Tag: ٹک ٹاک

سوشل میڈیا ایپ ’ٹک ٹاک‘ نے بچوں کی آن لائن پرائیویسی سے متعلق امریکی قوانین کی مبینہ خلاف ورزی کے مقدمے میں امریکی محکمہ انصاف کے ساتھ 400 ملین ڈالر کے تصفیے پر رضامندی ظاہر کردی ہے۔

امریکی میڈیا کے مطابق معاہدے کے تحت ٹک ٹاک فوری طور پر 300 ملین ڈالر ادا کرے گا جبکہ مزید 100 ملین ڈالر اس وقت ادا کیے جائیں گے جب ٹک ٹاک کے سابقہ ادارے میوزکلی کے خلاف جاری ایک سابقہ عدالتی رضامندی کے حکم کو ختم کرنے سے متعلق عدالتی کارروائی مکمل ہوجائے گی،یہ کارروائی ایسے وقت میں سامنے آئی ہے جب امریکا، یورپی یونین اور برطانیہ سمیت کئی ممالک میں بچوں کے تحفظ کے حوالے سے ٹک ٹاک کے خلاف قانونی کارروائیاں تیز ہوگئی ہیں۔

ٹک ٹاک پر بچوں کا ڈیٹا والدین کی اجازت کے بغیر جمع کرنے کا الزام بھی ہے امریکی محکمہ انصاف کے مطابق ٹک ٹاک اور اس کی پیرنٹ کمپنی بائٹ ڈانس کے خلاف کارروائی بچوں کی آن لائن پرائیویسی کے تحفظ سے متعلق وفاقی قانون کی مبینہ خلاف ورزیوں پر کی گئی۔

محکمہ انصاف اور امریکی وفاقی تجارتی کمیشن نے 2024 میں مشترکہ طور پر ٹک ٹاک کے خلاف مقدمہ دائر کیا تھا، حکام نے الزام عائد کیا تھا کہ پلیٹ فارم نے لاکھوں بچوں کی ذاتی معلومات والدین کی اجازت کے بغیر جمع اور استعمال کیں اور بچوں کی آن لائن سرگرمیوں کے دوران ان کی حفاظت کو خطرے میں ڈالا۔

حکام کے مطابق ٹک ٹاک نے ایسے بچوں کو بھی پلیٹ فارم استعمال کرنے کی اجازت دی جو مقررہ عمر سے کم تھے، جبکہ ‘کڈز موڈ’ کے ذریعے بنائے گئے بعض اکاؤنٹس سے بھی ای میل پتے سمیت دیگر ذاتی معلومات جمع کیے جانے کا الزام سامنے آیا،محکمہ انصاف نے اس تصفیے کو بچوں کی آن لائن پرائیویسی کے تحفظ سے متعلق قانون، چلڈرنز آن لائن پرائیویسی پروٹیکشن ایکٹ، کے تحت حاصل ہونے والی سب سے بڑی مالی وصولیوں میں سے ایک قرار دیا ہے۔

اس قانون کے تحت ویب سائٹس اور آن لائن خدمات 13 سال سے کم عمر بچوں کی ذاتی معلومات والدین کی اجازت کے بغیر جمع نہیں کرسکتیں،ٹک ٹاک کے خلاف موجودہ کارروائی کا تعلق اس کے سابقہ پلیٹ فارم میوزکلی سے بھی جڑتا ہے امریکی حکام نے 2019 میں میوزکلی کے خلاف بچوں کی آن لائن پرائیویسی کے تحفظ سے متعلق قانون کی خلاف ورزی کا مقدمہ دائر کیا تھا۔

امریکی میڈیا رپورٹس کے مطابق بائٹ ڈانس نے 2017 میں میوزکلی کو خرید لیا تھا، جس کے بعد اسے ٹک ٹاک میں ضم کردیا گیا، موجودہ تصفیے میں بائٹ ڈانس کو بھی شامل کیا گیا ہے،بائٹ ڈانس کی ٹک ٹاک کے امریکی کاروبار میں 19.9 فیصد ملکیت ہے۔ ٹک ٹاک نے تصفیے کے اعلان پر فوری طور پر تبصرے کی درخواست کا جواب نہیں دیا۔

امریکا میں ہونے والا یہ تصفیہ ایسے وقت میں سامنے آیا ہے جب مختلف ممالک میں بچوں کی پرائیویسی اور آن لائن تحفظ کے معاملے پر سماجی رابطوں کے پلیٹ فارمز کے خلاف نگرانی اور قانونی کارروائی میں اضافہ ہورہا ہے یورپی یونین نے 2024 میں ڈیجیٹل سروسز ایکٹ کے تحت ٹک ٹاک کے خلاف تحقیقات شروع کی تھیں جولائی میں یورپی یونین نے ابتدائی طور پر الزام عائد کیا کہ ٹک ٹاک کی اکاؤنٹ سیٹنگز بچوں کو سائبر بُلنگ اور شکاری رویوں سمیت مختلف آن لائن خطرات سے مناسب تحفظ فراہم نہیں کرتیں۔

یورپی حکام کے مطابق نابالغ صارفین کے اکاؤنٹس اور ان کے مواد کی رسائی محدود ہونی چاہیے اور بچوں کے لیے مضبوط ترین حفاظتی نظام بطور ڈیفالٹ فعال ہونا چاہیے، نہ کہ اسے صارف کی مرضی پر چھوڑ دیا جائے جبکہ برطانیہ کے مواصلاتی نگران ادارے آف کام نے بھی جولائی میں ٹک ٹاک کے خلاف تحقیقات شروع کیں تحقیقات میں یہ جائزہ لیا جارہا ہے کہ آیا ٹک ٹاک برطانوی قانون کے تحت بچوں کو نقصان دہ مواد سے محفوظ رکھنے کے لیے مطلوبہ اقدامات کررہا ہے یا نہیں۔

شارٹ ویڈیو پلیٹ فارم ٹک ٹاک نے امریکا کے لیے نئی ایپلی کیشن تیار کرنے سے متعلق رپورٹس کو مسترد کرتے ہوئے کہا ہے کہ ایسی کوئی ایپ بنانے کا منصوبہ زیر غور نہیں، میڈیا رپورٹس غلط اور گمراہ کن ہیں۔

خبر رساں ادارے رائٹرز نے گزشتہ ہفتے دعویٰ کیا تھا کہ ٹک ٹاک امریکا کے ممکنہ پابندی کے پیش نظر وہاں کے صارفین کے لیے ایک متبادل ایپلی کیشن تیار کر رہا ہے، تاکہ اگر اصل ایپ پر پابندی عائد ہو جائے تو نئی ایپ استعمال کی جا سکے۔رائٹرز کی رپورٹ میں نام ظاہر نہ کرنے والے ذرائع کے حوالے سے دعویٰ کیا گیا تھا کہ ٹک ٹاک ایک خفیہ ٹیکنیکل منصوبے پر کام کر رہا ہے، جسے اندرون خانہ "ایم 2” (M2) کا نام دیا گیا ہے، اور یہ منصوبہ مکمل طور پر امریکی مارکیٹ کے لیے مخصوص ہے۔

تاہم ٹک ٹاک نے ان دعوؤں کو بے بنیاد قرار دیتے ہوئے ایک مختصر بیان میں کہا ہے کہ نئی ایپ بنانے کی خبر حقائق کے منافی ہے، اور یہ رپورٹ غیر مصدقہ، گمنام ذرائع پر مبنی ہے۔

واضح رہے کہ امریکا میں ٹک ٹاک کو سیکیورٹی خدشات کے باعث کئی ریاستی سطح پر پابندیوں اور وفاقی اقدامات کا سامنا ہے، اور اس حوالے سے کمپنی کا مؤقف ہے کہ وہ صارفین کی پرائیویسی اور قانون کی مکمل پاسداری کو یقینی بناتی ہے۔

اسحاق ڈار امریکا روانہ، سلامتی کونسل اجلاس کی صدارت کریں گے

اسحاق ڈار امریکا روانہ، سلامتی کونسل اجلاس کی صدارت کریں گے

پنجاب پولیس میں مینیول ڈاک سسٹم ختم، آن لائن رابطہ کاری شروع

بھارت کی ایک اور ضد،ایشیا کپ 2025 کے بائیکاٹ کی دھمکی دے دی

امریکی صدر ڈونلڈ ٹرمپ نے اعلان کیا ہے کہ وہ ٹک ٹاک پر پابندی کے فیصلے کو مزید 75 دن کے لیے مؤخر کر رہے ہیں۔

امریکی صدر ٹرمپ کا اپنی پوسٹ میں کہنا تھا کہ ’”میری انتظامیہ ٹک ٹاک کو بچانے کے لیے ایک معاہدے پر بہت محنت کر رہی ہے، اور ہم نے زبردست پیش رفت کی ہے۔” انہوں نے کہا ہے کہ وہ ایک ایگزیکٹو آرڈر پر دستخط کر رہے ہیں جو ایپ کو اس مدت کے دوران امریکا میں کام کرنے کی اجازت دے گا۔”اس معاہدے کے لیے مزید کام کی ضرورت ہے تاکہ تمام ضروری منظوریوں پر دستخط ہو سکیں۔”

یاد رہے کہ ٹک ٹاک کی چینی کمپنی ByteDance کو امریکہ میں پابندی سے بچنے کے لیے 5 اپریل تک کی مہلت دی گئی تھی تاکہ وہ ایپ میں اپنی ملکیت کسی غیر چینی خریدار کو منتقل کردے۔یہ ڈیڈ لائن صدر ڈونلڈ ٹرمپ نے پہلے جنوری میں دی گئی کانگریس کی ڈیڈ لائن میں توسیع کرتے ہوئے مقرر کی تھی۔ ٹک ٹاک کو جنوری 2024 کے وسط میں کچھ وقت کے لیے امریکہ میں عارضی طور پر بند کر دیا گیا تھا۔ اس کی وجہ وہ نیا امریکی قانون تھا جو اس سال منظور ہوا، اور جس کا مقصد چین کی جانب سے ممکنہ نگرانی (spying) اور پروپیگنڈا پھیلانے کے خدشات کو روکنا تھا۔

ڈونلڈ ٹرمپ نے اپنی پہلی صدارت کے دوران TikTok پر کڑی تنقید کی تھی اور اسے امریکہ میں بند کرنے کی کوشش کی تھی۔ ان کے مطابق، TikTok اور اس کی چینی ملکیت سے امریکہ کے قومی سلامتی کے لیے خطرات تھے، خاص طور پر صارفین کے ذاتی ڈیٹا کے حوالے سے۔تاہم نومبر میں وائٹ ہاؤس میں واپسی کے بعد، ٹرمپ نے اپنے موقف میں تبدیلی لائی ہے TikTok ویلکم کہا،، اس تبدیلی کی ایک بڑی وجہ یہ ہے کہ ٹرمپ نے نوجوان ووٹرز کی حمایت حاصل کی، جو بڑی تعداد میں TikTok کا استعمال کرتے ہیں۔

امریکی صدر کا رقم کے عوض’گولڈ کارڈ’ ویزا متعارف

رواں مالی سال کے پہلے 6 ماہ ،قرضوں کے حجم میں مزید اضافہ

ریڈ بک کے انتہائی مطلوب ملزم انسانی اسمگلر سمیت 3 ایجنٹس گرفتار

ملتان سلطانزنے پی ایس ایل 10 کی تیاری کے لیے کیمپ لگا لیا

امریکی ٹیرف،عالمی منڈی میں خام تیل کی قیمتیں گر گئیں