کرکٹ کے مختصر فارمیٹ ٹی ٹوئنٹی ورلڈ کپ کو مزید وسعت دینے کی تجویز سامنے آگئی ہے، جس کے تحت آئندہ ٹورنامنٹس میں 32 ٹیموں کو شامل کرنے پر غور کیا جا رہا ہے۔
میڈیا رپورٹس کے مطابق انٹرنیشنل کرکٹ کونسل (آئی سی سی) نے فارمیٹس اور بڑے ٹورنامنٹس کے جائزے کے لیے 6 رکنی ورکنگ گروپ تشکیل دیا ہے، جس کی سربراہی نیوزی لینڈ کرکٹ کے چیف ایگزیکٹو راجر ٹوز کر رہے ہیں۔ورکنگ گروپ میں بھارت، انگلینڈ اور آسٹریلیا کے کرکٹ بورڈز کے سربراہان بھی شامل ہیں۔ گروپ کا مقصد ٹی ٹوئنٹی کرکٹ کو عالمی سطح پر مزید مقبول بنانا اور نئے ممالک کو مواقع فراہم کرنا ہے۔
رپورٹس کے مطابق 2026ء میں ہونے والے اگلے ٹی ٹوئنٹی ورلڈ کپ میں بدستور 20 ٹیمیں ہی شرکت کریں گی، تاہم مستقبل میں ٹیموں کی تعداد بڑھا کر 32 کرنے کی تجویز زیر غور ہے۔اس کے علاوہ یو ایس اے کرکٹ کی معطلی سے متعلق بھی اہم پیش رفت ہوئی ہے۔ ذرائع کے مطابق یو ایس اے کرکٹ کو انتظامی مسائل کے حل کے لیے مزید 3 ماہ کا وقت دیے جانے کا امکان ہے، جس کے بعد ان کی رکنیت سے متعلق حتمی فیصلہ کیا جائے گا۔
یاد رہے کہ پاکستان ٹی ٹوئنٹی ورلڈ کپ 2026ء کے لیے پہلے ہی براہِ راست کوالیفائی کر چکا ہے۔
ایران کی صرف ایک جوہری تنصیب کو نقصان کی خبروں پر ٹرمپ کا ردعمل
خیبرپختونخوا سینیٹ الیکشن: حکومت و اپوزیشن کا مشترکہ الیکشن کا فیصلہ
لاس اینجلس میں کلب کے باہر گاڑی ہجوم پر چڑھ گئی، 30 افراد زخمی