے کہ فلم تازہ ہوا کا جھونکا ثابت ہوگی، فلم میں ایکشن رومانس کامیڈی پر چیز دیکھنے کو ملے گی.

اداکارہ اروہ حسین اور فرحان سعید کی فلم ٹچ بٹن کافی عرصے سے تیار ہے لیکن کورونا کی وجہ سے اسکی ریلیز تاخیر کا شکار ہوتی رہی. لیکن اب انتظار کی گھڑیاں ختم ہو چکی ہیں اور فلم کی ریلیز کا اعلان ہو چکا ہے. ٹچ بٹن رواں برس اٹھائیس اکتوبر کو ریلیز کی جائیگی. اروا اور فرحان کے پرستار اس خبر پر کافی خوش ہیں ٹچ بٹن کا ٹیزر سینما گھروں میں حال ہی میں‌ لگی فلموں کے شروع ہونے سے پہلے چلایا جا رہا ہے.ٹیزر دیکھ کر محسوس ہو رہا ہے کہ فلم اچھی ہوگی. یاد رہے کہ فلم کی شوٹنگ 2018 میں شروع ہوئی تھی اور مقررہ وقت میں ہی

اسے مکمل کر لیا گیا تھا 2019 میں اسے ریلیز کیے جانا تھا لیکن ایسا نہ ہو سکا اور کورونا نے سر اٹھا لیا جس کی وجہ سے فلم تاخیر کا شکار ہوتے ہوتے یہ وقت آن پہنچا ہے لیکن اب اعلان کر دیا گیا ہےکہ فلم اٹھائیس اکتوبر کو سینما گھروں کی زینت بنائی جائیگی.فلم کی کاسٹ میں فرحان سعید، فیروز خان ، ایمان علی اور سونیا حسین شامل ہیں. اروا حسین کی بطور پرڈیوسر یہ پہلی فلم ہے.یاد رہے کہ یہ فلم تب بنائی گئی جب اروا اور فرحان کے درمیان ایک بہت اچھا تعلق تھا ان کے درمیان اختلافات نہیں تھے لیکن اب دونوں کے درمیان اختلافات اس حد تک بڑھ چکے ہیں بات علیحدگی تک پہنچ چکی ہے بلکہ کہا جا رہا ہے کہ علیحدگی ہو چکی ہے اور دونوں ایک سال سے الگ الگ رہ رہے ہیں اور کہیں بھی ایکساتھ نہیں دیکھے جا رہے.

اداکار ہ اُروا حسین جو آج کل ہمیں چھوٹی اور بڑی سکرین پر دکھائی نہیں دے رہی انہوں نے حال ہی میںایک پوسٹ شئیر کی اور اس میںلکھا کہ میں آج شکر الحمد اللہ ایک بہتر جگہ پر ہو ں ،دو سال میں میں نے خود پر توجہ دی ہے اور اب یہ سلسلہ جاری ہے یعنی میں خود پر بہت زیادہ توجہ دے رہی ہوں یہ توجہ صرف میرے بہتر انسان بننے کے لئے نہیں ہے بلکہ میرے اردگرد کے لوگوں کے لئے بھی ہے ۔
یاد رہے کہ اُرواحسین اور فرحان سعید نے محبت کی شادی کی تھی اور یہ شادی بہت کم عرصہ چلی دونوں کے درمیان پہلے اختلافات کی خبریں سامنے آئیں اور پھر ان کی علیحدگی کی خبریں آتی رہیں دونوں طرف سے کوئی تصدیق تو نہیں کیا جا رہی تھی لیکن اب یہ بات کنفرم ہو چکی ہے کہ اُرواحسین اور فرحان سعید کی علیحدگی ہو چکی ہے دونوں اپنے اپنے راستے چل رہے ہیں ۔

گزشتہ دنوں فرحان اور اروا حسین ایک تقریب میں دیکھے گئے حالانکہ دونوں الگ الگ اس تقریب میںآئے تھے اور ایکدوسرے سے بات چیت بھی نہیں کی تھی لیکن یہ اندازہ لگایا جا رہا تھا کہ دونوں کی ایک ہی تقریب میںموجودگی شاید اس بات کو ظاہر کررہی ہے کہ شاید دونوں نے علیحدگی کا فیصلہ بدل لیا ہے لیکن ایسا کچھ بھی نہیںتھا ۔ دونوں کے درمیان علیحدگی کی مختلف وجوہات بتائی جا رہی ہیں چونکہ دونوں نے ابھی تک اس معاملے پر کھل کر بات نہیں کی اس لئے کچھ بھی سنا سنایا کہنا مناسب نہیںہو گا ۔اِن دونوں کی فلم ” ٹچ بٹن“ ابھی ریلیز نہیں ہوئی دونوں کا یہ پراجیکٹ ریلیز کے حوالے سے تاحال تاخیر کا شکارہے۔ فلم کے بارے میں دونوں کا دعوی تو یہی تھا کہ یہ فلم باقی فلموں سے ہٹ کر ہو گی