Baaghi TV

Tag: ٹینس ٹورنامنٹ

  • برطانیہ کے اینڈی مرے نے سنسناٹی ماسٹرز ٹینس ٹورنامنٹ میں پہلا میچ جیت لیا

    برطانیہ کے اینڈی مرے نے سنسناٹی ماسٹرز ٹینس ٹورنامنٹ میں پہلا میچ جیت لیا

    نیویارک:برطانیہ کے اینڈی مرے نے سنسناٹی ماسٹرز ٹینس ٹورنامنٹ میں پہلا میچ جیت لیا۔ انھوں نے سوئٹزرلینڈ کے اسٹین واورنکا کو شکست دی۔

    امریکا میں سنسناٹی ماسٹرز ٹینس ٹورنامنٹ میں برطانیہ کے اینڈی مرے اور سوئٹزرلینڈ کے اسٹین واورنکا میں سخت مقابلہ ہوا۔اینڈی مرے نے پہلا سیٹ ٹائی بریکر پرسات چھ سے جیتا تاہم ان کو دوسرے سیٹ میں شکست ہوئی۔فیصلہ کن سیٹ میں اینڈی مرے نے سات پانچ سے میدان مار کر اگلے مرحلے میں جگہ بنائی۔

     

    ویمنز سنگلز میں امریکا کی سلون اسٹیفنز نے فرانس کیAlizé Cornet کو ہرادیا۔ سلون اسٹیفنز نے باآسانی چھ ایک اور چھ صفر سے میچ جیتا۔ایک اور میچ میں جمہوریہ چیک کی پیٹرا کیوی ٹوا نے سنسنی خیز مقابلے کے بعد سوئٹزرلینڈ کیJil Teichmann کو ہرا کر ایونٹ سے باہرکردیا۔

     

    یاد رہے کہ اس سے پہلے یورپ ، امریکہ اور دیگرملکوں میں اس ٹورنا منٹ کی بہت زیادہ ایڈورٹائزنگ کی گئی ، یہ بھی کہا گیا کہ کینیڈین اوپن کے بعد، ایک اور اے ٹی پی ماسٹرز 1000 ٹورنامنٹ سنسناٹی ماسٹرز اس ہفتے کے آخر میں شروع ہونے والا ہے۔ سنسناٹی میں ہونے والا یہ ٹورنامنٹ آنے والے یو ایس اوپن گرینڈ سلیم ایونٹ کے آخری بڑے تیاری کے ٹورنامنٹ کے طور پر کام کرتا ہے اور رافیل نڈال، ڈینیئل میدویدیف، سٹیفانوس سیٹسیپاس اور آندرے روبلیو جیسے ٹاپ کھلاڑی اس ٹورنامنٹ میں ایکشن میں ہوں گے۔ یہ 15 اگست 2022 کو شروع ہوچکاہے اور اس کا فائنل 21 اگست کو کھیلا جائے گا

     

  • کورونا ویکسین لگوانے سے انکار،نوواک جوکووچ دبئی ٹینس ٹورنامنٹ کھیلیں گے؟

    کورونا ویکسین لگوانے سے انکار،نوواک جوکووچ دبئی ٹینس ٹورنامنٹ کھیلیں گے؟

    آسٹریلین اوپن میں ویکسین نہ لگوانے پر باہر ہوجانے والے عالمی نمبر ون سربین ٹینس اسٹار نوواک جوکووچ اب اے ٹی پی دبئی ٹینس ٹورنامنٹ کھیلیں گے۔

    باغی ٹی وی : تفصیلات کے مطابق ٹینس کو کور کرنے والے صحافیوں نے 21 سے 26 فروری تک دبئی میں ہونے والے ٹورنامنٹ میں کھلاڑوں کی ایک لیکڈ فہرست سوشل میڈیا پر شیئر کی ہے جس میں جوکووچ کا نام بھی شامل ہے جس سے یہ اندازہ لگایا جا رہا ہے کہ وہ آئندہ ماہ دبئی میں ہونے والے ٹینس ٹورنامنٹ کا حصہ ہوں گے۔

    نوواک جوکووچ کی ویزا بحال کرنے کی اپیل مسترد،عدالت کا ٹینس اسٹار کو ڈی پورٹ کرنے کا حکم

    یاد رہے آسٹریلین حکومت نے ویکسین نہ لگوانے کی وجہ سے نوواک جوکووچ کا ویزا منسوخ کیا تھا، اور اب فرانس نے بھی یہی شرط عائد کر دی ہے فرانس میں فرنچ اوپن کا انعقاد 22 مئی سے 5 جون کو ہونا ہے، اور ان کی حکومت نے بھی واضح کر دیا ہے کہ ویکسین کے بغیر کسی کو کھیلنے کی اجازت نہیں دی جائے گی۔

    یاد رہے 9 بار آسٹریلین اوپن چیمپئن شپ جیتنے والے نواک جوکووچ کا ویزا 6 جنوری کو منسوخ کیا گیا تھا، جس کے خلاف بعد انہوں نے اپیل دائر کی تھی۔ اس سے قبل انہوں نے ویزا منسوخی کے خلاف عدالت میں مقدمہ جیتا تھا تاہم امیگریشن وزیر کے مطابق ویزا منسوخ کرنا عوامی مفاد میں تھا۔

    آسٹریلیا نےعالمی ٹینس پلیئر نوواک جوکووچ کا ویزا منسوخ کردیا گیا،ملک بدر کرنے کی…

    ویزا منسوخی پر آسٹریلین وزیر صحت گریک ہنٹ کا کہنا تھا کہ ویزا منسوخ ہونے پر ملک چھوڑنا ہو گا۔ سربین ٹینس اسٹار، آسٹریلین اوپن میں شرکت کے لئے میلبرن پہنچے تو ائیر پورٹ حکام نے انہیں ویکسین سے استثنیٰ اور غلط ویزا کی بنیاد پر داخلے سے روک دیا تھا فیصلے آنے کے بعد نواک جوکووچ نے کہا تھا کہ ویزا منسوخی فیصلے سے بے حد مایوسی ہوئی ہے تاہم عدالت کے فیصلے کا احترام کرتا ہوں اور روانگی کے سلسلے میں تعاون کروں گا امید ہے کہ ٹینس اور آسٹریلین اوپن میں واپس آؤں گا۔

    کوروناویکسین نہ لگوانےوالےعالمی ٹینس سٹار ویکسین کمپنی کے مالک نکلے

    دوسری جانب کورونا ویکسین نہ لگوانے کی وجہ سے آسٹریلیا سے ڈی پورٹ ہونےوالے ٹینس اسٹار نواک جوکووچ ویکسین کمپنی کے مالک بھی ہیں ٹینس اسٹار ڈینش بائیو ٹیک فرم کے 80 فیصد شیئرز کے مالک ہیں ڈینش بائیو ٹیک فرم کورونا وائرس سے بچاؤ کی میڈیکل ٹریٹمنٹ پر کام کررہی ہے، نوواک جوکووچ نے یہ سرمایہ کاری جون 2020 میں کی تھی۔

    آئی سی سی نے او ڈی آئی ٹیم آف دی ائیر کا اعلان کردیا،پاکستان کے کونسے کھلاڑی شامل