پاکستان اور بنگلادیش کے درمیان کھیلی جانے والی 3 ٹی ٹوئنٹی میچز پر مشتمل سیریز کی ٹرافی کی رونمائی قذافی اسٹیڈیم لاہور میں کر دی گئی۔
باغی ٹی وی کے مطابق ٹرافی کی رونمائی قومی ٹیم کے کپتان سلمان علی آغا اور بنگلادیشی ٹیم کے کپتان لٹن داس نے مشترکہ طور پر کی۔تقریب کے دوران دونوں کپتانوں نے قذافی اسٹیڈیم کی چھت اور میدان میں ٹرافی کے ہمراہ تصاویر بھی بنوائیں۔ سیریز کا پہلا میچ آج 28 مئی کو رات 8 بجے قذافی اسٹیڈیم میں کھیلا جائے گا، جبکہ باقی دونوں میچز بھی اسی مقام پر ہوں گے۔
پریس کانفرنس کے دوران پاکستانی ٹی ٹوئنٹی ٹیم کے کپتان سلمان علی آغا نے کہا کہ ہارنے کا خوف ذہن سے نکال کر ماڈرن کرکٹ کھیلنا ہماری ترجیح ہوگی۔ انہوں نے کہا کہ بنگلادیش سمیت کوئی بھی انٹرنیشنل ٹیم آسان نہیں ہوتی، اور لاہور کی کنڈیشنز کو دیکھتے ہوئے ایک اضافی فاسٹ بولر ٹیم میں شامل کیا گیا ہے۔
سلمان علی آغا نے کہا کہ شاہین، بابر اور رضوان نے ہمیشہ پاکستان کی جیت میں اہم کردار ادا کیا۔ٹی 20 میں کئی نئے لڑکوں کو آزمایا جا رہا ہے تاکہ ورلڈ کپ سے پہلے بیک اپ تیار ہو۔اسپنر سفیان مقیم کو ذاتی طور پر پسند کرتا ہوں، جلد موقع ملے گا۔ٹیم سلیکشن میں کپتان، ہیڈ کوچ اور سلیکٹرز مشاورت سے فیصلے کرتے ہیں۔ڈی آر ایس کی عدم موجودگی میں امپائرز کے فیصلے پر انحصار کرنا ہوگا۔
بنگلہ دیشی کپتان لٹن داس نے کہا کہ وہ پاکستان کو ایک مضبوط ٹیم سمجھتے ہیں لیکن ان کی ٹیم بھی کسی کو بھی ہرانے کی صلاحیت رکھتی ہے۔ ان کا کہنا تھا کہ گزشتہ میچز میں غلطیوں سے سیکھا ہے، اس بار بہتر کارکردگی کا ارادہ ہے۔پاکستان کے خلاف کھیلتے ہوئے اپنی کرکٹ پر فوکس رکھیں گے، نہ کہ حریف پر۔لاہور کی کنڈیشنز سے ہم واقف ہیں، خاص طور پر پی ایس ایل کے ذریعے، اور یہاں بڑا اسکور بنتا ہے۔اپنی ٹیم کے کچھ سینئر بولرز کو ضرور مس کریں گے، لیکن نئی ٹیم بھی اچھی صلاحیت رکھتی ہے۔
واضح رہے کہ سیریز کا آغاز آج رات قذافی اسٹیڈیم لاہور میں ہو رہا ہے، جہاں شائقین کو ایک دلچسپ اور سنسنی خیز مقابلے کی امید ہے۔
یومِ تکبیر پر مسلح افواج اور سروسز چیفس کی قوم کو مبارکباد
نواز شریف کی زیر نگرانی بنیان المرصوص ہوا، پی ٹی آئی ڈرامہ کہتی رہی،عظمیٰ بخاری
ٹرمپ انتظامیہ کا ہارورڈ یونیورسٹی سے تمام معاہدے منسوخ کرنے کا فیصلہ
اسلام آباد اور کراچی میں پولیس اہلکاروں پر فائرنگ، دو شہید، ایک زخمی
ادب کا روشن چراغ، آل پاکستان رائیٹرز ویلفیئر ایسوسی ایشن (اپووا)
